但馬屋 (創紀之城五期(apm))

營業中

休息中

下午有個好開心既生日時光，服務員要讚👍🏻👍🏻👍🏻因為時間所限，大家都食得有D 急，蛋糕差D都切吾到，好好服務員都俾我地切埋先走，有位人兄吾小心打瀉野，服務就立即黎幫手清理，仲無black 面!!👍🏻👍🏻👍🏻食物方面都好好，估吾到有蟲草花食🤤食素朋友多個選擇👍🏻👍🏻食肉獸都吾洗驚，任食😂要為服務員打打氣！你地服務好好！

星期日1：15入座，三人都對＄109的shabu shabu 放題十分滿意。一人一窩,牛肉豬肉品質很好，侍應服務也非常好, 飲品和 雪糕 （h-das）也很不錯。等候不久做有位了。

星期一晚到前call佢地，話已經full左要walkin in，7點到攞飛，等左15分鐘有位。叫左晚市最平個餐，$199/person + 10% service charge，一人一鍋。俾芝士藩茄湯個description吸引左，心諗會有濃芝士味，一開始都有dd芝士味，但食落就無晒，有dd灰。朋友個美肌入面有兩舊雞肉（好鞋），無咩特別。值得一讚係添肉出得好快，但牛肉越出越肥。雖然其他餸菜唔太多choice，但嘢飲都幾多特別罐裝嘢飲。有道地蜜桃烏龍茶，milk soda etc。最正都係甜品有haagendaz 雪糕食， 有blueberry cheese, caramel, belgian chocolate, 記得留肚食！個人比較鍾意有chocolate chips 同埋dark chocolate, 所以特別推介 belgian chocolate 。

我們8月份紀念日的地方❤️傻蛋訂左1930我地準時到 但約1937先入到座座位之間好迫我地試$199個隻澳州殼飼牛 因為想試埋$179個隻牛既質素 可以互嗌叫左一個麻辣湯底，一個壽喜燒湯底傻蛋的湯底 佢鐘意 我就一般 唔太麻壽喜燒湯底 正常個人認真食牛肉一定要配壽喜燒湯底咁先最好食坐底一陣就送上左一碟豬肉同兩碟牛肉（$179+$199既牛）呢個豬肉超級鞋 呢碟食到走剩一半 非常唔好食呢隻係$178既牛 鞋🤷🏻‍♀️🤷🏻‍♀️🤷🏻‍♀️唔多好食$199既澳牛 同$179比真係差幾皮呢個好食好q多🙄🙄🙄之後個啲都咁上下質素 鐘意食肥啲可以落單個陣講要肥啲 都係即片比你食到後期 嚟個啲都冰既 可能溶唔切 擺一陣就ok 脂肪都分佈得幾好 超鐘意肥啲 入口好想牛既油味配菜款式係有啲少 出面得睇呢幾款野 同數款菜羽衣甘藍 正蘋果汁.....果汁先生紀念日快樂love you最後Haagen Dazs 作總結有四個味今晚芒果 藍莓 比利時朱古力 焦糖脆脆唔鐘意芒果味 其他都食左 埋單連加一$438 90分鐘。買到傻蛋開心 值呀☺️

同朋友兩個人想打邊爐, 自從APM間HOTPOT冇左之後觀塘就冇咩好選擇,終於等到APM再開番間一人一鍋, 所以一放假就黎試。我地係食晚餐, 7:15PM左右開始食,入場前店員先問我地揀邊個套餐, 湯底可以分開叫, 但套餐冇得分開叫, 一叫就要兩個人同一個餐,咁都合理既, 始終兩個餐價錢唔一樣,講明用餐時間90分鐘, 我同朋友都係食野比較快既人, 所以一向都唔介意有指定用餐時間。我地點左北海道夢之大地豚放題套餐, 豚肉比牛肉質素更好,湯底方面我地點左麻辣湯底同芝士蕃茄湯底, 兩個湯底都好味,自助火鍋料吧選擇唔多, 但大部分都好味, 尤其係拉麵!! 放落麻辣湯底食一流,食物整體唔錯, 如果只計呢點我地應該會成日黎。服務方面, 起初覺得店員冇咩問題, 會主動問使唔使加湯同幾快手,後來我隔離檯果對母女食完火鍋岩岩熄爐去拎雪糕食,有個金色短髮既店員即刻行埋去問都唔問就伸手拎起佢罐野飲想收走, 個女仔即刻"襟"住佢話未飲完,跟住隔左5分鐘都冇, 同一個職員都再次問都唔問就想收走佢罐野, 個女仔又即刻"襟"住佢話未飲完,客人兩次都係笑笑口, 態度好好咁講,反而係個店員黑口黑面, 仲要態度好串咁答番

唔知點解隔一段時間又掛住呢度d牛收工後約左好友黎下午茶下午茶打邊爐真係好罪惡呀去到門口，有幾個plan揀我地就揀左個79蚊set，有牛又有豬雖然就冇得refill，但出面d配菜就任食呢個芝士蕃茄湯底真係冇得輸一牛一豬，牛真係超級好食架！係有d唔夠喉既，不過過下隱都好開心不過坐既位係有d迫，出去拎野食有d唔方便出面既配菜又係好好食，菜又新鮮又甜最後食埋上次食唔到既哈根達斯捧住個肚走呀！哎呀，睇到d相又想再食tim

今次第一次黎食 嗌咗晚市最平嘅套餐$179一位再加一 入到去見到間餐廳唔算大 張枱擺咗兩個鍋都冇乜位剩 空間較少應該係唯一既缺點😆我朋友嗌左蕃茄芝士湯 我就嗌左藥膳麻辣湯 個蕃茄芝士真係有d差 個蕃茄味可以話係少之有少 芝士我就不嬲覺得冇乜味 所以就吾評論重芝士味😂😂😂但個藥膳麻辣我比90分 10分係扣係唔重藥膳味 不過真係有麻有辣又夠香😍😍😍超正 即使平時唔食得辣嘅人食呢個湯底都應該頂得順 大概係譚仔既五小 而且仲好入味 淥牛都好入味 而且佢既牛肉都好好味 我吾係好識睇牛既紋理 但就咁睇脂肪幾少 紋理好似幾靚咁 配料都幾豐富 芝士魚餅同芝士丸都有 菜類有少見既羽衣甘藍 重點係有響鈴 好少見日式邊爈都有響鈴 雖然有d淋身 不過淥完都淋架啦😂😆甜品有4種味道既哈根大師😍呢一日係有我好中意既焦糖脆餅 食多幾球即刻覺得覺得抵左好多Overall 係間幾抵食 個麻辣湯真係好正 好少可食到甘平又入味既麻辣湯 一定會再encore❤️

同朋友行apm咁岩見到開左新既火鍋店就入左去試下😊我地食定量午市套餐，$78未加一（豚肉+牛肉），限時1小時，其他配料、食材就任食👍🏻我地揀左蕃茄芝士湯同麻辣藥膳湯底😊要注意，唔係個個人都可以有鴛鴦鍋，就我所見，在場大部分都係一人一鍋既，而我地懷疑因爲岩岩有張大枱空出黎，所以佢地先話送鴛鴦鍋比我地！大家入座前要問清楚啊😉講翻食物先，肉呢就比較薄，牛肉都唔算係肥牛，但依個價錢黎講我覺得依個質素都ok!至於其他食材，都不外乎係丸、蔬菜、野菌類、麵等。其實都幾新鮮既，加上佢地都fill得快，唔錯👍🏻仲有飲品同雪糕係任飲任食架❤️Haagen Dazs雪糕仲有4款揀添😋有芒果、藍莓、tiramisu同朱古力味，好正👍🏻👍🏻👍🏻

3大人1個小朋友（未夠3歲），入座前已詢問服務員，小朋友用不用收錢，服務員說用身高作收費標準，然後說這個小朋友不用收費，但買單時有一名工作人員說“唔好意思，我地出單時收漏左個小朋友收費”，我們就說剛才另一位服務員說不用收費，他說每位小朋友過90cm就要開始收費，我們之前根本不知道90cm要開始收費，然後他要小朋友出去度身高，度身高後結果只是身高過90cm一啲啲啲啲，不過91cm（穿著鞋子）,仍要堅持收費，而且語氣不好，感覺不合理，下次不會再去

觀塘午市打邊爐🥘🍲，呢間但馬屋已經唔係第一間。以前去開嗰間成日都爆曬棚，今次就試吓呢間新野啦😋🤤💃🏻呢度係喺APM，所以環境開陽，樓底又高，對著玻璃景環境算非常舒服，一d 都唔焗促。👍🏻好啦, 講返鍋底有5款選擇都唔錯，有美肌鍋、番茄芝士鍋、藥膳麻辣鍋、日式豉油鍋等等....我揀咗個蕃茄芝士鍋，真係有舊芝士喺裏面，仲可以拉絲！正！跟住叫咗個＄79嘅牛肉豚肉拼盤，肉都算新鮮唔錯。最特別就係呢度有蟲草花同埋秋葵任食！飲品又多選擇，係lunch打邊爐首選！推介！👍🏻👍🏻💃🏻💃🏻🤤🤤😋😋

熱辣辣又有咩好怕wo，番工辛苦左一日放工緊係要食餐好架喇，一於食番個shabu shabu先，要瘋狂食牛牛落肚呀！用左木系既設計，枱同枱中間會隔左塊畫左靚畫既版，私隱度高少少又唔會驚阻到隔離。眼見好多人叫美肌鍋，大家都想食住靚，我地叫左真係有芝士既意式蕃茄芝士鍋同甘露鍋。意式蕃茄芝士鍋見到有大大舊蕃茄係入面，撈勻真係有拉絲芝士，食落就無咩芝士味。比較鍾意甘露鍋個甜豉油食落甜甜地好味，佢地加湯真係加番你叫隻味個湯唔係求其加水架。每人都有一個木盤拎野食，配合番哂餐廳既主題，亦都可以循環用又唔駛同人爭喇。醬料都有好多款可以揀，有至愛既芝麻醬一定要，唔會好稀果種。特別有大版黃金燒汁，大家都可以試下。配料都有好多款，蔬菜都好新鮮，有幾款丸可以揀幾隻都質素唔差。牛肉係即叫即切，一落order就會見到佢拎出黎整架喇，成個過程都俾你見到哂包唔會整好之後先放係度攤到變哂。一黎都會有豚肉，係有豚梅肉同豚腩肉，雖然我既目的係牛牛，不過豚肉都幾靚唔會淥完就好鞋。上級牛肉餐($179)，見到D紋都唔錯，雖然係依最平果隻，不過就算叫左幾次都保持到水準唔會話碟碟既質素都有唔同。最正係有四款Haagen Dazs雪糕

又餓到爪狂。諗住食個輕盈下午茶行行吓發現依間火鍋放題。就流晒口水喇食咗午市60分鐘放題。最平嗰set。一見到啲牛就覺得間嘢啲嘢食唔會太差。雖然最平嗰set。但啲肉嘅色水好靚。比起其他放題牛肉好得多。果然食落真係好味啲囉。唔會又多肥膏又多筋又靭咁。正另外都有豬肉。都係唔會靭。有肉味(唔係廢話)。因為有啲豬肉係食唔倒豬肉味。另外有哈根大師雪糕。4種口味算多。有罐裝飲品又有甘庶水蘋果汁雜果賓治茶。。。嘢食就一般日式火鍋放題嗰啲。種類都幾齊吓。環境都係比較逼。究竟有無一間火鍋店係可以坐得舒服啲?！服務方面本身正正常常。但因為食完走咗發現漏咗件衫返去拎就破壞咗對依間嘢嘅服務態度。一入去我就是但搵咗個女侍應問。正面唔該咗佢幾次都未問佢竟然當我透明咁。差啲以為自己無存在過喺依個世上。咁佢無視我就直行直過入咗廚房。Fine

曾經中午去過一次但馬屋食午市日式火鍋, 早幾個月約左親戚食飯, 我地建議食呢間, 地點係APM, 近港鐵站, 飯前飯後又可以行街, 我地一行8個人, 訂位時職員講明太多人唔會一人一爐, 只係2個大爐。準時六點半到, 但太多人都要等差不多25分鐘先有位, 呢一點有些失望。因為有老人家企得太耐了。上次因為2個人去, 所以唔算好迫, 今次8個大人就好迫了, 明白該店地方唔大。所以每次出去拎食物都好怕衣服沾到隔離枱的食物, 真係肥一D都難出入。我地揀左澳洲長期穀飼牛放題套餐 $199由於係用2個大鍋, 只能選2個湯底 (千夜鍋及美肌鍋)雖然係最平的牛肉及豬肉, 但質數唔差, 兩種肉比較, 牛肉較入味, 豬肉有少少鞋, 我最喜歡係有羽衣甘藍菜, 因為呢款菜出面食都幾貴, 而且好有益, 所以好多食客都會拎。除豬肉及牛肉要ORDER外, 其餘食物也可以在食物櫃任取, 包括飲品。第一次去食時覺得地下黏立立, 但今晚去到明顯人手多左, 所以都好乾淨, 食物加添都好快。當晚其中一位老人家快將生日, 我地8個人買左2個蛋糕去慶祝, 該店要收取$50一個切餅費, 2個收取$100, 如果可以免就最好啦 !

話說係人都知Apm 晚飯時間間間都多人到一個極致，拎左幾間餐廳飛仔，呢間最快有位所以就入左去！叫左個最平嘅餐，$200 連加一，有豬有牛食90 分鐘，我地五個人佢一次過嚟哂五碟牛同豬，最終我地都食唔哂，所以都唔知係咪可以再加！配料選擇都多，同埋感覺都乾淨企理，飲品都係大路野，有汽水維他檸茶果汁等等，雖然有哈根大師，但最尾想食嘅時間已經無哂有d sad ! 總括嚟講都ok , 不過90 分鐘打邊爐都預左趕，所以想耐d 就要諗諗嘞！

星期六原本想食小時光，但係出面成34.5度，無謂出去送死，於是決定響APM食lunch，見到呢間叫但馬屋的日式火鍋門面都幾乾淨，於是試下。先講景觀，我地有幸坐卡位，藍天白雲大玻璃望觀塘舊區景，五顏六色的建築都幾好睇，店舖的裝修新淨，比人種乾淨的感覺，食得舒服一點，同牛摩黑沉沉的店面係兩個風格黎。講返食物，我地分別叫左千鳥同麻辣口味的火鍋，每位就$109，價錢都係咁上下，不過以蔬菜而言菜種算好多，竟然有羽毛甘藍，呢種菜好似唔係度度都係，仲有莞茜皇帝菜，呢幾樣都係我最愛，腸仔方面款式都多D，有長腸仔同芝士腸。雪糕有Haagen Daz，牛肉呢佢部機都切到好薄下，口感唔錯，食物有番咁上下質素，原來覺得牛摩都已經幾好食，似乎呢間餐廳又再高一個層次，查番原來係來自大阪，又搵到一間心水飯堂，正!