影片
更多
2018-04-27
2610 瀏覽
女人心情靚嘅時候去SHOPPING，心情唔靚都係SHOPPING。而我就心情靚嘅時候去SHABU SHABU，心情唔靚都係SHABU SHABU。今次就黎到APM試下呢間充滿日本風味嘅但馬屋啦。呢度火鍋嘅特式係一人一鍋，一班人黎唔駛再為個湯底爭論一番，大家都可以揀番自己鍾意嘅湯底。其實選擇都幾多架，千夜鍋、甘露鍋、藥膳麻辣鍋、美肌鍋同意式蕃茄芝士鍋。價錢就按你選擇唔同等級嘅牛肉黎分別，由最平嘅$179至$329不等。放題時間有90分鐘。座位多以4人檯為主，但就算只是2個朋友或情侶組合，中間都有塊活動隔板遮擋一下，傾計同食野都可以盡情一啲啦。牛肉係ORDER嘅，其餘配料都係自助形式去攞，主要都係各種菜類、丸類、響鈴卷、烏冬及即食麵等等。調味區一樣咁多選擇，梗有一款你鍾意嘅。望左好耐都搵唔到飲品櫃，原來座落左喺調味區嘅下面，位置都幾神秘喎。最正就係有我同老婆最鍾意嘅紅色可樂，咁就啱晒我地啦。我地ORDER左$299日本產和牛及黑豚肉放題套餐，和牛色澤紅潤，紋理分明，一睇就知係上等靚牛。黑豚肉切開薄薄嘅一片，而且肉味香濃，比起和牛一啲都唔遜色呀。識得食牛肉一定唔會淥咁耐，基本上拖一拖水或者好
而我就心情靚嘅時候去SHABU SHABU，心情唔靚都係SHABU SHABU。
今次就黎到APM試下呢間充滿日本風味嘅但馬屋啦。
呢度火鍋嘅特式係一人一鍋，一班人黎唔駛再為個湯底爭論一番，大家都可以揀番自己鍾意嘅湯底。其實選擇都幾多架，千夜鍋、甘露鍋、藥膳麻辣鍋、美肌鍋同意式蕃茄芝士鍋。
價錢就按你選擇唔同等級嘅牛肉黎分別，由最平嘅$179至$329不等。放題時間有90分鐘。
座位多以4人檯為主，但就算只是2個朋友或情侶組合，中間都有塊活動隔板遮擋一下，傾計同食野都可以盡情一啲啦。
牛肉係ORDER嘅，其餘配料都係自助形式去攞，主要都係各種菜類、丸類、響鈴卷、烏冬及即食麵等等。
調味區一樣咁多選擇，梗有一款你鍾意嘅。
望左好耐都搵唔到飲品櫃，原來座落左喺調味區嘅下面，位置都幾神秘喎。最正就係有我同老婆最鍾意嘅紅色可樂，咁就啱晒我地啦。
我地ORDER左$299日本產和牛及黑豚肉放題套餐，和牛色澤紅潤，紋理分明，一睇就知係上等靚牛。
黑豚肉切開薄薄嘅一片，而且肉味香濃，比起和牛一啲都唔遜色呀。
識得食牛肉一定唔會淥咁耐，基本上拖一拖水或者好似響鈴卷咁淥幾下就可以食啦。既然今日比我遇上呢啲上等靚牛肉，我就決定今日主力食牛肉，一於食到翻本為止。
最後我一個人食左6-7碟牛肉再加1碟黑豚肉，雖然比起以前10-12碟少，始終人年紀大左真係食唔到咁多啦。但係點飽都好，見到雪糕點都要整番杯先，仲要係哈根大師，一定唔可以錯過呀。
佢地是日雪糕味道係無傳統口味，但係有意大利芝士餅、薰衣草藍莓、櫻花櫻桃同埋蕉糖味雪糕，最後食埋雪糕真係要抬住個肚走呀，但重點係呢度嘅牛肉質素之高，下次一定ENCORE呀。
張貼
