六両三.台灣食堂 (已結業)

諗住撐吓黃店又聽王先生推介話幾好食，於是喺六點禁堂食之前一晚 搭車到觀塘店外賣二人火鍋套餐。 餐後感想如下:有啲失望😞 二人火鍋套餐$388 包括兩個一人火鍋湯底(麻辣湯底味道的確唔錯)， 120g美國安格斯牛小排+$30, 120g澳洲M5和牛肉眼+$20,(分量少得可憐), 台灣直送好丸子(唔知係咪真空處理包裝關係,size 細過我個掌心), 台式火鍋菜盤包括有數片高麗菜 2棵小棠菜 兩片南瓜 金菇 2件大甲芋頭 2片本地蕃茄( 玉米同蒟蒻係隱形嘅! 可能我時運高睇唔到🤔) 刀削麵( 真心難食) 薑母茶及蜂蜜鹹柑桔(飲品尚好)另追加 手打澳洲和牛筋丸$35/6顆( 呢個真係好得) 麻辣鴨血$30/3件(普通未至於難食)

朋友仔生日去食火鍋可以保暖, 又可以慢慢吹水前一年同朋友都係六両三.台灣食堂  食午餐生日飯今年就食火鍋其實價錢不貴.加上朋友仔講台灣肉丸好食.一人一爐最好.朋友要牛骨沙茶鍋(套餐)我要養生蔬菜養生鍋(套餐)可以單叫. 不過…懶5 想諗加上一人一個蔬菜籃內又有各式蔬菜, 菇,南瓜, 台灣肉丸等當初感覺好細絕對不夠飽之後個 套餐包左一份肉,朋友仔 要澳洲草飼M2 牛頸脊(中份)要加錢及關廟麵自己要左鹿兒島豚梅肉及滷肉飯朋友仔個 鍋同我的好大強烈對比牛骨沙茶鍋好香濃沙茶味我個鍋的湯底雖然好清但絕對有味燕餃個名好文藝入口超好味當初以為魚皮餃的絕對不是因為肉味鮮甜,沒有太多味精皮爽身. 沒有厚粉感覺因為太好味即刻食第二款流心玉米球      好似奶皇包內的奶 皇餡但不是甜, 是咸味超級好味好味. 大家都讚肉類.朋友選澳洲草飼M2 牛頸脊好有肉味之餘沒有太重 雪氣味爽,鹿兒島豚梅肉,因為自己掛住吹 水過 左 火肉質變硬左但肉味香濃,重點, 好多時,質素差的肉. 滾起來好多雜質湯或依然清透.見質素甘好再叫百 頁豆腐配上關廟麵又滑又好味. 彈牙豆腐, 真你第一次食.豆味剛好. 滷肉飯. 正細細碗滷肉

呢間喺九龍係一間好出名嘅台灣餐廳，今日先發現佢晚市竟然有一人火鍋套餐，作為火鍋迷嘅我當然要同朋友一齊試下！牛骨沙茶鍋 $138牛骨沙茶湯底濃郁，好香😋😋😋配料方面揀咗鹿兒島豚梅肉同冬粉。另外雜菜盤裡包括有南瓜、高麗菜、時令青菜、金針菇、芋頭、玉米、蒟蒻。藥膳麻辣鍋 $158唔知係唔係我朋友太食得辣，佢同我講個湯底無咩辣味😮😮，不過因為我火鍋真係食唔到辣所以無去試。配料方面揀咗澳洲M7和牛後腿肉眼同冬粉。飲品方面揀咗：粒粒西柚多多 $36冷泡白桃烏龍（無糖）$22最後，如果like 社交平台仲有送芋圓仙草甜品

同朋友經過觀塘大廈樓下見到六兩三嘅廣告，即刻醒起之前喺尖沙咀食過一次，印象唔錯，於是乎帶朋友再幫襯一次。之前食嘅六両三剩係得普通台灣菜式，呢間分店竟然有一人一鍋嘅火鍋，見天氣凍一於試吓。餐廳嘅格局都好闊落，有自助斟水區。落單都係用QR code自己落，方便快捷。我同朋友分別係做清湯同古早沙茶湯底火鍋，朋友嗌咗牛肩胛，而我就嗌咗黑豚肉。牛肩胛肉味都幾濃，黑豚肉就不過不失。除咗肉類之外仲有一款面同埋蔬菜盤，個蔬菜盤種類好多，值得一讚嘅係有好大舊嘅芋頭，芋頭打完邊爐入口即溶，超正！另外都推薦大家揀台灣麵，佢嘅質感有啲似讚岐烏冬，但又有啲唔同，煙煙靭靭咁，配埋沙茶湯底，好入味！餐廳仲要充滿良心味，靚到爆呀!!總括而言，餐廳質素同以往一樣都係咁出色，下次黎再食多次佢既招牌滷肉飯先得~

觀塘有好多隱世餐廳， 今晚就去咗巧明街嘅六両三台灣食堂， 地鐵站行過去都係8分鐘左右， 我地2個人一人一鍋啱哂。一入去以農家裝璜， 而且坐位寬敞乾淨企理， 俾人好舒服嘅感覺， 有一面牆壁上嘅特色壁畫更係打卡位啦， 另一邊牆上仲講明無味精嘅堅持，好期待喔。佢地主打係紅繞牛肉麵， 但今晚我地選擇打邊爐，六両三推出3款一人火鍋套餐, 蔬菜養生鍋/牛骨沙茶鍋/藥膳麻辣鍋, 我地都食唔到辣, 所以咗選擇蔬菜養生鍋同牛骨沙茶鍋 .  每個火鍋套餐都包一份肉盤， 3款台灣好丸， 一份蔬菜盤同1份粉麵， 而且每款選擇都很多。 蔬菜養生鍋以粟米同白蘿蔔做湯底， 好清甜喎， 牛骨沙茶鍋就好濃郁， 對比好大， 哈哈~    肉品其實都好多選擇，鹿兒島豚腩肉/鹿兒島豚梅肉/澳洲M7和牛後腿肉眼/澳洲草飼M2牛頸脊/澳洲和牛牛面肉/澳洲M5肉眼蓋， 我就選咗鹿兒島豚梅肉同澳洲草飼M2牛頸脊， 份量都唔少喎， 而且厚度適中， 特別鐘意牛頸脊， 夾夾地又有濃濃牛味。 台灣丸類都有驚喜， 尤其係那粒流心丸裡面嘅咸蛋黃。  飯食除咗有台灣粗麵同關廟麵選擇之外， 竟然仲有王子麵， 我就選擇咗冬粉， 吸哂濃郁嘅沙茶湯

天氣轉涼，涼風宣告吃火鍋的季節已來臨，而六両三・台灣食堂最近亦順勢推出台式風味的火鍋套餐，引來一群台灣火鍋控食客朝聖，我和朋友便是其中一員。吃火鍋第一件事一定是選擇湯底，我點選了牛骨沙茶湯，深褐色的牛骨沙茶鍋用了大量牛骨熬煮，並注入靈魂沙茶醬，煮成濃醇的牛骨沙茶鍋。沙茶醬均是六両三・台灣食堂自家製，主要以蒜頭與多種藥材拌製而成，不會太鹹或油膩，挺甘醇的。牛骨沙茶鍋火鍋套餐包括蔬菜盤一份，台式好丸三顆，肉盤一份及飯或麵一份，愛吃麵的不妨一嚐台灣粗麵，眼前這雪白澎湃的台灣粗麵份量驚人，粗麵用優質小麥粉製成，比烏冬，拉麵掛湯能力更高，彈性十足，浸泡湯中好一會亦不會軟掉。台式三好丸當中的燕餃令我印象深刻，燕餃的餃皮以肉製成，肉皮透光，煮熟時彈滑可口，裡外到是肉肉的，豐腴的燕餃質地緊實，散發肉香。薑汁貢丸一口可吃，結實又彈牙，蘊含鮮甜肉汁和薑汁，可見薑汁融入貢丸其中，濃郁的薑香瞬間爆棚。蔬菜盤極為豐富，有椰菜，蕃茄，芋絲，芋頭，小棠菜，蕃茄，金菇及南瓜，芋頭在湯裡燉煮後，緊實綿密的口感讓人愛不釋口。牛骨沙茶湯令原本只有清甜味的椰菜變得鹹香入味，蕃茄用來增加湯的酸甜味，順便補充茄紅素。肉品方面，我

放假同屋企人嚟觀塘呢間餐廳食台灣菜。呢度係用QR code點餐，食物包括有牛肉麵、拌麵 、飯、涼菜、滷盤等等，款式都幾多。同屋企人都見到有一人火鍋，於是就決定試吓啦。火鍋共有三個湯底，包括蔬菜養生鍋、牛骨沙茶鍋同埋藥膳麻辣鍋，火鍋都包括左：蔬菜盤、肉盤、台式丸同飯或者麵一份。我哋分別叫咗蔬菜養生鍋套餐同牛骨沙茶鍋套餐。先講個湯底，蔬菜養生鍋望落清清地，但飲到蔬菜嘅鮮甜味，啱晒養生人士，而且能夠突顯食材嘅原味同鮮味。而牛骨沙茶鍋，一上枱已經聞到陣陣嘅沙茶香味，沙茶味道非常濃郁，甜鹹適中， 帶點花生香，啱晒鍾意重口味人士。而食材方面，肉類可以揀豬或者牛，我哋分別揀咗鹿兒島豚梅肉同埋澳洲M5肉眼蓋，鹿兒島豚梅肉肥瘦同厚薄適中，味道新鮮，食到豬肉嘅香味。而澳洲M5肉眼蓋色澤幾靚，牛味重，口感嫩。台灣丸共有三款，包括魚蛋、燕餃同埋鴨丸，魚蛋爽口彈牙，鮮嫩，海鮮味十足。燕餃既燕皮Q彈，鮮美。而鴨丸都係第一次食，口感實淨，重鴨油香，個人幾鍾意。蔬菜盤嘅蔬菜新鮮，而且洗得乾淨企理。麵食方面，我哋分別叫咗王子麵同埋台灣粗麵，王子麵索哂湯底精華，好入味。台灣粗麵有啲似烏冬，口感煙韌。

今日約左朋友係觀塘食晚飯，係OpenRice 搵食之際比我發現六両三係觀塘開左新店, 咁就去會一會佢！裝潢設計跟尖沙咀店差不多，但新店環境闊落，枱同枱之有距離，坐得舒適可以慢慢暢談！入正題先～首先朋友點了牛骨沙茶鍋配澳洲草飼M2牛頸脊、凍珍珠奶茶，而我就點了蔬菜養生鍋配鹿先島豚腩肉、熱蜜釀桂花茶！蜜釀桂花茶VS 珍珠奶茶蜜釀桂花茶 - 清香桂花加蜜糖, 不錯。我沒有試珍珠奶茶, 不能置評!牛骨沙茶湯底澳洲草飼M2牛頸脊、2粒丸、1燕餃、蔬菜藍 配王子麵 (麵可以揀米粉或冬粉)澳洲草飼M2牛頸脊, 有雪花而且都好多塊!蔬菜養生鍋.....好似清淡左D~鹿先島豚腩肉、2粒丸、1燕餃、蔬菜藍配冬粉鹿先島豚腩肉, 個樣都唔錯喎!蔬菜藍(有蕃茄、金菇、椰菜、小棠菜、南瓜、芋絲、芋頭)食下澳洲草飼M2牛頸脊, 有牛味、淋身, 加埋濃濃沙茶湯底好MATCH! 食下鹿先島豚腩肉, 夠薄身,熟左唔硬,都幾好食!沙茶湯底加上王子麵~正!總括來說都好味, 值得一試! 對女仔來說都夠飽, 男仔可能要加食品!

上次來六両三食牛肉麵的時候, 看到餐牌上面出現了台式一人火鍋套餐, 所以今晚見天氣有點涼便來試試。餐廳座位開揚闊落, 防疫距離充足, 令食客食得安心又放心。餐廳是用QR code來下單, 用自己電話來點菜, 實在是方便又衛生。藥膳麻辣鍋套餐這個套餐加了$18升級了美國IBP牛小排, 藥膳麻辣湯底很香濃, 裡面的鴨血, 豆腐都很入味, 而且餐廳堅持不加任何味精, 所以吃後不會有口渴感覺。美國IBP牛小排牛小排肉脂分佈平均, 口感嫩滑, 味道鮮甜, 而且沒有半點雪藏味。老油條即叫即炸的老油條, 香脆十足, 口感一流, 沾兩沾麻辣湯底, 盡吸湯底精華, 有很強的掛湯力。蔬菜盤各款蔬菜都很新鮮清甜, 還有台式丸類及芋絲。蔬菜養生鍋套餐一款湯底點了藥膳麻辣鍋, 另一款則揀選了一個比較清甜的蔬菜養生鍋來平衡一下味覺。鹿兒島豚梅肉豚梅肉肉質亦很有質素, 不會過肥或過瘦, 吃落嫩滑鮮味。台灣粗麵粗麵彈牙爽滑, 吸收了湯底的精華後, 有口感之餘, 味道亦有層次感。

餐廳：六両三.台灣食堂 (觀塘)地址：觀塘巧明街107號國基集團中心4樓2號舖天氣最近好反覆，有時凍凍哋就會好想去打邊爐🍲，少人打嘅話最啱就喺食一人鍋，唔搵唔知原來黃店六両三.台灣食堂 @6liang3 由尖沙咀開到過嚟觀塘工業區🏭，如果唔喺咁啱上網搵都真喺唔知🙈六両三嘅老闆喺台灣高雄人，佢堅持視客人如自己嘅屋企人同朋友，希望客人食得安心同放心，所以餐廳絕對唔會用任何嘅味精、牛骨粉去調味❌，佢哋主打滷肉飯同紅燒牛肉麵，今年仲新推出一人台式火鍋，希望精心熬製嘅湯底可以暖一暖客人嘅胃口🤓之前已經去過尖沙咀分店，餐廳面積好細，坐得有啲逼，仲成日排長龍🚶🏻‍♀️🚶🏻🚶🏻‍♂️，估唔到觀塘呢間喺巧明街國基集團中心4樓嘅分店喺改頭換面，以一個空間感更大、更有台灣味道嘅裝修示人🇹🇼 ，幾有驚喜😍今次嚟食一人台式火鍋，除咗藥膳麻辣鍋之外🌶，六両三仲有牛骨沙茶鍋同蔬菜養生鍋三款湯底選擇，而每個一人一鍋套餐都包一份肉盤、一份蔬菜、三款台灣好丸同一款飯麵類，百零蚊喺咁靚咁舒服嘅地方打邊爐算喺唔錯✝️蔬菜養生鍋套餐 $128用咗十幾款新鮮蔬果慢火熬4個鐘而成，就連一滴雞粉都無落，飲落清甜潤喉👍✝️牛骨沙茶鍋套餐 $1

一間係觀塘的隱世台灣菜，踏入門口的一刻，佢地既裝修已經吸引咗我嘅眼球，用心嘅裝修令到我好驚喜，水吧同廚房係分開嘅，廚房嘅裝修有日式風格，個感覺好似去咗日本咁。喺門口見到有無味精一人火鍋，的確引起左我嘅興趣，呢個天氣食個火鍋最好，所以我地分別叫咗牛骨沙茶鍋套餐同藥膳麻辣鍋套餐，雖然係一人套餐，但我對我來講分量都幾多，我就唔係好食得晒，我朋友係男仔平時食嘢都多，佢都話夠晒飽。首先要讚下呢個冇味精嘅湯底，食晒成個火鍋都唔會有個種味精渴喉嘅感覺，真係好好，兩個湯底各有千秋，牛骨沙茶出面好少有，而且佢個味做得好特別，濃郁沙茶湯帶出牛既鮮味，連調味料都唔使點！藥膳麻辣鍋有啲辣，可以準確咁帶出有藥膳嘅味道，感覺好足料，不過我覺得個味道可以再濃啲，主食有五款俾人揀，見到有關廟麵同王子麵好少有，配料有10款而且十分多元化，佢哋用既係鹿兒島豚腩同梅肉，肉味濃且爽口彈牙，雖然係一人火鍋但係都有好多片，一人火鍋黎講食得好爽！當然亦都可以選擇叫一個鍋，然後加配料，第24款配料可以揀，兩個人食都好正~呢度嘅店員都好熱情，有問題都可以搵佢哋幫手，水同碗放咗喺店嘅中間大家可以自取，不過醬料就因為衛生問題要問店員攞，除

2個人打邊爐黎食一人一鍋就最方便😆嗌咗牛骨沙茶鍋同藥膳麻辣鍋👍🏻牛骨沙茶鍋，湯好濃郁，唔咸無論係配肉定配蔬菜，都索晒啲湯汁，非常入味藥膳麻辣鍋味道唔夠重🙊冇乜藥膳味，都冇乜辣味，有啲油依間餐廳既特色係所有火鍋丸類都係台灣直送嗌咗手打牛筋丸，原來係澳洲A5和牛，再運去台灣製造，味道好濃好彈牙此外都飲左杯珍珠奶茶，估唔到都幾好飲，珍珠咬開係有甜味滲出西柚梳打仲有粒粒西柚肉，感覺仲好過出面個啲飲品店

去咗食一間想食好耐嘅台灣餐廳 喺朋友口中佢嘅口碑好好果然好細心 餐枱上邊有橡筋比女仔可以使用先來嘅係兩支四季春 解油膩好有用 而且出嚟好冰凍㗎啱晒我呢啲酷愛鍾意凍飲嘅人兩個餐終於嚟到左邊嘅係 牛骨沙茶鍋湯頭有沙茶味得來都好清甜 唔會太重口味右邊嘅係 藥膳麻辣鍋最欣賞係佢係真係好麻 對真係鍾意食麻辣嘅朋友 係一個好消息佢牛肉好新鮮 係鮮紅色的上枱唔會雪到好硬 溫度剛剛好識落有肉味好嫩口係台灣獨有嘅王子麵喺香港真係好少見其實菜盆擺得好靚 唔單止有各種丸餃類仲有軟綿綿嘅芋頭 蔬菜嘅色澤都好靚睇得出係好新鮮冬天食一個咁樣嘅火鍋係人生一大樂事蛋餃係我依個火鍋中嘅最愛超好味嘅蛋糕再加埋麻辣湯底簡直係正人均百幾蚊 有咁嘅環境同咁嘅服務質素係幾舒服嘅體驗

黎到冬天又想打邊爐🍲🥘🥘🌞 一人一鍋就岩曬人少少既晚餐🤓先講講湯底～牛骨沙茶鍋🌞，湯底好濃好惹味😋，重口味之選😏蔬菜養生鍋🥬，湯底比較清，配有兩件蘿蔔同一舊粟米🌽。每個一人餐都配有一碟自選肉（三選一），一份菜，一份飯面（仲有王子面簡😂）～豬肉幾好食～蔬菜盤🥗🥗既種類都夠多，再加一個面食其實都夠飽～不過如果肉可以再多啲就更滿足！👽除左打邊爐，大食既朋友仲可以食埋佢出名既滷肉飯🤣🤣👍🏻👍🏻👍🏻👍🏻

一人一鍋食到飽好滿足😋又到打邊爐的季節，兩個人食唔得多野，於是就揀咗觀塘依間六両三食一人一鍋😆我地2人嗌咗藥膳麻辣鍋套餐同牛骨沙茶鍋套餐，飲品方面就西柚梳打同珍珠奶茶🧋套餐好處就係唔洗自己諗要咩配料，最啱心大心細既我😂牛骨沙茶鍋套餐$128包括肉盤一份、蔬菜盤一份、台式好丸3顆、飯/麵一份肉可以揀鹿兒島豚腩肉/鹿兒島豚梅肉/+$18美國ibp牛小排飯/麵就可以揀珍珠米飯/冬粉/王子麵/關廟麵/台灣粗麵我地揀咗鹿兒島豚梅肉同關廟麵真心💛牛骨沙茶湯底真係好出色湯好濃郁，唔咸，默默地當湯飲咗好多啖配上豚梅肉真係一絕，索晒啲湯汁好入味一份肉有6片，份量足夠蔬菜盤有金菇、南瓜、椰菜等，多到食唔晒藥膳麻辣鍋套餐$138包括鴨血、豆腐、老油條、肉盤、蔬菜盤、台式丸3粒、麵/飯1粉我地揀咗牛小排，麵就揀咗台灣粗麵牛小排油脂分佈平均，又有肉味軟腍配上養生既藥膳麻辣鍋真係好滿足又暖胃一份肉大概有7片，絕對唔吝嗇同樣地，湯底唔咸，食完唔會有口渴的感覺食緊個陣，店員走過黎推介手打牛筋丸，原來係澳洲A5和牛再運去台灣製造真係一食便知龍與鳳，牛丸有好濃既和牛味，肉汁多，又彈牙，冇介紹錯！至於飲品方面真係有驚喜珍珠