但馬屋 (創紀之城五期(apm))

營業中

休息中

行過APM，見到呢度有一人一煱既邊爐打就想試下呢度有幾個set比你揀，我地就揀左199蚊既澳州牛食其實呢間係90分鐘放題形式，出面既配菜可以任食(當然食得哂先好拎喇)之後就既牛就食哂可以refill的，就睇你一開始揀左邊款牛食199蚊有呢個質素既牛！簡直食唔停口入口鬆軟，就算我唔小心overcook都唔會好un配料種類都算多，而且唔馬虎飲品都係自助係出面拎既我就叫左美容湯底，有薑，杞子等朋友叫左芝士蕃茄湯底，佢話好味到想就咁飲係最後15分鐘，staff就會提我地last order同埋記得出去拎甜品係哈根達斯雪糕呀！！！！雖然我地最後得番藍莓味但都好好味呀！食到咁飽又滿足！下次一定要再黎呀

昨天lunch,諗住帶2個小朋友試下呢間，一入去，待應埋來問㨂好湯底未，宜家計緊時，menu都未睇清楚，好似趕住叫你order咁。全店待應，經理沒有笑容，服務態度👎。未夠鐘叫埋單，仲要話60分鐘已夠，要離開😡，諗住將未飲完的罐裝飲品行住飲，結果經理門口企住話未飲完也不能帶走飲，所以放底比番佢。本來只諗住唔想浪費，既然你要咪比番你囉😤好似話人偷咁，如果想去試，最好做定功課，一入去即時叫，馬上出去攞嘢食，最好大人去，小童食得比較慢。是次2大2細消費大約$400，唔平但食到激氣😡😡😡

相比起其他同價錢同類型的放題, 但馬屋食物嘅質素其實唔差，每次上菜嘅份量都唔少，每盤亦都排列得靚靚地，無馬虎嘅。以$199 澳洲長期穀飼牛放題套餐的價錢同食物質素黎講係OK嘅, 以服務態度=顧客感受黎講就係我一定唔會再去, 都會勸朋友+同事唔好去。5月24日晚上訂了7pm 的枱(入座起計90分鐘用餐時間), 入坐時我們未齊人，我們就話朋友黎緊，想等埋先入座，女經理說: “冇架啦喎, 最後一張枱，宜家唔入就冇架啦！＂ (其實當時餐廳入面得1/3人，門外冇人排隊) 既然朋友己經黎緊，我地就先入坐，點了餐 (一人一煲)，嗌左$199 澳洲長期穀飼牛放題套餐 (澳洲長期穀飼牛肉，上級牛肉，豚梅肉，豚腩肉)。上菜好快，一人一鍋好快就到，連同一盤豚肉+每人一盤牛肉，我第一時間問係咩肉，(方便食完就re-order喜歡的種類丫嘛)，男伙記話全部都係穀飼牛然後想走. 我嗌住佢問咁邊種係上級牛肉呢? 男伙記就話：“另外果2隻肉係$179 果個套餐嘅，所以我地上左呢兩隻(即$199餐先有的牛肉+豚肉)比你! 你想要$179果隻我地咪拎埋比你囉! 你宜家係咪想要丫? 你就算再嗌牛肉，我地都係比穀飼牛架啦，除

因為我都是見到朋友推介但馬屋，我諗住中午試下109套餐同69小朋友套餐，個帶位坐的女經理服務態度好有問題，二來顧客未食完野，成日走過嚟叫顧客走……你們如果要食野都想想……

睇食評好多人話呢間幾差，所以就來挑戰一下。其實我係大阪心齋橋附近都見到有間但馬屋，唔知係咪同一間呢？講返觀塘呢間，鋪位真係細左啲，所以連帶座位都逼啲。服務就ok，加和牛同加湯都好快有反應。要留意返呢度係一人一鍋。今次叫左和牛餐$199+1甘露鍋(即係甜豉油湯底)豚肉飲品仲有蘋果汁、橙汁、罐裝飲品今次嘅主角係和牛。佢嘅和牛幾正架，入口即溶果隻，唔使點醬已經好好食。不過大家都見到，愈到後面叫嘅牛會差啲，到最後一碟.....好懷疑係咪和牛

帶住兩個豆丁來到APM, 當然要找間環境舒適的餐廳醫肚。肥豆爸話想食日本嘢，但又要食得飽，於是決定試試這間日式火鍋店。午市有定食或放題，任君選擇。放題有上級牛肉，日本和牛，以及北海道夢之大地(豬肉)三款，價為每人$109,$189,$149 六十分鐘，90cm以上收小童價。我們選了最便宜的上級牛肉。廚師用切肉機，把豬肉牛肉切成一片片，第一回兩碟牛肉加一碟豬肉，之後可以隨意加碼。湯底有五款，千夜鍋(清湯)，甘露鍋(甜豉油)，藥膳麻辣鍋，美肌鍋(杞子嫩雞奶白湯)，意式蕃茄芝士鍋。每人一鍋，採用電鎡爐，小童也有一鍋。石鍋看來也很高質素，以為它厚身，要等很久，但出奇地很快滾起。 侍應會時不時問你加唔加湯。醬料特有大板黃金燒汁，突出其日本風味。配菜方面雖然種類不算多，但品質比較高，有蟲草花，秋葵，冬瓜等等。主食有三種，全蛋麵，烏冬和公仔麵。飲品也很吸引，有竹庶水，橙汁，蘋果汁和雜果賓治，小朋友至愛。甜品有四款Haagen Dazs 雪糕（藍莓，芒果紅桑子，比利時朱古力，原味乳酪)，真是值回票價！

星期五嘅晚上，預先打電話訂咗枱，訂枱嘅時候話要準時否則會被取消，提早左5分鐘到但係唔係準時入席，兩人座位好似吉野家咁迫，仲不過吉野家添，咁一開始叫咗澳洲本地牛嘅套餐，未入座之前已經被問預先叫左個湯底，分別叫咗甘露鍋同埋蕃茄芝士鍋，5分鐘後就上左兩碟牛同一碟豚肉，兩碟牛都係瘦牛，之後叫多兩碟牛依然都係好瘦嘅牛，再叫多一碟牛叫佢要肥啲嘅終於變返正常嘅肥牛⋯⋯佢嘅菜種類都幾多，嘢飲都好多選擇，仲有Haagen-Dazs雪糕添，見到隔離枱90分鐘即刻有店員提醒話夠鐘，最後仲收埋未食嘅牛添，總括而言個人應為食得有啲趕同埋牛唔係太好味，雖然飲品同菜種類多但應該試一次就夠，主要因為太快餐店形式，見到有人食日本嘅和牛但係張枱咁細就算係90分鐘放題都食得唔舒服啦我寧願食吉野家

訂12點35分, 果位阿嬸話訂得咁刁鑽, 咁唯有話你寫12點30, 但我哋可能要12點35分先到, 你照計時啦, 聽電話位阿姐話留檯5分鐘, 放心! 去到時, 我哋早咗兩分鐘, 即係12:33分 (佢個鐘), 果個自稱係老細嘅阿嬸話1分鐘都唔得, 最後因為呢3分鐘, 就令到早3星期訂嘅生日飯食唔到!!! 如果要準繩度100%的話, 訂位時要同我對錶囉!咁嘅服務態度同待客之道, 真係我哋呢班香港人想要架咩? 俾錢出街食飯就係要買舒服嘅環境同服務, 唔係要俾所謂嘅老闆去發洩去黑面囉!

近排見apm多左好多間新舖，依間又唔洗排隊就同老公入去試下喇，果陣都成八點幾架喇一入到去岩岩坐底啲職員就已經即刻問你要咩湯底，佢入坐起計限時90分鐘，有大鍋或者一人一鍋簡，我地簡左一人一鍋，我就當然叫左個美肌湯喇，老公叫左藥膳麻辣鍋，老公話佢個湯有麻既感覺幾好又唔太辣係門口果陣已經有好大個牌show出黎，我地叫左199個餐個湯黎到既時候係冇餐牌中幅圖啲湯下面所寫既配料跟埋架，佢下面啲字既意思係建議你配搭埋一齊食架炸，要注意佢地每人會俾一個細碟你，夾滿之後落晒落湯度吉左隻碟先可以再拎上面果兩碟係牛，最底係豬唔肥既，但都係好薄配料同飮品選擇唔多，但啲款都好食最驚喜係有羽衣甘藍超正丫，大家見到一定要搶丫，我搶左兩次識貨既人就會知我點解咁興奮除左個羽衣甘藍之外，真係冇嘜吸引我再去，因為佢個美肌湯唔覺食完真係會美肌左囉啲職員見你個湯滾瀉左出黎會用布幫你抹幾好既，但唔知點解佢地連張單都未出俾我埋就收走我啲碟丫煲丫咁囉，又唔係繁忙時間，我只係食梗雪糕姐，你就走黎收走我啲野唔知咩料子囉佢，要反好多好多好多白眼出黎俾佢

今日行過apm ,見到間新開慨日式hot pot, 本著一試嘅心態啦。由於食lunch 時間只有一個鐘，只可以食輕食嘅放題。選擇咗一碟日本和牛，起呢度嚟講己经係最貴，但都係講緊$128,仲要有任食配料同菜，價錢都可以接受。 因為平時喺超級市場買一碟日本和牛都要一百幾元。仲要呢度唔會 ，將貨就價 配料蔬菜都係比較貴價嘅菜。仲要有任飲嘅紙包飲品/ 罐裝飲品甜品仲要有 哈迪斯任食雪糕。。超抵！日本和牛 肉質分佈平均，而且食落去 嫩滑。。值得推介 各樣蔬菜都比較新鮮，而我就選擇了清湯，把蘿白，菜放入去比較清甜，下次要再Encore

懶洋洋的星期六中午, 約了BUDDY係APM行街, 行左一半已經肚餓, 我地過左人潮差不多1:45去覓食, 行到一間新開的日式火鍋店, 見到有自助火鍋及午市定食。決定食呢間啦~店內裝修清簡, 給你一種充滿日式好且簡潔感覺,一坐低就要選自助火鍋任食還是午市定食,眼見出面好多食物拎,我地就了午市定食$79(限一小時)。開心既係一人一爐,湯底亦都好特別。BUDDY選了千夜鍋, 我就了意式芝士蕃茄鍋。湯底黎左,我地就出去拎食物及飲品, 食物都多款, 丸類菜類亦好多, 其他有凍豆腐, 烏冬, 公仔麵等…最欣賞係有秋葵, 秋葵好有益, 雖然唔係人人接受到, 我同BUDDY就好喜歡, 加上有芝麻醬比你, 配搭一流。湯底可以加, 唔係加水, 真係加湯, 唔會令到湯底變浠。有驚喜係竟然仲有Haggen Dazs 4款雪糕比你食。飲品方面, 有雜果賓治, 橙汁, 蘋果汁, 竹庶水, 係一大樽果汁先生倒入去,至少唔係自已沖個種, 除左以上飲品, 有個隱蔽處都有飲品, 就係4款飲品的下面有2個迷你雪櫃, 飲品眼見都有8-9款。意式芝士蕃茄鍋自已點選的蕃茄鍋,充滿濃濃的蕃茄味,但找不到任何的芝士??我們選的午市

本身bk左枱 所以唔駛等食物唔錯 叫多幾碟肉質素都唔會變差可以揀一人一鍋或者share一大鍋仲有Haagen daz雪糕食不過自助火鍋料唔多選擇枱有啲細 未至於坐得好唔舒服但service唔太好食90分鐘 未夠一個鐘就想收鍋 仲要抺枱 明白星期六真係會多人排隊 會想快啲俾下一位客人入黎如果係最後十至十五分鐘先收 會接受 亦樂意幫忙 但未夠一個鐘就想收哂啲野 真係冇辦法接受希望呢間餐廳既侍應 可以從客人角度諗多一諗如果可以喺平日同埋唔介意service既 大家都可以試試的

天寒地冬，有咩好得過打邊爐呢? 同友人是日係APM出沒，係出面見到間餐廳企企理理，之前冇試過但馬屋，就入左去。我地揀左上級牛肉放題，除左有牛肉亦都有豬肉，諗住雖然得60分鐘，但牛肉好快熟，要食幾轉牛應該冇問題既。湯底我地分別揀左千夜鍋同甘露鍋，千夜鍋係比較清，甘露鍋始終用於豉油，係會鹹D。可能剛開舖，仲有D野要準備，我地都明未咁快黎齊野既，所以上菜較慢。但係等左成10分鐘湯底先黎，追加牛肉等得仲耐，基本係最係10分鐘先上到，結果只係食多幾片牛肉，早知咁慢就揀定食算。牛肉和豬肉質素一般，係配菜類有小小驚喜，大部份D丸好味同埋蔬菜種類唔係平時食開，有兩款比較特別，唔係生菜,白菜果D。整體黎講，食物質素不過不失，但環境同服務就差D，張枱好細，裝食物既木盤又好細，出菜慢，所以冇衝動要再去食既感覺囉。

觀塘再多1間日式火鍋放題原本都幾開心。鄰近農曆年長假,一行十多人來個開心團年午市放題,早已訂位及付訂金。裝潢格調溫和,用的餐具很日系是木製的。我們叫的是$198/人的和牛放題,限時60mins。4人1枱,1人1鍋。我哋枱的,分別叫咗千夜鍋(一啲魚味都無嘅清湯),甘露鍋(壽喜燒似的),美肌鍋(豆腐鍋咁)。飲品種類多,除罐裝汽水,茶外,另外仲有熱茶,甘蔗汁，雜果賓治等自己斟。坐底不久,先送嚟1牛2豬。1碟大概8片,好快食完便再下單來2碟。可惜等咗10mins仍沒有牛肉上枱,枱上亦已無嘢食,嚟食放題,當然“以牛為主”啦，只能夠一催再催侍應。第二輪2碟牛剛上枱便再下單4碟(怕又等得耐),皆因得60mins真係好趕。賣相跟頭2碟和牛比,感覺似次等價貨了。2碟牛好快滾完,時間大概8mins,那4碟牛還未有,又催,枱上又再次無嘢食。無奈地先食甜品,有4款口味的haggendaz雪糕都幾正,但真係要花時間,花更多的氣力去“筆”,雪糕真係雪得好硬。花盡九牛二虎之力後,“筆”得少少便返埋位,牛未見,真係有啲忟,再催就有了,暨且侍應提我哋last order時間,唯有再叫4碟嚟。再不久侍應遞上帳單叫我哋埋單

一間放題黎講幾好味，絕對拍得住 X一 同 X陣。食過特選和牛同普通和牛，牛好好味。配料都OK 有普通魚蛋，腸仔，菜，仲有魚同雞～ 真係幾OK～ 個豉油湯底唔錯～ 應該係我係香港食過咁多個比較好味的。 可以任飲soft drinks ～ 如可樂同忌廉～唔錯～ 亦都可以沖茶飲～甜品有Haagan daz 雪糕裝修係幾靚，不過坐沙發位就有D 逼，張台唔係好夠位放食物。如果太早黎食晚市如6點前，間舖好似唔係好夠人手，但係遲黎就多人～ 絕對推薦