南亭 (凱譽)

營業中

休息中

今晚去咗南亭食晚餐，價錢唔算太平，不過我哋食咗啲好嘢！必食推介包括鵝肝、銀鱈魚同牛脷！平時食鵝肝多數都係煎嘅，串燒鵝肝真係第一次食！估唔到個效果幾好！燒完嘅鵝肝感覺冇咁肥膩，而且個外皮比較香脆乾身，感覺冇咁邪惡銀鱈魚比較細件，但係好味，魚肉好滑多汁，點小小醬汁已經好好食！牛脷非常厚切，成粒骰仔咁，食落口感幾好，入面好嫩最後食埋碗蕎麥麵，清清地。呢度嘅蕎麥麵比出邊食到嘅粗，不過都好滑，食埋就飽晒了！

今日和朋友往尖沙咀南亭食宵夜, 我們點了汁燒魷魚筒, 燒白鱔和燒雞皮。汁燒魷魚筒魷魚食落爽口, 新鮮彈牙, 燒汁調校得剛剛好, 醬汁味道香濃,和魷魚筒很夾, 配上檸檬汁和魷魚筒一起食, 能帶出魷魚筒的美味；燒白鱔食落肉質鮮甜味美, 魚肉好香滑, 白鱔上灑上少許鹽調味, 能帶出白鱔的鮮甜味美；最後燒雞皮賣相吸引,燒得乾身, 雞皮食落香脆惹味, 食落爽口, 佐酒一流小食。餐店座位舒適闊落, 不會坐得焗促, 而且食物即叫即整, 食物美味, 價錢合理, 適合三五知己食宵夜好去處。

月尾出糧，月頭要食好野。 今日同朋友即係約出街食飯，隨意搵左依一間日本料理餐廳。 餐廳裝潢簡潔舒服，安排了卡位，同朋友邊歎美食飲下酒，一邊傾下計，一個美好既聚會。-先黎鮮菜沙律, 沙律菜嫩綠新鮮，還有爽口青瓜、蟹籽，配上酸甜醋汁，味道清新又開胃。-叫了幾款燒物，大蝦真的有份量，size 接近手掌般的大，烤得蝦殼香脆，蝦肉嫩白爽甜，不用特別調味，原汁原味的鮮甜最正。-牛脷也不錯呀！厚切較有口感；爽口有嚼強卻不韌！ 至於廣島蠔是我最愛的，又大又肥美！賣相令人涶涎，軟嫩又鮮甜。最後點了一份雞泡魚乾，還是第一次品嚐。烤過的魚乾夠熱夠脆， 比魷魚絲更有天然的魚乾味，伴酒一流！

日本菜真的百吃不厭。 今日番工half day off , 約左媽咪去食好野🤩 見依間餐廳環境幾靚，好有日式居酒屋🏮風味，就去試下。-叫了兩款小食：枝豆高纖又健康，味道微鹹； 銀鱈魚乾份量多，片片脆口，略帶咸香，挺惹味。主菜方面：銀鱈魚🐟有一定厚度，燒得皮脆肉嫩，魚油溢出，再配上甜甜的醬汁，那份甘香在口腔回盪，風味佳！-媽媽和我都十分愛吃燒白鱔，喜歡其肉質爽彈的質感,而且啖啖肉無幼骨。 -兩母女共渡美好的一餐😆

好耐冇見舊同事，咁啱喺附近見完工，專登等埋佢收工一齊去食飯。舊同事話想試呢間南亭好耐好耐但一直冇機會，今日終於得償所願～等同事收工等到勁肚餓，一坐低即刻嗌咗稻庭烏冬。上菜非常有效率，唔洗幾耐已經有得食！好怕要等好耐嘅食店，作為吃貨耐冇嘢落肚就會頭暈身㷫，哈哈！呢個稻庭烏冬喺用日式托盤盛載，條條分明整齊擺放喺竹蓆上，伴有少量紫菜條。隔離有小碟盛載蛋加薯蓉，甚為精緻。烏冬一吮就成條入咗個口，超級彈牙爽滑，絕冇黏稠之感，好食！食到一半同事嗌嘅牛脷上枱，肥瘦分明，一串有三小塊，最後一塊特別細，唔知喺咪牛脷嘅不同位置呢？平時食圓形薄切嘅牛脷居多，唔知厚身塊狀嘅牛脷口感如何。即刻夾一塊試下，牛脷燒得爽滑多汁，有咬口唔會乾爭爭

很久沒有到居酒屋吃串燒，一直以為南亭只得港島分店，但原來早已在尖沙咀開設了九龍區的分店，而且是地舖十分方便易找。尖沙咀分店的面積好像比其他分店大一些，而燈光同樣昏暗，一貫居酒屋的風格。先來餐前蔬菜，配上醬料味道特別新鮮。銀鱈魚油份高 ，魚脂味香，肉又十分嫩滑，配沙律醬一流。燒廣島蠔令它的鮮甜味更出，但蠔比較細，而且燒得有點乾。安格斯牛柳比預期中份量大一些，沒有燒乾，肉質保持有肉汁，韌度可接受，肉味亦濃。

終於到星期五晚happy Friday，當然唔少得約班朋友去happy一下～ 為左方便所有人，所以就去TST，揀左呢度。稻亭烏冬，熱食又得，凍食又得，得咗～ 口感好彈牙。見到餐牌有銀鱈魚乾，正呀！！ 我至愛！！ 整得好香口，燒得有少少焦香，香脆香韌有咬口，好好味！！ 銀鱈魚乾雞個價錢仲要ok抵！！銀鱈魚，魚身外面就煎得香脆，入面肉質又夠嫩滑，配埋佢既自家制嘅汁，好惹味。芝士年糕，好QQ，I love QQ彈牙質感。

尖沙咀行完街，周圍食到悶，見的「南亭」，因為想食串燒，所以入去食。餐牌好多款式，樣樣都想食，價錢合理。多春魚：煎得啱啱好，唔儂，但好香口，外脆，肉質內軟。三文魚煙肉卷：最鍾意呢個，very nice，好味。胡麻豆腐沙律：好大份呀，非常足料，蔬菜新鮮爽口，健康fresh fresh之選。雞肉大蔥：又一款好味，yummy yummy。秋葵豬肉卷：秋葵，正呀，有益健康。食物高質素，價錢合理，服務又好，非常滿意嘅一餐。

又係一月一度，同老公撐枱腳既時候，近來突然想食串燒，朋友介紹呢間話燒得有水準，就同老公黎試下啦～日式裝修好雅致，幾有特色。餐牌露荀豬肉卷-燒豬肉配上露荀，熱烘烘的，爽甜。燒白鱔-燒得外面香脆，內裡還有很軟淋多汁，必食。雞皮蝦大葉卷-好特別，雞皮包著蝦，雞皮簡直是脆，但完全不油，好功夫。羊扒，安格斯牛柳都夠香又淋。芝士釀雞翼-喜歡芝士味的朋友要試，芝士釀入雞翼，一起入口，味覺享受。黑豚大蔥卷，豚肉燒得很香，一點也不油膩。牛肉烏冬-熱騰騰的，暖一下胃，牛肉煮得剛好熟總括來說，水準十分高，必再來。

今晚朋友介紹既呢間日式串燒店，係係尖沙咀棉登徑凱譽地下，由地鐵站行去都係大概十分鐘路程。成間餐廳個佈局同裝修都好有日本居酒屋feel，呢度係以木色做主調，環境乾淨又舒服。餐廳主打既係日式串燒，但係都仲要其他日式小食、一品料理同麵食等等...除左食物種類選擇多之外，呢度仲有好多日本酒tim。喜歡飲日本酒既朋友就一定要試下啦。純米大吟釀$420呢支大吟釀重花果香味，口感清爽順滑，又容易入口牛脷$44呢個牛脷厚度arm arm好，好有口感，夠爽口又有嚼口帶子釀雞翼$68雞翼外面香脆惹味，入面釀既帶子又夠juicy新鮮鹽燒珍寶帶子$69帶子爽口彈牙，簡單鹽燒已經夠惹味翠玉瓜$23呢個就比較普通，不過食材係食得出新鮮爽口

今日同朋友去搵食 叫感好多野食😚串燒：海蝦、南蠻燒牛肉、鴨胸大蔥串、燒白鱔、茄子、墨魚丸再配上啤酒海蝦份量挺足，燒的時候保留較多水份，鮮甜。鴨胸大蔥串較鹹，估計是鴨胸本來的鹹味加上過多的調味料導致的～雞較軟骨和茄子較為一般，南蠻燒牛肉滿有水準的，有嚼勁，肉質嫩滑，推薦。 本人不是十分喜歡鱔類，不過這裡的燒白鱔也不會令我太難入口，不用勞煩另一半替我吃掉。看見南亭一人前套餐和本套餐的主食都是三文魚茶漬飯，建議店鋪增加一至兩款主食，讓客人有多點選擇。總括來說，食物水準不錯。

最近愛上左食串燒，特別係日式串燒。日式串燒多數唔會對食物作大量調味，可以食得出食材原先嘅味道！今晚搵地方食宵夜傾吓計，就嚟咗南亭。我哋比較夜先嚟，唔使等位就有得坐低。今晚食咗幾樣野都幾好味牛脷差唔多次次食串燒都會點，厚薄適中，口感唔錯。大蔥唔係個個鍾意食，不過其實燒熟咗嘅大蔥甜甜地都幾好味燒飯團外層幾香脆，包埋脆脆嘅紫菜食幾好味。雞肉釀冬菇係推介，雞肉味道唔錯，加埋冬菇嘅菇味好夾！中間個串南蠻燒牛肉好味，味道好濃，用嚟送酒啱晒最尾仲要咗三文魚煙肉卷，呢個幾特別，估唔到呢兩樣野可以擺埋一齊！件三文魚都幾厚身，燒完都唔會鞋颯颯我哋對呢間串燒嘅質素都幾滿意，價錢唔係特別平但係合理，下次想食串燒再嚟過啦

之前都是跟老婆來尖沙咀南亭的，因為她愛吃串燒，所以當今日有朋友想相約去居酒屋喝酒其吃串燒時就她自然想到「南亭」。「雞皮蝦大葉卷」串燒蝦吃得多，用雞皮包蝦的還是第一次！雞皮燒得十分香脆，沒有脂肪，入口亦原油膩，很香口。「燒白鱔 」是我每次必點的項目，厚身爽脆，魚肉又汁潤，用上了海鹽燒更提味。「燒大蝦 」的蝦肉鮮甜，燒得帶點鹽咸香。天氣熱不想吃飯但又怕會餓於是點了「茶漬湯泡飯」，清淡味道加上了三文魚肉，份量不多適合女生。

今日朋友帶我黎位於棉登徑的南亭，係K11附近，遠望已經知是食日本料理，裝潢好有日本居酒屋。我們安排坐吧枱，可以望住師傅整料理。南亭主打食串燒，我地點了幾款串燒食，而且係即叫即燒多春魚-燒得香脆，外脆內軟，一D都唔腥秋葵豬肉卷-秋葵營養價值豐富，豬肉包著秋葵，清爽得黎又不油膩安格斯牛柳-牛柳燒得剛剛好，好軟腍，好多肉汁芝士年糕-外面微脆，裡面滿滿芝士，軟糯Q彈又充滿芝士香氣店鋪內的野菜醬手工製造，而且還可以購買

前陣子跟友人到中環試過以串燒出名既南亭，食物都唔錯。呢晚happy hour完帶老公試下綿登徑既分店～點了和風蕃茄沙律 用上日本蕃茄，特別清甜多汁，師傅刀工亦了得，切成薄片加上芝麻和風醋汁，酸酸甜甜清爽開胃～　上面既木魚絲，增味之餘亦有舞動美感！　茄子串燒，跟原條燒既唔同，外層燒得乾身，入面保持水份! 牛脷串燒係食串燒必點～　燒得剛好，質感爽嫩不韌，用左少少黑椒去燒，幾香!鴨舌($32) 外面燒得香脆，肉質嫩滑。食鴨舌最愛係中間既小軟骨部分～再送上鹽燒明太子($78) 　未放低已聞到烤香既味道，燒成半熟，入口咸辛惹味，齒頰留香~