但馬屋 (創紀之城五期(apm))

營業中

休息中

^約朋友去食SHABU SHABU野，7點到不用等位就入得我地揀左$199 澳洲產長期穀飼牛 放題套餐 (90分鐘)入到去店員會問你要咩鍋 有五款可以選擇架我地選了意式番茄芝士鍋同美肌鍋一人一鍋 好方便-意式番茄芝士鍋番茄湯底好濃，而且混合芝士 有甜甜的味道-美肌鍋是含有骨膠原，仲有一小塊雞肉係湯入面 有少少 雞湯味的感覺一開始店員會給一碟豬兩碟牛仲有兩個盤可以係出面拎野食 有調味料, 菜, 有丸類, 有烏冬等 都很多種類......飲料當然都係任飲 (有蘋果汁, 雜果賓治, 甘蔗汁, 橙汁, 可樂等等......)-牛肉好新鮮，而且每一片都很薄食落牛肉好入味，當然要再ENCORE (當食哂時店員就會問要吾要加) -而豬肉一點都不韌 很好食 點都要食多碟 讚~食到最後當然要食甜品 係Häagen-Dazs 雪糕 仲要有4種味道 環境不迫夾 侍應服務非常好 ~ 食到7點時已經有好多人排隊啦 值得推薦 ~   

舖頭採用簡潔既日系設計，座位闊落，感覺舒適窮孩子我們揀選了最便宜的set： 嚴選牛肉放題套餐（$179）包含嚴選牛肉、豚梅肉和豚腩肉三款同埋自助bar放題限時90分鐘，Let's start!火鍋既精髓當然係個湯底啦貪靚既我就當然係揀美肌鍋，食得又補得嘛其實佢主要係由雞肉、薑絲熬製出黎既湯底，清清地幾啱食菜好喜歡佢幾自助bar有好多好多健康食材、蔬菜，啱曬鍾意食菜既朋友黎最特別既食菜莫過於羽衣甘藍見識少 莫怪，平時只會係飲品店見到佢，今次終於見到佢既真面目啦食材擺放有心機，睇落好整潔、衛生：）今餐瘋狂食羽衣甘藍和金針花，肉就反而少食，感覺好健康（自欺欺人）Encore再encore都仲係菜雖然揀左最平嗰款，但係d肉都有番甘上下水準，薄切肉味濃，不錯～最後以Haagen Dazs 雪糕作結：P 真幸福佢有四款味揀，特別推介口感同味道都特別豐富既tiramisu同埋fresh fresh der芒果紅桑子

同朋友講開Shabu Shabu, 係APM除左吉野家之外,原來有間一人一火鍋系列.90分鐘任食火鍋放題一於帶媽媽去試下我地叫左澳洲產長期穀飼牛$199 放題套餐而湯底就要藥膳麻辣鍋 (媽媽最中意食辣) & 美肌鍋 (有豊富的骨膠原,滋補美容之效)美肌鍋其實係雞的湯底, 清得黎帶點甜味藥膳麻辣,, 好夠麻味, 而且愈滾愈辣不得不讚侍應手腳好快, 坐低未夠3分鐘, 湯底已經上台因90分鐘任食, 所有野都好快自助式的火鍋配料, 大多數都係蔬菜, 丸類居多, 仲有雞件同魚柳因任食牛肉,豬肉, , 當然食夠肉類回本先澳洲產長期穀飼牛, 牛的脂肪分佈平均, 牛肉好薄身, 碌10秒左右就已經可以食好juice又有濃厚的牛肉味每一碟都有數10片肉上台,,唔會馬虎而且每次食完侍應都會問追唔追加肉, 減少浪費食物!!飲品方面都係自助形式, 有蘋果汁, 橙汁,雜果賓治, 竹蔗芧根..罐裝汽水等等甜品方面有Haagen Dazs雪糕食             有4款口味:: 芒果紅桑子, 原味乳酪, 士多啤梨, 牛奶拖肥食完正餐之後,,另一個胃再食雪糕, 真係飽到上心口

呢間任食火鍋，每次經過都好多人等，而且一等就等好耐，通常我都用app遙距攞飛，但其實都等好耐🤦🏻‍♀️。屬於一人一鍋，有幾款湯底揀，我就死忠蕃茄湯，男友就食麻辣。而價錢179到3xx都有，我地就揀左199，坐低已經一人一個木碟可以比你出去拎野食，空間唔多，食完再出去夾，唔好浪費麻。環境位置算逼☹️。不過其實丸肉類唔多選擇且唔係話好好食，變相就食少左火鍋配料，多左食肉！而菜方面其實我同男友只食娃娃菜，只要有就得，多唔多選擇不是重點，而嗰度就有sell人食火鍋ge重點羽衣甘藍，聽說好健康架，不過我嫌苦左d，食左兩條就byebye。而醬汁就好值得一提，普通gd豉油、蔥、蒜都有啦，另外佢就有燒汁，以一比一比例調左個醬汁出黎，甜甜地好正，極力推薦👍。肉類普通合格有餘，豬肉好食過牛肉。湯底再濃d就好，麻辣就可以不用試，好在佢加湯係加翻原本湯底，唔係話加奶白嗰d高湯。最後食名牌雪糕，但可惜雪到好硬，死刮爛刮先刮到d🙄🙄。

因為唔見咗條電話線，所以放咗工去咗某大品牌專門店補返條。買完見有點餓，就同佢响商場行咗個圈，見到呢間火鍋店門口有人等緊，裝修又唔錯，所以入去試試。店鋪是半開放式，所以就算隔離打緊火鍋都唔會焗。另外，座位間比較 close，前後左右一齊打火鍋份外多點氣氛。點選湯底是一人一鍋的，對於正值單身的，又或者一個人行行吓街突然想食火鍋的人來說，這個是十分貼心的。我點了意式蕃茄芝士鍋，而佢就點了個甘露鍋。除了牛和豬係跟 set 的價格，要跟職員說添加之外，其他的火鍋料、飲品和雪糕都係自助的。已把牛和豬煮熟，牛肉咬落煙韌，而豬肉香滑。索咗濃濃的湯底，香氣四溢，十分 juicy。而這裡的雪糕是他最愛的 Haagen-Dazs，他當然不會錯過吧~其實職員都很好，聽到隔離客人說不吃牛，所以也替客人換了豬肉。不過，這家店是一入座即刻計時 90 分鐘食用時間，所以建議最好都係等齊人才入座，否則後 join 的真係冇幾多時間食。

今天放工很想打邊爐，就揀了APM的但馬屋。但馬屋是食90分鐘的放題。至於套餐價錢＄199至$329不等，豐儉由人。湯底，我們揀了美肌鍋。美肌鍋有日本黑豚肉，菠菜，豆腐，木耳，京蔥，雞肉。這個美肌鍋含很重骨膠原，有滋補美容之功效，深受女性歡迎，吃了令皮膚好。美肌鍋奶白色，質感濃稠。這𥚃是一人一個美肌鍋。我們叫了日本產和牛及黑豚放題套餐＄299。和牛油脂分布均勻，牛味濃郁，讚黑豚亦夠滑，肥瘦適中食物吧食物應有盡有，有各種蔬菜，丸，麵，魚，雞，菇。很多種類。仲有haggen dazs 雪糕，正

經同事極力介紹後，今次來到觀塘APM的一間火鍋放題「但馬屋」搵食，據知這間火鍋店是一間日本的過江龍。放工後，我和媽媽即刻來都這間店舖，講得切食第一輪的火鍋，所以等位都不需要等好耐就有位了。鋪頭環境光線都幾光猛，而且二人座位與二人座位之間都有塊板格住，感覺上私隱度好似高啲，而且又不會直接望到隔離枱的陌生人，可避免尷尬情況。入座後，店員給我們餐牌，我們只需揀火鍋的湯底和套餐就可以開始進食了，火鍋的湯底有五款選擇，我就喜歡吃濃味的湯底，我就揀咗意式番茄芝士煱。而愛靚的媽媽就揀了美肌喎。今次我地就叫咗最平的餐嚴選牛肉放題套餐（ ＄179 )，來試試平嘢係咪都會食到好嘢。出到去放題區，驟眼睇超過左30款火鍋配料任你揀，包括有丸類、菜類、芝士腸、菇類、豆腐、魚、雞肉、麵、烏冬等等配料，而我最喜愛的是響鈴，感覺是新鮮炸起，夾起來仍然是脆卜卜的。配料都算是幾多選擇。火鍋醬汁有八款，包括辣椒、生蒜、芫荽、香蔥、豉油、芝麻醬、酸汁及燒汁，任君選擇。飲品方面，有雜果賓治、蘋果汁、竹庶汁及橙汁，而且有多款罐裝飲品，熱飲就有綠茶及玄米茶的選擇，所以飲品方面選擇都有很多。雪糕方面，有Haagen-Dazs,有4種

經朋友推介今日第一次黎呢度食晏，叫咗2個上級牛肉定量套餐，我自己就揀咗美肌鍋，湯底里面主要係一D滋補食材，例如杞子、栗米、紅蘿蔔等，味道清淡當中帶有小小藥膳嘅味道，都幾適合天氣凍嘅時候暖暖身。上級牛肉方面，脂肪同肉嘅比例啱啱好，切得比較薄，快熟易入口，有牛肉味，但略嫌缺乏咬口。自助Bar方面， 大概有3至4種綠色蔬菜，全部都幾新鮮，同埋一拎曬就會refill，另外仲有其他丸呀，獅子狗呀，芋頭、冬瓜等等，選擇算係好多，每樣試D都已經飽啦。麵同烏冬用碗仔裝住，又企理，又方便，每份份量唔多，唔怕食剩曬。60分鐘嘅時間絕對可以好他條咁食飽飽(定量牛肉餐)，食物質素算係非常好。想食個好少少嘅火鍋呢度會係其中一個唔錯嘅選擇。

我地點左最平$179 的套餐，牛肉質素一D 都唔差，又花又好肉味，湯底都ok , 飲品吧係正常野，可樂、忌廉、罐裝檸茶，只是自助吧既品種唔夠多，不過新鮮既，員工亦好快手，叫加湯底即叫即到，甜品係雪糕係 Haagen-Dazs 仲有幾款特別口味ok woo, 平平地食下非常👌🏻，Apm 位置又方便，天氣涷涷地，行完街再食個Shabu Shabu 一流，推介俾大家，不過記住要攞左飛先至去行街woo, 最少都要等位30分鐘架！

今日星期六返半日工， 放工後約咗朋友去apm行街， 行到差不多晚飯時間， 睇一睇水牌， 見今晚凍凍地所以決定食火鍋， 最後揀咗呢間但馬屋， 裝修簡潔光猛， 但座位與座位之間比較逼狹。坐低後侍應介紹咗一個冬暖美肌鍋畀我哋， 餐牌上寫住含豐富骨膠原有滋補美顏之效，所以就揀咗喱個湯底。湯底上枱後侍應提醒我哋湯滾咗，要先飲湯。果然 湯底好重膠質， 口感好厚身，感覺真係好滋潤咁湯底包括任食美人和牛， 日本產特選黑毛和牛， 澳洲長期穀飼牛肉， 油撮蔥卷， 手作雞滑，haggen dazs雪糕， 任飲罐裝汽水及朝日啤酒，及每人一客水信玄餅。

今日放假約埋三位朋友一齊去行山。再搭車返出觀塘但馬屋食Sabusabu。6:00去到。好彩未算太多人我6位，等咗10分鐘已經有位。但馬屋無論食邊一款價錢嘅牛。都係限時90分鐘。我地最後決定揀個最貴嘅冬戀美鍋$329。包括美人和牛，黑毛豬肉片，什錦拚盤（腐皮串，雨衣甘蘭，鮮冬菇，手打雞滑）水玄信餅。美人和牛，絕對冇改錯名。好美的和牛。只要滾10秘就可以食。香濃牛味，入口即溶黑毛豬(唔肯定係咪)。切薄薄一片。肉質非常柔軟。豬味夠仲有一樣比較特別。就係手打雞滑。手打墨魚滑&蝦滑食得多。手打雞滑真係第一次食。而且好彈牙。唔錯。除以上食物之外，仲有追加不同品種嘅牛。次一級嘅牛脂肪比較多。但好甘香牛味除咗任飲之外, 仲有haagen daz雪糕任食. 

平時都有食90分鐘的火鍋，但這間餐廳時間控制好有問題。明明揀左90分鐘的套餐，但60分鐘已有員工見你個鍋冇咩野就話收走。你話仲要，咪唔收住5分鐘。5分鐘後，又走過黎話收你個鍋。咁到底90分鐘套餐係唔係假嫁！？最特別之處係同你講"Last order, 你地仲有15分鐘。"已經收走左你d鍋，咁仲咩last order, 火鍋料生食呀！？餐廳出面有人等位，就不停趕人走(唔理你幾多分鐘), 咁唔好話有60分鐘同90分鐘俾你揀啦，所有套餐轉做快餐，咪唔需要趕人走啦！

fresh vegetables in a really taste option on broth. get yourself to try thr chinese spicy broth (if ur a spices lover only!) or thr soft tasty chicken option. any option comes with 2 trays of porc and beef, plus all add on ingrrients. Im the end you have a selection of hagen dazs ice cream to enjoy..! perfect for a saturday night with friends

不知道從什麼時候開始，APM 真是多人到沒位子吃飯。這一家雖然人多，但也流動得很快。跟一般日式一人一鍋一樣，食物的種類也差不多，不過我覺得肉類好像爽口些(利申：我點的是最便宜的那檔次，本人堅細食，點貴的都回不了本)配料、蔬菜、炭水化合物是自取的，特別要講的是蔬菜之中竟然有羽衣甘藍！好in~還有 haagen dazs 雪糕，有我最愛的士多啤梨和比利時朱古力，今次一定回本！而且值得一讚的是差不多收舖了，有兩款雪糕已見底 (總共有4 款供應)，員工還開新的一桶給在座為數不多的食客，我覺得好有誠意。不過有一點想講，它的限時很老土，就算沒有客人、就算你已經不吃了、買單了，也會趕你走。

少有食到反感的餐廳！2人進餐，點了$199基本牛套餐，一間專賣肉既店，廚房連基本訓練都沒有？切出黎既牛竟然順紋切，連黎2碟都係咁，再靚既牛都難食到暈，第2碟仲要牛肉干咁黑曬邊都照拎出黎比客人？！ 自助拎野食既碗仔，細到呢～2個人有2個碗，但一個碗我放左6片生菜已經滿左，每食一次菜，就行一轉出去，選擇偏少。野飲方面有4款全部唔凍＋難飲，罐裝就可樂，檸茶同jolly sandy。食到埋尾，我女朋友身後有隻曱甴，行黎行去，再睇真d仲有甲蟲係到，當隻曱甴第2次出黎，做成大騷動，3張台既食客都起身走避，但都冇職員出黎了解；後尾埋單走個時再留意到蔬菜盆由樓面職員『親手』處理，再用身上制服不停抹手，衛生情況可想而知。