但馬屋 (創紀之城五期(apm))

營業中

休息中

連續下了幾天雨，天氣稍為轉涼，萌起了打邊爐的念頭。多個湯底選擇我選了美肌鍋，配日本產黑毛和牛放題套餐；老公就選了藥膳麻辣鍋，配北海道夢之大地豚。美肌鍋內有黑豚肉、木耳、豆腐、菠菜等，含有豐富膠原蛋白，涮幾片黑毛和牛，肉質鮮嫩，忍不住多涮幾片，後來知道連黑毛和牛也能無限添加的。老公的藥膳麻辣鍋，像是肉骨茶味道，又多了些香濃麻辣，裡邊有北海道腩肉、莞茜、魚蛋、冬菇，涮豚肉吃特別惹味。取個木盤子又可到外面自助取火鍋配料，有芝士腸、肉腐、豆卜、麵筋、雞肉、秋葵、羽衣甘藍、皇帝菜等等，見到職員亦會不時補充。還有Haagen Daz雪糕，有草莓、朱古力、藍莓、芒果，真的意想不到啊。慢慢添，慢慢吃，吃到肚子都飽飽地離開呢！

又同老公撐枱腳了今次轉場食任食火鍋，依間聲稱日本火鍋，不過配菜就好地道，有貴價的雨衣甘藍，秋葵，菜類多元化，值得一讚重點係「響寧任食」， 真心正醬油區比起其他多咗一款不同，有一個「大板黃金燒汁」拿嚟點牛肉係一流嘅。 火鍋顔色好似一樣，不同唔係㗎！ 一邊麻辣一邊番茄🍅，不過不失，麻辣可以唔好叫， 無麻又無辣好彩番茄湯加返少少分。 肉類有幾多價有$199/$289/$299 我叫咗$289 諗住食好些，點知又一個失望 油脂分佈不夠，有種食瘦肉嘅感覺我見隔離枱d肉都靚，但原來人地叫$199果類，所以大家叫199就得。 環境位置比較迫，好難傾到計。 兩個人食，每人$300

雖然近排天氣真係好熱，但都無阻我食火鍋的意慾。今次黎到觀塘APM依間但馬屋試佢既一人一鍋邊爐，果然無令我失望。一黎就揀左湯底先，佢有千夜鍋、甘露鍋、藥膳麻辣鍋、美肌鍋同意式蕃茄芝士鍋五個選擇，而我同兩個朋友就分別揀左千夜鍋、藥膳麻辣鍋同美肌鍋。千夜鍋好有清甜既魚湯味，烚菜食就最岩，另外藥膳麻辣鍋就幾似食緊海底撈，但唔會太辣或者太油，不過就差緊啲藥膳味，用黎煮牛肉、豚肉一流呀！最後就係美肌鍋，係好惹味既雞湯味，最適合煮魚同蘿蔔！至於啲牛同豚肉食落都唔錯，食得出係新鮮切出黎既；火鍋配料方面就有雞肉（煮幾耐都係咁嫩滑 推介！）、芝士丸、芝士魚腐（好芝士呀 推介！）、龍蝦丸、魚柳（烚完就咁點幾滴燒汁已經好好味！！ 非常推介！）、各式蔬菜菇瓜等。飲品方面就有竹蔗水、橙汁、蘋果汁、汽水等最後最後就係雪糕放題！！佢有4款Haagen Dazs 俾你揀，個人認為焦糖脆脆同夏威夷果仁都好好食！！

前個星期book左但馬屋，十分之期待😌😌😌依個要食邊爐唔book位都食唔到！ 依次嚟到觀塘，一帶都有好多邊爐呀烤肉，成堆人係到等！ 不過我就book了hehe放題式嘅擺設，有好多種蔬菜，仲要樣樣都好新鮮，菇都有幾種比你揀😝對於我依啲咁中意食菜嘅人，依到仲有菜苗！太嫩太美味😋 仲有十分值得一提嘅係佢係雪糕區係哈根大師呀！！omg 個日有藍莓啦夏威夷果仁(my fav!)白桃紅桑子同焦糖脆餅，食左三百六十個會合！我地叫左三個唔同嘅湯，個人最愛千夜鍋！姐係黑色依一個，佢係淡淡嘅魚味，有啲昆布係入面，用嚟煮蔬菜唔失真，更帶岀佢嘅鮮甜❤️ 藥膳麻辣鍋就偏辣，同四川個啲有得比，煮肉類好正！ 美肌鍋係豆腐樣白雪雪嘅，同魚好夾！食完希望會靚keke依個就係係岀面拎嘅好味魚我地叫左日本產和牛及黑豚放題set，結論係我地根本食不到這麼多🤣🤣🤣佢一上2碟牛，我地都只係食到一碟半。 不過係幾薄幾靚！豚肉都好快熟，但比起牛冇咁嫩！記住一開始就要落啲硬物！唔係去到最後都未食得！

平時打邊爐都係一大鍋share來食，第一次試呢種一人一鍋又幾得意wo，可以自己選各自的湯底，一共有五款湯底，如果一大班聚會，就可以一次過試曬咁多款湯底呢！💓而我就選了美肌鍋，貪佢含豐富骨膠原，滋補又美顏😂而友人選了藥膳麻辣鍋，麻辣味好香亦好惹味😊⭐️晚市放題套餐價錢方面由$179-$329一位，因應不同肉類選擇而定，而我地就選了289那款已經有日本產黑毛和牛肉食！仲有嚴選牛肉，豚梅肉同豚腩肉，而且全部都可以refill呢☺️！😊在自助吧見到店員不停用機器切出一片片肉，很新鮮呢，牛肉同豚肉味道非常濃郁，尤其和牛，正呀😍！😉而配料方面可在自助吧那邊自取，有多種丸類，雞肉，菜，麵，烏冬等可以任拎，比較少見的秋葵，淮山，羽衣甘藍，木耳等都有😉🍹飲品就有果汁，汽水，檸檬茶，烏龍茶那些，都是任拎任飲的😝！🍨最後當然要食埋甜品啦😝有haagen dazs 四款味道雪糕任食，當天就有夏威夷果仁、朱古力、藍莓同香檸雪葩，會經常轉不同口味的，最喜歡夏威夷果仁那款，雪糕中拌入粒粒香脆夏威夷果仁，果仁仲加左焦糖更加甜脆好味😊！

平日LUNCH 60分鐘定量放題$79起, 想食耐D/食好D都有貴D既選擇, 今次同媽媽2人就揀左最平版本, 因為唔食得幾多, 湯底方面要左千夜鍋同麻辣鍋。當日見到可以揀一人一鍋或者一大鍋，當然一人一鍋會比人方便，而且滾得快，基本上40分鐘已經飽左9成。千夜鍋應該係好清既魚湯, 帶少少甜味, 有正宗日本SHABU SHABU既味道另外麻辣鍋都幾香, 唔會太油, 岩重口味既人士! 每人一碟牛拼豚肉, 目測牛肉都有番咁上下紋理, 而食落都唔錯, 又唔會切到太薄, 份量都算幾足夠(以$79黎講), 比起其他日式火鍋都高質雖然店面較細, 任食既選擇比較少, 但睇得出餐廳已經好盡力放最多既選擇, 連個汽水櫃都放到貼地咁滯, 誠意十足XD 而任食既區域都係有火鍋配料, 飲品, 同哈根雪糕, 無其他熟食。食材用得上乘, 有菜苗同羽衣甘藍呢2款比較貴價既菜, 所以都食左好多盤丸類菇類瓜類通通都有, 每樣都有幾款, 實岩食!而且哈根仲有4個味道，食完仲會換新味，好幸福呀！

同女朋友周圍食，試試呢間但馬屋，吸引我去既係哈根達斯雪糕任食。呢度係一人一個鍋既，有好多唔同既湯底比你揀，如果多人去就可以試多幾個湯底，我地就揀左藥善麻辣鍋同千夜鍋。肉揀左298，有日本產黑毛和牛肉，嚴選牛肉，豚梅肉，豚腩肉，牛肉同豚肉味道非常濃郁，肥瘦岩岩好，唔會太厚或太薄，相當唔錯。除左指定肉類係要經侍應點之外，出面有一個自助火鍋料，有多種丸類，菜類，麵類任你拎，不過食肉都夠飽了，甜品有哈根達斯4個味道雪糕，汽水任飲，唔錯唔錯

日本品牌總給我的感覺是品質控制優良。但馬屋的裝潢設計。是小清新路線，感覺非常乾淨整潔。選擇過份多但品質沒控制好是很多放題的弊病，但這裡沒有。選擇種類剛好，有更多有盈之選，且不是求其貨。看到服務生不斷用機器切出一片片牛肉很療癒，也知道是新鮮出來的，大家也吃得更有信心。我們三百多的套餐還有包括asahi，拿出來的時候還不敢伸手接，因為罐的包裝不像平常的，變了可愛的櫻花。一大隊人馬聚會，全五款的湯底也試畢。個人喜歡，豚肉放麻辣湯，蔬菜放美肌或鰹魚，魚肉放甜豉油或鰹魚，烏冬放蕃茄芝士。牛肉我不吃，但光看這雪花都覺得美。豚梅肉，肉質軟嫩，豬味相比下淡一點。肉味更覺香濃的豚腩肉，肉質則更爽價位，選擇，品質都很好，是好的日式火鍋放題。

但馬屋，日本過江龍，名氣就有了，不知質素如何，今晚就帶大隊嚟試下。環境整潔光亮，裝潢簡單舒適，淺色木材配磚塊，走清新日系風牛肉豬肉未到，梗係出自助吧調醬油同攞飲品。我最緊張就係除咗豬牛仲有咩食，都係嗰句人大咗食得都健康咗，見到秋葵，淮山，羽衣甘藍，木耳，腐皮，冬瓜，南瓜，豆腐，仲有魚肉，萵筍！真係好開心，仲要記得這裡是放題！五個人，一人一鍋，剛好試哂五款湯座。全部各有特色，慢慢試下自己鐘意咩食物配咩湯都玩咗好耐，咁多配搭真係花多眼亂。牛肉我好耐無食了，但一望哩個牛肉嘅紋路都覺得正，雪花咁。朋友食完都話得，平時三百幾一位係 share一碟牛，哩度係同樣價錢任飲任食所有嘢。豬有兩款，梅肉就豬味重啲，腩肉就油潤啲，放落唔同湯又有唔同效果，好滿足好鐘意哩度印咗但馬屋字樣嘅餐具，美食配美器係加分的！雪糕係Haagen Dazs ，焦糖脆脆好好食

我同朋友都好鐘意打邊爐，晏就行過見唔洗等位就衝左入去食。佢係一人一窩，唔係share一個大窩，都幾好，可以試唔同湯底同埋唔怕比夾哂我啲野食哈哈。而野食方面既選擇都算多，但都唔及個湯底咁有特色，靜係揀湯底我同朋友都揀左好耐，因為shabushabu最重要當然係個湯底，而本身自己比較鐘意清啲既湯底，最後果然都無失望，個湯好清香。

OT完特別想食返餐好，今次就同朋友食返個火鍋放題，之前聽過APM有間一人一鍋既shabushabu，係時候好好慰勞下自己。坐底左首先分別叫左個甘露鍋同美肌鍋，再叫左個澳洲產長期穀飼牛套餐，任食任叫；周圍環境又好乾淨企理，唔似一般火鍋店，感覺特別舒服。係等個火鍋滾既時候可以先出去攞配料醬汁飲品，飲品有竹蔗水、果汁、汽水，配料都有雞肉、丸類、各式蔬菜、麵類，應有盡有，仲有雪糕任食。之後就上牛肉，性價比非常高，牛肉油脂分佈均勻，食落牛肉味十足，我地完全食到停唔到口，總算舒緩左我今日返左一日工鬱悶既心情，非常滿足。

今次飯聚約左去APM依間但馬屋👯‍♀️之前都有朋友介紹過我去，但一直都未揾到機會今次終於去到喇我星期一0830pm左右去到，唔算太多人排隊，但都要等3-4張枱，好彩唔洗等好耐就入得💙係執緊枱比我地個陣，門口位店員已經問定我地要咩鍋+要邊個set，一坐低啲鍋已經同步出現係我地眼前咁濟，好有效率我地坐左係門口隔離既卡位，好近自取區，好方便，而且裝潢行簡約風，以木系同米色為主，整體比人感覺好舒服同好乾淨店員數量都好夠，舉手唔洗好耐就會有店員過嚟，間唔中會自動幫你加湯，而且fill肉既速度都好快，唔洗驚會拖你時間食唔翻夠本至於我地4個就揀左澳洲穀飼牛set+分別叫左2個甘靈鍋(即壽喜燒湯底)，1個藥膳麻辣鍋(好香麻辣味 食落去少少辣 但感覺上同蔬菜類就唔多夾)，同1個美肌鍋(即骨膠原清雞湯底)無論係牛定豚肉，個油脂分佈都好充足至於🐮，本人就覺得佢比起🐷遜色少少少少雖然食落都唔差，但就冇睇起上嚟咁正，有少少“鞋”口講到個🐷，反而比到驚喜我地好嫩，好滑，仲好香肉味所以個晚反而我地食🐷多過食🐮🤣最後不得不提既係，佢自取區個到竟然有提供一向賣得唔平既羽衣甘藍‼️💙相信唔少人都聽過佢個大名，但食過既人就

餐廳位置係觀塘apm,地鐵站上蓋算方便，個晚落雨都完全無整濕到餐廳提供5款湯底選擇，分別係千夜鍋，甘露鍋，藥膳麻辣鍋，美肌鍋&意式番茄芝士鍋，各有功效，而且可以一人選一鍋，咁就一定選到最岩自己心水既湯底坐左5分鐘未夠鍋已到朋友揀既甘露鍋係甜鼓油味套餐有6款，我地揀左北海道大地豚放題，每人$249，肉係點餐後先即刨出黎，所以顏色仲好靚，而且食完可無限添加麻辣鍋香味四溢，仲有淡淡的藥膳味，感覺好養生食客自行用台面既小盤出去裝食物，食物以蔬菜作為主打，自己最愛萵筍同埋魚肉片見到竟然有翡翠苗，即刻心心眼😍最後食埋個Haagen Dazs雪糕，大滿足！雪糕有4款，除左紅莓仲有咖啡，夏威夷果仁同埋芝士味

星期五收工同男朋友Happy Friday就去左呢間，已經有好多人排隊既日本餐廳90分鐘放題，真係人山人海等左陣，終於到我地啦！我地兩個都叫左日本產黑毛和牛放題套餐$289。另外仲有5款湯底，我地叫左美肌鍋（即係雞湯）同千夜鍋（即鰹魚湯）等湯黎既時間就即刻去拎配菜除左有常見既配料，依到最surprise我係竟然有響鈴呀！即刻拎多幾件呀蔬菜既款式都幾多架，食多啲菜感覺都無咁熱氣飲品既種類都好多，有雜果賓治、竹蔗水同橙汁等等，另外仲有罐裝飲品例如可樂、烏龍茶湯底終於上場，首先係美肌鍋。佢用豬骨同雞肉淆製而成，再加上杞子可以潤肺止咳、明目養神，睇落已經覺得好補。我先飲湯，感覺真係好潤好補，不覺得肥膩千夜鍋係一個好清既湯，適合追求食物原汁原味既朋友主角來了！我地叫既日本黑毛和牛，肉質好靚，油脂分布得好平均另外仲有碟豚肉，亦非常高質我前面所講既響鈴好正呀，脆得黎唔會散哂。最後仲有四款haagen-dazs雪糕任食。成間餐廳既裝修都好時尚清新，唯一缺點係空間有點小，雖然佢會有塊板每張枱隔開，但感覺就焗促左啲有時行出去拎野食會唔小心郁到隔離枱既野

今晚終於食到呢間APM既但馬屋日式火鍋放題啦，當晚大約1930到餐廳，只係平日既晚上，都已經人頭湧湧，好多人拎左飛係度等位係等位既期間，大家都可以諗定 / 揀定一陣屬於自己既湯底，因為呢間火鍋既特色，就係一人一個鍋，真係唔洗煩，將自己果鍋點玩都得 ! 揀湯底既同時都記得要揀埋要咩等級同種類既肉喔除左肉係任食之外，都有唔少既配料係提供任食自取架，例如菜，丸，同麵等等 而指定既飲品都係任飲架，今晚就我試左竹蔗水，味道都唔錯，唔係得個甜字，都幾清新，岩曬打邊爐呢D好似好熱氣既活動由於一人一個鍋既關係，真係完全唔洗理你同枱既朋友有咩口味既鍋，除非大家SHARE黎食啦 今晚我揀既就係意式蕃茄芝士鍋，芝士味就唔係太食得出啦，不過重點都係蕃茄，蕃茄既味道就幾香濃，都係打邊爐湯底之一，唔錯既口味除左大大盤既牛肉同豬肉係要落ORDER叫店員送黎比你之外，其他食物都可以到自取區自取，例如菜，雞肉及菇類等等，可見呢餐既火鍋都幾豐盛，放滿曬成張枱都OK牛肉同豬肉都好新鮮架 ! 你見到佢D色澤都唔錯，脂肪分佈都幾平均添，兩隻肉都唔係只得脂肪，肉質都幾高質架，而我地當晚所揀既肉，都只係肉類等級既第二級，所以我覺得