西貢回來, 想食燒烤, 喺OPENRICE search一下，就發現呢間好似新新地的烤肉店。一入店內, 全播放著鏡團曲目, 仲有MV無限LOOP。更先進的, 引入了1部送餐機械人，機械人的魅力如同鏡團出場, 因為邊行邊播著他們的曲目，没有人不會吸引不到的。全程手機下單, 送餐時間頗快，多謝送餐機械人效率吧~~ 食物方面, 一般烤肉店/韓燒店有的款式呢度都有。牛肉質感一般, 牛舌OK, 雞翼美味，蔬菜款式亦多。最值回票價的還是海鮮。手掌大的生蠔無限點, 可惜連住厚厚的蠔殼, 故燒烤時間需時。扇貝也很好, 大蝦最好味, 因為生鮮。韓式炸雞也很推薦, 更推薦食得辣的朋友下單挑戰"炸雞(噴火辣)", [本人食米線向來中辣level, 呢件雞真係好有料度]。 總用餐時間110 MINS,  幾個大雪櫃, 罐裝汽水/茶包羅萬有。被誤導的, 啤酒需另付費, 全枱人頭計。點解叫被誤導呢?我們用餐時段係全日最貴時段，而手機下單顯示(已付$20可以任飲)。當然到下單後, 店員過嚟同你講：「需另付費, 而且全枱人頭計...」。 總結：嚟得都係想食烤肉為主，可惜此店啲牛肉質素真的好一般般，靭的, 粘網, 翻肉時好易碎了，更加不用想烤魚柳吧！而且碟子很細, 即使烤肉燒好了, 也没多餘位放涼。無奈的，呢個放題最後令我們填飽肚的, 是久違的烤香腸、韓式辛辣麵和紫菜温泉蛋飯。

是日EASTER HOLIDAYS的第1天, 早已網上購買餐飲券, 試下點心放題。畢竟都是五星級酒店, 又有海景, 放假好心情。 假日下午茶放題14:30開始, 我俩14:40到達, SCAN餐券QR CODE便安排入座。海景就没了, 坐近廚房茶水間偏廳。
食物評價：
先送上餐券「尊享三寶」：燒鵝米線、灌湯餃、蝦多士。米線份量超迷你版, 灌湯餃不吝嗇, 有鮑魚。蝦多士入口爆油是常態吧!
食物種類尚可，大路，份量剛好1人份, 不偏多不偏少。最勁的, 就係腸粉份量, 1件=平時1條牛肉腸粉整條的1/4。食物全部是熱騰騰的，即使是炸物, 都是熱的、脆口的。點心籠不是成日洗都聽過很多, 假使你叫1件叉燒包, 便1個籠蒸1件叉燒包了。有點兒佔枱又"嘥GAS"。
喺度食點心放題，真係與時間競賽，剛點完第一輪點心，食緊「尊享三寶」, 時間只係15:30, 侍應走嚟就說"LAST ORDER"了。第一輪點心未到齊啊..........15:45再有侍應送上帳單叫我俩結帳, 茶芥加一只能現金付款。深感無奈，因乜放假食嘢都要咁趕呢？又話90MINS? 方便佢哋辦事, 有無理會客人感受呢？
服務評價：
畢竟都係中菜, 還未坐下, A侍應問：飲咩茶？我的家人問：有無龍井/碧螺春嗰啲？A侍應答：無。在旁的B侍應聽見就答訕：龍井？碧螺春？真係笑X死(粗口)就行開去了。我俩來不切反應(畢竟還未坐下安定下來),。A侍應續問我俩問咩茶？家人答：普珥。我俩坐定下來，家人續處理剛才B侍應的服務態度, 因為呢度係五星級酒店, 唔係屋邨酒樓/一般商場酒樓。而且我俩椅都未暖，便硬受B侍應"差劣"服務態度，我俩深感訝異。對於呢類B侍應對答跟服務態度是不能姑息的(現今疫情，出面有好多人等著開飯)。當我忙著下單叫點心，剛好有位中菜部經理經過，便直接向他反映剛才B侍應的對答及其態度。經理好快揾到B侍應帶來我們枱前對質, B侍應仍厚面皮否應佢的失言。我俩給予嚴厲眼神告知經理：有你經理喺度再帶B侍應嚟我哋面前對質，呢啲"慣犯"又點會覺得羞愧承認自己失言呢？經理只能連聲"SORRY, 說打擾", B侍應咪續"扮工"，我俩硬受續食。當然B侍應真係不知羞恥，當佢同其他侍應一齊分派食物，見到手上食物係我哋枱號，馬下放下仲"呸"一聲，佢隔離C侍應問佢做咩？B待應扮無嘢, 塞咗我枱食物叫C侍應送嚟我俩枱。其實我俩都唔想知得咁清楚侍應態度, 只怪地方不大, 分餐桌正好喺我對面牆角。而B待應又咁高調不肖態度，確是好難不令人注意。

近日太想念鬆軟軟的pancake,本年開幕遇上COVID-19,看似也無損大家試新嘢意欲。防疫措施底下，坐位都幾闊落， 但仍都要在門外等候40mins。快有位時，餐廳職員也為大家探一探熱。 排隊時候已經諗好食邊款，一坐下馬上下單，另加杯我最喜愛的Earl Gery tea。 焦糖Pancake,不用10mins奉上，花了10mins食完。味道一般無驚喜，滿肚子空氣，正如前篇食家所述「名過於實」。我最喜愛的Earl Gery tea,都算香的。 意外的，此店不單止pancake 甜點，仲有炸物小吃, pizza, 牛肉飯等。

是日週年紀念，早早在openrice訂位，暨賺取里數。餐廳留枱15mins，lunch buffet 12noon開始，到了餐廳等候安排入座，看著那職員一個人忙著行來來回回帶位，客人是需有點耐性等候安排。 我們被安排window side table，枱邊倚著鏡柱，一人正望維港景，另一人正望鏡柱，老實說，整餐照住鏡食嘢很不慣。buffet 2pm完，爭取時間品嚐(๑•̀ᄇ•́)و ✧ 。 於這頂級酒店餐廳吃飯，禮儀都稍稍收歛，每款取一點點。款式不算太多，每款擺相還是用心的。比例上，看是甜品種類多選擇。 剛開始進食第一碟，不知何來一隻瞎頭烏蠅，飛落我的碟，按扁了，被迫捨棄碟子，再去揀食物。第二轉揀了刺身及冷麵類，櫻花冷麵好食。廣東點心有蝦餃，燒賣，蝦餃很易散。竹笙海鮮湯也好，輕嚐咖喱雞配印度薄餅及印度飯，少辣，味道也好。熱盤類沒點揀選，叫了一碗喇沙魚旦湯粉，粉絲質地的美粉，很多粉，湯濃濃。最後是甜品了，甜品櫃滿滿的，雖然有的是重複了。平時最喜愛的tiramisu,and macaron，可是tiramisu酒味over了，不合味道。macaron紅的是紅桑莓，粉的是松露味，聯想應是Pierre Herme出品，不禁多取2粒松露macaron,真的好吃。其他朱古力相關甜品都很出色啊，cheese cake就不太好了，鬆散的。另一驚喜的，啤梨撻味道幾好的，新鮮啤梨製。 餐廳為我們送上週年紀念甜品，可惜甜品都是buffet甜品櫃內的，失色一點兒( •̥́ ˍ •̀ू )。 後記：buffet後段，不知什麼事開始拉肚子了，但餐廳準時2pm就收東西清場，餐飲還是問waiter是否included才奉上。斷斷續續的，喺elements進出廁所數小時，稍為量少才敢坐車回家，整晚再沒進食，至第二朝還是拉肚子，便睇醫生治理。精緻美味的食物，就這樣瀉進大海ಠ╭╮ಠ 。

一年一度聖誕節，即興選擇喺度打邊爐。收費跟平日假期一樣($328加一)，先致電留座，好快被安排入座。一入座，侍應們有效率的給我調味料盤，附送限定美食數款，包括刺身，雞蓉燕窩羮，海鮮拼盤，羊腩煲/麻辣雞煲。看似策略先填飽你肚，點少啲火鍋料(≧▽≦)。 確是樣樣都鮮的，食到咁上下，唔駛叫侍應，佢哋會主動加湯，幫你入單拎火鍋配料嚟。全晚最慳住食的，就係免費1碟牛頸脊肉，亦是全晚唯一一碟的牛肉(。•́︿•̀。)。任食任點的肉類，只有豚肉及羊肉。海產類的鱔片，脆鯇魚骨腩片質素一般。丸類是手打的，可以試試。除咗寫紙點的，其實出面仲有好多菜類，丸類，甜品/糖水，飲品，熱盤，即食麵/粉任食，無限添加，唔駛爭。細數紅豆沙保持大酒樓水準，起沙少甜，飽都要食半碗(๑> ₃ <)。其次就係清熱的竹庶水，少甜。

再接再厲，花一個WEEKEND去品嚐2間HIT爆PANCAKE餐廳。今趟到這裡朝聖。 起初諗住食SEASONAL 蜜瓜PANCAKE，點之無咁好彩遇到，之前睇報導得知，除了能滿足女士們的甜點PANCAKE外，還有照顧到不好甜食的男士咸點PANCAKE，可惜餐牌貼住"COMING SOON"。唯有嚐試原味PANCAKE。呢度自助形式，諗好就去CASHIER COUNTER落ORDER。好彩COUNTER旁有水供客人飲用，ORDER完，拎杯水埋位坐，等食。ORDER時，侍應都有再三REMIND食物預計等30MINS, 都唔緊要啦，反正都等咗105MINS先入到嚟。呢度食物整作流程較好，相信佢真係單接單按時序來整作。 ORDER後15MINS奉上DRINKS, 雖則已立秋，仍需消消暑西瓜 冰，可惜味道啖啖。 30MINS後，期待已久的PANCAKE終於奉上，那是最喜愛的梳乎里PANCAKE啊！侍應又再提示用2隻叉食較好。拍拍照後品嚐，不能太久，因會PANCAKES會慢慢收縮。餅身鬆軟不油不膩又不太甜，一碟3塊，好夠喉。會再光顧，希望下次唔駛排咁耐隊啦。

聞名已久,終於排隊一試。它的指示尚好,門外展示第一條隊輪後時間30分鐘。往後排第2條隊大概心中有數起碼等超過30分鐘。排第一條隊隊尾的人都好好。因久唔久會見到唔睇指示牌的人撞去第一隊尾藉故插隊,幸得第一隊尾的人再三提示,他們先排第二隊尾。其實應該是餐廳安排侍應喺第一隊尾提示先啱。 排隊比想像中快,大概35分鐘可以入到餐廳。看看餐牌再看四周,還是order signature pancakes試試。等了等,叫侍應給我們2杯水,見她隨即去倒,轉頭水都無影。隔離枱已換第二批人,同樣order後叫同一侍應俾2杯水,佢哋馬上就有了。勁無奈,癈事出聲,消雅興。 忽然看見侍應們忙著從廚房接過一份份Original Pan de Pain hot cakes,一批有8份，我隔離枱的又連hotcakes都有了。佢哋遲我哋20mins入嚟，入嚟order後叫水就有,連hotcakes都咁好彩係嗰批就有。我的等多10mins啦,總共又30分鐘。 我的signature pancakes賣相ok,pankcakes熱熱的,但質感頗硬,也很dry。不喜歡呢種朱古力味道,不甜不苦,沒那種朱古力味道。準備埋單之際，看見有services charge,不禁想,service喺邊?若是日本風的餐廳,這些服務真的失禮。畢竟客人們願花30分鐘以上排隊品嚐食品,入到嚟主動奉上茶,水也沒有,order後又要再等。有好彩唔好彩,如果我係order original hotcakes的，咪同一批有得食。但我的pancakes同佢哋的hotcakes做法不同,應比佢哋快,因original hotcakes要等夠8個orders先做呢。

生日週放假,無意中看見大家的食評,睇相見餐廳環境及食物賣相挺好,所以馬上試試。tea time period:3pm~6pm,不設訂座。
到達餐廳時間接近5pm了,沒有客人,這位四眼侍應看來已被我打斷了這個悠悠下午。
馬上order afternoon tea set for one and Earl Gary tea抖抖。
食物來到應驚訝的,竟是用精緻的“透明寶盒”裝著。跟食評看的大堆頭一層層的甜點有別,畢竟這是1人份量吧,食物味道挺好的:-1)迷你小龍蝦沙律熱狗; 2)意式焗肉丸;
3)丹麥肉桂條配上朱古力醬or媡奶;
4)迷你咖喱鬆化牛角包;
5)Parma ham餅乾條; 6)牛奶布丁;
7)Brownie cakes配碎金粒; 8)提子鬆餅;
9)餐廳signature dessert: Tiramisu 每逢這類靚靚餐廳,又看見這座懷舊復刻版的咖啡機,不得不order杯咖啡試試。

最後也值得一讚的另一位四眼侍應,主動奉上熱水及紙巾,見紙巾差不多用完,馬上refill。男的跟女的服務心態確是不同。

觀塘再多1間日式火鍋放題原本都幾開心。鄰近農曆年長假,一行十多人來個開心團年午市放題,早已訂位及付訂金。裝潢格調溫和,用的餐具很日系是木製的。我們叫的是$198/人的和牛放題,限時60mins。4人1枱,1人1鍋。我哋枱的,分別叫咗千夜鍋(一啲魚味都無嘅清湯),甘露鍋(壽喜燒似的),美肌鍋(豆腐鍋咁)。飲品種類多,除罐裝汽水,茶外,另外仲有熱茶,甘蔗汁，雜果賓治等自己斟。
坐底不久,先送嚟1牛2豬。1碟大概8片,好快食完便再下單來2碟。可惜等咗10mins仍沒有牛肉上枱,枱上亦已無嘢食,嚟食放題,當然“以牛為主”啦，只能夠一催再催侍應。第二輪2碟牛剛上枱便再下單4碟(怕又等得耐),皆因得60mins真係好趕。賣相跟頭2碟和牛比,感覺似次等價貨了。
2碟牛好快滾完,時間大概8mins,那4碟牛還未有,又催,枱上又再次無嘢食。無奈地先食甜品,有4款口味的haggendaz雪糕都幾正,但真係要花時間,花更多的氣力去“筆”,雪糕真係雪得好硬。花盡九牛二虎之力後,“筆”得少少便返埋位,牛未見,真係有啲忟,再催就有了,暨且侍應提我哋last order時間,唯有再叫4碟嚟。再不久侍應遞上帳單叫我哋埋單,畢竟我哋一行十多人,帳單都要望真下,果然計算錯誤,佢哋搞。臨最後3mins,last order的4碟牛終於上枱了,已知差不多夠鐘,張單又未搞好,好努力好快滾兩滾便入口。同枱戰友作戰夠了,侍應收鍋收碟都可接受。但我仍在食緊滾緊之際,侍應竟強行收我的鍋,真不得不開口發聲。時間又未夠,單又未埋好,牛仲滾緊,啲牛唔到最後一刻唔上枱,畢竟3mins要滾4碟牛,我哋都等牛等得耐,通融5mins都唔得咩？強制要我哋浪費食材,變得我哋係大嘥鬼,講不通。侍應一直講:“出面仲有人等位。”我夠知有人等位啦，問題單又未埋好,又未完全夠鐘,我哋仲滾緊牛,又唔係霸住張枱吹水唔走嗰隻。學劉華金句話齋:“今時今日咁既服務態度點得架~”

要參加婚禮,最早又近文化中心可跟屋企人飲茶的地方就只有呢間。略有聽聞價錢偏貴,但都試一次吧。
8:30am望下未開門唯有去海傍行下,8:50am再返到酒樓見門外忽然排哂隊。而且見大多是旅客,一於就八下有什麼吸引旅客來港一試
酒樓雖寫9am開門,但實際9:08am才開門然後續一安排客人取枱入座，都頗快的。幸運地可坐近窗邊,天朗氣清望著維多利亞港飲茶都幾心曠神怡。
大部份食客差不多時間入座,差不多時間入單,所以食物都差不多時間上枱,上菜都算快。好彩是平日,點心價錢真的不平,種類也有限,而且餐具乾淨程度真是頗劣,巴不得用熱水仔細地洗過先用得。
食物質素方面,最貴的金魚餃不值得推介;竟然1粒蝦肉都沒有,內餡只是蝦膠跟馬蹄製成。煎蝦餅也是沒有蝦味的，似魚餅多啲。牛肉球和帶子菜苗餃永遠是最穩陣的炸物方面,相信是酒樓必食推介之一:奶皇炸刺蝟,賣相令分數提高,味道還好,似是炸饅頭包著奶皇。另一炸物是鳳尾蝦芋角,終於有蝦了(完整的一隻),可惜咬一口便是成口油了,可惜可惜。最後唯一有曙光的還是1人前煲仔飯,揀選2款最常食的，味道也可保持水準,北菇雞飯更可值得讚,啲雞相當嫰滑。