亞玉豆腐花

營業中

休息中

每次同好友們係荃灣食完飯，飽到死都好，都要去阿玉食返碗豆腐花，其實佢旁邊都有一間賣豆腐花，都有好多人食既，不過我地食開阿玉，有感情嘛，所以今次都唔例外喇。一去到又係大排長龍，雖然條龍長，但排隊其實都唔洗五分鐘就到我地買，我地一人叫一碗熱辣辣既豆腐花因為呢度既黃糖同糖水都係自助，所以我落左好多，好甜呀，食落去依然好香豆味，軟綿綿，好滑。埋單一人五蚊，抵到爛喇。佢呢度就冇位俾你坐既，要企係門口食，佢又裝得好滿，有時都幾狼狽架。不過同好友一齊食，又有個機會繼續嘻嘻哈哈，談天說地，都係一個回憶喇。下次都會再返黎食架！

上星期去開元朗食飯，經過亞玉，食咗一碗熱豆腐花覺得幾好食又平（無記錯好似係$8）今個星期食完飯又想去食亞玉豆腐花，但係因為我住九龍，入去元朗好遠，所以最後去咗荃灣間分店。去到嗰度有兩條長龍都係買豆腐花，我兩間都有試。我先試另外一間，佢地嘅豆腐花好大碗但係冇豆味，之後嗱嗱臨過返阿玉嗰條隊買過碗。點知食落兩間都一樣，都係冇豆味，好奇怪，唔知自己食緊乜！最後亞玉嗰碗我食左一半就掉咗，佢啲水準同元朗嗰間差好遠！我情願你收貴啲落返多啲黃豆啦唔該

難得踏足荃灣，賴生知道《亞玉豆腐花》荃灣分店因爲同隔離舖競爭既關係做緊全線半價 不得了！賴生就向屈小姐撒嬌問下可唔可以陪佢食碗芝麻糊啦~ 溫柔體貼又善解人意(重點係超為食)既屈小姐梗係Say yes 啦！去到《亞玉》，果然有條人龍排緊隊買野食，而舖頭亦都大大隻字寫住全線半價呀！芝麻糊$8蚊碗，黑豆豆腐花都係$5碗咋！賴生即刻買左碗芝麻糊（熱）同黑豆豆腐花（熱）同屈小姐一齊食夾埋先手$13蚊咋，如果係元朗食⋯$13蚊都食唔到芝麻糊！芝麻糊（熱）：⭐️⭐️⭐️⭐️⭐️亞玉既芝麻糊真係會令人著迷嫁！本身屈小姐唔係咁鍾意食芝麻糊既，但賴生比佢試左一啖之後，佢既Bling Bling眼就即刻出現啦，仲同賴生爭食添啦！呢度既芝麻糊真係好濃好杰身，芝麻味勁香濃，味道香氣都一流，石磨先做到嫁！而且唔會太甜，食到芝麻既味道！好出色！黑豆豆腐花（熱）：⭐️⭐️⭐️⭐️話明亞玉豆腐花，豆腐花絕對係佢既信心之作，但相比起芝麻糊，略略遜色左少少！ 雖然佢有薑汁，糖水同黃糖任你加，不過我地只係選擇左薑汁，薑汁味濃香！同埋我地想試清楚豆腐花既味道麻總括黎講，豆腐花口感一流，超滑溜，不過豆味唔算出，如果有更濃豆味就超一流啦提提大家食豆

今次係第五次黎食芝麻糊了，但這次係第一次叫外賣。之前次次都係買完企喺側邊食：天氣凍企側邊、天氣熱企側邊，食完放返個瓦碗落個桶度，最鍾意就係咁，非常環保。但今次因為食完一大碗麵再黎，所以不得不叫外賣。可惜係外賣碗比瓦碗細成3-40%，但果晚天氣都幾熱，碗熱芝麻糊拎到返屋企啱啱好暖暖地入口剛剛好。亞玉雖然出名賣豆腐花，但其實芝麻糊都不相伯仲。宜家出面有啲糖水鋪整芝麻糊整到古靈精怪，一啲就糖水多過乜，一啲就標榜啲咩生磨芝麻糊。我心諗、合桃露生磨就好食啫，芝麻糊生磨咪食到我哋食完要嗽口？成棚牙都黑哂？亞玉嘅芝麻糊色香味俱全，對我嚟講最緊要係唔甜同有令我回味以前酒樓推車仔叫糖水嘅味道。

我隻貓係為食貓，所以有好野我都會同佢分享，俾佢聞下咁啦！今晚 feel like 食少少甜野，食完飯就外賣買左個豆腐花。呢間成日都好多人排隊嫁！我最鐘意佢嘅豆花夠滑，真係好正嫁。$7一碗仲咁高質素，依家邊度揾呀！我隻為食貓就出名揀飲擇食。當我一打開盒豆花，佢就即刻衝過黎啦！你自己諗下有幾好味啦！

路德圍這檔特別多人圍集。半因5元一碗豆腐花，已賣了半年以上，有了口碑。出水頗多，豆味不足，雖可任意加薑汁，糖，仍覺得淡，滑溜程度是合格。芝麻糊亦是震撼價8元，真是平。自家製，水準高。受歡迎另一原因，是元朗名店，並多懷舊食品供應。有客家糍粑，內有花生碎，糖等，有鄉土味。砵仔糕剛做好，一邊除砵一邊賣，任選多少豆。大小剛好，比生隆砵仔大，比古早阿伯推車仔的小。紅豆密集，完全不甜，十分滑溜。如喜歡豆較有咬口便好食。路德圍是立食的好場所，無Mk氣氛，有夜市情懷，與葵涌廣場的室內立食區互相輔相成。煙燻玉子燒，魚鱻魚湯，媽咪雞蛋仔，蠔得喜……都可供選擇。

食左隔離個間，無理由唔食埋呢間，都好平，要左熱黑豆豆腐花($5)和凍黃豆豆腐花($6)，豆腐都幾滑，質感偏扎實，但黑豆味道好似唔係太大分別。仲有其他產品砵仔糕，加$2就有。

兩間賣豆腐花既並排一齊兩間每一晚都會有人龍兩間價錢都係一樣另一間我都食過 (因為依間無開所以試下)但之後我無再幫襯個間依間無開既話 我會選擇唔食我每一次都係叫豆腐花每一次都係外賣 走糖水加黃糖另上因為豆腐花放一陣會出水所以每一次我都係倒左啲水再加黃糖落去先食呢間豆腐花 連埋外賣加一蚊都只係六蚊一碗！依家出面好少有依個價錢，閒閒地都收你廿蚊一碗！呢度既豆腐花好食過出面既廿蚊一碗（當然最好食我依然係覺得係南丫島）黃豆味濃 再加真係好滑總結就算唔係六蚊一碗 我都會比

吃完El Cerdo後沒吃甜品總覺得空虛，途經荃灣的「小食」街看見不少人逛完花市外賣豆腐花，最後我忍不住也買了一碗芝麻糊與豆腐花回家慢慢享受。先說芝麻糊，其實一直在元朗總店有賣，而且想嘗試多時，但都沒有去買，連外賣加一元都只是賣九元，價錢十分大眾化~如果從芝麻糊的色水來確實烏黑，用匙羹輕輕攪拌，卻發現不太濃稠，又不至於水汪汪。味道方面屬一般，芝麻味不太香濃突出，優點入口順滑，以普通糖水水平來說算是合格。至於招牌豆腐花我選了黑豆口味，平日都吃原味，想來點新意思~ 我略嫌豆腐花出水太多，猶如水浸，儘管店員努力倒去不少水，依然還有這個問題 (元朗店從未有這問題出現) 豆腐花雖軟綿卻鬆散，零零碎碎，不太美觀。豆腐花黑豆的味道是有的，可是只是萬分薄弱，作為亞玉豆腐花的常客，說真的沒失望是騙人的~ 我還是去元朗店買好吧~

喺附近返左好耐工但一直都冇幫襯過，今日卒之俾我試到佢嘅黑豆漿同芝麻糊。 其實對於特價8蚊一碗芝麻糊都冇咩要求了， 食落都有芝麻香，不過可能多左少少米漿，所以杰身左少少。 至於黑豆漿真係好好飲，少甜好啱我呢種唔慣甜嘢嘅人嘞~ 同埋飲得出真係真材實料！ 附近有間嘢賣黑豆漿其實係黑芝麻粉+普通豆漿溝出黎... 嚇到我嘅大肚同事即刻唔敢幫襯，個BB有咩事就真係唔抵喇！而家同事日日都會幫襯亞玉買支黑豆漿， 又平又好味呀！

同好友在荃灣食完除夕晚餐成十點九，本來想買甜品返去食，點知兩間甜品店外有成起碼過百人，怕趕唔切同媽咪倒數，所以諗住唔買就算了。 行行下見到有一棚人排隊。。。原來係排隊買豆腐花！ 堂食5元，外賣6元。 佢有幾款俾客人選，例如白豆花，黑豆花，紅豆豆花，芝蔴糊豆花等等。 我就買左兩碗豆花，一碗黄糖一碗糖水加一碗紅豆豆花share。 返到去，就暖暖地，原來唔係好大碗，大約平時食開size既一半。 打開就覺得香豆味，但唔知係唔係因爲外賣加坐左幾個站地鐵，食落有啲“鞋 ”，佢落既糖水就剛剛好，唔會太甜，而紅豆加豆花都幾好，紅豆糖水起沙的，啲豆豆都爆開了，綿綿的，與豆花都幾配。 個人覺得佢幾有諗頭，五六蚊好似好抵咁，吸引好多人排隊，但係根本細細盒，成本又唔高(除左租金), 所以佢都應該唔太愁吧～

上完堂行去路德圍睇下有咩宵夜食, 行到去見有一堆人響度排隊, 睇真D原來排緊豆腐花, 隊有兩條, 亦有兩間豆花鋪, 大家都標示正宗, 其實唔係好sure邊間先係, 不過呢間亞婆響大埔食過, 果時都幾多人排, 又幾好食, 所以就排左呢間. 等左大約10分鐘左右就到, 要左熱豆腐花外賣, 外賣加1蚊, 即係6蚊, 算幾抵食.返到屋企仲幾熱, 即刻試下先. 豆腐花好滑溜, 一入口有流入喉嚨既感覺, 而且幾香豆腐味. 黃糖溶晒響糖水入面, 不過連埋食又唔算太甜, 剛剛好, 係一碗好好味既甜品宵夜.下次要響即場食, 應該會更加好味.

行完山經過荃灣，在路德圍附近見到兩間買豆腐花，兩間都好多人，排長龍，就試下呢間先，5蚊大大碗，真係好抵食，唔怪之得咁多人排隊，味道仲幾好添，好有豆味，好香滑，5蚊碗咁好味嘅豆腐花，邊度搵呀！

冬天食完晚飯，一定要食碗暖笠笠的糖水！lee間豆腐花成日都甘多人排隊，一定有原因的！好有風味啊，好似以前d人賣豆腐花甘，企喺街度食，仲要5蚊雞一碗，真係抵，豆腐花好滑，好味👍🏻

食飽飽行行吓見到阿玉豆腐花＄5雞一碗超多人排隊，就去買返兩碗來食吓。咁就買咗兩碗豆腐花一碗芝麻糊和一支豆漿。豆腐花同芝麻糊都好滑流好味，但豆漿就唔夠甜啦！不過真係超平，去邊度搵得到5蚊豆腐花呀😀