古琴雅苑 (太子集團中心)

營業中

休息中

☑️ 古琴酒糟烤北京填鴨（半）-$199原味是$195，酒糟烤只貴$4，所以試下，但食吾出酒香的，同普通嘅冇咩分別。上片皮鴨前會有一口酥，點砂糖食，雖油膩但入口即溶，好邪惡但好食。捲餅皮大約有10塊，厚薄適中，吾會一拎起就爛，亦不會過厚，每一塊皮中間都有點心紙隔住，令到d皮吾會痴埋一齊。另外喜歡這店嘅配料多，除左傳統嘅京蔥、青瓜同甜醬，仲有哈蜜瓜同杏脯醬，食落會清新好多，吾夠仲可以refill。鴨嘅質素都吾錯，份量吾少，有約15塊，鴨皮真係幾脆，鴨肉都吾會有膻味。🆗上海雲吞湯 - $75雲吞皮薄，餡料都好食，豬肉以外有椰菜及木耳增加口感，但雲吞只有6隻，湯內除蛋花外沒有其他配料，性價比較低。

呢間上海菜餐館好耐之前食過今日同朋友慶祝想食上海菜再次光臨預早打電話book 講明個半鐘交枱去到唔洗等位即刻入座⁡一坐低冇問客人要唔要小菜自動上枱但最後埋單原來要收錢2人餐$612（未計加一加菜價再加小菜錢）1·雞絲粉皮&水晶肉2·津白雲吞湯3·北京填鴨（半隻）4·四季豆5·上海粗炒麵6·杞子桂花糕⁡雞絲粉皮&水晶肉幾好食夠醬料粉皮都幾滑溜 水晶肉都淋身但有咬口⁡津白雲吞湯用燉盅上好夠熱湯底好夠入味唔似味精湯入面仲有隻足料雲吞及豆腐 幾好味道⁡北京填鴨好多人推介個鴨質量幾好 已經即時食但啲皮唔夠熱好快涷硬 同埋啲皮唔算薄鴨肉片偏細塊 食落個皮太厚遮晒味道要咬多好幾下先食到鴨片 最後索性夾幾片⁡四季豆正常發揮 同屋企或其他酒樓都差唔多冇乜野評價 都幾大碟⁡上海粗炒同杞子桂花糕最唔掂粗炒雖然大碟但好油味道有啲太鹹 同茶記/熟食街市差唔多杞子桂花糕又冇杞子又冇桂花味只感覺食到一舊甜嘅糕點⁡另外店員雖然一早講咗8點交枱但碟粗炒及杞子桂花糕7:50先上枱態度麻麻 途中催咗3次⁡

一直都很喜愛食北京填鴨，便來到這間店試一試，而生日在open rice 訂座確認更會有腰果露同壽包贈送；叫了半隻北京填鴨、醉雞、酸辣湯、小籠包、葱爆牛肉及瑤柱蛋白炒飯。北京填鴨既皮好香脆、廚房師傅片既皮唔會太簿身，每塊皮都會有鴨肉，鐘意食啖啖肉既人，會鐘意呢種片的方式，而呢度既鴨肉都幾好食，連鴨食既配菜有葱、青瓜、哈密瓜、砂糖、甜酸醬，好依個人喜好而配搭；醉雞既酒味都較濃，都不錯；酸辣湯方面酸和辣都調得很好，很適合我的口味，而且湯料也十分多；小籠包就普通，包皮過厚，包身內既餡料亦只是一般；瑤柱蛋白炒飯就略嫌飯炒得唔夠趕身。最後送既腰果露就一般，無咩腰果味之餘，太甜了。而店員服務都很好，會主動加水，落單，收拾桌上的東西。

很有中華文化氣息的店名「古琴雅苑」，非常優雅！不過，店舖面積比想像中細，每枱之間的距離很窄，而且用餐時間只有90分鐘，非常趕急。人齊坐下，便很快上菜😌 將蛋糕放進雪櫃時，職員表示雪櫃快沒有位置，原來很多人也帶了蛋糕來慶生。生日慶祝，鮑魚海鮮餐（六人餐）茗茶方面有很多選擇，包括普洱茶、玫瑰茶、荔枝茶、桂花烏龍茶，最後選擇了桂花烏龍茶，桂花味和烏龍茶味濃郁，一飲便愛上😅❇️冰鎮孔雀鮑魚❇️花雕醉雞❇️松花皮蛋拌豆腐❇️香菜鮮魚羹❇️烤北京填鴨（全隻）🌀味道👍還有配菜（可以任添）：青瓜、哈密瓜、京蔥、黃梅牆，還有另上的烤鴨皮，鴨皮酥脆又香👍❇️風味松子魚❇️京醬大蝦🌀味道甜甜鹹鹹的，大蝦非常有嚼勁👍本人最喜愛❇️東坡肘子（豬手）🌀非常腍，可惜有少少臊味，較失望。❇️乾煸四季豆🌀惹味，正👍❇️古琴鹹肉菜炒飯❇️杞子桂花糕

今次第一次嚟呢到食醉雞 ⭐⭐⭐⭐ 味道很不錯，係比較細碟小籠包 ⭐⭐⭐⭐夠多汁，D汁熱D更好片皮鴨 ⭐⭐⭐⭐餅皮同餅皮之間有張紙隔住，咁樣就唔會痴埋一舊高力豆沙香蕉 ⭐⭐⭐⭐⭐非常好食嘅甜品，甜而不漏腰果露 ⭐⭐⭐⭐如果熱D會比較好食而且職員整體態度也很好

成班朋友聚會就岩晒！咩都可以食啲！同埋佢有圓台🫰🏻咁就好方便傾計😆👉🏻小食拼盤啱晒心大心細嘅我哋😂雖然冇咩特別，都係預期中嘅味道，不過值得一讚嘅係份量都幾充足😂食極都仲有😂👉🏻黑醋骨，酸酸美味咁幾開胃，不過咁啱每一嚿都係骨多過骨🥹啱晒老人家妹妹下😂👉🏻農家雞，比想像中嚟得野味✨都好有鑊氣同埋好濃味！啲雞又保持到滑身！正！👉🏻小籠包，個皮唔算太厚，但係都唔會話好易夾穿，穿一啖飲晒啲肉汁再加啲醋，無得頂👉🏻一隻片皮鴨✨都唔會話有好多肥肉，肉質都唔會話好韌，所以唔會太膩，加上佢有好多調味品，可以根據返個人嘅愛惡配搭。👉🏻松子魚，炸到啱啱好，外脆內軟，不過唔知係咪咁啱，食着嗰幾舊都係炸粉多過魚😂同埋個職員一上台即刻將條魚四分五裂，都未睇清楚條魚個樣😂👉🏻高力豆沙，拎出嚟嘅時候已經唔熱…所以未到已經扣咗一半分，外皮炸得略嫌有少少過硬身，味道雖然正常，但係呢個甜品有待改進。🤧題外話，職員在上菜嘅時候倒瀉咗杯水，竟然用片皮鴨蒸皮果張蒸紙嘗試去抹乾張枱😂當然係抹唔乾啦，之後亦都冇打算用毛巾抹返乾由佢放喺度…服務有待改進啦😂😂😂

約埋幾個朋友一齊食飯，諗唔到食咩不如一齊黎呢度食片皮鴨，餐廳面積唔係好大，唔知係米一早Book左位，餐廳留左張睇到海景既卡位俾我地❤ 當晚Weekend比較繁忙但侍應都好好禮貌，上碟又會特登提醒碟熱👍 講返食物，片皮鴨上碟熱辣辣！皮脆肉嫩！一d都唔覺得油膩，配料醬汁都好充足，唔會話包幾舊就無哂 同場加映當然唔少得小籠包，皮唔算太厚又唔算太薄，勝在多汁。 整體黎講地店方便，食物唔錯，份量ok, 幾個人傾下計，細聲講大聲笑都唔怕吵到人想食中菜又諗唔到去邊？可以一試👍👍👍👍👍

一直以來都想嘗嘗古琴雅苑的片皮鴨，今次約了小夥伴們一嘗心願訂座了所以直接入座，今次我們人多，點了8人套餐，可以試不同款式。率先試的是水晶肴肉，冰涼又有口感的肴肉永遠都是極佳的前菜。️涼拌青瓜海蜇，海蜇爽口彈牙，青瓜配醋香是夏日必吃。涼拌松花豆腐皮蛋，賣相不錯，味道偏淡，不算有特式，不過前菜來說是還可以的。推介指數：⭐️⭐️⭐️⭐作為醉雞的愛好者，絕對要試一試這裡的醉雞。酒香肉嫩，不過雞略咸，淺嚐幾塊還可以的，多吃就需要配飯了呢推介指數：⭐️⭐️⭐️⭐️主打菜全隻北京填鴨，切法比較細片而不像普通中式茶樓切成大大片的。值得一讚皮酥脆，咬下去時油脂在口腔內融化開。8人餐有整隻鴨，值包裹的皮數量略少，所以每一次包裹時幾乎可以包2-3片鴨，其他配料正常，這裡不能放太多相，所以就不放出來了。推介指數：⭐️⭐️⭐️⭐️⭐️津白雲吞湯，湯底味道清甜，感覺沒有味精，還有一點住家菜的味道。不特別但簡單一碗也不錯推介指數： ⭐️⭐️⭐️風味松子魚，喜歡咕嚕肉的朋友必定喜歡松子魚，酸甜醬配上炸脆了的魚好吃推介指數：⭐️⭐️⭐️⭐️⭐️東坡肘子，醬汁味道濃郁，肉質入口即化，店員會細心為我們切開。推介指數： ⭐️⭐️⭐️⭐️蒜子干貝時蔬，用上湯煮的干貝菜心超好吃

當晚買左生日蛋糕同朋友慶生我地未叫餐廳上蛋糕忽然就有服務員攞左黎比我地唔緊要 當係驚喜啦點知佢係成袋比番我地😂我地以為佢會點埋蠟燭上比我地或者會拆盒放碟送黎 黎到先點蠟燭我地要自己拆盒 跟住比火機我地自己點😥有啲失望 未試過係咁😕

🔖OpenRice最優秀京川滬菜館開飯熱店🏅食完餐飯好似又無話覺得邊樣野係覺得好好好出色🤔當然食物ok，但佢拎哂獎既話就比我想像中無咁出色。其實我主要係想食片皮鴨😆🍽北京填鴨 $195半隻 $388全隻呢到既北京填鴨有兩款，一隻就梗係經典既濃香片皮鴨，另一款係帶有酒香味。多人就可以叫哂兩款試下，始終都係原味係最好食。呢到既餅皮有蒸籠保溫，半隻鴨就一籠皮，唔夠餅皮食就要另外叫。除左片皮鴨，另外會有一小碟既鴨胸皮，細細塊薄薄的，加上砂糖一齊食，香脆可口同油脂滿滿。配料方面呢到比較特別d既係有哈密瓜。個片皮鴨正正常常，未去到覺得一食難忘。值得一讚既係每塊既大小切得都差唔多，厚薄適中。Btw記得佢個脆膳⋯一上碟以為係食剩既⋯賣相差⋯相都無映，不過上網唔難搵到😀有真相。但同時味道係一般，overcook左…

兩個字，難食。之前睇過一D介紹片皮鴨的食評其中有呢間未食過，就同家人來食生日飯。家人在開飯網預約，送了烤夫，叫左一個二人套餐A$6xx，因有三人用餐加左一客湯，另加左一客松子桂花魚。上菜好快，最先試左片皮鴨，已經完全失望。麵皮質地ＯＫ但係上菜時一食已經是完全凍，不是微溫是完全凍。鴨肉亦唔新鮮直接食到一塊蘇味的，好離譜，以片皮鴨聞名既餐廳交咁樣貨仔？真係不如快餐店燒鴨。松子桂花魚亦都係我第一次食到難食的，條魚有腥味，食材質素有待提昇。

香港食片皮鴨嘅地方有好多，但正宗派系既就應該冇乜幾間。今次到了古琴雅苑。喺尖沙咀太子集團中心，地鐵站行過去都係幾分鐘就到位置非常方便。這裏是師係承北京正宗這家百年老店！有多款二人，四人套餐選擇，各有特色。必點主菜。即烤片皮鴨。配料用上京蔥，哈密瓜，青瓜絲等等，再加上自家製烤鴨甜醬，砂糖，酸梅漿，黑醋等多款調味料。和在北京的吃到的一樣！烤鴨啖啖肉，鴨皮烤得非常香口，皮脆肉嫩，荷葉餅厚薄適中，用了蒸紙分隔，非常細心，令食既時候唔會黐住黐住！金腿濃湯津白香濃的奶油全被津白吸收，每一口都非常多汁入味，即使將菜吃完了，還會想把那奶油汁喝完。四喜烤麩是上海食店中的一道餐前冷盤小食,自已當去上海食店時都很喜歡點這小食,食材中有烤麩.毛豆.雲耳及冬菇,更會有冬筍，這冷盤十分適合夏天進食,喜歡素食的朋友不可錯過呀!人均消費不到$300，已經可以食到北京味道，實在難得！

朋友生日，因為想食片皮鴨，再encore 古琴雅苑～本身想試灣仔分店，可惜朋友唔願過海～3個人叫左個2人餐再叫單點，份量足，主角片皮鴨亦不錯，冇失望，其他中規中矩～ 以價錢計算抵食又唔加一惟二失望，其實上次黎都覺個場好應聲，所以想轉場，但壽星唔願過海，惟有再黎尖沙咀分店，本身個場可能樓底低，d 檯又密麻麻，好應聲好嘈，朋友坐對面或者同侍應講野，個場嘈到都唔係好聽到，成個用餐體驗似去左大牌檔，食完落樓隻耳仔先得到片刻寧靜～另本身想另外單點叫小籠包同高力豆沙香蕉，叫左3次待應都話落左單催緊廚房，及後先話賣哂，我諗其實係冇落單冇跟，有個看來比較高級既同事連埋幾位同事行埋黎話唔好意思，不如送腰果糊比我地，因為落左order甘耐先話冇，不過個腰果糊又稀，勁似用水沖粉，飲左1啖就放低左～

同朋友約左食片皮鴨最後決定食呢間7點去都full full地， 但都有位可以即時入。佢本身有個set dinner 2人餐6百幾， 但朋友唔想食飯同面就無叫到 最後散叫左下面幾樣前菜1. 海蜇一般，建議食其他2.雞絲粉皮合格， 可以叫主角出場片皮鴨半隻我自己其實己經食過一次， 但今次朋友第一次黎就係咁話唔差好食， 佢話中意有青瓜同哈密瓜做配料， 夠清新爽口， 中和番個肥膩度。 另外，片皮鴨個皮都夠脆身， 唔會太乾， 厚度適中。 搭上配料岩岩好不多不少。 份量多同埋 最後兩個人都食唔哂。我地其實仲叫左個炒四季豆呢個都好食， 夠獲氣， 炒到好乾身同入味最後因為本身係openrice book 左枱， 所以會送兩位腰果露做甜品， 朋友食左又係話好食唔停口。 我就覺得ok， 唔會太重味埋單5百幾， 值得一試

這家中菜館名字已經聽久了，終於有機會與家人來試。可惜，最後全家都大失所望，覺得名不副實。食物方面 - 附送的四喜烤麩︰普通中菜館質素吧！醬汁濃郁、麵筋容易吸汁而且煮得淋身，這道算可接受。砂鍋雲吞雞湯︰雲吞皮薄，內餡有完整一隻蝦跟豬肉。蝦子爽脆度是OK的，卻沒有鮮味，猜是冰鮮貨。另外一半豬肉餡應該也沒調味，整隻雲吞吃一口「更清淡！」。雞肉"榎歰歰"，雞脾都不嫩，心想湯底會煮成濃郁鮮味。結果，一鍋湯「淡而無味」，只有一把鹽的水味一樣。蒜香元貝時蔬︰菜被煮太久嗎？很軟，不爽脆。上湯沒有元貝乾海鮮味，又是另一碗只有一把鹽跟油的水味一樣，哭笑不得唯一，「蒜」又真的香，不錯。小籠包︰豬肉餡料有很多湯汁，但偏咸沒有肉鮮味。外皮厚度適中，起碼夾起來點汁也不會破皮。意大利黑醋骨︰繼「砂鍋雲吞雞」之後，另一道哭笑不得。醬汁是很濃稠，但因怕黑醋太酸嗎？很甜，砂糖的甜膩。在又甜又咸又酸情況下，還用來煮超肥排骨。連半肥瘦也稱不上的排骨，整碟就只有油脂。我爸吃一塊之後，完全沒有人夾它。不過也沒有浪費，就所有菜已經完食，還是只有他一人默默強哽。最後唯一可以入口菜色，就是「北京填鴨」︰將配料工整排桌，豐富不隨意。鴨肉