亞玉豆腐花

營業中

休息中

去過荃灣都知，有兩間豆腐花舖開埋一齊互相爭鬥。當然作為食客的我地絕對係支持的，因為有競爭先有進步，而且我地可以用平價食好野。睇圖就知好多人排隊食啦！所以我就是但排一條試試佢。二選一的情況下，最後排左呢間食。五蚊一碗，相當抵食。糖水同黃糖就自己加，要幾甜就自己話曬事。至於豆腐花就做得相當唔錯，可能太多人幫襯，所以豆花夠新鮮夠滑，友人食食得出豆味TIM最後見到佢有呢個優惠，但要食到30蚊都有少少難道😅

今日因為有張coupon,加3蚊就再去食花奶豆腐花同樣叫熱的，豆腐花好滑，感覺堂食大碗少少。不過隻碗爛左仲比客人用感覺無甘好。加左花奶，奶味配豆香無得彈，好好食！可惜隔離同一碗豆腐花賣平3蚊，下次再食應該會光顧隔店。隔離比較長龍應該都係價錢原因吧。

今日12點先食早餐，所以午餐就食少少好啦。食個雞蛋仔同豆腐花應該都夠啦！係荃灣要食平靚正既豆花我會首選亞玉。其實旁邊那間仲平，除左豆腐花平，其他中式甜品都好平。不過今日想食豆腐花，所以揀間同樣價錢，但我認為好食啲既～叫左個熱黃豆豆腐花，堂食！這裡沒有位坐，所以係站着吃！黃糖、糖漿同薑汁都係自助架，加幾多都得。我三樣都有加，少少甜就最好味。豆花好滑，而且一層一片，唔會好碎（我唔鍾意整碎食架！）雖然唔係好大碗，但5元真係幾抵食！

外賣左熱既豆腐花回家慢慢品嚐，可惜冇晒黑豆腐花啊⋯就咁加少少黃糖都好味了！豆腐花食落好細滑好好味！平日依間店都好多人排隊買，再晚一些可能連豆腐花都賣晒，間店有好多唔同甜點可選擇！

阿玉豆腐花，真係細細個就開始幫襯，就算正正隔離開左間競爭對手，我都對阿玉忠心不二平時阿玉時不時都做特價五蚊碗豆花六蚊碗芝麻糊咁樣，樣樣都真材實料今次因爲係附近食飽飯，所以就買幾個糯米糍番去比屋企人做甜品。阿玉嘅糯米糍同民豐嘅都好好味，民豐就多幾款揀，阿玉就獨沽一味，花生芝麻。糯米糍包到圓古碌，咬落啖啖芝麻花生，甜度適中，令人唔覺唔覺食多幾隻

路德圍嘅兩間豆花經常滿滿嘅人龍，一般見到要排隊嘅野，我都冇乜興趣，亦唔太願意企街食糖水。但今晚喺附近食完飯，天氣太凍，想搵熱糖水食。要知道後街嘅松記啊、乜乜啊，實在太難食。咁我只好面對長長嘅人龍。大約二十個人，排十零分鐘，可以接受。可能兢爭關係，呢度嘅豆腐花只需5蚊，平到痴肺。另外仲有其他豆花配搭，例如芝麻糊豆花、紅豆豆花等，定價$5-9，相當抵食。亦有糍粑、砵仔糕呢啲傳統糕點。當坐低喺事旦一間糖水鋪收你廿蚊之時，呢度十元八塊，認真幸福。豆腐花 $5/熱每日新鮮製作係基本，戰鬥碗很冇風味，亦環保啲，薑汁、黃糖自己加。薑汁都幾濃，加少少香啲，又暖身。豆花滑溜，亦有明顯豆香，我亦喜歡佢保留少少豆渣口感。5蚊無論喺味道、價錢上都滿。紅豆豆腐花 $8/熱豆花會較少，紅豆裝滿一碗，中規中矩，主要作為豆花嘅陪襯，未至起沙。

由好似2010年佢元朗串皇隔離，第一間舖食到而家開到出九龍區，佢真係始終如一，平、靚、正。平，講緊豆腐花5$碗，求其搵間糖水舖食都$18起啦，呢度仲要自助黃糖、薑汁任落 ; 都未完！而家荃灣分店係買滿20$就送一碗滿40$送兩碗靚，我要求好直接，新鮮熱辣、有黃豆香、入口滑溜，除左薑汁淡d呢個位之外，阿玉豆腐花真係好食過好多甜品糖水舖，唔需要加d乜奇怪配料上去，真正簡單就是美。正，除左豆花，佢嘅砵仔糕同糍粑都真係好好食，加埋我以上嘅講解，真係冇可能唔正架快d開多幾間出九龍市區同港島啦

豆腐花呢樣食物又滑又香，我一直都幾中意食，不過好既豆腐花店都比較少，所以我泥泥去去都系食個幾間。去親荃灣我都泥呢間食豆花，最中意就系黑豆味，因為豆味比較濃，黃豆就冇咁出色。呢間豆花都幾實淨，唔會太散，價錢又幾平，堂食凍都唔洗$10蚊，咁既價錢統對可以一試。

五蚊一碗豆腐花，我俾兩個兩蚊兩個五毫，唔算過份呀。。星期六晚排咗十分鐘先話唔收五毫。五毫唔係錢呀？唔收都算啦，唔該你寫明貼出嚟呀，你一早寫明嘅話我就唔會排啦。。

21-10-2017 (Sat)同老公食完十八座狗仔粉後口渴,而且晏晝都幾熱,對面有兩間豆腐花舖,可以清熱解渴,舊年我試過我贊和豆腐花,記得冇乜豆味(o個個食評: https://www.openrice.com/zh/hongkong/review/%E8%A7%A3%E7%86%B1-e2699384),於是拉老公試吓呢間.由睇睇到決定都只係好短時間,就已經好多人排隊買,其實兩間一樣咁多人排隊買,我o地要兩碗凍豆腐花,自己加糖水食.好夠凍,食到有豆味,唔會太濃而變得難食,明顯好過贊和.

🍍荃灣路德圍 $5/碗 熱豆花！大埔有亞婆豆腐花、荃灣有亞玉豆腐花，老實講🤔亞婆豆腐花好食啲，不過唔喺成日可以入大埔👣荃灣路德圍附近有好多間小食店，魚蛋、串燒、鹵味都有得食。講返亞玉豆腐花，次次去到都要排一陣，$5一碗價錢的確夠哂吸引，凍豆腐花都只係$6，食落豆香欠奉但勝在夠滑，自助落黃糖/糖水，去開荃灣掃街，可以順便食返碗👍🏻-見到好多姐姐食芝麻糊同埋買豆漿飲，惠顧加兩蚊，就有埋個迷你有豆砵仔糕，各位去到都可以試試。

天口咁熱，未行都想出汗，最好就喺屋企開大個冷氣，再煲套劇，咁就叫寫意人生啦，但係無奈向現實低頭，鬼叫我窮呀頂梗上.........................行過呢間豆腐花店，嘩，條人龍好長呀，長到打橫左成條街，真誇張但係D豆腐花又真係好好味，亞玉好野

星期日，又打唔成風，就梗係出街搵食啦... 約埋朋友嚟到荃灣路德圍，食碗$5蚊豆腐花先... 🙌🏻朋友話，兩間都差唔多，所以揀少人排隊嗰間... 一試就知超值... 上星期試過粥舖＄18蚊嗰碗都冇佢咁滑... 仲要有薑汁、糖水、黃糖任添... 豆腐花加脆脆黃糖是常識吧... 加埋薑汁，就唔使怕胃寒啦...超超值... 💰仲要加兩蚊，就有砵仔糕，個迷你版砵仔糕，同樣出色... 細細個，但好多紅豆（見相，鋪滿紅豆），非常微甜，啱哂我... 非常滿足～

幾年前在荃灣有兩間 黐住嘅 舖頭 差不多時間開張，一齊賣豆腐花。 兩間豆腐花 到依家 都係賣五蚊真係好平 😄 若然要比較兩家豆腐花誰的比較好吃，飢詩一定唔覺得有乜分別😄 賣下賣下亞玉就賣埋 缽仔糕，糯米糍。 今次就要介紹芝麻糊 😄😄 先講價錢$8， 唔係呀嘛~ 今時今日隨便一間甜品店 嘅芝麻糊起碼都賣十幾蚊啦~ 實在太太太抵喇 😍😍😍本來飢詩係冇諗住寫食評比亞玉， 但呢個芝麻糊又香又滑， 入面有少許金芝麻 ( 食唔出嘅 睇到啫~) 增加芝麻香氣， 甜度適中， 真係好抵， 大熱天時食碗凍嘅芝麻糊真係透心涼， 好嘢係要同大家分享嘅 😃😃😃飢point : 9/10#hungermarch #非飢詩 #飢詩

熟悉荃灣既，都會知道呢度有超平豆腐花😍，全部都係5蚊6蚊就ko，路經一定要試。👍.平時一直都買開正常黃豆整既豆腐花，但用黑豆整既都係第一次見🙊，味道比黃豆淡，唔算好滑且厚實，薑汁黃糖任加唔嬲，一碗完都飽飽地😥。不過自己都係比較鍾意黃豆。😁.以呢個價錢黎講真係冇得輸❤，雖然要企住食，但比起有得坐既糖水鋪，價錢可以話平成半，絕對抵食！.其實佢隔離都係賣豆腐花，款式有更多，而價錢就差唔多，兩間各有擁躉，都可以一試。