但馬屋 (創紀之城五期(apm))

營業中

休息中

這間火鍋，搜尋之下，好像在日本還挺著名，但是當地的店子，全都甚有風格🇯🇵，像典型日式小屋🏠。來到香港就成為商場的店舖，之前都已經見過葵芳增設了分店，不少人士在外面排隊，這天毅然一試。先看看有什麼湯底可以選擇，見到有壽喜燒、番茄湯、還有這個美肌湯，由於其他湯，很多都有菇類在內，因此選擇了美肌鍋。和那一間牛摩有點相似，因為如果對著坐，其實，私隱度不足，因此，桌子之間，加設一塊板，令到兩邊的食客加多一點私癮度，亦都不怕彈汁會彈到其他顧客。點的是美飢，雖然名字稱為美肌，但是味道沒有什麼特別，也不太感覺有沒有骨膠原的東西。剛剛把湯端來，就已經會連同兩碟牛肉，以及一碟豚肉奉上。這款牛肉，是黑毛和牛，單單是外表，已經非常吸引，未必能夠稱得上完全是雪花的外表，但是賣相也相當吸引，兩旁有小許肥肉脂肪，中間的又不會全瘦，因此， 肥瘦剛好。薄牛，一口一片，牛味香濃。調味料也與其他火鍋店一般，自由選擇搭配，有豉油、辣椒、蔥花、生蒜、芝麻醬。但馬屋值得一讚的是，煲子比較薄身而且細個，因此很快便會煮滾，因此等候煲子滾的時間不會太長，不用浪費食客的時間。第二，不知為何，通常都這種問店員添加牛肉的火鍋店，通常，第一次

雖然已經到左炎熱又難涯既夏天但係亦無減我對Shabu Shabh既興致今晚同朋友去食既係90分鐘日式放題唔想等位既朋友建議你地早d去食我地7點到 好彩唔洗等 但係8點半走時都仲有好多人等位講返正題先 以牛肉放題為主打 唔食牛既都唔緊要佢地都有個豚肉俾客簡我地分別叫左黑特選黑毛和牛同埋豚肉湯底有5個 同朋友都係食濃味既愛好者 所以分別叫左藥膳麻辣鍋 同埋 意式芝士蕃茄鍋藥膳麻辣鍋雖然係麻辣 但係唔算太辣 唔食得辣既我都覺得好味另外藥膳同麻辣加埋一齊 我地都係第一次試 意式芝士蕃茄鍋蕃湯味濃郁 大家可以放心一試兩碟主角到了 日本產特選黑毛和牛果然一分錢一分貨 碟和牛量多之餘 質量就更加高 油花同埋色澤都絕對係上等食落會有少少入口即溶既感覺 配合埋係出面拎既日式醬汁 真係perfect match以一人份量黎講 個人覺得真係冇refill既需要 因為份量真係幾足北海道夢之大地豚至於豚肉同樣高質份量雖然望落冇碟和牛咁誇張但係都一定夠食 當然大胃既朋友可以refill喇自助Area個度 選擇都唔少丫菜都有樂幾款 重點係食落感覺新鮮爽口食到咁上下 記得預留最後數

尋晚同朋友食飯，揀左間日式shabushabu 放題。我地放工7點去到都唔系好多人唔駛排隊。我地揀左日本產特選黑毛和牛再追加北海道豚肉。個和牛真系好好食～豚肉都ok! 另外仲有蔬菜丸類供應、汽水果汁任飲、最後仲有Haagen-Dazs雪糕任食，真系好滿足嘅1餐😋。食食下出面就排哂隊啦，如果想黎試嘅話記住book 枱。

呢間日式火鍋店每次經過都係好多人等位, 今晚早收工就一於去試下拎完飛等入座時就望下餐牌諗下食邊款級別, 價錢由$179 (嚴選牛肉)至$329 (日本特選黑毛和牛), 用餐時間為90分鐘, 任飲任食有幾款湯底選擇, 有濃有啖味, 有辣有唔辣一人一鍋, 點選千夜鍋為日式清湯, 以鏗魚淆製, 配咩食材都應該夾到女士們見到個名都心心眼嘅美肌鍋即係鷄湯, 裏面有杞子, 薑絲及鷄, 味道鮮甜選擇$179套餐, 包括嚴選牛肉/豚梅肉/豚腩肉一開波就自動送上2盤牛及一盤豬牛肉切成薄片, 帶有少少脂肪, 烚十秒內就食得入口唔算嚡口, 夾埋D芫茜蔥一齊食都OK豚肉色澤靚仔, 亦唔算好肥, 入口幾鬆化其他火鍋配料就自己出去拎, 每樣整齊排列, 鷄肉, 魚柳, 丸類, 菜類, 响鈴, 麵/烏冬一應俱全估唔到有羽衣甘藍同秋葵, 呢D咁健康嘅食材, 真係要多食D!粟米超甜, 忍唔住要食番幾舊有埋調味料站, 自家制混醬飲品有罐裝/竹庶汁/果汁, 仲有熱茶供應縱使食好飽都要記住留少少肚去食甜品呀, 呢度有H品牌雪糕, 有四款味, 唔食就苯囉.........(哈....哈)

等左成個鐘都未入到位 個時個mon show46號飛  咁佢不停叫46之前既飛號 與螢幕極不符合 就連39號都有 我都o咀 隔咁前都有得入 咁等左多過半個鐘 佢仲係叫46前 我就問點解仲叫緊咁前 我又勁口渴 一心諗住應該好快姐 但已經頂唔順去買水 之後已經等左9個字 佢叫43 無啦啦又叫40號 我真心嬲 我再睇我張飛 白紙黑字寫 "如所持之票號已超過3個號碼，請重新取票" 咁我咪問佢 佢態度都少少差 淨係不停答佢地黎先. 我都知佢地拎飛先....... 再之後有個勁囂張既員工同reception啊姐講：邊個鬧你 我同你鬧番佢 未入去已經有如此體驗 未知入左去會點. 等左1個鐘. 真係又肚餓又嬲又累 食左佢一肚氣 免費請我食都唔會食大家鐘意排隊歡迎去排下. 包你有住新體驗

同男朋友book左夜晚7：45，好準時就有位。我地叫左千夜鍋同甘露鍋，姐係鰹魚湯同醬油湯。鰹魚湯清清地但好夠味，之但係男朋友話甘露鍋就太甜，搞到每次加湯都只可以加清水沖淡d味。肉方面我地叫左$289既日本產黑毛和牛。雖然和牛點都會肥d，但實際上枱既和牛絕對無openrice睇到個d咁靚，d肥膏係晒一邊，又薄又無牛香。反而谷飼牛既牛味重d，切得厚身d但唔會覺得韌。早知唔洗浪費多差唔多100蚊食和牛餐唔怪得周圍都無人叫和牛.. 配菜方面都係平時有個d，但好少日本火鍋有響鈴！雖然唔係好脆，但都不過不失啦。係openrice見到d相重好似有蟹粉丸，點知去到係無不過菜類好新鮮，重有皇帝菜，係好食既～另外要提既係呢道d staff training唔係幾夠，雖然大部分staff都係有禮貌既，但執枱執到天一半地一半..我地既左右兩枱走既時候d碟仔都碌晒落張凳道..跌一次都算啦，重要跌兩次..好彩入面無汁姐，唔係整污糟客人d衫都唔知你點算overall其實唔算差，除左staff training有待改善，大家真係無必要叫咁貴既牛黎食，可以參考番

女人心情靚嘅時候去SHOPPING，心情唔靚都係SHOPPING。而我就心情靚嘅時候去SHABU SHABU，心情唔靚都係SHABU SHABU。今次就黎到APM試下呢間充滿日本風味嘅但馬屋啦。呢度火鍋嘅特式係一人一鍋，一班人黎唔駛再為個湯底爭論一番，大家都可以揀番自己鍾意嘅湯底。其實選擇都幾多架，千夜鍋、甘露鍋、藥膳麻辣鍋、美肌鍋同意式蕃茄芝士鍋。價錢就按你選擇唔同等級嘅牛肉黎分別，由最平嘅$179至$329不等。放題時間有90分鐘。座位多以4人檯為主，但就算只是2個朋友或情侶組合，中間都有塊活動隔板遮擋一下，傾計同食野都可以盡情一啲啦。牛肉係ORDER嘅，其餘配料都係自助形式去攞，主要都係各種菜類、丸類、響鈴卷、烏冬及即食麵等等。調味區一樣咁多選擇，梗有一款你鍾意嘅。望左好耐都搵唔到飲品櫃，原來座落左喺調味區嘅下面，位置都幾神秘喎。最正就係有我同老婆最鍾意嘅紅色可樂，咁就啱晒我地啦。我地ORDER左$299日本產和牛及黑豚肉放題套餐，和牛色澤紅潤，紋理分明，一睇就知係上等靚牛。黑豚肉切開薄薄嘅一片，而且肉味香濃，比起和牛一啲都唔遜色呀。識得食牛肉一定唔會淥咁耐，基本上拖一拖水或者好

打邊爐永遠都係香港人最愛，日式Shabushabu 一向比我既感覺都係都係食普通野，無話有好多上盛材料，但今次朋友介紹，話呢間多選擇得黎，材料ok, 同埋價錢合理，所以決定搵三五知己一齊去試下。地點又就腳，係觀塘APM，岩岩同我班朋友返工地點好近，放工去食，岩岩好！

7:30去到，已經有好多人係出面等位，仲以為係天氣咁熱應該無乜人·，點知都係咁多人，好彩一早朋友7點已到，所以朋友去試既話，都要盡量早點大概7點到啦！一人一鍋食得多, 不過一人一鍋得黎又係任食真係第一次! 最後我就揀左個”甘露鍋”，佢話有助喚醒瘦勞身驅，放工聽到有野可以減吓壓，所以即刻成為必選我哋四個朋友，分別揀咗唔同口味嘅湯底，一個千夜鍋，一個甘露鍋，一個美肌鍋，最後係芝士鍋。湯底其實唔算特別，但都算配合主題，味道濃郁，但四款我都試過，個人比較鍾意芝士鍋，芝士味非常濃郁，同牛肉配搭起上嚟，份外出色呢一度係任食放題，鍾意食牛嘅，真係唔好錯過，因為可以瘋狂叫牛肉，我同朋友都揀咗＄199嘅澳洲長期穀飼牛，口感都不錯，但如果大家想試啲更高質素嘅，都不妨試吓啲貴價啲嘅牛。因為我見隔離枱揀貴價嘅，食得幾津津樂道。大家都以為放題嘅畫

對我黎講，打邊爐最重要就係個湯底同牛的質素，但要食靚牛又要番咁上下價錢，唔可以ORDER得太多，今次黎到但馬屋就解決左呢個問題啦根據個人銀包預算去揀選套餐，有多種價錢選擇，當然，價錢愈貴，提供的肉類就愈高級啦，呢度係採用一人一鍋的形式，湯底有5款選擇我地揀左美肌鍋同意式蕃茄芝士鍋，美肌鍋有豐富骨膠原，一睇就知係我揀既鍋，入面有雞件，仲有唔少杞子，感覺好養顏，意式蕃茄芝士鍋比較濃，各有各特色我地揀左日本產和牛及黑豚放題套餐($299)，日本產和牛雪花分佈得好靚，黑豚的質素都好高，任點任食之下，唔洗就住就住，實在食得好滿足除左肉類任點，行出外面仲有好多食品同飲品係自助形式隨你任拎，連近年的貴價菜羽衣甘藍都有同新興蟲草花都有，都真係幾驚喜最後仲有哈根大師的雪糕作尾，重點當然都係「任食」啦，每種味道試一球都已經食左成舊水啦好鐘意任點任食呢種形式的餐廳，仲要所有食物都咁高質，連日本產和牛都可以任食實在太令人滿足，套餐每人$299呢個價錢我覺得好容易就可以食到有得賺，而且外面的食品同哈根大師就算揀最平的套餐同樣可以享用，所以我覺得呢間餐廳好抵食

食物及環境都算OK；落單后，湯鍋上得好快，但肉就等了10分鐘都未有送到，要吹促才有得送到，有點遺憾 。

每次聚會，朋友都建議打邊爐，無謂掃興，只好跟從。旨在氣氛，多過享受美食。今次打邊爐，卻是我出的主意。6點半到達，餐廳已有不少客人，裝潢簡樸，店內餐桌，都是明亮色的原木，環境乾淨，惟座位與座位之間稍微狹窄。有不同價錢的牛肉和豬肉放題，價錢由$199至$329不等。我選擇了$289的日本產黑毛牛放題套餐，任吃和牛、梅豚肉、嚴選牛肉和豚腩肉。湯底有千夜鍋、甘露鍋、藥膳麻辣鍋、美肌鍋、意式蕃茄芝士鍋。⭐️美肌鍋和意式蕃茄芝士鍋可以選擇一人一鍋或二人一鍋，一人一鍋較方便，不過桌面的空間就略嫌不夠。美肌鍋即雞湯，湯底有不少雞塊，意式蕃茄芝士鍋更有不少芝士，芝士味濃郁。火鍋醬料齊全，料品有果汁、甘蔗汁和罐裝飲品，一應俱全。火鍋配料選擇不少，有丸類和蔬菜，還有鮮魚片呢！最愛芝麻芝士丸，有香濃的芝麻味，想不到和芝士那麼搭。蔬菜應是最大的亮點，有蟲草花、黑木耳和羽衣甘藍，光是吃這些菜已經覺得值回票價了！半開放式廚房有一部切牛機，即時切牛肉，牛肉切得很薄。⭐️日本產黑毛牛粉嫩的顏色很吸引人喔，雪花很美。入口即融，很嫩很可口喔！⭐️嚴選牛肉⭐️豚腩肉不過吃了一次就沒有再追加，因為吃配料也吃飽了。最吸引還有Häagen

3人行、 每人叫左一個$299既火鍋套餐、首先牛肉普通、無牛味、開頭嗰碟都叫可以接受、之後再refill , 比埋d勁多肥肉、吾知仲以為食緊肥牛⋯⋯限時90分鐘放題、我地21:43入坐、超級準時23:10熄你個爐、其實當時我地已經食飽、所以都無乜問題. 我地仲已經埋左單、拎晒袋、其實準備走、 就起23:17分左右就有個女仔一野走嗰來、講左一句 ： 其實你地真係夠鐘要走⋯⋯我地又無繼續食、成張枱乜都無、仲已經拎晒袋、講到好似我地瀬死吾走咁、 眼見仲有幾張枱仲食緊、 如果係得返我3個人阻你收工就話啫⋯⋯咁既態度、咁既食物質素⋯Black list

APM開了但馬屋火鍋放題，日日都人山人海，今日接NOSIR放工，順便約爸媽一起晚餐，也是第一次帶爸媽試一人一鍋形式的火鍋放題，沒想到很有驚喜，為避開人潮，我和爸媽6時就先入座，一於食住等NOSIR放工～但馬屋裝橫簡約別緻，店舖面積雖然不大，但座得都算舒服，用上木製餐具有一種家庭的溫暖感⋯五種湯底選擇，牛肉質素以價錢驅分，這次是爸媽第一次吃一人一鍋火鍋放題，當然要令他們有個好印像，所以這次我們選了$299日本產和牛及黑豚放題套餐﹗自助食物及飲品區乾淨整齊，值得一讚﹗五種湯底包括鰹魚、甜豉油、藥膳麻辣、雞湯及蕃茄芝士湯，我們選了雞湯(美肌鍋)及甜豉油(甘露鍋)，湯底味道很重要，湯底味道夠就算煮甚麼都變成佳餚⋯自助區的火鍋配料單看顏色已經非常吸引了，而且都不是普通配料，有羽衣甘藍、秋葵、蟲草花、魚柳、雞件等等，全部都非常新鮮，份量不會很多，所以不停添加好讓食物保持新鮮衛生⋯第一轉送來的日本產和牛及黑豚肉色澤鮮紅，肉與脂肪比例適中，很有咬口⋯如果以為再Order牛肉，質素會越來越差？錯了，最驚喜的是越食越靚，第二轉送來的牛肉雪花細紋，肉味更加香濃軟滑，吃出另一層次⋯食物質素真心不錯，而且雪糕都

環境非常好，地方尚算寬敞，如果是情侶，座位中間有一塊板間開，傾計時可以方便些，非常有心思設計和一定的私隱度很多材料，都是任食。牛肉和豚肉都好好味，質素不錯。配合多種口味湯底，我極之喜歡。一人一鍋，我選擇了鰹魚湯底，另外一款是番茄芝士湯底，兩款湯底都非常美味，差不多的時候可以再添加湯底，我選擇薄切黑豚肉和牛非常有牛味的，而且是任食的，一碟椄一諜，我選了意大利芝士番茄湯底，美肌一流配菜：響鈴，水豆付，生菜，黃芽白菜，冬菇，蓮藕，萵筍，秋葵，粟米，南瓜，魚豆腐，云耳，香腸，墨魚丸雞塊，番茄，油豆腐，公仔麵，烏冬，生面，牛丸，芝士丸。飲品有：可口可樂，蘋果汁，雜果賓治汁，罐裝烏龍茶，玄米茶，罐裝milk soda, 罐裝飲品是無限量供應任飲甜品：Haagen Dazs 共4種意大利雪糕，真是頂級的選擇雪糕。

上星期五放工朋友話係apm食，提議左食呢間新式日式火鍋 但馬屋，嘩一去到已經好多人等位，好彩早d攞飛咋！呢間日式火鍋限時90分鐘放題，湯式有好多選擇，而我地就揀左藥膳麻辣鍋同美肌鍋價錢方面，分左幾隻級數，今次揀了北海道夢之大地豚試下分量好足，唔洗成日order, 豚肉新鮮嫩滑，淥一陣就食得啦，牛肉就唔太肥，有口感美肌鍋 - 湯底清甜，有紀子好養生麻辣湯底中等辣度，岩哂喜歡食辣既人飲品有好多選擇，有罐裝同埋唔同既果汁配料選擇也足夠，有雞件同魚片任攞，值得一讚！食物擺係凍櫃內，保持新鮮有冬蟲草，好養身最後仲有Haagen Dazs 任食，正呀！如果想平d既話可以試下最平既牛肉任食每位$179，靜係食Haagen Dazs 都夠啦！