但馬屋 (創紀之城五期(apm))

營業中

休息中

閒日放工喺APM食飯，想大飽口福，就去左食任食嘅日式邊爐！呢排餐廳特色推介係泰式冬陰公湯底，覺得幾有特色就點來試下！冬陰公湯底少少辣，又唔會太咸，好惹味！有香茅、秀珍菇、蝦同魷魚。用嚟打邊爐，感覺幾清新！除咗冬陰公湯底，自助吧仲有青木瓜、泰式茄子、青檸蜜可以選擇！青檸蜜清新得來又唔會太甜，秋天飲真係覺得特別滋潤。牛肉同豬肉即叫即切，切成薄片咁，輕輕滾一滾就熟啦！肉質唔會覺得太老，油脂味豐富！叫左幾round 都keep到！蔬菜都有唔少選擇，比較特別嘅油羽衣甘藍、秋葵或者青尹。特別鍾意食青芛，因為真係好爽口！芝士魚腐我真係encore左幾粒，食到粒粒芝士，devil but delicious!!雪糕係最名貴嘅Häagen-Dazs！有四款選擇咁多，真係任君選擇！特別推薦焦糖脆餅味，口感非常幼滑，充滿牛奶香，又唔會覺得太甜。餅乾食到少少薑餅味，增添口感。要讚下侍應嘅服務態度，加碗、收碗亦非常勤快。個半鐘時間其實我覺得啱啱好嘅，最緊要係你個朋友唔好遲到！😂因為一入座就會開始計時！

今日和太太晚上往觀塘apm但馬屋食火鍋, 我們點了冬蔭公火鍋, 冬蔭公鍋辣度適中, 內有蝦和八爪魚, 蝦食落鮮甜彈牙, 八爪魚食落爽口, 我們點了澳洲產長期穀飼牛, 肉入口即熔鮮甜, 食落美味, 另外我們點了其他火鍋配料, 有豚肉, 魚蛋、芝士腸、龍蝦丸、牛丸、響鈴、生菜和魚塊等。豚肉食落肉質美味, 食落有油花, 口感十足；魚蛋, 芝士腸、龍蝦丸和牛丸食落彈牙爽口；響鈴食落香脆爽口, 配上湯底食口感豐富, 食落有層次；生菜食落爽口新鮮；最後魚塊食落鮮甜, 入口爽口；飲品很多選擇除了一般可樂和烏龍茶外, 還有日本盛行特色的脫脂可樂和杯裝的香茅蜜糖茶, 前者飲落甜度適中, 而香茅蜜糖茶飲落蜜糖味甜度適中, 香茅味道清香。餐廳座位舒適, 食物整潔, 款式多, 冬蔭公鍋食落辣度適中有特色,我和太太食了一頓美味冬蔭公火鍋。

今天又和老公食Shabu Shabu～如果各有不同喜好的話，還是來一人一鍋最好！原來但馬屋新增了冬蔭功湯底，喜歡酸酸辣辣的我二話不說要試這個湯底～任飲任食90分鐘，但馬屋的牛和豬肉質素一向都不錯，而且加單來得超級快，沒漏單，所以才晚上六點來到已經大受歡迎排長龍！冬蔭功湯底有大蝦，墨魚等等配料，加湯時也是加冬蔭功湯而不是加水的，不會越食越稀！肉刨得薄，又夠大片，在熱湯中拖一下就可以吃，沒有熟後縮得太小，這種口感是最爽的！外面有多款丸類和蔬菜，麵食，refill很快，凍櫃內夠衛生。醬料架又齊又乾淨，非常不錯。不要只顧吃肉，也要吃點菜！粟米超甜的！最後記得起哈根大師雪糕！喝一口熱茶！飽得十分滿足～每一次吃完牛鍋都會想下一次甚麼時候再來，真是充滿著魔力啊～

無論什麼季節，在香港這個城市，shabu shabu都是高朋滿座的餐廳這次J子便帶爸媽來一試這間坐落在apm的shabu shabu. 本身想試澳洲的，但J媽覺得既然要試就試最高級的黑毛和牛，最後便點了HK329的日本產黑毛和牛任飲任食套餐。雪花真的分佈得平均。我點了甘露鍋，其實就是壽喜燒的味道呢個套餐包埋任飲啤酒🍻竟然有羽衣甘藍，秋葵及蟲草花等外面較少見的菜蔬。再來的肉質看來更正人開始長大，食既野便要貴精不貴多，所以我們吃了數碟再加菜蔬都已經飽了下次J子再帶大家吃好西吧☺️😌😋

#小秘書 真係好鍾意打邊爐㗎🙃 崇尚自然醒嘅我，星期日嘅第一餐已經係三點😝 不過咁都好，唔使同人迫。試過幾次想試吓 但馬屋 Tajimaya 嘅火鍋，可惜每次去到都企咗成棚人喺門口，估唔到今日誤打誤撞又比我攞到位✌🏻 今日我叫咗個 #牛肉午市套餐，#美肌鍋 做湯底😋 因為中午唔食得太多嘢，我無揀放題，事關除咗套餐嗰份牛肉，出面仲有好多任食嘅蔬菜、肉丸、罐裝飲品...而最特別嘅就係第一次喺任食火鍋出現嘅 #蟲草花 同我最愛嘅 Häagen-Dazs 雪糕😋 不過啲雪糕唔係杯裝嘅😑 要人哋自己烏抵身去裝... 有啲失色囉👉🏻👈🏻

今晚去左觀塘行街，之後黎左但馬屋食DINNER~ 原來依家做緊泰國主題，有冬蔭公鍋，我同朋友都中意飲冬蔭公湯，所以都想試下！！我地揀左$219澳洲上級長期穀飼牛套餐, 呢度係一人一鍋～～～所有牛/火鍋配料/Haagen-Dazs雪糕任食, 飲品任飲, 全部都係出去拎~~先講講個湯底，冬蔭公湯底落足料，入面有好多香茅、蝦、魷魚等～配料方面多多選擇，有好多菜、丸、菇！而澳洲上級長期穀飼牛真係冇得輸，好鮮嫩，只需15秒已經可以食！食到最後，重點黎啦！係有Haagen-Dazs雪糕任食，勁多款式，有薰衣草藍莓、芒果雪芭、士多啤梨、雲呢拿、焦糖～～我一個人竟然食左２大杯，薰衣草藍莓同焦糖，食完真係大滿足！價錢ＯＫ，下次可再黎=]

之前食過大阪心齋橋附近嘅「但馬屋」， 以任飲任食嘅火鍋放題來說相當不錯👍🏾！ 所以知道香港🇭🇰開分店， 當然要黎回味下啦！😏 咁啱朋友話Ot全日無食過野， 所以我地就一齊黎打邊爐～ 「但馬屋」係一人一鍋制， 每人都可以揀返自己湯底， 限時90分鐘任飲任食， 牛肉即叫即刨， 有自助火鍋配料區，汽水果汁任飲， 仲有haagen dazs雪糕任食！☺️ 餐廳環境簡潔清幽， 木色嘅裝潢，配上綠色植物嘅襯托，環境舒適， 大部分餐桌都係卡坐位，私隱度，暴飲暴食都唔怕被人見到。🙈🙊 牛肉價錢由$179-$329不等， 有六種價位可選擇； 湯底有5款：千夜鍋、藥膳麻辣鍋、甘露鍋、美肌鍋和意式蕃茄芝士鍋。 係門口同店員講好要咩湯底之後， 坐低唔洗5分鐘湯底同肉都到了， 效率極高，絕不浪費時間！ 千夜鍋以鰹魚烹調而成嘅日式清湯， 最能食到食菜嘅原汁原味～😌 美肌鍋顧名思義梗係美肌， 岩晒女性朋友啦！😏 牛肉我地揀左澳洲產長期穀飼牛（$199） 來自澳洲的代表， 肉味香濃，油花分佈均勻，符合性價比！👍🏾 除左牛肉外， 還有豚梅肉和豚腩肉兩款選擇， 豚梅肉肉香軟嫩， 豚腩肉每片都有軟骨位，食落頗有嚼

非常之抵食滿意嘅火鍋放題 首先一定要大大大大大讚蕃茄芝士湯底 因為佢個調味真係啱啱好，蕃茄唔會太蓉，而且好鮮，而芝士味唔會喧賓奪主得黎，又會加咗少少鹹香味落個湯底，好有特色，酸同鹹嘅配搭非常之開胃，就咁飲 個湯底已經好滿足! 套餐方便，我叫咗差唔多最平嗰個套餐199蚊，雖然係咁牛肉同豬肉嘅質素絕對唔參差， 唔會又散又un。呢個價錢同其他類似嘅火鍋店對比，真係絕不遜色 另外最開心就係haagendazs雪糕,竟然有我最鍾意嘅乳酪雪糕味同埋咖啡味<3 仲要係任拎嘅 淨係食雪糕都食返夠本 除此之外服務員都好細心 除咗會主動幫你添湯添肉等仲好細心留意每個客人 行過嚟睇你個煲太滾等等 下次一定再嚟食

香港人最喜歡「烚吓烚吓」夏日炎炎、也要開冷氣食火鍋，可見香港人對打邊爐的熱愛程度！但身邊總會有些朋友擔心衛生問題，害怕和別人有「口水交流」，這間火鍋餐廳就很適合他們了。這是一間以一人一鍋概念的日式火鍋放題店，限時90分鐘，任飲任食。肉類等級及價錢選擇有六款，最便宜$179(嚴選牛肉)，最貴$329(日本特選黑毛和牛)。有五款特別湯底選擇，包括「千夜鍋」、「甘露鍋」、「藥膳麻辣鍋」、「美肌鍋」及「意式蕃茄芝士鍋」。當日我和朋友分別嘗試了「美肌鍋」及「意式蕃茄芝士鍋」，$199的澳洲長期穀飼牛。剛下單不到5分鐘，侍應就送上湯底和牛肉、豬肉各一碟。限時放題就是要跟時間競賽，最怕有些餐廳上菜很慢，阻礙了大吃大喝一餐的興致。這點但馬屋做得不錯，數次加牛肉，上菜時間都不過2-3分鐘，上菜時間真的值得一讚！澳洲長期穀飼牛：肉質不錯、肥瘦適中、略欠牛味日本注重養生，所以除了可以任食牛、豬外，自助吧還有超過20款的火鍋配料和蔬菜任君選擇。一些比較少在火鍋放題可以食到的蔬菜，例如：豆苗、窩筍片、秋葵、蟲草花等，連超級蔬菜「羽衣甘藍」也是任食的。醬料也是以日式為主，除了麻醬、醬油、酸汁外，還有「大阪黃金燒汁

週末和朋友去食火鍋。品嚐了apm的“但馬屋”夜晚有晚市放題套餐，可以係5個湯底入面選1個，然後再選你要ge肉類，基本上你揀左ge牛或豬肉都係任添加ge。所以都幾抵食。我同朋友就分別揀左甘露鍋，同義式蕃茄芝士鍋。甘露鍋主要係甜醬油味，都好香甜ge，比較適合煮牛肉，有d似日本ge壽喜燒ge感覺。而蕃茄芝士鍋呢，就有香甜ge蕃茄，同一片芝士係鍋中，呢個鍋真係大人細路都啱食，唔錯。肉類方面我地就選做日本產和牛及黑豚肉餐。日本ge和牛一定係比較好味的，肉質鮮嫩，而且牛肉ge味道好濃郁，若果鍾意食牛ge朋友不妨試下。而個黑豚肉都係日本產ge，小佐果d普通豬會有ge so味，反而個肉味都係好濃，而且唔會好肥。另外除佐主食ge肉類之外，餐廳仲有好多唔同火鍋配料俾客人選擇，例如丸類，蔬菜，雪糕，飲品等等，都夠豐富！唔錯ge餐廳，食物種類多，而且味道好。

跟友人行開APM發現一間90分鐘一人一鍋放題 佢有六個唔同價錢套餐選擇亦都分別分大人小童 鍋方面亦有五種湯底選擇 我就揀咗美肌鍋 朋友就選擇藥膳麻辣鍋 兩個都係$329 日本特選黑毛和牛套餐 美肌鍋含有豐富骨膠原 湯底包含日本黑豚肉 豆腐 菠菜 木耳等等 感覺好健康 朋友嗰個藥膳麻辣鍋 就包含北海道豚肉 芫荽 靈芝菇 魚蛋 冬菇等等 友人覺得湯底唔算辣 但係都不錯日本特選黑毛黃牛 油脂分佈均勻 入口好軟 非常推薦放題方面 除咗Häagen-Dazs任食之外 火鍋配料亦很多 秋葵 羽衣甘藍 蟲草花 南瓜 雞肉 粟米 金針菇 娃娃菜 山菜 雲耳 響鈴 蕃茄 芝士腸 魚蛋 蓮藕等等 選擇非常多 飲品方面亦有雜果賓治 橙汁 竹蔗水 蘋果汁等等總括來講食物質素不錯 一定會再黎

最近常吃中式火鍋，偶爾又會懷念一下shabushabu的味道。想起正宗美味的日式火鍋，總會令我想起APM的但馬屋。在我看來，日式火鍋比較有特色的是：簡單又味美。相比係中式火鍋的豐富海鮮盛宴，高質的牛肉汁是日式火鍋的主角。這家店的任食套餐非常划算，300多元就能夠任食高級日本和牛。和牛的肥瘦分布很均勻，比例大概是5:5。牛肉味都既香且濃郁，口感入口即溶，實為上乘。套餐中同是任食的豬肉也毫不遜色，黑毛豬肉入口感覺滑溜，而且有豬肉獨特的濃香。至於湯底，也是日式火鍋的主角。我認為甜豉油湯底最能突顯出和牛的美味，配上爽甜的蔬菜，也份外好味道。老婆則喜歡享用比較養顏的美人湯底，骨膠原感甚重。除了套餐中任點的高級肉類外，店內亦有自助吧，可以揀選自己喜歡的美食，選任何價錢的套餐都可以享用。當中也有唔少吸引的美食。有人認為，日式火鍋比較單調，食物選擇較為簡單。我就認為，日式火鍋實而不華，能夠真正享受美食。

同朋友喺apm睇完與神同行2，片長2個幾鐘，散場已經10點幾，好在apm有的食肆都開得幾夜，費事行咁遠，就喺度揀間食晚飯。本來想試近排好hit嘅錦麗，可惜已經關門，行行下見到呢間裝修好企理，就入左去。恕本人孤陋寡聞，未試過呢種一人一煲嘅放題，覺得好新鮮，後來先發現原來好多都係咁，如牛摩。可以自己揀鍋底真係好, 因為我想食麻辣，我個friend又唔食辣，啱哂，唔使就人夠哂自煮。我鍾意佢嘅小清新風，無論裝修和餐具，都行簡約精緻的風格，唔係廣東邊爐果種巿井味，女仔去食好啱我同朋友各揀了美人鍋和藥膳麻辣鍋其實唔係好辣，亦唔係重慶果種麻，風味唔夠，亦唔係重口味，不過不失我地揀了$199位的澳洲縠飼牛和黑毛豬餐，算係中價選揀，記得仲有兩款更貴的餐，不過因為覺得咁夜食唔多，唔打算食咁貴，就冇考慮，亦冇記住係咩牛和豬肉~肉上來，賣相很好，覺得好企理，食完一碟可以再叫職員加豬都好滑今次兩個人食左碟牛同一碟豬，就咁睇好似得幾片，食食下其實都幾飽，食左兩轉就已經到頂~飲品除左汽水，仲有竹蔗水、橙汁之類配菜唔係好多款，大約廿零種，不過應該有的都叫有，丸得三幾款，有雞件，魚塊，豆卜，菜除左生菜，更有唔知乜苗，金

「但馬屋」食過好幾次，難得經過仲唔太多人排隊，緊係唔洗諗，今晚就食「但馬屋」等位期間，係門口㨂定食咩鍋底先，因為係一人一鍋各自㨂自己鐘意既，甘就唔洗爭。甘露鍋=甜豉油 係我最愛，必點配疏菜好好味～藥膳麻辣鍋 E先生就揀左黎試下，好香，微微辣，配牛肉出色我地㨂左$199 餐，限時90分鐘牛肉好靚仔，薄薄一片，唔un仲有牛味，好快就食完一碟又一碟估唔到連豬肉片都好好味一樣薄薄一片，肥瘦適中有驚喜有驚喜除左牛肉豬肉外，全部配料自己夾再次估唔到有羽衣甘藍，蟲草花，萵筍...依幾樣都唔係度度有得食，仲要好靚好新鮮，平時自己買都唔平，食返夠本連醬汁同飲品都好多選擇甜品..仲要係Haagen-Dazs$199餐加埋一都係二百幾一個，依個價錢算得高質

最近愛上左食一人火鍋shabu shabu，感覺上唔會咁容易造成浪費，而且食物質素好似都唔錯～今次嚟呢間日式火鍋shabu shabu係一個吃貨朋友介紹，話性價比幾好～湯底都幾多唔同選擇，我最後揀咗湯底～和牛片同豚肉片色澤都好靚，肉質唔錯幾嫩滑，淥一淥就可以食，牛肉味幾濃，加埋少少麻辣味真係好正～另外場內仲有好多其他火鍋配料可以自己揀，想食幾多就夾幾多，好方便又唔會浪費～想試吓食一人一鍋火鍋嘅人都幾推薦試下呢間～價錢唔貴但係品質幾好～好味指數：🌕🌕🌕🌖