影片
更多
2017-08-09
778 瀏覽
同朋友兩個人想打邊爐, 自從APM間HOTPOT冇左之後觀塘就冇咩好選擇,終於等到APM再開番間一人一鍋, 所以一放假就黎試。我地係食晚餐, 7:15PM左右開始食,入場前店員先問我地揀邊個套餐, 湯底可以分開叫, 但套餐冇得分開叫, 一叫就要兩個人同一個餐,咁都合理既, 始終兩個餐價錢唔一樣,講明用餐時間90分鐘, 我同朋友都係食野比較快既人, 所以一向都唔介意有指定用餐時間。我地點左北海道夢之大地豚放題套餐, 豚肉比牛肉質素更好,湯底方面我地點左麻辣湯底同芝士蕃茄湯底, 兩個湯底都好味,自助火鍋料吧選擇唔多, 但大部分都好味, 尤其係拉麵!! 放落麻辣湯底食一流,食物整體唔錯, 如果只計呢點我地應該會成日黎。服務方面, 起初覺得店員冇咩問題, 會主動問使唔使加湯同幾快手,後來我隔離檯果對母女食完火鍋岩岩熄爐去拎雪糕食,有個金色短髮既店員即刻行埋去問都唔問就伸手拎起佢罐野飲想收走, 個女仔即刻"襟"住佢話未飲完,跟住隔左5分鐘都冇, 同一個職員都再次問都唔問就想收走佢罐野, 個女仔又即刻"襟"住佢話未飲完,客人兩次都係笑笑口, 態度好好咁講,反而係個店員黑口黑面, 仲要態度好串咁答番
終於等到APM再開番間一人一鍋, 所以一放假就黎試。
我地係食晚餐, 7:15PM左右開始食,
入場前店員先問我地揀邊個套餐, 湯底可以分開叫, 但套餐冇得分開叫, 一叫就要兩個人同一個餐,
咁都合理既, 始終兩個餐價錢唔一樣,
講明用餐時間90分鐘, 我同朋友都係食野比較快既人, 所以一向都唔介意有指定用餐時間。
我地點左北海道夢之大地豚放題套餐, 豚肉比牛肉質素更好,
湯底方面我地點左麻辣湯底同芝士蕃茄湯底, 兩個湯底都好味,
自助火鍋料吧選擇唔多, 但大部分都好味, 尤其係拉麵!! 放落麻辣湯底食一流,
食物整體唔錯, 如果只計呢點我地應該會成日黎。
服務方面, 起初覺得店員冇咩問題, 會主動問使唔使加湯同幾快手,
後來我隔離檯果對母女食完火鍋岩岩熄爐去拎雪糕食,
有個金色短髮既店員即刻行埋去問都唔問就伸手拎起佢罐野飲想收走, 個女仔即刻"襟"住佢話未飲完,
跟住隔左5分鐘都冇, 同一個職員都再次問都唔問就想收走佢罐野, 個女仔又即刻"襟"住佢話未飲完,
客人兩次都係笑笑口, 態度好好咁講,
反而係個店員黑口黑面, 仲要態度好串咁答番佢:「你放心, 未飲完D野我地唔會收走既」
其實點解唔可以問下人地罐野仲要唔要先去拎呢? 人地飲緊汽水, 次次都比你地拎起搖都搖到冇晒氣啦!
跟住隔離檯個媽媽埋定單先, 埋完單佢地坐左1、2分鐘就走,
但呢1、2分鐘期間另一個店員竟然拎住D新既碗碟企正o係旁邊等佢地走比佢SET檯, 嘩! 我真係服左佢。
到我同朋友食到尾聲既時候, D店員見到我朋友開始食雪糕,
就即刻走黎問我地D野收得未, 開頭我以為佢淨係問我朋友所以由佢收,
但我果個鍋仲煲緊, 而且個鍋裡面明顯仲有料, 我隻手拎住筷子, 佢都可以問我收得未?
我話我未食完, 佢地就o係附近係咁監住我食, 一副明顯係想我快D食完快D走既表情,
其實我地真係算食得快, 由開始食到埋單前後1個鐘都冇,
我覺得既然真係趕時間趕到咁, 不如唔好定每人用餐時間90分鐘, 直接講明食完就要走仲好啦!
我都唔要求有咩服務, 但D店員咁既態度仲要收加一服務費, 我真係唔想比
北海道夢之大地豚放題套餐
$249
40 瀏覽
0 讚好
0 留言
張貼
