今日喺中環返工嘅朋友仔帶咗我去食日本嘢，價錢唔算特別平，不過坐得幾舒服，環境清靜，適合舒舒服服食餐飯傾吓偈。呢度有tasting menu或者 omakase ，不過睇落應該會好飽。我哋今晚想食light啲，咁就一於散叫啦。 

侍應推介我哋食刺身盛合，果然好高質喎！刺身全部都好厚切，一上枱見到佢新鮮又有光澤，已經心心眼！toro 真係超級肥美；平時都麻麻哋赤身，今晚呢幾件好好味喎，魚味好突出；仲有帶子都勁鮮甜。之後叫咗啲炙燒壽司，炙燒和牛壽司真係好食推介😋😋😋 和牛油脂豐富，非常甘香，oishii! 牛油果軟殼蟹卷都好好食，呢個配搭一向都冇得輸，餐廳揀咗嘅牛油果仲要好靚好棉，配埋香脆嘅軟殼蟹，同埋脆卜卜嘅蟹籽，口感同味道都非常豐富👍👍👍之後我哋想食啲肉，侍應推介咗串燒或者西京燒鱸魚，我哋揀咗後者，sea bass份量都幾多，魚肉非常嫩滑。最後食埋水果甜品，係大滿足嘅一餐啊！

Weekend去咗貓Cafe chill吓，見到咁多可愛貓貓，真係好療癒☺️貓啡 仲要係歡迎小朋友嘅貓cafe，小朋友可以周圍行周圍摸貓貓、真係好窩心☺️食物方面，我哋order咗全日早餐、小食同埋意粉，仲有飲品。食物質素就係正常Cafe咁樣！

全日早餐好適合小朋友，色香味俱全，仲有有造型可愛嘅貓貓多士😍😍😍 煙三文魚同埋大啡菇都好味！Carbonara 味道幾好，醬汁cream又香濃，好啱小朋友口味！我自己就鍾意招牌蒜香明太子蟹肉闊條面，明太子嘅味道鮮味十足。食飽飽就同貓貓玩下等食甜品，croffle配雪糕真係冇得輸，小朋友一人一份好滿足！

今晚想落朋友食飯傾吓偈，於是搵咗間可以坐榻榻米嘅居酒屋食飯，氣氛都唔錯。日本酒的選擇都唔少。
去居酒屋就梗係要食魚生啦！先食一份鮭魚層層疊，原來要火炙咗先食得，最面有沙律醬同埋蟹籽，然後就係好多嘅三文魚同埋卷物，味道好豐富！ 海膽杯都值得order，海膽份量都幾多，海膽加埋三文魚子嘅鮮味真係好突出，食完齒頰留香🥹 蟹味噌甲羅燒配多士都值得推介，送酒一流。
之後就食啲熱嘢啦，我哋食咗清酒煮蠔同埋串燒。串燒選擇唔算好多，推介大家食雞肉棒，配蛋汁食好味呀！
Overall 呢度都唔錯，唔算話超級平，不過食吓嘢傾吓偈氣氛又好，下次再嚟。

聖誕節個個去食西餐，我哋就去咗居酒屋！
Cheers! 飲杯梅酒先。
今晚食咗好多嘢，樣樣都幾好味。 金酒杯一定要試，一次過食到海膽、拖羅蓉、蟹肉同三文魚子嘅鮮味，味道超豐富。 和牛三文魚籽粟米脆餅壽司好特別，用粟米脆餅代替紫菜，估唔到都幾好味，和牛油脂好豐富，邪惡但係好好味。 呢度有幾款丼，我哋揀咗桃丼，一碗有齊海老同拖羅蓉，雖然細細碗，但其實超級足料！！蛋黃撈埋啲魚生一齊食真係好滋味😋 之後食咗金龍珠海膽吞拿魚蓉卷，吞拿魚蓉包住大大個流心蛋黃，賣相一流，一啖一件，味道好豐富，不過就唔係好食到海膽。 最後食埋壽喜燒牛肉鍋，暖泣泣又飽肚！ 壽喜燒牛肉都幾高質，油脂分布平均，煮完之後點蛋汁食好滑好好味👍🏻 鍋入面有好多蔬菜，仲有年糕福袋，我哋成窩食哂。 呢度仲有好多串燒同其他食物，下次多啲人再試下。

最近喺香港食咗一間都幾日式嘅sukiyaki 壽兵衛，幾好食wor！

餐廳全部座位都係吧枱，師傅會拎啲食材俾你睇，然後即席煮。
呢度有唔同套餐，豐儉由人。中價位嘅Delux Wagyu Set都抵食，一次過食到美國牛同埋日本牛。
首先，食三款前菜，三小碟擺盤靚靚的！鰹魚同汁煮鮑魚都好食。緊接住有三款刺身，食材新鮮高質，toro最好味，油脂豐富；帶子味道好鮮甜。
然後有海膽和牛他他，和牛他他肉質好嫩好肥，撈埋蛋幾好味。 之後就食肉啦！先食牛舌，肉質爽口多汁，簡單調味已經好好食；然後到熟成美國牛，顏色深啲，肉味濃啲，適合配蛋味無咁重嘅蛋黃，oishii 😋
和牛肉眼同西冷都好正，油脂花紋好靚，食落口好嫩滑，配壽喜燒汁同埋蛋汁真係好好味，食完之後齒頰留香，非常回味。
中間仲有幾款蔬菜，健康啲。 最後一定要留肚食飯，蟹肉釜飯可以任加三文魚子，味道咸香鮮甜，我加咗幾匙，食曬碗飯！ 甜品係開心果雪糕加蜜瓜，真係好開心☺️

星期五晚，最適合食嘢飲杯酒，放鬆吓。Hungry Monkey 燈光昏暗，感覺唔錯。食物選擇都幾多！坐低之後職員會推介唔同嘅食物，啱晒我哋呢啲三心兩意嘅人😂 先叫飲品啦，涼浸浸好舒服。
叫咗幾款前菜小食：青蘋果蟹子沙律、蕃茄、梅水晶、燒鱈魚乾，每人份量都唔多，大家可以試多幾樣。燒鱈魚乾我哋幾鍾意，配埋秘製醬汁好食。 之後食啲熱野，厚燒牛舌係必食推介，爽口又juicy! 豬肉都好食，夠厚身，口感唔錯。我哋仲叫咗兩隻元貝，味道幾先甜。
最後食埋A5和牛坑腩炒飯，呢個好夠味，牛肉味好香濃，推介推介。
甜品可以試吓朱古力炸彈，好邪惡～

呢間大阪日本料理開咗好耐，最近搬咗去富豪九龍酒店，地方好闊落，坐得舒服，價錢合理，適合大夥兒食飯。 去到日本餐廳梗係要食刺身啦，我哋叫咗個刺身拼盤，有九款刺身，刺身選料上乘!  三文魚好肥美，厚切嘅拖羅同油甘魚都好肥美，口感好好。侍應有介紹食魚嘅先後次序，由比較淡味嘅白身魚開始食就冇錯了。 香蔥吞拿魚蓉卷亦唔錯，好足料！！！
然後我哋點咗啲熱食，叫咗薄燒和牛、串燒同埋燒年糕。薄燒和牛好味，旁邊嘅配菜亦好有誠意；另外仲有鐵板燒雜菜，平衡和牛嘅肥膩。串燒亦好高質，牛舌係必食推介，好juicy的！ 最後食埋雪糕，好滿意！

香港真係有好多食燒肉嘅餐廳，今晚想食啲肥膩嘢，去咗銅鑼灣嘅肉料理 廣，呢度有油脂豐富嘅日本飛驒牛，食肉獸表示滿意。
呢度有啲抵食嘅套餐或者散叫都唔錯，心大心細嘅人有排揀😂
先食一碟雞泡魚乾，輕輕燒一下就食得，送酒一流。
然後開始食肉！第一碟係厚切牛舌，店方一啲都唔孤寒，真係好厚的！每邊都燒到金黃之後就食得，肉質爽口多汁，味道濃郁，非常推介。
之後係火炙飛驒牛壽司，飛驒牛油脂好豐富，可以教多少少wasabi減低肥膩感，好正！

重頭戲係飛驒牛五部位拼盤，一碟有齊五個精選部位😍 我自己鍾意油花多嘅霜降西冷，近乎入口即溶，好滿足！
食飽晒之後仲有雪糕送，餐廳仲要冇限時慢慢食慢慢坐！下次約朋友再嚟過。

想搵個幽靜嘅地方，嚟咗狐狸食堂開餐。 Weekday到訪，確係少人，適合把酒談心。
呢度有唔少日本酒同埋手工啤酒，我哋叫咗手工啤酒同梅酒。梅酒味道唔錯，$108/杯。
先來一份餃子，有5隻，炸得香脆，配少少帶酸味嘅醬汁，送酒都唔錯。 然後係燒鰻魚，鰻魚配鰻魚汁，味道不錯。 開始食串燒！四味雞肉棒係必食推介，一份四串，有明太子、原味、檸檬味同埋芝士味。我哋最鍾意都係原味，原汁原味最好食。我哋仲食咗山葵醬汁雞肉串，少少wasabi嘅味道，幾清新。
今晚唔肚餓食得好少，下次試埋佢啲飯團。

尖沙咀呢間泰國嘢裝修幾別緻，如果四五個人有機會可以坐喺榻榻米嘅位置！真係選擇唔算好多，不過試咗幾樣嘢味道都唔錯。如果幾個人去食，小食拼盤真係必食推介。免治豬肉腸好好食，味道香濃多汁；炸魚餅都加咗香料，味道幾好。見到餐牌有一個好特別嘅appetiser - 青檸吞拿魚北海道帶子他他配鍋巴，個他他幾好味，好清新，不過同鍋巴就唔算話好夾，鍋巴都係用嚟點咖喱好食啲。另外仲叫咗碟烤豬頸肉，豬頸肉肉質爽口，分量十足，好抵食。主菜食咗紅咖喱燒雞，味道都幾香濃，雞肉紮實入味，送飯一流。最後嘅甜品係芒果糯米飯配椰子雪糕，呢個都係推介，椰子雪糕香甜美味。仲有仲有，呢度有好多特色cocktail！
Chiang mai 係有酒味嘅茶，用小茶杯飲，好有特色。

Pai就係加咗泰式咖啡嘅Baileys，甜甜地好易入口。呢度坐得舒服，而且比好多泰國餐廳乾淨企理，下次想同朋友食泰國菜可以再喺呢度慢慢食慢慢傾。