但馬屋 (創紀之城五期(apm))

營業中

休息中

周末天氣又冷又濕，令人覺得好唔舒服。落雨天大部分人都寧願躲入商場內不見天日。行到晚飯時間，經過但馬屋，見已經要等第二輪入座。到差不多到號碼時再返回餐廳。小小的店子十分擠迫，幸好四人枱如果係兩對人坐的話，中間會有塊木板隔開，增加私隱度。問老公揀邊個放題套餐，老公話食落自己肚梗係揀最好，如是者我地點選咗冬戀美鍋。此套餐包括任食鹿兒島黑毛和牛，澳洲穀飼牛肉，豬柳肉，豬肋肉，手作雞滑，美肌蔬菜盤同油揚蔥卷。當店員端上火鍋時，建議可先喝一碗濃厚雞白湯，然後再打邊爐。雞白湯呈現乳白色，看上去好濃郁，好多骨膠原，飲落比一般豬骨湯清爽鮮甜。雞白湯入面有兩至三件雞塊，雞塊嫩滑厚肉。鹿兒島黑毛和牛色澤鮮明，雪花分佈平均，輕涮一下入口嫩滑鮮味。豬柳肉亦切得很薄，輕輕一涮已經全熟，肉味不俗。鯪魚滑、蝦滑、墨魚滑、豬肉滑、牛肉滑都試過，唯獨係未試過雞滑。手作雞滑很特別，將雞肉打至起膠，口感彈牙。油揚蔥卷的油揚吸滿清甜雞白湯而京蔥則清爽辛辣，串起來就算淥耐咗都唔會散開。美肌蔬菜盤可自行到自助吧添加。眾多蔬菜中，最喜歡羽衣甘藍。羽衣甘藍被譽為超級食物，營養價值豐富，平日零售價比較昂貴，難得火鍋有此配菜。羽衣甘藍下鍋

今晚約左朋友去APM食火鍋放題，點解會黎試呢，因為較早前同事食過推介性價比高。早些用Apps book定位去到等一陣就可入坐，新裝修現代簡潔最鐘意係一人一鍋，可惜今晚好full所以四個用同一個大鍋咋 ! 坐位較迫有壓逼感！ 冬戀美肌鍋放題套餐 $329 其實個套餐已包左任食美人和牛，日本產特選黑毛和牛，澳洲長期穀飼牛肉，豬柳肉，豬肋肉，美肌蔬菜油揚蔥卷，手作雞滑及 haagen dazs雪糕。任飲自家制飲料罐裝飲品及啤酒，還有特別甜品，每人一客水信玄餅添！ ，我揸主意點左其中一款美肌鍋，點解？因為Menu介紹， 話有豐富骨膠原兼有滋補美容之效，啱晒我地！火鍋最緊要嘅靈魂係個湯底先，奶白色好吸引其實係濃厚雞白湯，滾起先試啖湯先，不算太濃味但係感覺好重膠質，反而鍋內既鮮雞件剛剛熟透超滑！ 跟套餐還有手打雞滑，實肉唔係淋味道唔錯 還有金菇，南瓜，蔥卷，鮮冬菇和較特別又健康嘅羽衣甘藍的蔬菜。食材新鮮！美人和牛真係賣相無得輸，油脂分部，牛味濃兼肉質鬆軟！黑豚肉好好味兼肥瘦適中，碌到轉色就剛好軟綿，新鮮香滑！ 每人一客甜品~~ 水信玄餅。 食時要落黑糖醬同綠豆粉同食因為質感介乎Jelly同大菜糕

冬天就係要瘋狂打邊爐！！今次試日式邊爐，但馬屋，兩個女仔比新出嘅冬戀美鍋$329 吸引到，女仔都係貪靚嘅～～原來係因為湯底係濃厚雞白湯未打之前店員提你飲返碗湯先，煲到奶白色，超鮮甜，充滿骨膠原。套餐包括:任食日本鹿兒島直送「美人和牛」（最底果碟），日本特選黑毛和牛，澳洲長期穀飼牛肉牛肉有豐富嘅蛋白質同鐵質，補血一流！厚薄適中，一啖一片，岩岩好！肉質嫩滑，入口即融重點唔係雪到硬挖挖要等佢融雪，係即點即切片嘅就算唔鐘意食牛，仲有豬柳肉、豬肋肉「手作雞滑」、油揚蔥卷、美肌蔬菜盤 (無限添加)。有食開日本蔬菜嘅人，都會知，呢d唔係普通平價蔬菜黎Haagen-Dazs雪糕任食、汽水及Asahi啤酒任飲拎左呢罐準時放工可樂，好正！甜品係：每人一個水信玄餅，配黑蜜同豆粉，好滿足！

✿╮❤╭✿ ✿雜感女生 好味日記✿ ˚*•✰。但馬屋日式火鍋．一人一個美肌鍋。✰•*˚ ✿✿舌尖上的apm ✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 天氣冷，又乾燥 專研養生的朋友帶我去食「美肌鍋」 「美肌鍋」原來是但馬屋日式火鍋的新出品 「但馬屋」久聞其名，首試其鍋，味鮮而料足 店員教先飲湯再吃肉，入口很膠，內有鮮嫩雞伴 美肌湯果然是足料 自助式菜、肉、丸位，乾淨整齊 識食當然是虫草花和羽衣甘藍 營養價值高而且低卡(路里) 除了罐裝汽水、啤酒、檸檬茶 更有一壺壺的雜果賓治、竹庶汁、蘋果汁、橙汁 此外，更任食 Haagen Dazs，共有四種口味：雲呢拿、coffee、柚子、和芒果 為食雪糕精，先食為敬！ 「美肌鍋」主角是美人和牛 此款和牛來自鹿兒島黑毛和牛 蛋白質、鐵、鋅和維他命B12非常豐富 粉嫩的COLOR，加之以一恰即起的快感 入口就是嫩滑細膩，油脂平均，化入湯中，令湯底更添濃香 作為吃貨，重點在口感，再說，吃了令肌膚更滋潤 養生牛魔朋友莫不快恰快吃快ENCORE 除了牛肉之外，就是

依排天氣咁凍最適合緊係去食火鍋出街食好過自己係屋企整有排做同媽咪兩個去咗apm既但馬屋，因為朋友話食過唔錯依度有好多款不同既湯底，每款都好特別，出面未見過的配料既選擇亦都好多職員介紹我地食冬戀美鍋套餐，係期間限定，冬天食就最啱，因為湯底充滿豐富既骨膠原有小小張住張住既感覺，好重骨膠原裏面仲有雞等材料，夠滋補依個餐仲會跟美人和牛同一籃配菜鹿兒島黑毛和牛後部肉，有超級多營養e.g.蛋白質等等，因為脂肪比例唔算高，所以肉質唔算滑，但係好重好香牛味，停唔到咁食中間個雞滑好好味，彈牙爽口職員見我地食曬美人和牛，就介紹我地食一款嫩滑啲既特選和牛依款同美人和牛既口感差得遠，入口即溶，但論牛味美人和牛冇得輸最後黎個日本京都既人氣甜品水信玄餅加上黃豆粉，可以降火解毒大滿足

上次食中午覺得好正，朋友約食飯就介紹去多次晚飯試下。。。。。。一開始食，朋友們都話食物夠新鮮，再加上我哋鍾意打邊爐食多款菜，呢間又任食啱哂。。。。。。但臨走一句說話，決定送都唔再去。。。。。。未夠鐘就出單要你即俾錢，叫佢放低先都黑你面，俾咗錢都執緊行裝起身啦，都仲要有個嬸走埋嚟喝你：你哋夠哂鐘喇！咁嘅服務態度，張單仲係有加一服務費喎，俾錢嚟食嘢要受你店員氣！唔怪得8點半黃金晚市，間間排滿人無你份啦！！

相信港人對 Shabu shabu 也不陌生，説起放題放鍋，也可能給人錯覺該餐廳的食物質素不會太岀色。今次但馬屋就推翻了這個陳規了。我是衝著牛陣新推岀的冬暖美鍋 ($329/位) 而來的，賣點是那個熬製十小時的雞湯湯底，絕無味精，只用真材實料煲成。其次便是和牛、豬柳肉和所有火鍋配料也是自助形式應有盡有。也包括飲品放題，連 Asahi 也是任飲呢！可惜弱弱的我最後只喝了一杯就轉喝汽水。還有一壺壺的雜果賓治、橙汁、竹庶汁和蘋果汁。美人和牛是鹿兒島黑毛和牛後部肉，含豐富蛋白質、鐵、鋅和維他命B12，能令肌膚更紅潤亮澤，難怪有美人之稱。和牛肉質鮮嫩，色澤嫩紅，油花分佈細嫩，口感軟綿，油脂濃香，有入口即溶的感覺，最後我倆吃了五盆！除了有牛，還有豬柳肉。而豬肋肉就是豬腩肉，肉質較粗糙。手作雞滑、蒽卷和蔬菜盒。火鍋配料是自助形式，普遍的食材也有，可是就是沒有雞蛋，令寶寶有點失望。每位還能享用一份水信玄餅，賣相晶瑩剔透，淋上黑蜜和黃豆粉，味道不會太甜，而且滑溜有彈性。還有任食 Haagen Dazs 雪糕，共有四種口味：牛奶拖肥、柚子、比利時朱古力和芒。最後二人吃了四球，實在大飽肚福。

冬至大過年，雖然已經同左屋企人提前做節，但當日都要慶祝一下！為咗唔使同人迫，老公訂咗枱食但馬屋，仲話過節要好D，食最貴的冬戀美鍋套餐。呢個套餐需要預訂，亮點係特濃的雞白湯同美人和牛。價格其實同平時最高級嗰個餐一樣，但就多咗一款和牛。入座時已經見到店員預先為我地準備好的濃厚雞白湯，淨係睇樣都見到好多骨膠原啊！自助吧亦都好豐富，飲品都有好多種，仲有鮮果汁添。日式醬料吧亦絕不馬虎。配料方面，整齊乾淨又企理，而且選擇都唔少。輕輕鬆鬆，拎咗兩盤肉類同蔬菜。忍唔住，食個雪糕先，係haagen daz！再返埋位時已經見到店員為我地安排好的拼盤，有蔬菜同手作雞滑。墨魚滑食得多，手作雞滑都係第一次食，配上雞湯的濃香，雞味非常突出。美人和牛係鹿兒島特選的牛肉，果然唔簡單，每一片薄切好快熟。入口有咬口，牛肉味道非常濃厚。我哋亦點左特選黑無和牛，因為都係套餐內可以任食的。呢款相對油脂比較多，入口較為滑溜同香口，但牛肉味就不及美人和牛濃。個豬都好好味，爽口唔油膩。滾下滾下真係好開心，冬至除咗食中菜，其實Sabusabu都係唔錯的選擇！

天氣凍, 又要打邊爐, 今次同老公食日式火鍋任食任飲都有幾個價錢, 原本想食中間價位既日本產黑毛和牛入座後, 侍應黎推介最新出既冬戀美鍋, 最後因為佢個美人和牛而跪低冬戀美鍋包任食美人和牛, 即鹿兒島黑毛和牛後部肉, 仲有澳洲穀飼牛, 豬柳肉, 豬肋肉, 油撮蔥卷, 手作雞滑及蔬菜, 甜品係水信玄餅除此之外, 仲可以出去拎任食配菜, 飲品, haagen dazs雪糕火鍋湯底係一人一鍋, 湯底同其他套餐既唔同, 係濃厚雞白湯, 雞湯味濃, 色澤乳白, 骨膠原重, 湯頭比較滋潤, 果然係美人湯美人和牛真係好吸引, 雪花細緻, 滑嫩味濃, 滾5-10秒食得, 雖然薄切, 但可以任食, 都無咩所謂既, 我地總共食左4碟豬肉睇落都幾靚, 味道正常, 不如食多幾碟牛蔬菜盤既手作雞滑幾特別, 墨魚滑蝦滑食得多, 雞滑好似無食過, 口感幾嫩滑油撮蔥卷, 外層用豆皮包大蔥, 口感唔錯飲品除左罐裝飲品外, 也有果汁同甘蔗汁, 試過甘蔗汁, 都幾好飲, 甜度適中可以用木盤出去拎任食配菜,除左大路野, 仲有蟹籽丸, 蟲草花, 羽衣甘籃 Haagen dazs雪糕 , 有4種味選擇, 咖啡, 雲呢拿, 柑橘柚

放工來到apm, 天氣轉冷，忽然想打邊爐，來到了唯一之選- 但馬屋。這裡人潮也不少啊，都要等二十分鐘才有位呢！特選日本產黑毛和牛火鍋放題套餐($329)日式shabu shabu, 來來去去都是那幾款湯底，例如大路的壽喜燒，豬骨湯等。但馬屋卻有女生最為趨之若騖的"美肌鍋" 湯底，享受美味火鍋之餘更可以滋養皮膚，一舉兩得呢！"美肌鍋"由大量豬骨，雞肉等淆製數個小時而成，湯底呈奶白色，質感濃稠。未打邊爐前，先飲啖湯，大量的骨膠原使嘴巴都黏黏的。肉骨的味道極為濃郁，沒有額外加鹽或味精，所以味道清清淡淡的，飲有一大碗也完全不覺得口渴。湯內更有數件雞件，是雞脾的部份呢！煮了好一陣子但口感仍然滑溜。不知道是不是心理作用呢！用美人鍋湯底來打邊爐，其骨膠原包裹著肉類，使它們更加鮮嫩幼滑呢！由日本鹿兒島直送的「美人和牛」，可以看到它的油花很細緻，但脂肪部份又不會太多，怕肥的女生也可以比較安心啊！所以稱它為「美人和牛」也當之無愧！牛肉切得薄，所以燙個幾秒就可以進食。肉質柔嫩，卻不會覺得滿嘴都是脂肪，而牛肉味亦相當香濃。豬柳肉肥瘦部份均勻，肉質非常爽口，煮得久了也不會覺得韌，而且不會過於油膩。豚肉與湯底的味

The food is great and the variety is good enough. Like the chicken meat put on the food counter is quite delicious and it is unexpected. But the service is not really that good. The time I was in there, there are no people waiting outside and there are still some seats available in the restaurant, but the waitress with short hair just rush to us and clean up all our things even though I am still eating at that moment. And so I decided to put down the chopsticks and have a drink, and she didn’t e

卜左8點 7點半就打黎叫我地入座 可惜我們仍在路途中 要8點才到 跟著店員隨即cut線 心諗我都唔想塞觀塘繞道塞緊車一行7人終於7點11到哂 先揀湯底再安排入座 入座時已8點半 因其中有人不吃牛肉 所以叫了299餐有和牛同黑毛豬任食 不能點328特選和牛等水滾時就去攞野飲 可惜地方實在太淺窄 攞豉油同野飲嘅地方逼到不得了 雖然地方細 但蔬菜種類不少很不錯 和牛上枱時樣子很好不像其他90分鐘放題啲牛切到薄一薄 不過味道一般 反而黑毛豬有驚喜 有肉味比和牛好吃 一吃再吃除左地方太逼之外 侍應們不苟言笑 忙到冇時間理我地之外 食到大約85分鐘左右 有個女侍應該好大聲過黎話 夠鐘啦你地要走 我地當時都執緊野準備離開 但聽到佢咁樣當然要要講番聲話未夠鐘 同叫佢禁張單黎睇 佢就話好呀就去左部電腦度睇 一路到我地執哂野走都冇再行過黎 梗係啦 見佢禁完部電腦睇到個時間 佢都唔敢再返黎話夠鐘總括一句 見佢叫但馬屋就去試下 唔駛去日本咁遠 可惜 我零願去其他90分鐘放題

今日一行五人去食午餐，叫了79餐，出面拎蔬菜好新鮮，本來係不錯，可惜呢間野可能太多人，我未夠60分鐘開始同我掃曬桌面野，我朋友仲未拎完雪糕回來，使唔使掃得咁撤底，之後我問一個染髮短頭髮服務員夠鐘了嗎，她不太有禮貌叫我你自己睇下張單，我果刻真的不太高興，拎起張單指住同佢講係115 58秒，而家係1點十分。之後佢立即兜 ，執曬d野唔代表你要走，之後講聲唔好意思行去後面，我見佢係後面發脾氣。其實今時今日服務態度真係麻麻，如果執野時佢唔係叫我自己睇單，我都無咁嬲。

今日去咗觀塘食係日本好多連鎖店嘅火鍋店，但馬屋。我哋一行三人分別有三個煲，我哋就嗌咗番茄芝士鍋，麻辣藥膳鍋，叫左＄17既上級火鍋放題。入到去嘅時候店員就好快上咗第一次肉，蔬菜吧既蔬菜亦算新鮮，選擇亦都好多。雖然只係最平既餐，牛肉所以放題黎講都算靚，套餐除咗牛肉之外仲有豬肉雞肉可以叫，另外2種肉類不過不失，之後叫加肉亦好快上到。湯底唔算濃，但食到麻辣味同蕃茄味既，鐘意重口味既朋友亦可以點醬汁搭夠。野飲選擇都算多，有罐裝道地野飲同氣水機野飲選擇。最鐘意既係甜品有Hagen daaz 雪糕任食！當日有4隻味選擇，可惜雪糕可能雪太耐有啲硬，「不」起上黎有啲辛苦，但最後我都食左成十球先走😂

第一次係openrice寫食評🤗一人一鍋 迎合不同口味點了兩款不一樣的湯底 一個美肌鍋 一個千夜鍋其實分不大 兩款都是很清澈的可以見到底沒有什麼特別的配料選的是$199澳洲長期穀飼牛放題套餐很老實蔬菜類都很新鮮 雪糕食兩球已回本但沖著主打的牛來說好壞就參半一開頭待應會放底三盤 兩牛一豬頭兩盤牛 滑到你唔相信用$199價錢可以任食再要refill時 牛既口感完全唔一樣鞋到好似80歲丫婆塊面 姐的嘴巴很尖銳好嗎瞬間好似一啖砂糖一啖屎太明顯的區別了上open rice翻閱之前既食評發現應該係refill左平d個隻牛再黎多碟嘅時候 又變返滑真係好古惑雖然唔知係咪可以提出更換不過咁樣有小小不誠實總括來說還是值得一試在觀塘區想打邊爐既話