南亭 (凱譽)

營業中

休息中

前陣子跟友人到中環試過以串燒出名既南亭，食物都唔錯。呢晚happy hour完帶老公試下綿登徑既分店～點了和風蕃茄沙律 用上日本蕃茄，特別清甜多汁，師傅刀工亦了得，切成薄片加上芝麻和風醋汁，酸酸甜甜清爽開胃～　上面既木魚絲，增味之餘亦有舞動美感！　茄子串燒，跟原條燒既唔同，外層燒得乾身，入面保持水份! 牛脷串燒係食串燒必點～　燒得剛好，質感爽嫩不韌，用左少少黑椒去燒，幾香!鴨舌($32) 外面燒得香脆，肉質嫩滑。食鴨舌最愛係中間既小軟骨部分～再送上鹽燒明太子($78) 　未放低已聞到烤香既味道，燒成半熟，入口咸辛惹味，齒頰留香~