影片
更多
2017-06-27
3749 瀏覽
熱辣辣又有咩好怕wo，番工辛苦左一日放工緊係要食餐好架喇，一於食番個shabu shabu先，要瘋狂食牛牛落肚呀！用左木系既設計，枱同枱中間會隔左塊畫左靚畫既版，私隱度高少少又唔會驚阻到隔離。眼見好多人叫美肌鍋，大家都想食住靚，我地叫左真係有芝士既意式蕃茄芝士鍋同甘露鍋。意式蕃茄芝士鍋見到有大大舊蕃茄係入面，撈勻真係有拉絲芝士，食落就無咩芝士味。比較鍾意甘露鍋個甜豉油食落甜甜地好味，佢地加湯真係加番你叫隻味個湯唔係求其加水架。每人都有一個木盤拎野食，配合番哂餐廳既主題，亦都可以循環用又唔駛同人爭喇。醬料都有好多款可以揀，有至愛既芝麻醬一定要，唔會好稀果種。特別有大版黃金燒汁，大家都可以試下。配料都有好多款，蔬菜都好新鮮，有幾款丸可以揀幾隻都質素唔差。牛肉係即叫即切，一落order就會見到佢拎出黎整架喇，成個過程都俾你見到哂包唔會整好之後先放係度攤到變哂。一黎都會有豚肉，係有豚梅肉同豚腩肉，雖然我既目的係牛牛，不過豚肉都幾靚唔會淥完就好鞋。上級牛肉餐($179)，見到D紋都唔錯，雖然係依最平果隻，不過就算叫左幾次都保持到水準唔會話碟碟既質素都有唔同。最正係有四款Haagen Dazs雪糕
熱辣辣又有咩好怕wo，番工辛苦左一日放工緊係要食餐好架喇，一於食番個shabu shabu先，要瘋狂食牛牛落肚呀！
用左木系既設計，枱同枱中間會隔左塊畫左靚畫既版，私隱度高少少又唔會驚阻到隔離。
眼見好多人叫美肌鍋，大家都想食住靚，我地叫左真係有芝士既意式蕃茄芝士鍋同甘露鍋。意式蕃茄芝士鍋見到有大大舊蕃茄係入面，撈勻真係有拉絲芝士，食落就無咩芝士味。比較鍾意甘露鍋個甜豉油食落甜甜地好味，佢地加湯真係加番你叫隻味個湯唔係求其加水架。
每人都有一個木盤拎野食，配合番哂餐廳既主題，亦都可以循環用又唔駛同人爭喇。
醬料都有好多款可以揀，有至愛既芝麻醬一定要，唔會好稀果種。特別有大版黃金燒汁，大家都可以試下。
配料都有好多款，蔬菜都好新鮮，有幾款丸可以揀幾隻都質素唔差。
牛肉係即叫即切，一落order就會見到佢拎出黎整架喇，成個過程都俾你見到哂包唔會整好之後先放係度攤到變哂。
一黎都會有豚肉，係有豚梅肉同豚腩肉，雖然我既目的係牛牛，不過豚肉都幾靚唔會淥完就好鞋。
上級牛肉餐($179)，見到D紋都唔錯，雖然係依最平果隻，不過就算叫左幾次都保持到水準唔會話碟碟既質素都有唔同。
最正係有四款Haagen Dazs雪糕任食正到痺，果日有比利時朱古力，雲尼拿，夏威夷果仁同焦糖脆餅，我食左兩大碗肥死喇！
店名: 但馬屋日式火鍋
地址: 觀塘觀塘道418號創紀之城五期apm 4樓22號舖
餐牌:
張貼
