信州日本料理

營業中

休息中

今日同男朋友食飯，兩個人走左去西環特登試試一間日本餐廳，聽朋友介紹有個好抵食二人餐，就拉埋男朋友去食。五款刺身。刺身厚厚的好新鮮，我好鐘意食深海池魚，其他四款由男朋友包底。魚味清甜無雪藏味。蟹膏鮑魚。鮑魚軟腍唔會好鞋好韌，原來師傅一早炆好鮑魚。蟹膏好濃好鮮甜，好驚喜炸豆腐我最鐘意。薄薄炸粉入口豆腐香滑。和牛薄燒。香蔥蒜片好惹味，和牛有油脂入口軟腍。海鮮紙鍋。海鮮有蝦、蟹和帶子。湯底清甜蔬菜吸哂海鮮味道。碎蔥吞拿魚蓉飯。突出鮮甜的魚香入口好滋味，飯粒暖暖加上芝麻好香，海膽鮮甜的確滿意。