但馬屋 (創紀之城五期(apm))

營業中

休息中

今日星期六返半日工， 放工後約咗朋友去apm行街， 行到差不多晚飯時間， 睇一睇水牌， 見今晚凍凍地所以決定食火鍋， 最後揀咗呢間但馬屋， 裝修簡潔光猛， 但座位與座位之間比較逼狹。坐低後侍應介紹咗一個冬暖美肌鍋畀我哋， 餐牌上寫住含豐富骨膠原有滋補美顏之效，所以就揀咗喱個湯底。湯底上枱後侍應提醒我哋湯滾咗，要先飲湯。果然 湯底好重膠質， 口感好厚身，感覺真係好滋潤咁湯底包括任食美人和牛， 日本產特選黑毛和牛， 澳洲長期穀飼牛肉， 油撮蔥卷， 手作雞滑，haggen dazs雪糕， 任飲罐裝汽水及朝日啤酒，及每人一客水信玄餅。