六両三.台灣食堂 (已結業)

近排天氣轉凍來個火鍋暖暖身，這裡裝修以木色為主格調感覺温暖，環境整潔地方大，以QR code形式自助落單，湯底有三款選擇，蔬菜養生鍋、牛骨沙茶鍋、藥膳麻辣鍋，肉類也是三款選擇，美國IBP牛小排，鹿兒島豚梅肉，鹿兒島豚腩肉。雜菜和肉丸盤有蕃茄、金針菰、小棠菜、南瓜、高麗菜、芋頭、蒟蒻、流心丸、魚旦、豬肉卷。主食有五款選擇，珍珠米飯、冬粉（即係粉絲）、王子麵、關廟麵、台灣粗麵。蔬菜鍋以粟米、白蘿蔔為湯底，相當清甜。沙茶鍋香而不辣，略帶甜味，主要用來蘸食佐餐。牛小排色澤鮮艷，油花分佈豐富且集中，是牛油脂分佈最精美的部分，牛味濃郁又散發油香，入口嫩滑。豚梅肉有大量的大理石花紋，夾雜著適量油花，特別嫩滑爽口。蔬菜種類多樣化，蕃茄、蘿蔔清甜，金針菰、小棠菜、高麗菜爽口，南瓜、芋頭有飽足感。最後唔少得用王子麵索汁，麵條本身勁香脆，速食麵浸入湯汁裡吸收美味精華，麵條超滑又有脆勁。台灣粗麵也不錯，類似上海粗麵的樣子，口感紮實有Q勁。

最緊同朋友黎左一間主打食台灣野嘅餐廳食晚飯，餐廳裝修帶少少日本風，店員都幾nice☺️睇下餐點先，有地道台灣野仲有一人一鍋打邊爐😋。我地叫左牛骨沙茶鍋&蔬菜養生鍋😌入面會包左雜菜盤，牛肉同台灣丸😊牛骨沙茶鍋味道都幾濃，又會辣，有少少似沙嗲味😍蔬菜養生鍋味道好似竹蓆茅根粟米湯☺️牛肉都肥瘦均勻。丸就有燕餃，豬肉丸同花枝丸☺️同蔬菜盤花枝丸好彈牙，入面仲食到粒粒花枝😋燕餃有d仲魚皮餃☺️粉麵就揀左台灣粗麵同冬粉😆粉麵吸哂湯汁勁入味😍

走出觀塘道，經過駿業里，就會到達巧明街！上到來，喺下午下午茶嘅時間，人流並唔算太多，服務態度都OK嘅！今日同朋友嚟到！我叫咗個鴨血食，朋友就叫咗個滷肉飯，做個午餐！用手機落單，不過接收訊號就真係差咗少少，後來點餐之後先發現，原來有Wi-Fi提供，出產嘅速度都好快嘅！5分鐘內完成上菜！至於茶水都係自助式！我食既鴨血配上左佢哋所講嘅冬粉！感覺似粉絲！都夠林！辣度適中！湯底濃郁！我朋友食滷肉飯！上台嗰時就好香嘅！以佢所講味道比較普通！見佢食晒應該可以接受嘅！

好耐無出國la，以前隔幾個月就出走台灣，依家想食台式火鍋就要係香港食la，係觀塘搵到間主打台灣食堂嘅餐廳，除咗台式便當仲有冬天必食火鍋，今晚開始天氣凍，食火鍋真係啱哂！我最鐘意食辣一定揀藥膳麻辣鍋，而套餐入面有：鴨血、豆腐、老油條、肉盤1份、台式好丸3顆、蔬菜盤1份、自選粉麵1份。朋友唔係好食得辣就揀牛骨沙茶鍋套餐，套餐包括：肉盤1份、台式好丸3顆、蔬菜盤1份、自選粉麵1份藥膳麻辣鍋套餐自選肉類我揀咗鹿兒島豚腩肉&台灣粗麵，朋友就揀咗鹿兒島豚梅肉&關廟麵藥膳麻辣鍋入口有重重台灣藥膳湯味再加上滿口濃烈麻辣香，即刻好暖胃，湯底係越食越濃味！豚肉同粗麵「索」哂d湯汁入去食落超惹味！牛骨沙茶鍋湯底非常濃郁，偏鹹口味，鐘意重口味就一定like la！食到尾段落椰菜，菜甜味加上湯底鹹味表現出色。值得一讚係蔬菜盤非常新鮮！六両三.台灣食堂地址：觀塘巧明街107號國基集團中心4樓2號舖

平時好少經開過觀塘嘅工業區，今次聽朋友介紹話工廈都有好多美食，於是展開一個覓食之旅。間餐廳位置其實非常方便，喺某大型商場落扶手電梯轉右1分鐘之後就可以到達，估唔到入邊嘅環境仲要好乾淨企理，而且裝修亦都富有台灣特色。T餐廳掛出黎既一排燈籠就好似夜市入邊嘅燒肉店，又有牆壁上既壁畫等，都好有特色好有創意。台式餐廳又點可以少得珍珠奶茶呢？呢度亦都可以俾你任君選擇。檸檬冬瓜茶我就叫咗呢一杯檸檬冬瓜茶嚟試一試，餐廳用嘅甜度剛剛好，啱晒健康嘅人士。混入咗檸檬嘅香氣，比普通檸檬茶好飲，因為就係加咗一份冬瓜嘅蜜甜味。餐廳新出左一啲火鍋套餐，都係百零蚊一個人，可以一人一鍋，夠晒方便乾淨衛生，我哋就一人一鍋試吓佢唔同湯底嘅味道。依間餐廳主打冇用到味精，靠真材實料保持佢哋去炮製鮮味。我朋友全程唔使飲水，都唔會覺得口渴。藥膳麻辣鍋佢個湯底真係夠麻夠辣，已經見到有啲辣椒乾花椒等，而且湯底入邊有百葉豆腐吸味同埋嫩滑嘅鴨血。牛骨沙茶鍋你哋有冇見到個湯底係有幾杰，就知道佢有幾足料同埋有幾濃厚嘅沙茶醬味道。而且佢哋用嘅食材亦都係好高品質，澳洲M5牛肉片。肥瘦適中，而且帶有大理石嘅紋，食落牛味濃。西班牙梅頭肉片就算係豬肉亦

好有驚喜🥰原來環境好寬敞，坐得好舒服，好似去左旅行～佢仲好貼心，枱上有髮圈，比女仔扎頭髮😘我揀左坐梳化位，好舒服，仲有大屏風隔住，風味感up XD🤣講返食物，半筋半肉牛肉麵，牛筋好淋，牛肉湯好濃，麵條夠煙韌☺️好味道 ~滷水蛋另加（$8) 價格有少少貴，但味道真係唔錯👍鹽酥雞都好正宗，即叫即炸，味道好🤤至於蔥油拌麵，蔥油好多，好似唔駛錢咁，不過亦唔會太鹹～叫埋一杯椰子奶蓋四季春，椰子奶蓋幾特別，好香椰子味，唔係度度有椰子奶蓋，值得大家試試😀

朋友介紹過這間，所以試試佢。於觀塘請袋鼠代步，當午餐送到時，全部都和暖的。阿宏蔥油拌麵 $51 袋鼠價一個中高紙碗，全碗都是蔥、已附上麵條的牆汁，開始變硬的麵。每條麵色澤均勻，充滿油光，大量黑晒色的蔥絲。味道上，只吃到濃濃的薑味和甜甜的醬油味，沒有蔥香，與我的期望不乎。如有下次，會食第二款主食！（見朋友們吃的滷雞腿便當更吸引）百頁豆腐 $28 袋鼠價好得意既口感，細滑綿綿的，有啲似魚腐的口感。拌著少少咸的燒汁(?)剛好的。

揀左係下晝4:00既時間去試食，勝在人少少可以慢慢坐。半斤半肉麵：湯底好濃，紅燒帶點微辣好開胃，油量絕對係接受到既範圍。筋同肉既牛味好足又夠林，好好食，食物大小都好岩一啖食入口，啱晒要儀態嘅女仔，唔好食得好論量。加分位係好多菜👏🏻唔落味精都做做咁好食真係掂！百頁豆腐質感好特別，有少少口感，好鍾意個汁。奶茶都唔錯，可以分7分/半糖/3分糖，我要半糖就覺得岩岩好，茶味好足，唔好比甜味掩蓋左，價錢$28略貴，不過有得坐同埋係黃店，值得支持！

有朋友介紹開話有間食台灣野可以試吓，上到去地方唔算大大應該可以坐30人左右，我們叫外賣為主的，拿起餐牌看看，一看就知道價錢中上，平均要$90蚊以上，心念是否食物質素會有一定水準，於是叫了一個有三款菜式的台灣面，我喜歡食牛筋，當然㨂一個有牛筋的面食，我叫左碗三寶牛肉麵（麻辣），加麵底（免費）$98（外賣9折），開頭都念過成百蚊食碗麵（唔包無嘢飲），係樓上舖來講是非常貴，如果佢係街舖價錢咪要$150以上一碗麵？然之後又覺得好耐無食台灣野，個朋友又話想食，於是就試下，我都有期望嘅，話晒都甘貴一碗麵，佢包裝都幾好，湯和餸用一個碗裝，麵用另一個碗，這個我都幾滿意。可惜打開碗麵，以加底的份量真係算少，麵的分量唔夠半碗，如果無叫加底，應該份量更少，成年男人計一定唔夠食，我的朋友都係加底，佢的份量都係一樣甘少，女仔應該夠食。至於去到主菜，收得甘貴是否用料講究，我打開碗餸，份量是牛筋：一只手指公甘大 / 牛扎：一片 / 牛肋：二條 手指公甘大 / 幾條生菜。份量都係同麵一樣，少得可憐🥺。好啦，重點是否很美味，兩個字形容：「一般」。牛筋淋的味道一般，牛扎太細塊都食唔到乜味道，普通街市貨色，牛肋肉質淋，味道

今晚用外賣平台，叫咗呢間喺公司觀塘工廈既「六両三.台灣食堂」， 落單後大概二十五分鐘就將餐點送到，都算快。今次叫咗排骨便當 ($68) 同埋阿宏蔥油拌麵 ($48)，另加一隻鹵蛋 ($10)。排骨便當 ($68)，排骨份量都算多，有幾款伴菜同半隻鹵蛋， 賣相可以，味道稍為清淡， 調味方面可以多少少變化。阿宏蔥油拌麵 ($48) 賣相ok，d麵唔會黐埋一舊舊，good 但同樣味道稍為清淡希望下次再試，可以食到出色既味道啦

1.WiFi廢2.個便當成個飯都冇汁，雞又少，食茶木冇咁嬲。個紅燒牛肉麵湯苦嘅，那來的自信賣$60-80一個飯3.啲樓面又唔知係味做野，唔該幾次都冇人應，坐晒喺度傾偈、禁電話

呢間係尖沙咀好出名既台式餐廳，而家係觀塘都開左分店，今日返工冇帶飯就買個lunch試下。🍴排骨便當拎返公司嗰陣已經一路都聞住好香既味道🤤打開便當就知道原來係排骨濃濃既五香粉香味，咬落去好香口，肉質唔會過硬，但味道偏重口味同單一五香粉味。令我驚喜既係配菜方面非常豐富，有芽菜椰菜酸菜冬瓜甜不辣酸蘿蔔同半隻鹵蛋，係整得有心機既，因為食到每樣配菜唔同煮法唔同味道，例如椰菜用左蝦米一齊煮，冬瓜係落左薑絲，鹵蛋亦都好入味。👍總括而言，味道中規中矩既便當，價錢有少少偏貴，性價比唔高，可能牛肉麵先係佢既招牌菜，下次有機會再試啦(´⊙ω⊙`)

剛開業都有嚟食過, 當時只有幾款麵食, 今次再嚟食, 係因為餐牌多咗好多新款, 唔再係以前得幾款, LUNCH 1:20左右嚟到唔駛等位, 好快就有位, 但入座率都有八成牛筋麵 - 賣相可以, 牛筋都好軟熟好膠, 湯底濃炸排骨 - 排骨好軟熟好味, 仲要鐵板上保存熱力阿宏蔥油拌麵 - 簡單得嚟又唔係差既拌麵, 蔥油好香總結 : 我見好多人都食便當, 下次可以試下, 原本諗住試鴨血, 但咁啱賣相有啲失望

▪️排骨便當 & 滷雞腿便當 🍱喜歡他的菜XD很有台灣便當的感覺！比起排骨，更喜歡他的雞腿🍗雞腿肉蠻多也蠻嫩，而且很入味🤤🤤🤤(可能會有人覺得太鹹)————▪️阿宏蔥油拌麵拌面不會過鹹～蠻喜歡他麵條的口感😚————▪️半筋半肉麵⭐️麵可以免費加底⭐️⭐️有紅燒/麻辣湯底可選擇⭐️牛肉麵浸久不但沒有變軟，反而保有麵的韌性和彈度，而且更吸湯汁😳😳😳😳！肉煮得很嫩，也入味😋😋😋主打沒有味精👍🏻但我覺得喝多幾口也是蠻鹹的🥵個人覺得麻辣的湯底可以更辣一點！！————▪️甜不辣❓很多人都不知道什麼是甜不辣❓💁🏾‍♀️：其實就是魚漿弄得扁扁的、再炸成金黃色！這裡的甜不辣口感很好，有點煙韌和咬起來很’糯’，同時不會弄得過分彈牙～好吃😚————▪️百頁豆腐推薦！很喜歡這種Q版豆腐

有次到友人的工作室開個派對，看看奧運，玩玩啤牌。本身他們計劃叫阿元來了的外賣，怎料人員齊集了，才發覺原來阿元來了在週末不開。然後才發現原來附近都有另外的台式店舖，就像這間六兩三，我之前只在尖沙咀見過，一直沒有嚐過，這次便點個外賣試一試。它的甜不辣，質地都算彈牙，不過可能偏厚 定還是麵粉太多，質地不算太過好咬。另外就點了個麻辣牛肉牛𦟌麵，妻子點了個半筋半肉，我就試牛𦟌，牛𦟌中間都有點兒通透的，夠薄身，我覺得麻辣湯配牛𦟌都相當不錯；另外它的牛肉，本身都有少許筋在內，不用專程叫半筋半肉（因為我不太喜愛吃牛筋），夠軟夠林；另外的麵條，可能亦都因為它與湯分開拿來，因此麵條即使是外賣，也夠彈性，以外賣來說的確是不錯的。滷肉飯就比較普通，雖然味道也不太差，輕微鹹香，帶點脂肪的香氣不過和其他的台式店的滷肉飯，好像沒有什麼大區分。