劉森記麵家 (桂林街)

營業中

休息中

一早知道向來勤力的老闆娘已經不再親自包雲吞和水餃, 因為從哂士和味道,用料等已經食得出.今天見到猛男師傅坐在舊店中包雲吞, 老闆娘在旁督工, 一邊立即煮熟來與其他阿姐試味, 品嚐之後, 一齊品評材料的口感和味道. 給予意見, 可知對出品的認真.以前她根本要自己製作, 不假他人之手, 可能是開了新分店, 無可能應付這許多出品, 才請幫手, 又放心不下, 所以要督工.早前己發現出品的味道和口感不同, 懷疑出自不同人手, 今已獲得証明.我最愛的水餃變得細了, 因為料子少了, 老闆娘包的是蝦比較多和大, 但男師傅甚為慳家, 一見稍為大的蝦便把它切開, 於是成品比較細隻, 以前用手切豬肉, 現今用絞碎肉, 所以口感不同, 這是我這多年顧客所觀察到的.但是從老闆娘的誠意加勤力, 這店仍然值得幫襯.

我都幾鍾意蝦籽的味道, 但一般只係加在粥食, 無試過加落麵食. 是日出深水埗, 當然要諗諗有咩要食下啦!嘩, 蝦籽麵喎, 好, 就呢間啦!點了牛腩蝦籽撈麵, 蝦籽好香, 好好味, 用嚟撈麵, 一d 都唔會嘥咗, 好正. d 牛腩又淋, 好入味, 唔痴牙...唔錯! 友人還追加了淨水餃, 都幾好味喎! 加咗好多韮王, 木耳, 荀... 材料, 感覺清新. oh, 點解有個玻璃樽放咗白蘿蔔?! 友人話, 舊式雲吞麵舖係有架喎...huh! 真係大鄉里出城! 我最鍾意d 酸酸地的野! 不過, 略為辣了點...但好有誠意!

23/10 今日放工咁岩去開深水埗, 又去左劉森記食野, 今次又係冇黑柏葉食, 估唔到咁鬼快賣晒, 記得上一次係星期六下午2點幾去食, 又話冇, 睇黎要去食黑柏葉真係要一開舖就去食啦!!! 我地叫左個牛肉蝦子麵, 水餃蝦子麵, 今次啲麵冇咁咸...啲牛肉淨食都好味, 不過點埋豉油就好正啦!

一向對生麵冇咩興趣, 但見咁多人話劉森記啲竹昇麵勁正, 於是今日行過, 入去試吓先. 首先, 每枱都會有一瓶醃蘿蔔, 先試幾粒醒醒胃先....一試不得了, 醃得o岩o岩好, 酸得嚟唔"乸"喉, 好開胃醒神呀.見到隔離枱位人兄個豬手麵好似不錯....好, 就order個雲吞豬手撈麵啦. 個豬手汁好好味, 撈埋啲麵到食好好味. 而啲麵唔似街外啲十幾蚊碗嗰啲咁成陣"簡"水味, 反而充滿住生麵的香味. 好啦, 到啲餸啦, 豬手好林, 好入味, 可惜其中一件有毛, 要扣分啦. 而啲雲吞係放係啲湯到上, 雲吞size 係一口一粒, 味道就普通啦, 唔算有咩大特別. 不過啲湯好勁蝦籽味, 好濃好濃..........雖然豬手有毛, 但味道著實不錯...所以, 下次一定會再嚟. 不過下次我要試薑蔥牛肉牛腩撈.

1-10-08 (三)上次小試了深水埗的美食，今次趁假期決定多試幾間。第一站是劉森記的手打竹昇麵，叫了鮮蝦雲吞麵和招牌水餃麵。不忘試試他的酸蘿蔔，果然味美，有少許辣，很開胃。麵真的與別不問，又爽又香，雲吞不算特出，但水餃卻很好吃。十八元一碗，名店中最合理

又係一間馳名嘅老店, 師傅想去試左好多次, 偏偏唔係就唔啱時間呢就係唔想食, 早一排終於忍唔住要去試, 結果......入到去地方唔係好, 求其搵個位坐底就柯打野食喇; 諗左一陣師傅決定柯打黑柏葉蝦子撈麵, 再加多碗雲吞麵, 點知黑柏葉沽清, 最後師傅都係揀左蝦子撈麵算了!等左一陣蝦子撈麵同雲吞麵一齊登場, 攪到師傅都唔知食邊樣先好, 最後都係先試蝦子撈麵! 蝦子撈麵賣相係相當吸引, 勁多蝦子鋪滿喺碟撈麵上, 先喝啖湯, 味道清清地, 有蝦味, 冇味精, 唔錯, 而蝦子就好鬼炒得好香, 味道唔會過濃, 好正; 加上麵質就煙韌爽口, 真係食到停唔到口; 雲吞麵嘅就幾皮薄, 而餡料未算特別出色, 不過蝦身都幾爽口, 可以收貨!總括黎講食物質素唔差, 而環境地方就一般, 服務合格, 而價錢都唔算貴, 不過由於呢個食評都係幾星期前, 所以師傅已經唔記得幾多錢, 埋單應該係四十蚊到啦; 你話劉森記同劉芯悠有咩關係, 唔知有冇機會喺呢度遇到佢呢? 有機會下次一定會再黎, 笑臉又點走得甩?

要在這裏吃麵，不知怎的，還是喜歡坐在較迫狹的舊舖。老感情可能是其中一個原因吧...照舊在吃麵之前先滔少許醃酸蘿蔔吃，甜酸度剛好，絕對是一等一的餐前開胃小吃。對小弟而言，這已不是小吃，而是主食....水餃是每一次來必吃的。每次吃水準都是那麼穩定，木耳及筍絲份量還是那麼足，蝦亦甚爽口及鮮味。樣子包得胖嘟嘟極飽滿，絕對是城中其一最佳的出品...牛根雖然很腍糯，但卻覺不像從前的入味。此味還是以同區的"雙發" --- 漢發及長發居首....麵條雖不是銀絲細麵，但質地仍很彈牙；有蛋味之餘一點鹼味也沒有。單是這點已是很難得了....更難得的是，吃了那麼多年，水準並沒有大退步....佩服....

重陽節放假一天, 揸車出去試下 ...時間: 大約一點左右泊車 : 假期深水埗都車來車往 . 泊左入去寶血醫院 , $20/ hr劉森記舊店排隊情況 : 我當時無人排隊,有點出奇. 見到維記好長" lung " , 好多人等.淨水餃 : 無特別,但係唔可以話食左好驚喜個隻湯底 : 無特別豬手牛腩蝦子撈面 : 豬手有毛 ---> 一般 ( 粉嶺群記既豬手質素好好多) ;牛腩牛根 -->唔錯入味 ; 蝦子面 ---> 一般 炸醬面 : 面ok . 炸醬唔得 , 麥文/奀記 好好多 .酸蘿蔔 : 好味 整體 : 無特別

2008-9-6(星期一)我三年前去過一次，因為我三年前夜晚去食，太多人關係，我叫咗既蝦子雲吞麵，真是等咗很久。因為三年前既經驗，唔敢再去–我比較喜歡夜晚行深水埗。今天，我是專程去食蝦子雲吞麵，最近電視食家都有去過，令我心郁郁再去一次，我是去食下午茶，依然保持水準，我是去舊舖，聽說比較好味。

係澳門食過祥記嘅蝦子麵,就喜歡上... 見到 open rice 嘅食評,決定去試一試.... 又係各花入各眼嘅問題,我覺得澳門食過祥記蝦子麵好食得多啦... 我叫咗淨蝦子撈麵,老公叫咗豬手蝦子撈麵. 劉森記嘅蝦子麵,無錯係好多蝦子,麵亦好彈牙,但係非常之乾爭爭,無油水,同祥記嘅蝦子麵實在差太遠啦.... 唔覺蝦子香味.不過,老公果個豬手蝦子撈麵嘅豬手就唔錯,炆得好入味,夠晒諗. 試過就算,唔需要再 Encore....

雖然開咗新鋪但依然鍾意嚟舊鋪食,食開有感情.坐低即刻叫碟蝦子牛腩撈麵,好多蝦子佈滿麵上,好香但又唔咸,正.牛腩好入味同好淋.另外要讚梗係佢地嘅酸蘿蔔,一D都唔孤寒,好大粒,又醒胃,好正呀!

人人要返工的日子,我放 annual leave, 懶洋洋的下午決定先去劉森記食個蝦子撈+雲吞再去Pacific Coffee 嘆咖啡睇書, 正野!去劉森記總喜歡去舊鋪, 貪其"老套"感覺, 畢竟已經歷了近半個世紀, 還能故執傳統的全人手做麵手法, 每根麵條都散發著師傅的心血汗水, 那份堅持是一課人生道理。蝦子撈+雲吞始終係我至愛, 之前也試過十分出名的黑柏葉撈但就是不甚喜歡, 各人口味不一吧! 正如你喜歡吃的不等如我會欣賞, 味覺就是如此這般 subjective。Anyway, 醒你一個食蝦子撈的小 tips, 就是用匙羹放少許豉油, 夾小拙麵伴吃, 豉油的微咸更能帶出蝦子的香。 至於那裡的辣椒油, 最好還是不要試....慨歎用心做麵的已買少見少, 實在懷念囍帖街的五龍...

要去鴨記買d 野, 順路都上來劉森記先.都成幾個月冇食蝦子麵了, 好懷念呢.另外, 也好掛住樽醃酸蘿蔔!一點來到, 等了三個字. 已想好叫什麼, 就係蝦子雲吞撈.朋友a 和 b 都係要牛腩蝦子撈.另叫了碟菜芯,全走.先整幾舊蘿蔔先, 唔好講笑.酸酸地, 好醒胃! 即時胃口上升.加多粒辣椒, 好提神! 2分鐘有得食, 好, 水準冇下降, 保持高企. 蝦子份量, 也冇少到.撈埋麵上, 加少許湯, 好鬼香, 說不出的美味.雲吞皮薄, 蝦肉新鮮, 中 size 倒, 不錯, 不錯.但得 三粒... 可以多 d 嗎...菜一般.朋友的牛腩也不少, 兩位都話腩汁不錯, 個女仔都冇再扮細食, 9秒9清晒碟野!咁就肯定正, 行動証明o左有幾好食啦!食到一半才看到開了分店的牌.回家看到分店也是好高評的, 早知唔等咁耐, 過去新舖啦. 其實我最愛酸蘿蔔, 希望分店的都係咁好食

店面较小，不起眼。最有名的是虾子捞面，面条嫌干了点，口感还是不错。虾子酱比较香，不觉得有特殊的味道。我点的牛腩面，牛腩够柔软。炸酱面也不错，酱鲜美带些番茄酱的味道。牛百叶有名，但去晚了就没有了。

睇完食評特登去試下係咪咁好食點知一肚你氣一去到唔洗等位,不過都要搭枱叫左個牛腩牛筋蝦子撈,再加水餃麵等左5分鐘,有個阿姐攞住碗水餃麵俾隔離枱但無人理,問左幾次都無人叫我男朋友就同阿姐講:"阿姐,係咪水餃麵,我地叫左呀"但個阿姐仲係要問隔離枱,好似聽唔到我地講野咁對面枱個師奶話:"阿姐,水餃麵呢到呀"個阿姐又應佢,仲放低左碗麵但明明我地黎先,有乜理由俾佢先啫...再過兩三分鐘,個阿姐攞住碟牛腩牛筋蝦子撈又問隔離枱,今次佢就咁話"牛腩牛筋蝦子撈"就放低左完全無問過邊個叫等左一陣好似無人認,枱人就忍唔住話無人叫過個阿姐攞走左,但仲講"明明係呢枱"咁啱有個類似老闆娘行過就俾番個牛腩牛筋蝦子撈我地仲問我係咪水餃麵,轉頭即刻攞左俾我食物質素一般,唔難食,但唔特別好味,個幾粒蝦子有幾好味啫......又貴,服務又差隔離維記好味好多