劉森記麵家 (桂林街)

營業中

休息中

我又到深水埗搵食在朋友介紹之下,今次到劉森記劉森記有兩間,我都係去總店食先嚟一碗熱湯,有韭菜,芽菜和9黃,湯底清淡又鮮甜,只要咬到不同既菜,就帶出不同既味道牛腩蝦子撈麵嘩~~~真係有咁多蝦子,我無"NO"雲D蝦子就食食食食............蝦子好香,由頭到尾蝦子都源源不絕,加埋腩汁真係天生一對,牛腩好"淋",合晒我胃口,連條菜心都好好食,好爽~~~真係無介紹錯~~~

睇完菜籃個節目話呢度食麵好食，所以就同至愛既女友一同去食喇我地夜晚七點幾去到好彩地唔洗等位，坐低睇左陣餐牌就叫左個鵝腸撈．牛腩撈同埋淨雲吞唔洗等好耐叫既野食就到喇，先講鵝腸，煮得幾好夠爽口麵已經比大量蝦子遮住，呢度既麵比起一般既麵少左鹼水味但多左份好味同彈牙既感覺女友既牛腩都好好食，夠"淋"，淨雲吞我就覺得唔係太突出，蝦味唔係好夠所以無左浸鮮味～！仲有最緊要黎呢度要預左坐得唔舒服，因為都坐得幾迫

前陣了同朋友黎這店,我就叫了這裏也出名的炸醬麵碗麵或許和其它麵店比較之下,是細碗了些,但對我而言,剛剛好炸醬以菇類和肉絲以主,個汁橙紅色,少少酸和香辛味,味道濃,但可以用清湯調淡,味道整體不錯,而價錢也不算貴

先來酸蘿蔔開開胃．淨水餃　－　如相中所示，皮薄，蝦肉大大隻，餡料鮮味．我不能食蝦的，都要吃一個水餃．蝦籽撈面　－　舖天蓋地的蝦籽面，乍看還以為打了馬塞克．．．．　　　　　　　優質的蝦籽絕無戲場，蝦味很濃，不會只得咸味同腥味，竹打的麵．．．．彈牙！走鹼程序足！跟湯　－　選用地保魚熬湯，味道鮮濃出色．

三時, 原本想食譚仔, 但那裡人太多, 反而這不用等位云吞魚蛋麵 - 外面的幼麵常有『咬不斷』的情況, 這些就容易咬, 又不太『林』, 又沒有挸水味! 云吞的蝦爽, 又夠味, 難怪云吞是到劉森記必吃的 云吞及魚蛋各四粒, $21, 抵! p.s. 阿姐都好有禮貌喎

云吞既蝦幾新鮮幾彈牙, 當然幾十蚊一碗無咩可能叫佢俾海蝦, 唔理咁多, 云吞仍然是好吃. 竹昇打既蝦不錯, 彈力十足, 不過蝦子好少, 但仍然有陣香味, 可能係因為用蝦子既原因, 湯比較淡, 但仍然清, 不過淡湯可以襯出蝦子味, 本人支持呢一黠. 唔知係咪要淨蝦子麵先多到成碟都係, 其待下次既全蝦子麵. 份量比較少, 不過這才好, 吃太多, 肥子會痛, 少吃多滋味, 所以果度d人全部碟都清既. 哈

吃過多年的劉森記,個人一向覺得其水餃好過雲吞,但從未食過雲吞,或許是一早迷失.劉森記的水餃大大隻,連雲吞也一樣,不是那些傳統的細蓉.餡料以蝦作為主導.之前說過全九龍最好吃的鮮蝦雲吞,是麥文記.蝦肉很爽,充滿鮮味,亦即係麗梅姐所講的有蝦味,豬肉一樣鮮,最得意的,就是在餡料之內,加上蝦子,難怪那麼咸香.用大碌竹壓出來的麵條,的確不同,彈牙煙齦,一點鹼水味都無,可是雲吞湯有點淡口,也是劉森記長年的弱項.如果轉為撈麵,一定更佳,蛋麵搭上豬油,天仙配.

20/7 今晚我同男友去左深水埗搵野食, 因為佢想試劉森記啲蝦子麵, 本來我地唸住要黑牛柏葉蝦子撈麵家, 點知佢話冇晒黑柏葉啦, 我地叫左個淨水餃同牛肉蝦子撈麵, 果個牛肉蝦子撈麵只係夠一個人食既啫, 份量比較少, 我地笨左, 可能啲熟客食慣多數佢地會叫加底囉, 啲野好快就到啦, 試下個牛肉先, 比較咸呀, 啲蝦子麵呢就好多蝦子, 水餃都係咸, 普遍黎講食物唔差既!

星期六下五點幾都依然坐滿人(得5張檯) 真的名不虛傳, 我地2個人點了蝦子鵝腸水餃撈麵, 雲吞麵, 撈麵比湯麵好味, 竹昇麵的口感真的好好, 水餃大大隻, 蝦肉勁爽, 鵝腸勁爽脆, 蝦子勁多唔狐寒, 我地大食唔夠喉, 再來一個蝦子牛筋撈, 牛筋好林好入味. 當日沒有柏葉同牛肉, 他們的柏葉是累柏葉,沒有漂白過那種. 下次再來試過.

去完黃金順路走黎食碗麵, 我地去咗總店, 細細間, 不過, 唔多人, 二人叫了薑蔥鵝腸麵(老公主食), $17, 水餃麵 (我既主食), 淨南乳豬手(細), $30, 灼菜心(全走), $10! 先說枱上的酸蘿蔔....一啲都唔好食, 仲有啲苦澀! 然後先來豬手....好腍, 份量都幾多, 再夾了條鵝腸...好爽脆, 一啲脂肪都無, 有啲好肥腸既就唔岩啦, 我既水餃有三大隻, 豬肉, 蝦都好新鮮, 夾埋木耳...夠爽! 平時只食米粉既我....黎到呢度無理由唔叫麵, 細細份, 唔知水準去到邊, 但只知食落唔錯, 唔難咬斷, 最怕係太煙韌, 咬極都咬唔斷! 菜既份量夠, 且夠腍! 整體都唔錯, 唔可能時時幫襯, 偶然在這裡買電腦附件...都可以再來一試!P.S. 樓面亞姐好有禮貌, 師夫整完碗麵俾佢都會講聲 : 唔該!

蝦子算是貴的食材，但竟然可以鋪滿整個麵！每一口都充滿蝦子的香味~ 強力推介~另外此店的油菜也非常不錯！每次都我都吃芥蘭~ 又巨型又爽甜~

昨天lunch 時專登出去深水涉食lee 個竹昇麵，都要排一陣隊，不過好快有位，但位置太迫又冷氣機滴水...，我叫左過鮮蝦雲吞撈，個雲吞都ok大粒，不過個麵就真係不敢恭維，只係加d 豉油向面，唔好食呀! 苦苦的.... 不過個湯就幾甜。 唔知點解我覺得個麵都幾硬下，係咪竹昇麵既特色呢?其實好多餐廳既雲吞麵都幾食過佢，我唔會再特地去呀!

叫左:牛肉蝦子撈麵 ($28)好多蝦子 but 蝦子左退步, 唔香 geh...冇味冇味...面沒有鹼水味, but also 無咁香 as before.份量少左好多!! 幾啖已經食哂牛肉稔 but 冇牛肉味The quality has gone down hill, it is grossly overpriced.it was better before.淨雲吞 ($17)8 pieces蝦和豬肉的比例各一半it has 蝦子 and sesame tooThe prawns are good but I don't like the sesame, tastes weird.酸蘿蔔 (free)Good, but not excellent.阿姐都幾有禮貌﹐唔會做到發脾四。蔡瀾效應 only....名過其實....perhaps I should say that 蔡瀾 has ruined this place.next time I will only come back for 淨雲吞.

今日放工過咗劉森記，嘩好多人，以前都唔係咁多人架，唔理咁多，一場嚟到，照等!2個人等咗十五分鐘就入得啦!埋位，見人人一份蝦子撈，唔使諗咁多，一個水餃蝦子撈同雲吞撈同付乳通菜吖唔該!個面啲蝦子真係好多，醬油調味亦啱啱好，唔太淡唔太咸；但係啲面無以前咁彈牙啦，唔通多咗人食做唔切?!但係跟面個湯真係唔錯，好濃蝦子味，飲完又唔口乾，水餃啲蝦好新鮮同埋好爽口；另外個通菜啲付乳都唔係行貨，睇得出撈咗好多蝦子同埋唔係一味死咸，雖然唔係咩特別嘢值得一讚，但都ok。今餐最期待ge蝦子撈雖然退步不少可幸水餃同湯仍可保持質素，挽回少少分數；我諗我唔會再專登落嚟食lu(講嚟講去都係因為個面)。

同女友去食，於三催四請之下終於落左柯打叫左：一碟薑蔥鵝腸牛肉撈麵一碟蝦子薑蔥鵝腸撈麵一上桌，心諗：「撈麵唔係多一個麵底架咩？點解得半個麵底咁架？」麵，兩三啖食得哂。麵唔爽，好處係冇醶水味；鵝腸爽，但係得兩三條咁大把；牛肉稔，但係冇牛肉味。幾啖已經食哂個麵，雖然肚餓但唔想再叫多碗了。女友果碗，蝦子少而完全冇味（同食友影ge相比較少好多好多…）個湯係有香味，不過飲完會口渴。因為食唔飽，所以食完都夾多幾舊醃製瓜菜食填填肚。忽然發覺，劉森記最好食，唔係佢ge麵食，而係佢ge醃製瓜菜。