劉森記麵家 (桂林街)

營業中

休息中

久聞蝦子撈麵大名~仲有2個就要撤離九龍塘, 一於就近近地去SSP試個蝦子撈啦~蝦子好香!!! 亦都真係好重手!! 黑葉都唔錯喎~!!蝦子撈麵果然名不虛傳!!個湯都好清甜!! 平時唔會飲撈麵湯0既我都清晒成碗咁滯!!不得不提0既係佢D醃蘿蔔!! 好好食喎!! 酸酸辣辣咁幾醒胃!!有ENCORE的空間!!! ^^

要了一個蝦子撈麵拼鵝腸,首先鵝腸是那些像浸了很多漂水那種,不好味,而蝦子撈麵則ok,但比較咸,下次會再試其他野,價錢一般啦

上次來過吃雲吞水餃蝦子撈麵,覺得麵很彈牙,今次再來,但只係食水餃麵,原來食撈麵才感覺麵好食,水餃仍然大隻好味,麵的份量很少.

路過，跑來吃碗SSP 名物「蝦籽撈麵」，配水餃兩隻，$28。以質素而言，算合理。蝦籽起勢咁落到撈麵上，絕不小家氣子，很豐盛的感覺。那兩隻水餃亦是很件頭，木耳絲的質地好好，很討好。時為晚上六點九，餐桌上那瓶蘿蔔漬物只剩下零星賣相惡劣的幾粒，鄰桌顧客問可否加貨，店家大聲否決，不知是怕麻煩還是真的每天只入一批！？大概會再幫趁，若果有醋漬蘿蔔就更理想。

去完綠林食甜品,行過對面見到劉森記,但之前已經吃過東西,第二天再來吃.叫了一個水餃雲吞蝦子撈麵,水餃和雲吞都好食,麵很彈牙,但撈蝦子來吃就味道一般.三併$32都幾貴.

其實之前已經講過小弟對劉森記o既蝦子麵o的蝦子係敏感，但冇辦法，因為實在太想食，所以今次拼了老命，甘冒出疹o既風險都要再試多次，結果...因為得一支公，所以叫了水餃蝦子撈麵及淨雲吞，水餃大大隻，足料，耐何只得兩隻，28蚊連麵感覺貴了點！但蝦子麵真係好多好多蝦子，超好味，最重要係冇果種水味！！而雲吞，果然名不虛傳，睇佢細細粒，原來食落啖啖肉，每隻雲吞都落足料，隻蝦加埋有隻手指咁粗，加上材料新鮮，難怪o的客十居其九都會叫食，而且淨雲吞睇佢碗仔細細都俾到7-8粒，十零蚊算係咁啦！！不過話時話，食過舊鋪同新鋪，始終覺得舊鋪較好..遺憾係寫此文時，身體依然出疹中...

又是一家標榜竹昇打麵的店子, 亦是又一家從大排檔轉成店子的麵檔。據深水埗的老街坊說劉森記起初原來是租一個大排檔經營的, 檔主過身後因大排檔檔牌不能轉名差點兒要結業, 後來得當時市政局議員葉鍚恩幫忙下才得繼續經營, 一轉眼又是二十多年了.....慕名而來怎可不嚐嚐他們的蝦籽撈麵。一看下去, 深色的麵條巳知是用鴨蛋打出來的。鴨蛋麵香氣四溢及彈口,毫無半點討厭的鹼水味。蝦籽是上等廣東斗門貨, 炒得異常香濃，清湯是大量地魚乾加蝦角(行內人稱蝦殼為蝦角)及適當胡椒粉煲成的。略帶甜香及微辣，最重要不含味精....應可做到最好的巳做了。雲吞是材料十足(不是份量十分), 真的做到了"三分肥肉七分瘦"。蝦是人手剝殼的海蝦, 沒有像其他店子用的是大批從漁市場剝好殼及漂過的蝦爽口而無蝦味。唯一小小美中不足的是肥肉是絞肉, 不是真正傳统的用刀切碎的肉，否則是一百分！吃罷了，付了錢慢步了十五分鐘。雲吞、湯及蝦籽的鮮味還在我舌頭中盤旋了良久.....這家店子肯定在我常到之列。

放工後肥仔去深水埗綠林後覺得肚餓，叫佢介紹啲嘢食，佢指咗我哋去桂林街一帶揾食，話有一間食蝦籽麵好出名，但又唔記得叫乜名，我哋揾吓揾吓就揾到嚟。我哋分別叫咗云吞蝦籽撈麵及淨蝦籽撈麵，麵彈牙爽口，撈麵嘅豉油較淡口，並沒搶去蝦籽的咸香，十分夾，云吞雖得3粒，但有少食多滋味的感覺，而且頗為爽口，若加多少少豬肉會更鮮。試想若給你10粒難吃不堪的垃圾云吞都只是收你同樣$28，你會選擇誰家的云吞蝦籽撈？我肚子quota有限，當然我會選只得3粒美味云吞那一家- 劉森記。整個吃的過程都十分流輰，加上服務員的良好態度，令人吃得開心。步出店子，與老公散步回家，一路上，口裏仍留着蝦籽的餘香，令我倆回味不已，在整個歸途上亦感到幸福和滿足。令食客得到如斯感覺，這才是食店最大的使命。

講到水餃，唔去劉森記買，點對得住自己?一打三四十大洋，換嚟口福之慾，抵...蝦大隻又夠鮮，筍絲及木耳絲依然夠，實在極出色...順便買D雲吞，水準一樣不錯，雖然自己都係較喜歡傳統多豬肉嘅雲吞...

由於要去附近看跌打，便順道找找附近有何美食，所以是做足功課先來！未來幾日應該都會食盡附近唔同的餐店了。這店的衛生一般，桌上的調味架上有些蒼蠅，真係有少少驚它們飛落食物上。點了蝦子招牌水餃雲吞撈麵。先吃一口蝦子撈麵，發覺麵底幾爽口，沒有乞人憎的鹼水味，不過蝦子沒有想像中那麼濃味，但份量真是超級多。後到雲吞，其實質素也不錯，因為蝦都爽，裡面也有些蝦子增加蝦味及咬感，比大部份的雲吞好了。招牌水餃的Size有雲吞的兩倍，是久違了的咬感及味道，很爽口，可以Encore了。阿姐的服務也很有禮貌，笑容滿面，更難得。

新春前後食o左唔少好o野，但總係的唔起心肝寫食評。尋日一心去老深買o野兼食午餐，唔想再去維記，又迫又唔係咁好食。忽然諗起呢度，想o黎好耐，但總係o黎唔到。於是買完o野即刻o黎，點知真係早得滯，未開舖...既然一場o黎到，不妨等了又等...行兩個圈返o黎，唔單止開o左檔，仲差o的冇位坐，幾誇！太太要o左蝦籽撈粗，我要普普通通o既牛腩河得喇，再試埋個雲吞啦。我本身唔好雲吞，但呢度o既雲吞好味喎，又大粒又足料，o的蝦好爽口o忝。主角蝦籽撈粗登場，蝦籽份量多而唔腥，粗麵彈牙冇鹼水味。有水準！小弟o既牛腩河竟然同樣係出色之作，河粉同牛腩o既份量都係勁多，牛腩好入味，質地比較有o趙頭，但係o的筋就好淋，正！想唔俾個笑佢都唔得。

劉森記是平常到黃金經常經過但會忽略的店舖。反而今天故意依據地址造訪，卻誤會了是另一邊的桂林街，好不容易才找到，原來就是這間。進店後剛剛有一空桌，坐下後馬上看看餐牌，看到了想食的蝦子撈麵。我們點了水餃蝦子撈麵和牛筋蝦子撈麵，很快便送上來。兩隻水餃跟小湯上，水餃大隻而且料足，果然是招牌貨。牛筋都很淋，而麵的確沒有鹼水味而且爽口，撈埋蝦子雖然有點乾，不過加回些湯便可以。店子雖小但比想像中乾淨光猛，而且阿姐們都有禮貌，價錢雖比其他麵店貴少少不過物有所值。

feb 12, 08,2人來,叫咗 : 1) 蝦籽黑柏葉撈麵-因仲有下1場,所以只喺叫咗1個麵嚟志在試吓-黑柏葉唔"un"但無嘜味,蝦籽唔鹹又多,不過又無嘜味-個麵無鹼味,但1d都唔彈口-碗湯就有d鮮味,偏少少甜,最ok - 對呢間咁出名嘅麵食有d失望

心思思又要幫襯,為的是食水餃,勁以為會加價,到埋單時原來郤沒有,水餃牛腩撈麵只賣廿八大元.品質和平時一樣,估不到百物騰貴的時候,人人加價,它郤維持原價和品質,難得之至.令人肅然起敬.新鋪那邊是不會去了,因為品質實在不及這裡.老闆娘坐鎮就是保證.

聽說全部面都是人手打出來特別好味真係不同水餃又大過人吃下去真是別不同湯底好味