亞玉豆腐花

營業中

休息中

每次同好友們係荃灣食完飯，飽到死都好，都要去阿玉食返碗豆腐花，其實佢旁邊都有一間賣豆腐花，都有好多人食既，不過我地食開阿玉，有感情嘛，所以今次都唔例外喇。一去到又係大排長龍，雖然條龍長，但排隊其實都唔洗五分鐘就到我地買，我地一人叫一碗熱辣辣既豆腐花因為呢度既黃糖同糖水都係自助，所以我落左好多，好甜呀，食落去依然好香豆味，軟綿綿，好滑。埋單一人五蚊，抵到爛喇。佢呢度就冇位俾你坐既，要企係門口食，佢又裝得好滿，有時都幾狼狽架。不過同好友一齊食，又有個機會繼續嘻嘻哈哈，談天說地，都係一個回憶喇。下次都會再返黎食架！