南亭 (凱譽)

營業中

休息中

我同朋友唔係太餓但到了晚餐時間想揾個地方食少少野環境岩傾計既餐廳黎到K11 附近有好多出色既日本餐廳因為想輕食就選擇左主打串燒既南亭佢先會比前菜係好新鮮既青瓜胡蘿蔔條好fresh好開胃我同朋友口味都似大家都鐘意食差唔多食物叫左鴨舌，雞軟骨，牛舌手羽，銀杏，雞腎秋葵豬肉卷，明太子茶漬飯好鐘意佢有個半開放廚房望入去係見到好多師傅即叫即燒不過上菜都夠快 唔怕等好耐我欣賞佢串燒既調味料好夠味我本身係食得好濃味佢d串燒好惹味但又唔會覺得太油所有串燒都好出色最後甜品有芒果/荔枝味既mochi岩哂食完串燒既我地即刻感覺涼哂 冇咁熱氣係一個完美既甜品作結

跟朋友約了去食飯，起初說是食日本菜，沒想到是食串燒，這個都廷新鮮。 環境還好，走的都是簡約風。 先吃和風蕃茄沙律，前菜，爽涼多汁開胃。 之後點了不少串燒燒肉中，羊骨扒非常好食，又腍又多汁，沒有羊騷的味道，超喜歡。 燒蔬果亦是我的最愛青椒仔 - 新鮮又不會乾，吃得出它的原味冬菇、秋葵：口感比較軟，而本身會出水多汁的這2款蔬果，燒出來的味道口感都特別好。 再加上餐廳的野菜醬，將單一的味道變得更豐富，更有口感。 野菜醬手工制不添加，夠健康。邊吃串燒邊聊天，少不了一定要點清酒才完美。朋友點了枝尾瀨米水花，米味香醇，帶甜易入口，味道清爽乾脆，完美。

深夜想食少少野又唔想太heavy, 串燒就係最好選擇. 前排出tst 就選擇左附近好評唔少南亭串燒中平時幾喜歡食牛脷 . 呢度牛脷都唔錯，肉質厚身爽彈帶牛肉香而且燒得幾好，唔會乾. 上面加點點香草同調味，grilled 過更香帶子釀雞翼都唔錯，去骨中間釀有帶子，味道更豐富. 而且咬落去啖啖肉唔駛吐骨好爽. 另外欣賞佢既雞翼皮燒過，所以頗香脆，油脂係燒時候流出，所以食落唔會好油膩多春魚細長，都燒得唔錯，外層微脆. 不過味道上都係相對較欣賞牛脷同雞翼.

好姊妹相約飯聚當然要搵個好地方好好聯誼一下，之前一齊去日本旅行，最愛每晚到串燒店流連一番，今晚決定搵間串燒店懷念一下日本點滴。餐廳環境濶落，裝修精緻。每枱先奉上蔬菜條，沾上店家自家製味噌醬同吃，味道濃厚配上蔬菜條可以增加甜味。燒豆腐外皮香脆，內裏嫩滑豆味香濃，面頭加上本魚絲增加鮮味，醬汁咸香適中。雞肉大蔥串大蔥香氣四溢，雞肉鮮嫩多汁。軟骨雞肉棒免治雞肉混入雞軟骨製成，入口鮮美有咬口，配上醬汁+蛋黃同吃，更加香甜味濃，令人一試愛上。雞翼外皮燒到金黃香脆，入口juicy鮮美，肉質鮮嫩。燒飯團飯團外面燒到脆卜卜，包住脆口紫菜特別滋味，餡料揀咗鰻魚口味，鰻魚鮮味香濃，非常喜愛。價錢又不太貴，水準不錯，下次可以回頭再試試其他食物。

有時候同一大班朋友食飯，想飲下酒傾下偈，但係會唔會唔知揀咩餐廳好。呢間位於尖沙咀嘅南停就係一個唔錯嘅選擇。餐廳感覺有啲似日式嘅居酒屋 啱曬上班族放工之後一齊嚟飲酒傾計食串燒。豬頸肉串就食得多，雞頸肉就第一次食， 雞頸肉食落非常之嫩滑，中意食雞頸嘅朋友千祈唔好錯過啦。燒茄子同冬菇上面加咗啲甜甜地嘅燒汁， 笑得啱啱好熟，味道非常之可口。燒雞皮燒得非常之香口同埋脆， 令人食過返尋味。鴨舌一向係我嘅最愛，而燒鴨舌就真係第一次食，呢度嘅燒鴨舌非常之唔錯，大家都可以試下。

今日同朋友仔出來傾下計，好耐無見，約左係尖沙咀，佢話唔想食咁飽肚既粉麵飯，所以我地去左南亭，一間日式居酒屋，食下串燒。 南亭環境氣氛都唔錯，乾淨企理。牆上簡單既畫同酒品既poster，見到都想買醉。點左幾樣唔同既食物，有我最鐘意既：南蠻燒牛肉肉香味濃郁，口感軟嫩，熟度剛好，味道豐厚，每口都好有滿足感。 安格斯牛柳 ：好腍，牛味比較重，每口都多汁，滋味。 汁燒魷魚筒一直覺得好難好食既汁燒魷魚筒多，好入味，每圈圈都好有咬口，配上清酒，真係一流。邊食魷魚筒邊傾計，可以令話題說不完。牛脷 ：爽爽，好有口感，夠惹味大蔥：好香，味道亦唔會大濃烈，反而清新解膩簡簡單單，食出滋味，令人享受。

今日同朋友去尖沙咀行街，行到有啲肚餓，喺尖東附近搵咗一間日式料理，朋友果然冇介紹錯！呢度最出名食串燒，同朋友立即點左一串燒茄子，如圖中所見，茄子燒到外皮卜卜脆，裏面加咗日式燒汁，好香口好惹味。再叫多一串銀杏，其實即係白果，冇估到原來新鮮熱辣辣燒烤的白果係咁甘香～加上係炭燒，別有一番滋味。食串燒點可以冇啤酒，八點前係happy hour優惠，買一送一，梗係同朋友一人一杯！食少少串燒仲未夠飽，叫多咗一個蕎麥面，面嘅質地好滑，滲透出些少蕎麥香味，真係高質素嘅蕎麥面先有咁嘅效果。最後仲要食埋鹽燒油甘魚鮫！眾所周知油甘魚有本身的魚油，經高溫燒烤，魚油香氣更濃烈，形成炸物的效果，外脆內鮮嫩，非常好食。

星期二又是最難熬的日子辛苦一天放工要輕鬆一下下班後跟朋友到小店一聚酒精能放鬆心情又能麻醉是進入極樂世界的主大門時值傍晚六時是歡樂時光生啤通通有買一送一優惠我就不客氣地放任地柯打雞泡魚乾一直是我的最愛也就是市面上的味醂魚乾輕烤後散發出獨有的鮮香口感煙煙韌韌愈食愈滋味絕對是送啤酒的最佳良伴燒烤能帶出秋葵的清幽香獨有的口感令人愛不釋手再點燒粟米就是簡單美味小吃數碟啤酒一杯一樂也能和朋友相聚的片刻時光就是此刻無價的快樂時光

呢間串燒店黑洞都係第一次嚟食朋友仔帶路 佢之前食過一次話抵食餐廳位置好方便 喺K11附近行完尖沙咀去食晚飯perfect大蔥串燒 黑洞推介重口味嘅朋友一戰大蔥蔥香味十足 平時食串燒比較少機會食到鹽燒珍寶帶子影相可能唔覺 但實物吾算細粒而且食落無雪藏味 加分簡單用鹽調囅已經帶出鮮味 唔錯鴨舌值得一讚鴨舌完全無羶 反而咬落好爽 口感一流安格斯牛柳 牛柳肉質嫩冧 燒完牛油香味十足加埋黑椒 夠晒惹味豬肉秋葵無諗過呢個配搭又幾創新秋葵吸收左豬油香 食落無左秋葵既草青味兩者加埋一齊食比純豬肉無咁膩胃呢碟幾有驚喜整體來講食物質素唔錯 串燒燒得好靚 完全吾會過燶 加分而且尖沙咀區黎講算抵食環境舒適 啱晒同班朋友gathering

今天心情不錯，和朋友聊起想要吃串燒，就搜尋到南亭這家餐廳。廣島蠔 $45蠔充滿鮮甜的味道，口感也不錯。鹽燒形寶帶子 $69帶子的size超大，和朋友share剛剛好。口感很彈牙，鹽燒後又很香。明太子燒飯團 $28飯粒口感比較特別，有飯焦的感覺，如果明太子味道更突出就更好。稻庭烏冬 $78想吃點清淡的東西就叫了一個熱烏冬，味道也很好。秋葵 $22口感爽爽的，又可以減膩。蕃茄沙律蕃茄味道酸甜，加上點洋蔥，開胃又健康。

一直很喜歡吃串燒，來到尖沙咀找到這間南亭，就來吃一下。位置挺好，坐得好舒服，是個和朋友聊天的好地方～～～雞肉釀冬菇 $28這個串燒很有煎釀三寶的感覺，冬菇很有嚼勁，雞肉味道也不錯。雞翼 $34外皮燒得好香，啖啖肉很美味。燒牛肉 $44 牛肉口感軟腍，即使燒過都可以鎖住肉汁。車厘煙肉卷 $28車厘茄微酸帶開胃的感覺，和煙肉的鹹香配搭不錯。汁燒魷魚筒 $98賣相非常漂亮，份量也很多。魷魚口感彈牙，加上燒汁非常惹味。

今日放咗工之後我去咗尖沙咀嘅一間居酒屋度食下飯飲下酒，入到去個感覺好日式居酒屋feel，好放鬆。燒雞腎香脆可口，雞腎口感非常爽口彈牙，落少少鹽調味已經好好食。銀雪魚我本人係好鍾意食銀雪魚嘅，因為佢嘅魚味好濃，而且魚油好多，好滑。呢一度嘅銀雪魚份量好大份，佢嘅外皮已經係燒到焦香，食落去好香魚皮嗰種焦香味。另外佢嘅魚肉好嫩滑，魚油係爆出嚟，會食一啖只要輕輕一抿就已經融化係口 。佢好冇過份調味，食佢本身食材嗰種鮮味。燒牛脷其實每次食串燒，雞牛一定走唔甩。試完個雞就會試下佢嘅牛，呢一度嘅牛舌一啲都唔算好薄身嗰種， 非常之爽口彈牙，口感紮實，佢落咗胡椒同埋鹽去調味， 超級好食。happy hour buy 1 get 1 free黎到居酒屋又點可以唔飲酒呀？但係原來佢呢一度做緊優惠，八點前你買一杯啤酒就會再送多你一杯!如果可以早到嘅話就一定要嚟試下享受呢個優惠喇。

肥妹仔今晚同同事去咗尖沙咀嘅一間日式居酒屋度食飯傾偈 ，一入到去嘅裝潢好有日式嘅風味，牆上係貼滿咗好多唔同牌子嘅清酒包裝紙。肥妹仔見到咁多淨係只認識幾款，如果有機會肥妹仔都想去試一試其他唔同嘅牌子。南蠻燒牛肉呢一個牛肉串燒好好食，佢嘅牛肉好爽口，但係一啲都唔靭，味調得不錯，唔會過份鹹，主要係食佢本身牛肉嗰種肉味，外片燒到焦趣，非常香口。南蠻汁炒雜菜有時出街食飯食得多肥妹仔都會揀返啲菜嚟食，呢一個炒雜菜千祈唔好以為好清淡，其實佢都好濃味。 而且佢嘅青菜好新鮮， 炒得好爽口，好食。車厘茄煙肉捲不得了，呢一個車厘茄咬落去係爆汁，超級juicy。而佢嘅煙肉捲外表燒到微脆，包住個車厘茄一齊食， 鹹甜鹹甜，正。胡麻豆腐沙律響一個咁熱嘅天氣情況下，食一個冰冰涼涼嘅胡麻豆腐沙律，真係一大享受。佢嘅豆腐好香豆味，好滑，淋上芝麻醬，好香濃嘅芝麻味。

朋友聚會揀左係尖沙咀南亭食串燒，環境好適合我地傾計，串燒續串即叫即燒，新鮮熱辣，邊食邊傾超正！食串燒前先食餐前蔬菜，一份有椰菜，甘荀，青瓜，全部生食都新鮮爽甜，配店家既自家醬食，非常開胃。本來想食燒冬菇，點知見到有雞肉釀冬菇 ，見幾特別就試下，冬菇本身就好香好多汁，釀入左雞肉令整體口感更豐富！之後見再到有芝士釀雞翼，即時心心眼，芝士同雞翼都係我至愛！釀入左芝士既雞翼漲卜卜，入面芝士多到爆出來，雞翼嫩滑多汁，必食推介！見到芝士既野都唔想放過呀，忍唔住叫埋芝士年糕，呢度既芝士年糕炸完外面包左塊紫菜，賣相好似飯糰好可愛呀！外脆內軟糯既年糕入面係芝士爆漿，邪惡呢！

繁忙工作既一日，收工幾累都決定要同同事食餐飯互吐苦水，於是揀左係工作地方附近食日式串燒，幻想下自己去左日本都好~叫左一堆串燒，傾到盡興，埋單都唔貴，味道又好~我地一人叫左一隻大蝦，size有成隻手掌咁大~肉厚，味道新鮮，彈牙爽口~見到有帶子釀雞翼好特別，而且帶子同雞翼我地都超中意食，好期待兩樣野撞埋一齊係點呢~~~我地又好人叫左一隻食釀左帶子既雞翼脹卜卜好飽滿，外皮燒得好香，無骨食落啖啖肉中間仲有帶子真係超正~~大滿足啊~~~仲叫左多春魚同牛脷~前者燒得好香，唔會鯹，食落香口，連骨食埋都唔覺~牛脷爽口肉厚~青椒仔味道香甜，口感爽脆，好 juicy~鮮冬菇，燒過既菇真係特別香，只要少火竹鹽或燒汁已經非常美味~唔辣又香甜多汁既青椒仔