信州日本料理

營業中

休息中

星期一同媽媽出去食LUNCH, 扮下孝順兒女. 媽媽非常鐘意食日本菜(我都唔例外), 所以就帶左佢去新屋附近既日本餐廳呢間餐廳係西區都有D名氣, 可能因為價錢唔貴, 食物既有質素, 所以都屹立左係西區一段時間.睇到MENU, 見到都有唔少選擇, 壽司, 麵類, 刺身, 小食, 鍋物, 咩都有, 見佢有LUNCH SET就試一試佢叫左兩個餐, 所以有餐前沙律同麵鼓湯, 沙律菜新鮮, 又夠汁, 唔錯, 好開胃, 麵鼓湯亦無太鹹, 唔錯唔錯 點左個雜錦天婦羅, 非常好食, 新鮮!唔太油!足料!(3隻蝦)媽媽點左個牛肉壽喜鍋, 佢教我壽喜鍋最重要既一環其實唔係D肉,係個湯(雖然唔知岩唔岩,但係個下覺得媽媽好似好勁識好多野咁). 呢個鍋既湯做到甜度適中,有鮮味之餘唔會奪哂D牛肉味, 加埋隻蛋, 好滑口重點來了------柚子角切魚生飯, 點解係重點？因為佢係全餐飯既敗筆. 起初黎到見到覺得外觀好好, 魚生色澤光鮮, 仲有一陣柚子既香味. 點知一食落去, 原來清香既柚子味太強烈, 令到食唔到魚生既鮮甜, 加埋佢將唔少既伴碟酸薑放埋係飯上面, 令到兩個配角喧兵奪主, 攪到破壞左個魚生飯, 可惜最後試

Looking for a place at the last minute and came across this.Small and intimate. Food delicious. Fresh and well presented. Staff very attentive. Even kept an eye on our parked outside and informed us when a legal spot became available. Grilled cod so soft and moist. Avocado and soft shell crab sushi perfect size

今日同男朋友食飯，兩個人走左去西環特登試試一間日本餐廳，聽朋友介紹有個好抵食二人餐，就拉埋男朋友去食。五款刺身。刺身厚厚的好新鮮，我好鐘意食深海池魚，其他四款由男朋友包底。魚味清甜無雪藏味。蟹膏鮑魚。鮑魚軟腍唔會好鞋好韌，原來師傅一早炆好鮑魚。蟹膏好濃好鮮甜，好驚喜炸豆腐我最鐘意。薄薄炸粉入口豆腐香滑。和牛薄燒。香蔥蒜片好惹味，和牛有油脂入口軟腍。海鮮紙鍋。海鮮有蝦、蟹和帶子。湯底清甜蔬菜吸哂海鮮味道。碎蔥吞拿魚蓉飯。突出鮮甜的魚香入口好滋味，飯粒暖暖加上芝麻好香，海膽鮮甜的確滿意。

女朋友好鐘意食日本菜，今晚特登等我收工去食日本菜。西環海邊有間日本餐廳，有好抵食既二人晚餐。刺身五款。深海池魚是我最愛，魚味香甜突出，刺身新鮮厚切。女朋友比較喜歡牡丹蝦，爽口蝦肉爽彈。蟹膏鮑魚。師傅預先炆煮鮑魚入口非常軟腍，加上蟹膏鮮味濃郁的味道，非常驚喜。海鮮紙火鍋。湯底鮮甜加上新鮮海鮮，有蝦、蟹鉗和帶子，另有蔬菜和豆腐，鮮甜味為主，非常開胃唔會濃郁油膩。炸豆腐。即炸即食，炸粉極薄豆腐香滑。和牛薄燒。至愛香蔥蒜片配和牛，入口牛味香濃油脂剛剛好，唔會太油太膩口，配上燒蔬菜。最後更有碎香蔥吞拿魚蓉海膽飯。非常驚喜的魚蓉，香甜魚味清甜，加上鮮甜度高的海膽。⋯二人前價錢，有質素有環境，的確抵食！

星期天好想到外面走走，沿著西環碼頭海邊一直走、看着海浪在陽光下閃閃發光、好療癒。海邊附近有好幾間餐廳、信州是其中一間。座位舒適闊落。午市套餐有刺身、壽司、熟食定食等，價錢介乎$88-200，都算合理。茶碗蒸蛋好滑好香、裡面有魚肉片、冬菇和香葉。套餐還有沙律和麵豉湯、沙律都很新鮮。三重三色丼 $178 貌相不錯，有免治吞拿魚蓉、三文魚子、海膽。三文魚子脹卜卜、晶瑩剔透、鹹鮮味十足。吞拿魚蓉跟海膽伴飯吃、喜歡這綿滑口感。還有甜品- 芝蔴Mochi。Mochi是現成那種、令我想起以前吃日本餐廳大多會送上維記mochi作甜品、感覺有點懷舊：）

周末到堅尼地城閒逛，到海邊吹海風後，想在附近找一間餐廳吃飯。在離海邊不遠，泓都對面的街看到這家日本料理店。我們入內問店員拿餐牌看看，周末午市有廿多款套餐，價錢也不貴，就決定在這裏午膳。座位之間有空間我點了帆立貝、三文魚拼海膽丼套餐 （$168）。茶碗蒸蛋香嫩滑；碗內還有切片日式魚旦、冬菇和蟹柳，整體清而不淡。沙律芝麻醬中加入了柚子,健康清新。帆立貝、三文魚拼海膽丼巨型帆立厚肉、入口飽滿；海膽色澤深橙，鮮甜豐腴；三文魚紋路分明，帶魚脂香。飯後甜品是芝麻雪糕糯米糍題外話：侍應在送上茶碗蒸時有温馨提示食物燙口，著我們要小心。在送來刺身飯時，又為客人倒刺身醬油。用餐期間也不斷主動添茶，服務抵讚！

今日約舊同事所以特登入來Kennedy Town食野方面交咗比舊同事負責因為呢頭佢最熟我哋大家都好想食日本野佢帶咗我來呢一間喺海旁嘅日本餐廳前菜有沙律、麵豉湯同埋蒸滑蛋沙律菜新鮮加左胡麻醬食落非常之美味開胃個湯唔會太鹹同埋加入左本菇提升左少少香味蒸滑蛋超級滑雞蛋味道香濃原來入面有好多豐富材料喺度真唔簡單 朋友好鍾意食刺身佢叫咗個刺身定食（＄220）種類好多佢話d野好新鮮好好食我好鍾意食魚叫左西京麵豉燒銀雪魚（＄168）魚燒得好靚食落帶甜味非常滋味口感滑溜超正 午餐選擇非常之多最後送上甜品食完超滿足啊！

嗰日去開西環附近做嘢，朋友話想試吓食日本野，咪喺西環附近行吓囉。行行吓發現堅尼地城海旁附近有間日本餐廳，所以決定入去試吓。餐廳大概有三十幾個坐位。裝修好有日本風格，廚房好整齊乾淨。午市定食有好多款式選擇。仲有個精選添。每個餐都跟野菜沙律、茶碗蒸蛋、麵豉湯。野菜沙律-啲菜好新鮮好爽口，配埋醬汁好味。茶碗蒸蛋-蛋蒸得非常滑，好足料，最特別係入邊加左白果。麵豉湯-味道好夠，仲熱辣辣。西京麵頭燒銀雪魚，燒得好靚，味道適中，而且好滑，仲有獨特嘅油香。刺身定食，有七款魚生。深海池魚-第一次食，爽口鮮甜。吞拿魚-魚味十足。三文魚-厚切而且好新鮮。油甘魚-肉質通透，油甘味適中。鯛魚-肉質結實，魚香突出。甜蝦-甜蝦非常鮮甜，沒有腥味。帆立貝-中間有檸檬片，食落有清新嘅感覺。定食仲有白飯。最後仲有凍冰冰嘅甜品。

朋友脫離舊公司的魔爪，搵到份高薪厚職，要去食餐好既慶祝一下。朋友話去堅尼地城食日本野啊。我地呢d九龍人，只會識油尖旺，中環，灣仔銅鑼灣，竟然要去港鐵的盡頭⋯⋯星期五晚上到，佢竟然無訂位～幸好還有壽司吧可坐。壽司吧不大，只有6個位；餐廳也不大，坐得廿幾人。原來朋友係呢度既熟客仔，入到黎佢好似返左屋企咁，同師傅好熟～我睇下餐牌，佢叫我唔洗睇，自己叫係食唔到時令野咁話，師傅會安排。由前菜開始：-京都新鮮腐皮好鮮豆腐味，加上特製醬汁，清甜開胃。-水茄子/白栗米日本時令。茄子配柚子汁。白栗米的鮮甜實在太可愛。-炸魚鱗我以為係魚皮，佢一再強調係：真·魚鱗。餐廳自家制，要先風乾數天，再輕輕炸一下，灑上少鹽，佐酒佳品。-刺身先上鯛魚薄切，非常爽口，淡淡的魚香味道，加上酸汁，實在美味。石垣貝：這個是第一次吃，好震撼好爽口鮮味的感覺。但原來不是來自沖繩。秋刀魚原來秋刀魚的季節已靜靜地開始了，鍾意食日本野既人，絕對是期待已久，魚味十足，齒夾留香，配上清酒後，更令味道倍升。筋子 （三文魚籽）味道相當濃郁，魚籽十分脆口，只是有點咸，不過配上羅白茸就中和了咸味。鮑魚配蟹膏這又是另一震撼味蕾的菜式，難以形容的口感，

難得放假 我同朋友決定黎個西環一日遊 自從港鐵西通車後 黎西環真係好方便 去影相前 我地先醫醫肚 黎到堅尼地城站搵到呢間日本餐廳什錦天婦羅定食配 野菜沙律、茶碗蒸蛋、麵鼓湯、白飯麵鼓湯有海帶 菇同豆腐 味道濃郁沙律配上日式芝麻醬再來沙律 有我最愛既芝麻醬 好味茶碗蒸蛋一向都好鍾意食蛋 特別係日式茶碗蒸蛋呢個茶碗蛋好足料 有菇 蟹柳 魚蛋等 仲落左銀杏 蛋非常幼滑 充滿蛋香主菜到喇 今次揀左個什錦天婦羅定食有蝦 魚 苦瓜 秋葵 香菇 蕃薯等種類都唔少 亦幾鍾意較多蔬菜天婦羅全部新鮮炸起 件件外脆內嫩薄薄一層炸粉令外層脆口但裡面依然保持食物本身濕度和嫩滑特別喜歡大蝦 脆之餘仍不失口感 依然爽口彈牙最後以一粒雪米糍作總結 以為係香芋味 點知竟然係紫薯味 有驚喜啊 店舖3點落場 享受完呢餐咁豐富既午餐之後我地就出發去下一站影相啦

見好多飲食雜誌成日介紹西環有好多好野食 所以專登留左一個星期六 去果度食足一日 順便影下靚相 咁岩搵左呢間日本野食叫左午市定食 - 帆立貝三文魚拼海膽丼落完單 好快就黎左沙津 茶碗蒸蛋 同埋麵豉湯 沙津配左芝麻醬 好清新麵豉湯有豆腐 菇 同埋海帶 唔會太咸茶碗蒸蛋較為出色 好滑 又夠熱 入面材料都好豐富主角到了 個丼好大碗 份量很足夠 一個女仔會食唔哂啲飯 三文魚唔算很厚 但都很新鮮 海膽好鮮甜 同埋份量比我想像中多 帆立貝好厚好大件 食落亦一樣鮮甜 係新鮮既材料 想食多幾件😝食完之後 重有甜品 係紫薯味既雪米糍 係咁熱既天氣 食個冰凍既甜品 很透心涼啊整體覺得這間小店很好 環境清淨 店員既服務態度亦很好 享受一個美味既午餐

位於堅離地城的信州日本料理，是一間鄰近海旁的日本餐廳。時日相約吃貨朋友來吃午餐，可惜好友身體不適，只能獨自品嚐吧。刺身定食$220午市套餐包括: 沙律，主食，茶碗蒸，味噌湯。沙律伴以芝麻醬，味道不俗。豆腐味噌湯略鹹，為夏曰補充鹽粉。茶碗蒸質感稀薄滑溜，內有菇和蟹柳等配料。刺身有七種，包括: 帶子，三文魚，池魚，金目鯛，赤身，赤蝦等帶子以檸檬夾著，清新鮮甜。三文魚厚切，肉質腍嫩。池魚肉質爽彈， 金目鯛軟腍，刺身屬鮮但味道不夠濃。配以一碗熱米飯，不多不少剛剛好。雖是我愛的珍珠米，但水份太高，略為黏糯。

又是每月與住堅離地的朋友見面的時候，上次品嚐過臨海的西餐廳，今次光迎鄰近的日本餐廳。因為中午的時份，食量不多，所以只點選壽司定食而已。野菜沙律椰菜沙律配合自家製的醬汁， 酸酸甜甜的十分開胃醒神。茶碗蒸蛋這裏的蒸蛋也是我十分喜愛的，蛋味濃郁之餘， 混入了不少配料，使味道上十分配合！麵豉湯雖然是一般日本料理的麵豉湯，但味道恰當好處。壽司定食 $188壽司定食包括大拖羅、深海池魚、三文魚、吞拿魚、油甘、帆立貝、左口魚裙邊及海膽壽司。壽司面層的魚生部份，色彩晶瑩剔透，顏色豐富誘人，相當吸睛。味道鮮甜可口，可見食材生鮮豐富。雖然堅尼地的餐廳越來越多，但臨海的餐廳往往都是迎合外國人的餐廳或餐廳酒吧為主，這所日本料理餐廳可真是別樹一格。居住泓都的堅離地朋友，可能七月份離開香港，回鄉探親。在短時間內未必有機會再飽覽堅尼地的海景了。

今天買左團購，試一試這家位於西環的信州日本料理。雖然是團購，但感覺絕對有心。食物美味新鮮，服務快且好，值得推薦。特別推薦鰻魚飯及溫泉旦，有海膽及魚子，絕對係誠意之作！人不多，可能係下大雨的星期一關係，可以同好友慢慢傾談，完全唔係侷促的感覺。

The people were so nice and helpful! The food was great too, lots of options. Fish was delicious - very fresh! The tempura was also delicious! We did not have to wait long at all for our food and it was very quiet. We love Shin Shu and would definitely recommend it to everyone.