但馬屋 (創紀之城五期(apm))

營業中

休息中

真係開心，好耐冇食shabu shabu ，今晚同阿姨一齊食飯，一行四個人，去咗觀塘APM識但馬屋，第一次食呢間。出邊好多人排隊呀！係要等一陣，但係都值得嘅。揀湯底本身就會令人三心兩意，但係要滿足晒四個人都完全冇問題，因為可以有鴛鴦湯底，而貪心嘅我不嬲都最鍾意甜豉油湯底（甘露鍋） ，但係又想試吓意式蕃茄芝士鍋，阿姨就好就得我，比我任揀，所以兩樣都可以試。每種火鍋嘅配料都好有條理咁樣放在一個木箱之中，以供選擇，自己鍾意食幾多就拎幾多，可以用自己枱上面預設嘅木碗去拎，又方便，又唔使洗碗姐姐洗咁多，幾環保。睇見啲嘢飲都好開心，熱飲嘅咖啡杯好靚！每一隻嘅花紋都唔同。凍飲方便，都好多選擇，有雜果賓治、竹蔗汁、橙汁、蘋果汁，下邊仲有好多汽水。嘩！雞肉超彈牙！日本黑毛和牛好鮮嫩嘅牛肉！切到薄薄的，每一口都嚐到牛肉的香，同適中的油脂，所以唔會太流，好襟食！豚肉都唔輸蝕，好好口感，又有肉香。蔬菜好新鮮啦！最驚喜就係竟然有蟲草花食！好養生。面食都有幾種可以選擇，我哋揀咗烏冬酸酸的蕃茄湯幾開胃，甜甜的粟米沾了蕃茄湯，係別一番風味。

收工個FD好即興咁約去打邊爐~~又諗起近近地的APM但馬屋上次食過覺得唔錯, 今次同朋友再去。入面座位都算多, 平日都係等左一陣台與台之間有分隔, 算有一點的私人空間任食90分鐘, 澳洲牛套餐配美肌鍋火鍋材料同飲品無限添加, 仲有HaagenDaz雪糕食, 呢個價錢合理又食到高質素牛肉~澳洲牛肉 - 肉質好嫩又唔會太肥. 牛味濃郁見住侍應用機器切牛肉同豬肉每一碟的牛肉同豬肉都薄身~ 灼一灼就可以食, 好腍好滿足肉類方面係每碟食完可以再添, 侍應行動快會問仲要唔要肉, 態度有善不過再添牛肉的質素有點參差不齊火鍋材料有丸類,蔬菜為主 (特別一提, 呢度有蟲草花同羽衣甘藍)羽衣甘藍平時打邊爐都少見會有, 有高纖維, 又可以排毒美顏~ 

位於觀塘apm 4樓的但馬屋日式火鍋，主打日式火鍋。平常喜歡去快餐店一個人獨自打邊爐，想不到今次可以試試一個人吃放題邊爐，而且用膳的過程也頗愉快。餐廳採用一人一鍋，可以選擇自己喜愛的湯料，共有五款，有辣有不辣。今次則選了含豐富骨膠原，有滋補美容功效的美肌鍋。電磁爐也是以個人控制的，自由度高。雖然桌子是四人座位，中間有一塊板隔著，私隱度高，二人情侶對坐，抑或一個人來吃，也不會覺得尷尬。今次則點了$249的北海道夢之大地豚和上級牛肉套餐，以上兩款肉類也是可以無限追加的。接著，可以用桌面上的中型木碗子，到外面盛載蔬菜等配料。配料櫃約有三十款配料，左手面有芝士魚餅、小魚蛋；蔬菜則有粟米、南瓜等。配料櫃的感覺也是頗為乾爽和衛生的。配料櫃旁邊則是醬料區，提供日式醬料，除了豉油，還會提供芝麻醬、燒汁等。個人最喜愛的配搭為豉油加上芝麻醬，另加少許生蒜和芫茜。約五分鐘後，湯鍋和肉類已經來到了。乳白色的美肌鍋包括了兩件雞肉、少許京蔥和杞子。兩款肉類的肉質也不錯，職員是用切肉機把肉類切成薄片，所以肉類不會切得太厚而變得過韌。北海道豚肉的雪花較為多，相對較滑，而上級牛肉的口感則較為實。個人頗喜愛配料櫃的黑木耳

平時一人一鍋多數只出現在連鎖式快餐店，不過上星期到觀塘apm 時，見到但馬屋日式火鍋都有供應一人一鍋打邊爐任食放題。店內環境光猛整潔，不過面積不大，座位略為淺窄，幸好早來了，過了七時都已經滿座，就連平日的晚飯時段也需要等位。放題限時90分鐘，這次我就選了有牛又有豬的日本產和牛及黑豚放題套餐 $299。一人一鍋的好處就是可隨自己喜好選擇湯底，毋須刻意遷就而叫鴛鴦湯底，也不用擔心別人灼煮自己不喜愛的食品而破壞了整鍋湯的味道。醬料自助櫃亦可方便人客自行混醬，混出最適合自己的口味。我自選了美肌鍋，其實就是雞湯湯底，鮮甜香濃，湯頭的濃厚度，感覺就像喝了一整碗的膠原蛋白。家人選了意式蕃茄芝士鍋，番茄湯底味道酸酸甜甜，不過芝士味偏淡。日本產和牛色澤嫩紅，切得大小均一，一碟份量亦不少，脂肪比例平均，肥瘦勻稱。平時我都不算特別喜歡吃牛肉，但難得今次的和牛算是高質，肉質細嫩富油香，肉味濃郁，就算不小心放在鍋內過久，也不會令牛肉變得過韌。不過之後再追加多一盤和牛，質素開始走樣，肉質相對較韌，只是一般的火鍋肥牛貨色。黑豚肉切得薄片，肥瘦適中，口感柔嫩。黑豚肉肉汁香甜，絕非普通豬肉可相比。自助吧有多種丸類及蔬菜

比起普通打邊爐，我一向更鍾情於日式嘅shabushabu，因為用料一般較高質同好食。今次就試左呢間係日本開過黎嘅但馬屋，果然係非常之唔錯我地就揀左個特選黑毛和牛餐($329)，牛肉同豚肉都可以任叫。牛肉果然夠高質，油脂分佈平均，食落唔會太肥膩但又非常嫩滑， 拋離平時食開嘅肥牛成條街呀呢度嘅湯底係一人一鍋嘅形式，我同朋友就分別揀左 美肌湯同麻辣湯底。美肌湯食落相對較清淡，而麻辣湯底則聞落已經有非常重嘅麻辣香。醬料嘅選擇亦相當豐富，可以根據個人口味自己調制。比較特別嘅係佢個日式燒汁，食落甜甜地咁都幾好食。除左牛肉同豚肉任叫外，其他蔬菜配料亦可以任攞，選擇都幾多而且新鮮。我地就主打食肉，但都攞左唔少菜黎中和下。飲品選擇都非常豐富，除左 罐裝飲品外仲有果汁、竹庶水等。我地個餐仲有asahi任飲，可惜我地唔係好飲得😂如果唔係飲多幾杯都抵番。重點:呢度有haagendaz任食架!!!仲要有焦糖脆餅等特別嘅味😍我地每人都食左幾杯。

與平時日式火鍋分別不太大，只是D湯底有D特別是其他日式火鍋店沒有的，但其服務就好，五大人入座只能給我們四個鍋我們都可以接受，但店說明是入座計限時90分鐘任食，估吾到無預先通知已快到完結時間，很不滿!還有幾分鐘都未夠鐘，作高級店員的叫幾位侍應在未食完及客人未允準下清了我枱上所有食物，我們叫住也不停手照收，並問佢說話不答，很沒有禮貌!

天氣又突然變得涼涼地，所以今晚就同朋友去左呢間日本過江龍既人氣shabu shabu放題度放肆下其實有時一班人打邊爐都會為左個湯底爭崩頭，所以最好就好似呢間餐廳咁一人一鍋一湯底喇今晚我地就去左觀塘apm分店，呢度地方唔算大，座位仲有d窄，不過環境都算唔錯既。Menu呢度係任飲任食既，不過限時90分鐘，仲有五款特式湯底配搭外面廿幾款既火鍋配料，價錢就由$179起，至於有d套餐個價錢仲包埋任飲啤酒tim呢度好似buffet bar枱咁放齊晒醬料、飲品、雪糕同火鍋配料。我就揀左$299日本產和牛及黑豚放題套餐，配個有豐富骨膠原既滋補美肌鍋黎補下喇。呢個湯底比較清甜，至於d日本和牛就真係唔錯，除左油脂比例均勻之外，肉質嫩滑，牛味又香濃而個黑豚肉都同樣出色，厚薄仲好適中tim

喺apm睇完戲好肚餓，近近地去但馬屋食shabu shabu ~等左一陣間位，先點餐，我地一人一煱，點左甘露鍋(即係甜豉油)，藥膳麻辣鍋同埋要澳洲產長期穀飼牛放題套餐。入座既時候已經放好湯底、2碟牛，1碟豬。我地再出去自助吧拎其他配料、調味、飲品。配料種類好多, 單單係瓜菜類已經有十多款，仲有好多丸類，最中意就係呢度有秋葵、羽衣甘藍、鮮蟲草花。飲品方面，有一壺壺既果汁、雜果賓治、仲有一罐罐汽水、道地系列飲品同埋茶包可以沖泡~每樣拎少少返埋位已經好大堆頭~我地既牛肉雖然油脂分佈唔多，不過牛味濃厚，配埋我既甘露鍋，甜甜地連最愛既胡麻醬都可以唔點~ 豚肉係梅肉部分，肉質有彈性，脂肪較香。至於麻辣鍋，比較辛口，麻香 略嫌不足。 店員提醒用餐時間剩餘15分鐘就出去裝雪糕啦，有我最中意既Haagen Dazs芒果雪糕

今日有種放題癮，所以同朋友行完apm之後，就叫埋佢一齊去左但馬屋食日式90分鐘放題。這裏裝修很有日式風格，以自助為主，雪櫃擺放著多款食物，整齊而且乾淨。各人口味不同，我地叫左一個甘露鍋，一個意式番茄芝士鍋。落左單之後好快就上湯底，甘露鍋其實係甜醬油湯。蕃茄湯底味道濃郁，食食吓仲發現有少少芝士拉絲tim !今次order左日本產黑毛和牛放題套餐$289 per head，湯底到咗之後就先上一碟和牛同埋豬肉。和牛紅白相間，脂肪比例平均，店員用機器切得好薄，可能因為去貨量好高，牛肉好新鮮，食落好香。豬肉爽彈，清楚看見豬肉的幼筋和帶有些少肥，讓豬肉入口更香，更爽脆。店鋪內設自助吧，首先可以揀選鼓油、辣椒等配料，也有好多蔬菜可供配搭，連平時打邊爐比較少見的皇帝菜都有！不得不提就係羽衣金藍，被稱為superfood的佢平時好貴，簡單就淥一淥可以食。仲有蟲草花、生菜等等。今次叫咗番茄芝士鍋梗係再放多啲蕃茄落去😬自助餐仲有幾款飲品選擇，雜果賓治、橙汁、竹庶汁同蘋果汁，下面雪櫃有可樂、罐裝烏龍茶等等。最後梗係要食埋Haagen-Dazs雪糕，有四隻味可以揀，都係士多啤梨味最好食👍🏻總括而言，在APM有這

我嘅食量唔算多，所以食放題都會覺得好難回本。不過要打邊爐冇百幾蚊都走唔到架喇，何不放題?但馬屋定價算係日式火鍋入面嘅中上，有好多款餐，我哋就叫咗最平嗰款。先上一豬二牛，油脂分佈都算均勻，但牛當然就冇貴餐咁新鮮啦~食過幾次牛鍋，次次都有種疲累感。通常要舉高手又嗌又揮，店員先黑口黑面咁落單，仲要漏單，焗住要一次嗌多幾碟，因為驚冇下次。今次我哋得兩個人進度有啲慢，店員嚟收碟嗰陣竟然主動問我哋洗唔洗添牛！神蹟！添返嚟嘅牛雖然油脂分佈變咗樣，但色澤反而好咗。甘露鍋就係最穩陣嘅昆布鏗魚，個人覺得鏗魚可以香啲。結果我大部分時間都係喺朋友個辣鍋度打撈。藥膳麻辣鍋香料味好重，雖然未算勁辣，但就夠辣椒香。但馬屋其他配料款式唔算多，但可能係貴精不貴多。Haagen Daz雪糕食得好開心，但戰鬥力不足只係食到兩小球。集中火力食菜！羽衣甘藍沙律都唔平啦，今次竟然可以用嚟打邊爐！佢好叻咁討到我勁偏食嘅朋友嘅歡心，開口叫添菜。如果好憎受氣嘅火鍋迷可以試吓但馬屋~

兩個打邊爐怪又出動喇！今次係食日式放題嘅火鍋，經朋友推薦，兩個朋友都話呢間但馬屋好好食，我就梗係要來試吓啦！嚟到門口都已經好大堆人等緊位，我哋大概等咗15分鐘就有位啦！睇完個餐牌，就決定揀日本黑毛和牛嘅放題套餐！湯底方面，就揀咗一個甘露鍋同埋美肌鍋。其實嗰店面都幾細，枱嘅位置都唔大，但係佢哋擺放食材嘅地方都好整齊嘅！平時嘅放題通常都只係得汽水，但係呢度就有唔同嘅果汁同埋茶類俾你揀，而醬料方面同平時嘅都差唔多嘅。我哋揀嗰個和牛餐，除咗牛之外仲會供應埋黑豚肉。外面就可以揀唔同嘅配料食材，有唔同嘅丸啦、蔬菜類啦、仲有啲雞肉同魚肉等等，當然仲有啲烏冬啊麵呀之類啦⋯⋯主角嚟喇～～～真係冇介紹錯，啲牛係好正！睇吓啲色澤幾紅潤，油脂分佈得幾平均！我哋總共食咗六碟呀豚肉亦都非常好味，雖然好薄，但係味道都好唔錯！前後都叫咗三碟！我打邊爐好鍾意食菜，呢度幾多唔同嘅菜類仲有蟲草花添呀！食飽飽，就係食甜品嘅時間。呢度係任食Haagen-Dazs嘅雪糕，有四隻味道揀，任你食幾多都得呀！幾貼心嘅係呢度仲會有熱茶供應，食完雪糕飲番杯熱茶清下個口消下滯都幾好呀！另外要讚一讚呢度嘅上菜速度都好快，我哋每次都係食完一碟肉

係apm行下街，見到好似唔錯的日式火鍋，所以試試，選擇了最貴的黑毛和牛，一個美肌鍋，難得食最貴的肉，想食清楚d肉味，所以揀清湯千夜鍋不過一開始俾錯左芝士蕃茄湯俾我，其實係吸引既，不過都係換番清湯，出去自助吧睇睇，都好豐富，見到有比較少見的秋葵，雞肉同龍脷柳都可以在出面拎，款式比同類的日式火鍋還多，而且仲可以見到每碟牛肉，都是即場用機切，都幾有誠意配料醬汁都齊，另外有未食過的口味，而免費任飲的，都唔小氣，幾款果汁任飲，還有食完問重要的雪糕，雪糕係哈根大師，食多少少，感覺都回本牛肉和豬肉很快上黎，睇色澤一看就知道靚牛，很新鮮的顏色，放落鍋中浸一浸，食落口真的特別的軟滑，牛味當然都十足，靚牛肉果然好食d

▶️天氣不太冷也不太熱時候..燈..燈..燈..燈..就係去食但馬屋Shabu Shabu la🤣🤣▶️一入門口掛牆壁貼圖畫 五顏六色簡單介紹那個鍋應該有什麼材料配搭 非常細緻👍🏻👍🏻▶️雖然人流都很多..但店鋪用舒服開放式日式設計搭配座位 感覺好像回到日本啊🤩▶️餐牌上有列明價錢..吾算貴價錢都合理👆🏻..最後選擇了嚴選牛肉放題套餐..😆▶️有個特別之處有個木板隔一來火鍋熱氣 又可以打擾別人對話 非常適合不過🤣▶️我自己選擇火鍋是美肌鍋🍲..對女生身體有幫助滋潤美容肌膚..非常值得一食👍🏻👍🏻▶️另一個火鍋是我男友點的..藥膳麻辣鍋🍲..有六種藥材...可以帶出身體寒氣逼出來....如果愛食麻辣朋友..不妨試試麻辣鍋..都非常值得食架😆▶️食物都是自取 大部分蔬菜和其他族粉麵丸類比較多👻▶️新鮮豬肉 食落口入口即感覺架😍▶️另一個嚴選牛肉本身薄身 脂肪平均 碌10分鐘就食得！正！正！😋

一人一火鍋 醫生遠離我但馬屋係我係apm其中一個餐廳嘅target! 點解！？ 因為每次lunch又或者 dinner time都好鬼多人， 次次有緣經過，無緣去食呀！不過，今次專程早少少， 6點就到但馬屋，唔使等位就有位坐啦！呢到每個餐都差唔多200蚊， 係有啲貴嘅！ 基於Budget有限， 我地就食個中價嘅餐， $249 豚肉 + 牛肉！豚肉肉質紅潤， 切得非常薄呀！ 放入火鍋，不足1分鐘就由組色變成灰黑肉食，所以好快就可以入口啦！入口香滑，有豬肉味之餘，彈口好食！牛肉肉質同樣紅潤吸引，聲稱和牛的牛肉片，放入湯底滾一滾就可以入口，建議保留一回血汁，更能食出和牛的牛味呀！至於，點解咁多人會等食呢間火鍋，極大原因就係可以無限食Haagen-Dazs呀！在場有4款口味，相信食夠10杯就一定回本，仲有賺呀！ (當然唔會啦！)在場亦有不少配料任食，包括魚肉、雞肉(不過味道則一般), 而蔬菜則非常新鮮，值得多食呀！資訊由 iPlayHK香港愛玩生 提供

但馬屋，喺日本係一間好受歡迎嘅放題火鍋店，既然有代理引入香港，咁就姑且試吓。入到去佢座位同日本店比較當然係又細又窄啦。服務員仲要講歡迎光臨，講到好似國語咁，唔通服務人員係來自譚仔講返食物先，餐牌聲稱係即叫即刨牛肉，不過見到個廚房位係已經大量預備了一盤盤！名不符實，都預咗出面選擇唔多，仲要攞食物嗰個地方好細，好心好似牛涮鍋咁，分散啲，就唔使排隊攞嘢食！食物種類方面都很有蔬菜丶肉丸之類，不過就唔似日本疏菜質素，可能之前喺沙田嗰間，實在太似日本風味，所以比較之下，依間但馬屋，就完全唔似日本feel