八寸料亭

營業中

休息中

八寸 大坑的高級日本菜好耐無吃過日本菜了，今晚有人請客，就試試新菜吧，吃起來感覺還不錯啊，跟平日吃放題好大分別。白籽竟然是（鯛魚精子），差點沒敢放進口內，加了點鱈魚卵調味，完全沒有腥味，滑身無需咀嚼，入口即溶。一條吞拿魚只有一片，炙燒腦天壽司的吞拿魚額頭非常軟稔，又是入口即溶，油香甚重，好吃。這山菜天婦羅用了平日不會用的材料冰菜 大蒽等等都很鮮嫩爽口，用油不老。加入點點岩鹽調味，也是一道良菜。沒想到味噌煮蠔的蠔肉這麼飽滿，味噌汁加入了沙律醬調味，甜中帶咸而不膩，值得大家一試。

呢間位於大坑嘅八寸，距離天后地鐵站大概10分鐘嘅步行路程，位置於僻靜嘅橫街， 花點時間就可以搵到。首先梗係點返個食身熱身先啦，刺身包括金目雕，池魚，黑鯥，拖羅，帆立貝等等，拖羅同帆立貝當然就比較常食啲，其他魚刺身就當然係睇時令先有得食啦。總括嚟講刺身都好新鮮，每一款魚都有自己唔同嘅鮮味同質感，而一向唔係好鍾意食魚嘅我同女朋友都覺得不俗。第二道前菜以鯖魚、梅子、生葵積、味噌混合而成，出奇地配合; 梅子嘅微酸，山葵嘅辛辣，味噌嘅濃郁，配合鯖魚嘅鮮味，再加上紫菜嘅脆口，絕對係一個開胃嘅前菜。海之幸 - 餸如其名，食晒海裏面令人最幸福嘅美食，有海膽、吞拿魚魚蓉蔥花、三文魚子，配上帶子手卷，將海裏面所有嘅鮮甜美食一次過帶到桌面上，四個人三扒兩撥就將佢清空左啦。鮪頰肉唐揚 - 其實識食魚嘅人都知道有幾個部位係特別嫩滑好味，就好似係面珠登，同埋魚鮫位。難得呢度有炸吞拿魚面珠登肉食，當然要試吓啦。微脆嘅外皮，包住嫩滑嘅面珠登，再配合少少蘿蔔蓉食，一次過食晒脆、鮮、清，又係食到一舊接一舊咁食，停唔到口。八寸鵝肝 - 呢度嘅鵝肝做法很特別，先醃後蒸再煎，內凍外脆，鵝肝嘅油分唔會好似出邊香煎咁油分偏重，相反

對於一個食量較少嘅細胃，食一餐高質嘅，比食幾餐放題日本料理黎得更滿足吧😎八寸料亭位於大坑，搵條橫街的確有點僻靜，如果唔係特登搵呢間餐廳，都應該好少會行到咁入😮食呢d日式料理通常都會叫廚師發辦👨🏼‍🍳因爲只有廚師先會最清楚邊款食材最合時令，有次序地將會席料理嘅極致呈現岀黎👍🏻刺身拼盤池魚 金目雕 拖羅 帆立貝 赤海蝦 鯛魚白子 黑鯥魚。鯛魚白子原來係精子黎，無論賣相同味道都好估佢唔到，十分厚身，質地較結實，但內裡仍帶點黏稠甘香。我自己就最欣賞拖羅，魚腩部位肉質當然最肥美😈，油脂豐香酒肴有鯖魚包紫菜，巧炒地以梅子、味噌以及山葵漬配上鯖魚製成一道開胃前菜👅再黎係海之幸，有吞拿魚蓉加蔥花，食起來更香，油脂比拖羅少不過口感仍夠油潤。帆立貝大得黎夠厚身，配埋海膽以及三文魚籽，矜貴得黎鮮味十足🤓汁煮鮪目魚即係吞拿魚眼。佢嘅質地軟林，開頭晤係好夠膽試，但原來食落都幾鮮甜，口感係幾得意，最重要係零腥味👍🏻鮪頰肉係吞拿魚嘅面頰😁今晚好似食咗Mr & Mrs Tuna一家幾口咁，外脆內軟，正！都真係第一次食咁多稀有部位。果然食好西係要尋訪隱世小店先有食神⚠️以為已經完？仲有八寸鵝肝呀！平日食鵝肝通常都係煎，原

遠遠身處於大坑中的八寸料亭，以師傅發辦為主調，主動為食客提供時令的食品，非常貼心。沖繩苦瓜是澀中帶甘香的一道菜，活像日式沙律，口感較中式的爽卻不會太油，感覺不錯。新鮮現剖的飛魚製成刺身，肥美跟煙韌的位置分別配柚子醋跟wasabi醬油，醋還加入了香蒽別有一番風味，原來還可以加紫菜！完全未嚐過這種口感～加入了一片細小花瓣作點綴，富山灣來的白蝦花作帶點花香的甜，無需加醬油調味。非常少有的吞拿魚面頰刺身，加入了麻油調味，麻油味香且面頰稔軟滑溜，完全無筋！

今日去到大坑尋找隱世小店，門面簡潔神秘，只係貼左手寫嘅Menu。一入去發現店內裝潢充滿了日本風味，牆上貼滿不同嘅電影海報，燈光柔和，與廚房亦有適當嘅距離，俾人相當舒服同埋放鬆嘅感覺，猶如置身係日本嘅居酒屋。店員首先遞上一碟精美嘅前菜大根沙律，擺盤相當有心思，炸大根與大根苗嘅配搭一脆一軟，加埋酸甜嘅沙律汁互相混和，依道菜十分開胃。接住係前菜山葵吞拿魚，喺醬油漬吞拿魚上面鋪上發酵之後嘅山葵，吞拿魚肉質結實，有鮮甜美之餘亦有淡淡嘅醬油鹹味，山葵就減少左吞拿魚嘅腥味，配合得很好，怕腥嘅人相信都會好鐘意。壽司拼盤一共12貫，有帶子、海老、瑩光魷魚、海膽，還有比較少見的黑鯥同鮪腦天。黑鯥產量稀少，屬於高價食材，肉質彈口，味道淡但係層次豐富，愈咀嚼愈發魚香，而鮪腦天雖然來自吞拿魚，但大多數嘅日式料理店都冇供應，腦天係成條魚最多脂肪嘅部位，加上廚師用火輕炙，魚油香進一步被激發出嚟，口感亦非常軟滑，令人一試難忘。其次，壽司嘅第二主角——壽司飯，店家選用咗北海道嘅米，粒粒分明，廚師握壽司的手勢亦相當好，份量尺寸適中，呢碟壽司可以話係呢餐嘅重點。味噌煮鯖魚， 鯖魚啖啖肉，加埋味噌嘅咸味，越簡單就越試到廚師嘅

這裡的格局似居酒屋，但前菜刺身壽司熟食湯物等也有供應，而且不是交行貨，小區的確臥虎藏龍。午市定食選擇頗多，有十數款，仲可以散叫壽司，連罕有的鮪面頰及腦天都有，每件三十多元，價錢合理，可惜個人不太喜歡火炙製作。惱人的是，這𥚃的刺身水準很不穏定，試過中伏，魚片不新鮮，色澤暗黑，質地霉軟無味。今天卻出奇的好，海鮮飯夠味，魚生好正，咬落有彈性，拖羅脂油甘，海膽超甜美，蟹肉不是算頂級，但有質感，也沒有添加調味料，很天然，整體也很平衡。希望這個水準可以持守。

係香港有得食omakase 既地方不多，一般起跳都要$1500人頭，今次呢個有十二道菜既omakase都只係$880，當然講質數同環境都仲有進步既空間.. 一坐低當然係食開胃既前菜，左面既係鮟鱇魚肝配左蘿蔔蓉係上面，蘿蔔蓉可以中和左無甘'溜'，感覺好似鵝肝不過口感厚實d同帶有少少魚鯹味，可能怕鯹既食唔慣，右面既係白魚，師博話係季節性既魚唔係成日有，多數係春天先會有，食落好似魷魚bb不過爽口d..睇得出每一道既陳設帥博都好用心甘擺，呢幾款剌身我都唔記得個名，口感似油金魚好香好新鮮，一d雪味都無，配埋側邊既酸汁好清新..講到剌身當然少不了有呢三款分別係：吞拿魚，中吞拿魚腩同大吞拿魚腩三食，最回味既係大拖羅，入口即溶仲要無根.. 壽司黎講最好味既我覺得係右上既無記錯應該係金目鯛，油份幾重同好滑，左下既鯖魚就有d鯹，個人唔係咁中意～順帶一提，我好欣賞師傅同店員都會觀察我地進食既快慢黎上菜！食物既溫度岩岩好，好細心！到戲肉喇～ 其實已經食到好飽，但見到海膽就好難抗拒，呢個海膽杯份量海膽同飯既比例岩岩好，海膽帶有少少海水味好新鮮，一d苦澀味都無但就味道偏濃，可以配埋紫菜包埋黎食，淨係計呢個海膽杯都

本來是想在大坑食另一間日本料理 但那晚full booking ...朋友又好想食 Omakase ...在大坑搵到了呢一間 外面看是頗有風味 一進去... 冇客的！但四個員工望實我地 心想即管一試吧 ...不想在此解釋每一度菜了 總括是食材不夠新鮮 賣相過份堆砌其實又不注重衞生細節 食材不新鮮變相又冇乜味咁 其實香港地而家做得Omakase的店真係難食極有限 但偏偏呢一間真係難食 我一邊食一邊擔心食完會否肚痛 其實一望個廚房做open kitchen 已經覺得唔應該用來做生食 有點殘舊又不夠乾淨似的 現今呢個水平不應該在市場上出現吧 $1180一位在別的歺廳也有不錯的水準了 怪不得沒有太多客人幫襯 .... 唯一可以讃的是sake不錯價錢合理

一向對節日很重視的我，今日係元宵佳節，一定要食好味的.....老公一向鍾意食Omakase ,其實我都食到厭厭地啦，今日一於來個懷石料理！一樣都係set 啫，吾駛選擇Y麻！我們今日一於過海，去左大坑，佢lee度泊車又方便，吾錯！十二様野食，$880一位！OK丫蟹蓋最好味😝😝櫻花蝦凡立貝好好味👍🏻👍🏻lee條魚咸到冇朋友，我諗佢醃左好耐，我食完佢，飲左3杯茶全餐整體來講都好食嘅，除咗條魚之外！不過個廁所就爭啲啦！我好少去啲日本餐廳個廁所係咁樣嘅！

一早約左閨蜜食生日飯🥂，問佢去邊食，又話無所謂（當然認識多年其實知道佢都幾有要求🤫）最後決定試下之前朋友食過評價都高既八寸🧐無知既我今次係第一次食會席料理，餐廳係橫街入面，其實都幾難搵（起碼我搵左十幾分鐘😴）不過咁既位置有佢既好處，有d旺中帶靜既感覺，一行三人6點半準時到達餐廳 開始我地初嚐會席之旅💃🏼💃🏼💃🏼💃🏼💃🏼💃🏼總括黎講 有三款set,會席一款，而刺身壽司就兩款，我地為會席而來，當然用9秒9速度決定💁🏼‍♀️前菜：北寄貝，出面凍到呱呱叫，估唔到呢個前菜係熱架，即時幫我體溫升高番🔥先付：祝日料理，傳統日本過年食品，服務只有介紹每樣野都有唔同意思，蝦代表長壽，栗子代表財富，以我既金魚記憶力，淨係記到呢兩樣🙈🙈一品：真鯛，又係暖胃既時候，侍應加完湯會蓋住叫我地等一分鐘先食，咁魚既生熟程度就岩岩好，重點一提，呢個湯底真係超超超好飲！🤓刺身：必需要講既係本皮剝 配佢既肝醬 真係好夾😍松葉蟹：味道控制得好好，無搶到蟹既鮮味🦀車海老：呢個車海老配明太子醬 有驚喜🤩柚子味噌蠔燒牛：唔會燒到老曬👍有海膽魷魚：同我食出面食過既魷魚好唔同，呢度既魷魚好有鮮味😇八爪：食到咁上下有酸酸甜甜既菜都幾解膩🤠

我同愛人都喜愛食日本菜，但係而家香港食日本菜要食到有水準又平民實在好難， 去年無意之間喺openrice睇到一段介紹係大坑一條小 巷裏面有一間<八寸料亭> ,見到佢有会席料理,12道菜 ,價錢親民每位688元,感覺可以一試 點知一試就覺得相當好食，而家已成為我同愛人每個月至少許去一次到兩次。主要是大厨余師傅不时都提供很多不同種類的時令食材,尤其是刺身方面， 種類之多甚為驚喜，如有特别喜好还能代訂食材，都唔想再講啲嘢點好食， 有興趣就去試下啦!

在香港提供 十二道菜的會席料理 頗特色及大膽。如果不太在意 料理的美味程度，就 ok 。餐廳最具 日本風的，是其 用日文寫的菜單。- 地方不大而裝修不錯。如大枱坐滿 整個餐廳聲浪會有些嘈雜。- 抱歉地，十二道菜居然沒有一樣令我們覺得非常好味。 每一道都欠一點滿足。- 每一道的陳設則不錯- 煮 天婦羅 的油可能用了好幾次；天婦羅 也帶有那些 重用的油炸味。- 調味 一些偏甜一些偏咸 （如 羅白）好一些 不夠味 。估計 是不少都是一早準備好，不是現成煮的，導致這情形。- 一些食物的 鮮度不足所以味道也侷限了，如 天婦羅用的大蝦、如鵝肝、甜點中的菓子、蟹肉。- 另散叫了的 手卷則不錯；相信 壽司應該 ok。（想 香港地租金太貴了, 實在局限了 取材的質素 唉）仍須加油。

吃了一頓美味的會席料理。席間與各路英雄討論懷石料理與會席料理的分別，說法莫衷一是。所以回家作了點研究，歸納了大概的説法。- 懷石料理原先乃為日本修行人仕準備的輕食料理，但後世卻逐漸把它演變為高級料理。- 會席料理是日本江户時代武士宴客用的料理，宴會中客人飲酒作樂，不拘禮儀，以較為輕鬆的形式用餐。- 懷石料理(進化至高級料理後)講究意境，承傳"襌"味，從餐具到菜式賣相都極尚講究。- 相比之下，會席料理從食物本位出發，講究食物的取材多於食材的矜貴度，價錢相對較親民。食店位於大坑，鋪位開在大坑蓮花宮旁的一條横街，入夜後街燈較為昏暗，感覺僻静，頗有隱世小店的風範。是夜夜宴一行五人。由於會席料理的食物需要預先準備，在訂檯時候需要預先指明，並且按人頭預付每位$300的按金。 肯恩不太清楚walkin食客能否點選會席料理，大抵是需要看看當天厨房是否留有足夠的食材而定。點選會席料理另有一好處，蛋糕自携不需要另外收取切餅費，否則切餅費盛惠$100。若果晚膳準備為席間朋友慶祝壽辰切餅，感覺選擇會席料理會更化算。(注：生日蛋糕還是由自己負責處理切餅事宜，大會只提供額外餐具。)店內環境不算寬敞，用饍區連吧枱座

早一陣日子經常去大坑食飯，每次都會經過一條小橫巷，也一定會留意到一間日式小店「八寸」。小店給予筆者的感覺，有點似京都四条通靠近鴨川那一段的兩旁的小橫巷內，那些低調但非常高級的京料理店。一直都有一股衝動走去一試，卻遲遲未有實行，估唔到太太竟然安排了在這裏食筆者的生日飯。餐廳窄窄的門口只豎立了一個小燈箱，十分低調，甚至看不見一扇門戶。在香港真的從未見過這樣的一間餐廳：位置既不面向大街、也不在商場內，招牌也異常隱蔽。好像這種充滿日本京都風情的高級料理店，實在引起筆者很大的好奇心心。推門入內，店舖非常細小，連同那個小小的開放式吧枱廚房，只可以容納10多個客人。很多人都聽過懐石料理，「八寸」則主要提供会席料理，最接近的中文同義詞可以翻譯成高級宴會餐饍。其實，懷石料理與会席料理同出一源，兩者同樣講究不時不食，只不過前者更高級、更精緻、更講究禮儀。餐廳的名字已是一種隱喻，八寸其實是懐石料理其中一道菜的名字，源自一個盛載二、三款小菜（或加上一小杯酒）的八寸見方木製漆器托盤。作為一間会席料理店，無論裝修以及侍應其實都不太符合規格。沒有個室之餘、也欠缺榻榻米及席地而坐的和式矮几，取而代之的是細細張的枱櫈；

轉角的小驚喜 會席料理自己本身沒有特別鍾情食日本野，但今日生日有人話帶我去食好野，就一於去睇下有-幾-好! 八寸位於大坑蓮花街既小巷入面，正正係林子善做老闆既龍鳳冰室對面。門口既裝潢已經好日式地道既感覺，令我更加期待呢一餐。店內環境唔太大，可以揀坐BAR枱同師傅傾下計或者ORDER枱，一坐底每人已有醃魚既小食，MENU有分散叫或者SET，我地每人揀左SET $688既會寸料理 (霜月)，有12道菜。柚子宮城蠔 – 生蠔一向係我至愛，呢個唔係太肥但一食落口個感覺係「真係有海水味」架，加埋個汁個味道響口入面好夾京菜白身魚 - 放低生魚片後之後師傅會拎壼暖湯加落去，令到魚片呈白色半透明，未試過用呢個方法食，咬落去魚片好滑，好有魚味道 ，半生熟既 ，連湯都要飲哂剌身三點 – 油甘魚、劍魚腩、吞拿魚，每一樣都好肥美，魚味好濃，魚油好豐富， 入口即溶既感覺，平時我唔鍾意食吞拿魚剌手硬係覺得有渣，呢個完全沒有! 呢5塊剌身睇落好似好少，但其實岩岩好再多可能會膩 鮟鱇魚肝 – 呢樣都係第一次試，充滿魚味口感比豆腐硬少少，簡直是食緊一粒魚肝油丸，不過怕鯹既朋友未必接受到松葉蟹薩摩芋 – 師傅響你面前將蟹