但馬屋 (創紀之城五期(apm))

營業中

休息中

最近有新戲上映，完場時間剛好可以在商場內吃晚餐。從朋友口中得知這家火鍋店是來自日本的過江龍，便來此一試。每張餐桌都設有電磁爐，可讓每位客人挑選自己喜歡的湯底。個人偏好辣的湯底，而友人則選了美肌湯。湯鍋和牛很快送上，在等待湯底預熱時可在近門口的位置先取時蔬丸類和飲品。在門口的火鍋食物選擇亦算豐富，除了五花八門的菜類和不同的丸類外，還有火鍋必點的響鈴，正中我所喜愛。除此以外還有種類繁多的飲品，如茶包、雜果賓治和其他罐裝飲品等。最後當然不少得吃數球haagen dazs雪糕以圓滿整頓晚餐。

自從係葵芳食完之後好想再食 行開apm見到有分店 即刻入左去食一見到門口有好多人排隊 都即刻拎飛了今次都係揀左千夜鍋同埋藥膳麻辣鍋今次到我清清地 上次食過呢個都好好食 特出配料既鮮味 特別用來食肥牛豚肉同埋雞肉麻辣鍋唔會太辣 用來食菜、金菇、萵荀一流外面自助配料，中意食辣既我拎左好多指天椒配清湯食都好好味有三十幾四十種配料選擇 菜類魚類雞類丸類面類 好多選擇仲有黑毛和牛肉、嚴選牛肉、豚梅肉 同埋 豚腩肉任食一開始不用特別落單 牛肉同豚肉會每樣來一碟 個人好中意食個黑毛和牛肉 滾兩下 變哂色就食得 入口即溶 牛味又出好好味豚腩肉都好食 好咬口 仲食到豬味夠juicy 最好配千夜鍋湯來煮更顯鮮味 最後encore多一盤黑毛和牛同埋豚腩肉就飽了最後要留啲位食雪糕有士多啤梨味實在太好足足食左五球呀感覺靜係食雪糕都抵了！咁樣一人一鍋既火鍋放題都唔錯因爲揀左個比較貴既餐所以每人300幾 如果揀普通嚴選牛肉餐都只係每人200左右 好抵食

一個典型嘅吃貨 其中一項任務就係周圍去搵嘢食 所以今日就嚟到九龍東區 觀塘 去搵食 觀塘除咗好多工廈商廈之外 仲有一個好出名嘅商場apm 入邊有一間火鍋店 叫但馬屋呢間火鍋店嘅食材非常之靚 湯底有好多選擇揀 而且價錢亦都好大眾化 我哋今日就食一個日本產黑毛和牛放題套餐 價錢都係289蚊一位 可以食90分鐘 咁嘅價錢 性價比已經好高啦正如圖中所見 食材選擇非常之多 除咗佢哋最出名嘅牛肉之外 仲有一般嘅丸類 腸仔 菇類 蔬菜類等等 而且飲品有橙汁 蘋果汁同埋竹蔗汁 任君選擇 非常之值得一讚我哋叫咗嘅湯底係甘露鍋 其實即係甜豉油嘅湯底 甜豉油湯底配上蔬菜同埋肉類亦都可以令到食材嘅鮮味更上一層樓 非常之好食 今晚嘅主菜就係日本產黑毛和牛啦 呢個牛肉油花均勻 淥完之後入口即溶 而且竟然唔覺得太肥 非常之好食 其他嘅配料亦都好新鮮 但係由於今餐嘅主題係和牛 所以我食既大部分都係牛肉 其他配菜比較少食

平日喺觀塘食午餐多，晚餐就好少喺尼頭覓食，不過今次朋友極力推介，話APM 但馬屋 保持到日本既水平，就決定黎試下。我地8點半黎到，門口超級多人，尼度真係好旺場!限時90分鐘任飲任食，重有5款湯底揀，一人一鍋。朋友仔叫左個美肌鍋，我就叫左個藥膳麻辣鍋。朋友叫左個美肌鍋，好愛女仔歡迎，有滋潤美容既效果，重有豐富既骨膠原tim。香濃奶白色既湯底，入面有杞子，京蔥。而我近排鍾意食辣，所以揀左藥膳麻辣鍋，入面有六種藥材，可以驅寒氣，促進代謝。晚市有6個套餐揀，分吃唔同既牛、豚，我地揀左個 北海道夢之大地豚 放題套餐 ($249)，尼個餐入面包左兩款肉:北海道夢之大地豚、嚴選牛肉。岩岩坐低，食物就好快上枱，出面重有火鍋配料，豬肉丸、魚蛋、龍蝦丸、冬菇、蟲草花...蔬菜方面有粟米、南瓜、秋葵、生菜、冬瓜 等等。有廿幾款配料，可以慢慢揀，慢慢食! 豚肉薄切，口感好細膩，油花好平均，好香滑、柔嫩，完全無豬臊味。無論點美肌鍋/藥膳麻辣鍋，都好香濃，放左D豚肉入去之後，醬都唔洗點，就已經好入味!而嚴選牛肉，肉色鮮紅，同樣係薄切 ，口感滑嫩 !配料味道唔錯，推介大家要拎魚肉、粟米試下，粟米係超香粟，好正!魚似

食火鍋放題我都會揀有高質牛肉先會去，因為自己眼闊肚窄，想留返啲quota食好野！今次揀左但馬屋，係因為朋友食過話唔錯，品質有保證呢度有幾款套餐選擇，價錢由$179-$329不等，按和牛級數而定，有五款鍋以供選擇，一人一鍋，鐘意食乜都叫乜，唔需要同人爭，限期90分鐘任食！7點幾去到餐廳已經見到勁多人等位，為左食好野，等位是在所難免幸好，都唔算等左好耐！我揀左$299日本產和牛及黑豚放題套餐配美肌鍋美肌鍋有雞肉既骨膠原，最岩女性喇朋友叫左意式番茄芝士鍋好香既番茄味，都唔錯架！Shabu Shabu 點少得既醬料基本既醬料都有齊，我最鍾意多多多蒜喇，落幾多都得，正呀！第一round黑毛和牛同豚肉黑毛和牛一捲捲用木盆盛載，色澤非常之靚！脂肪比例分佈平均，油脂細緻豐盈！淥一淥就食得，牛味濃郁，肉質較軟，帶有少許肥肉，令口感更豐盈！黑豚肉黑豚賣相都唔錯！同樣有平均既紋路，肉質粉嫩！講到味道，係比和牛鮮甜，而且油脂較少！除左可以任叫和牛豚肉，仲可以出去自助bar度拎其他食物，有丸、菜、魚、腸仔、麵、烏冬等任你選擇！食物種類雖然唔算好多，但勝在夠新鮮！飲品除左有罐裝飲品，仲可以選擇雜果賓治、橙汁、竹蔗

上個月慶祝完媽媽節，今個月就要慶祝爸爸節啦～上次就食雞煲，今次就打邊爐唔洗煩食咩湯底有好多選擇，千夜鍋、甘露鍋、藥膳麻辣鍋、美肌鍋同意式蕃茄芝士鍋。價錢就睇你揀咩牛食，有$179至$329，放題時間為90分鐘。同屋企人去食，因為係一人一鍋，緊係4個都點唔同既鍋底啦！除左甘露鍋冇點，就係試另外果4款千夜鍋、藥膳麻辣鍋、美肌鍋、意式蕃茄芝士鍋。千夜鍋用鰹魚精華經過長時間烹調而成，比較清淡既湯底，如果唔中意濃湯，點呢個岩哂美肌鍋媽媽大人當然點左美肌鍋，呈雪白色，有點似韓國既雪濃湯咁，有豐富骨膠原，入面有雞、杞子等意式蕃茄芝士鍋同樣唔係好濃，中意再濃啲就再去拎啲蕃茄一齊滾藥膳麻辣鍋我呢個藥膳麻辣鍋就係４個之中最濃味同最夠味，雖然以我嗜辣既程度，呢個唔係好辣，但打邊爐啲野食索啲辣汁已經好正，入面有龍眼肉、杞子等。等緊個湯底之際緊係出去自助吧啦蔬菜類例如金茹、秋葵、羽衣甘藍、蟲草花等等，亦有丸類、響鈴、烏冬等等。點左日本產黑毛和牛個SET $289/人包括日本產黑毛和牛肉、嚴選牛肉、豚梅肉、豚腩肉。牛肉＆豬肉會上一次先，如果想再點就同店員點，其他配料就自己去拎。蟲草花我好中意蟲草花，落落去火鍋仲香

日式一人一鍋唔係咩新奇野，不過呢度d自助火鍋料有驚喜！ 第一次見！首先湯底要咗甜醬油，因為我覺得同牛肉最夾 朋友要咗美人鍋 ，即係骨膠原雞湯牛肉油脂發布都唔錯，我地食o既係 日本產和牛及黑豚$299 黑豚唔會太肥自助火鍋少見的秋葵牛肉牛味都ok估唔到呢！ 竟然有蟲草花 同 羽衣甘藍！！！ 兩種都算係少見 + 貴價食材，好少o係任食場見到super food 喔！ 梗係要食多d啦～野食會係咁refill 同換款，都好新鮮肉類即叫即切～混醬區，有柚子醋～有果汁同甘蔗水回本必食 haagen dazs 雪糕！ 

若你曾經光顧過火鍋放題的話，得出的結論必然是“亂”、你所order的食物到上桌時數量一定少了甚至乎漏單、出面自助區永遠像打風過後一樣的亂，而某些熱門的食材就永遠縣空...話雖如此，但是我同好多香港人一樣，仍舊樂此不疲的去吃這些火鍋放題，也許這些就是“習慣”了吧...正如人生遇到一些不開心的事情，我喜歡你但你卻不喜歡我、你也要去適應然後慢慢變成習慣一樣...但是今天來到這間但馬屋，馬上帶給我一種乾淨整齊衞生的感覺，自助區內每一格均整整齊齊放滿了各種新鮮的食材，猶其是蔬菜，全部都是碧綠無黃的，很明顯經過店家的嚴格挑選過自助醬料亦都放置整齊，每樽醬汁的上面均貼上醬汁的名稱，細緻位係蔥粒、蒜粒及辣椒🌶️都好新鮮👍🏻這裡還有各式罐庒汽水飲料任飲，最特別是自家沖制的果汁，而食火鍋最好就係飲竹蔗水降下火了Menu 入面共有五個湯底可供選擇，愛辣的我選擇了藥膳麻辣鍋、友人貪靚就選擇了美肌鍋，我們今天選了$289的日本產黑毛和牛放題套餐與隔鄰坐位之間有一木板分隔開，很貼心耶藥膳麻辣鍋～沒有嗆辣的刺激，也沒橘紅色嚇人的辣油，使用多種辛香料與中藥材熬煮多時淡淡的中藥味，濃烈的孜然香，是可以空腹也能喝的麻辣湯，

我們大概七點四十五分到，但今日超多人的，等了很耐才有位。除左平常的醬油，還有日式燒汁和麻醬等的醬料自己混。蔬菜的種類很豐富亦有腸和丸這些基本火鍋料有果汁都有竹蔗水，個人覺得竹蔗水不會太甜，又可以清熱，是打邊爐首選。*美肌鍋奶白色的美肌鍋，有雞件、杞子、薑絲煲成；味道不會太咸。*日本產和牛及黑豚放題套餐 ($299)和牛的牛肉味香濃，雪花分佈均勻；黑豚肉爽口，不會太肥；因為主打任食日本產和牛及黑豚，所以都是拿蔬菜多；蔬菜的款式真的很多，除了菇類之外，更加有秋葵、羽衣甘藍；另外還有腸、丸和雞肉是自助取的。*甜品有哈根大師雪糕可以自己加朱古力醬

APM開過唔少間一人一鍋，今日同家人提早慶祝父母節，就帶兩老去試下日式打邊爐啦。湯底有好多選擇，千夜鍋、甘露鍋、藥膳麻辣鍋、美肌鍋同意式蕃茄芝士鍋。價錢就睇你揀咩牛食，有$179至$329，放題時間為90分鐘。牛肉係自己任叫的，其他配料就自己去拎。有好多秋葵，羽衣甘藍、蟲草花都有、菜、丸、響鈴、烏冬、等。野飲就係有庶水，橙汁，有罐裝汽水。意式蕃茄芝士鍋就有一夠芝士同蕃茄，唔夠就自己去加Ｄ蕃茄。藥膳麻辣鍋最吸引入味，唔太辣，入面有龍眼肉，杞子等。和牛涮幾秒就得，好大陣牛味，好快就食完。拎左好多野食，都幾新鮮係咁REFILL。呢粒幾好食。重點係 HAAGEN DAZS雪糕任食!今日有薰衣草、芒果、士多啤梨、雲呢拿味，建議早Ｄ去拎，唔係好快冇晒。OVERALL D野食黎得好快，坐得幾舒服，90分鐘都岩岩夠，要真係唔停咁食先抵。

今日放左工同個朋友聚舊，等朋友來的期間去左但馬屋囉定位先。估唔到七點幾都幾多人，响門口等左大約20分鐘，需要人齊先可以入座，幸好有位前朋友也到左。90分鐘任食，一人一鍋，大約每位二百到，有五款湯底選擇。二人座其實坐位唔算闊落，擺多幾碟都未必夠放，雖然比較逼，但中間有個屏風位，即使同隔離枱好近，但感覺食飯個陣都無甘尷尬。點左個美肌鍋同意式蕃茄芝士鍋，小弟就比較中意後者味道較特出同濃烈？而美肌鍋就較清淡。除左任點肉類之外，場水利亦有唔少基本打邊爐食物選擇，包括蔬菜、丸類、烏冬等，不過款色唔算太多，好似丸類就得墨魚丸，但蔬菜就比較多。嚴選牛肉，牛肉算幾細嫩，紋理清晰，賣相都幾紅潤。放入鍋好快就熟了，食落都幾有彈性，嚼勁幾好，質素都唔錯，而且係任點，食多幾碟都得。北海道夢之大地豚肉，切得薄身，味道細膩鮮味，加上肉質柔軟，質量都幾好。芝士玉子就覺得係最唔錯，算新鮮，入面又有好多芝士。而響鈴都幾大舊，不過就好似放得耐左D，無甘脆口。生菜就可以吸埋d湯底，所以食個陣變左好入味，加上好爽口，食完肉類食就最好不過啦。至於烏冬又係推介之一。彈牙夠滑，食落又實淨。提一提，飲品同雪糕又係任拎，基本上係好夠飽，

母親節前搵食,食好小小,行經但馬屋又未食過所以就試試佢。午巿放題60分鐘,有普通牛,北海道豚,黑毛和牛三款揀。我地揀左黑毛和牛。一分錢,一分貨,和牛係唔同d。匿度係一人一鍋,可以揀唔同湯底,隨你喜歡。小妹揀左美人鍋。配菜方面唔係話好多,但一般火鍋會食既都有,而且都新鮮。仲有果汁氣水任飲。食完仲有雪糕。但60分鐘真係太少,如果樣樣食齊,真係唔夠時間。個人匿講食火鍋最少個半鐘先得,食得太快又易飽,仲對腸胃唔好。晚巿可以食個半鐘,但貴一百蚊,食夜晚個半鐘都少。所以對想慢慢享受既朋友未必啱。

今晚即興約呢個火鍋控friend食飯，上網搵料搵到近期人氣高企既「但馬屋」，係放題式每人一鍋，非常特別又適合唔同口味既我倆，可以一齊食又各自滾，正！-平日六點九黎到，都有條小人龍。過江龍shabu shabu 有一定既人氣等候安排入座期間，可以擇定想要咩湯底先。 一人一鍋，有5款湯底，任飲任食，任添牛肉和豚肉，限時90分鐘。等左大約15分鐘，終於入座啦🤤-餐廳雖然唔算好大，但環境非常企理又一應俱全，眼見出面自助食物飲品，整整齊齊各式各樣分門別類-🌟湯底1️⃣千夜鍋： 以鰹魚精華烹調既日式清湯，加入昆布，湯底清甜。2️⃣美肌鍋：含豐富既骨膠原 ，變靚d 之選🤡奶白色既湯底，加入鮮雞、杞子，補身湯底,味甜👍🏻-🌟放題套餐：北海道夢之大地豚 ➡️大地豚腩肉：油花分佈平均，配美肌鍋湯底，豚肉爽甜➡️嚴選牛肉：牛肉一片片薄切色澤新鮮煙韌富嚼勁，且牛味十分濃郁-🌟任食自助火鍋配料火鍋配料約20多款，特別在有super food 秋葵和羽衣甘藍❤️秋葵同羽衣甘藍營養價值極高，又極具抗氧化排毒功效。 清爽既口感，拎左好幾round 😆 其他既蔬菜類都很新鮮，有冬瓜、白菜、生菜、娃娃菜、菇🍄、木耳，還有蟲草花👍🏻其

今時今日已經冇分季節只要想食三十幾度都會去打邊爐最近一人一鍋愈來愈流行...平時口癢都係去下連鎖店到食...行開街先知apm開左間日本既一人一鍋...碰巧心血來潮...邊爐癮發作一於...試試啦上網睇到原來葵芳都有分店...連鎖式...水準依然保持得好嗎？期待呢！我們八時多先到...都重係好多人排隊...不過等左沒有二十分鐘就入得店員安排我們就坐後做遞上餐牌...90分鐘內任飲任食，價錢由$179至$329不等另+10%觀看四周環境...感覺日式風格及光光猛猛！地方井井有條先揀湯選餐...心大又心細...呢度價錢既分別在於牛既質素...今日試試水溫就試個最經濟既@$179加一套餐湯底方面有5款選擇..反正就一人一鍋!湯底我揀了美人鍋, 奶白色的雞湯, 記得先喝一小碗試試味道, 挺好喝的另一個是干夜即係日本豉油湯，味道比較甜;相信烚肉會鮮味較出基本上落單後3分鐘湯就就送上！速度驚人隨即牛肉豬肉都上枱...每食完一碟又再嗌...最後食左兩牛三豬先說日本產黑毛和牛肉...平均薄透..但較少油花不太軟腍...但對我來說就剛剛好...為什麼？冇咁肥啊～ 脂肪較低！減低罪惡感！女生應該會較為喜歡相