亞玉豆腐花

【健身人必試！高蛋白鹹豆腐花食評💪】終於試到網上瘋傳的gym撚必備鹹豆腐花！果然名不虛傳～豆腐花口感超滑嫩，搭配滿滿的香菇、肉碎、蝦米和蔥花，鹹香十足又不會過分油膩🍲 最驚喜是加了大量黃豆和毛豆，蛋白質大爆發⚡️ 吃完滿滿飽足感，絕對是健身後補充能量的完美選擇！身為健身控，最欣賞它用料實在，一碗下肚約有20克蛋白質，堪比一杯蛋白粉的營養價值🥜 傳統豆花變身健康餐，這個創新我給滿分！以後練腿日不用只吃雞胸肉了😋 推薦給所有追求增肌減脂的朋友，絕對會回購！…查看更多

呢度嘅豆腐花真係有啲特別，唔少人都特意嚟食。最近我去咗試試，感覺幾好。豆腐花的質地滑到嚟，豆味濃郁，每一口都令人感受到新鮮豆漿嘅香味。我最鍾意嘅係佢哋的黑芝麻口味，凍食嘅時候，芝麻糊香氣四溢，甜度正好，根本唔需要額外加糖，食落去真係一種享受，特別係炎熱嘅夏天，來一碗真係無敵消暑。豆腐花上面淋上少少糖水，簡直完美，令我每次都忍唔住想再來一碗。不過，呢度人多係常事，特別係周末，偶爾來一次都可以接受。總結來講，值得一試，尤其係鍾意豆腐花嘅朋友！下一次我都會再返來，期待再嚐試其他口味！…查看更多

噚（5-4-2025 Sat）晚同老公由紅磡返到荃灣，由於有啲口喝，所以就買嘢飲，而我又覺得須要清熱氣，但呢晚又有啲涼，印象中呢喥係冇熱豆漿，但都走嚟睇吓，由於有人龍，我就可以邊排邊睇吓揀咩嘢，都好多選擇，我就決定要$8.00嘅涼粉豆腐花堂食。老闆話只有凍嘅。買完亞姐想冚蓋時問我唔落糖漿？我答堂食，於是佢唔冚蓋，我就拎紙湯匙同加蔗糖食，今次豆花豆味夠，同涼粉一樣咁滑，少甘嘅涼粉亦唔太腍，加上脆甜蔗糖，就更加係好味。2025年3月7日刊登嘅呢篇：https://www.openrice.com/zh/hongkong/review/y-%E5%94%94%E5%A4%A0%E5%87%8D-e5941478…查看更多

荃灣食完飯最好不過去路德圍到食返個糖水，因為冬天想食少少熱野，所以揀左亞玉豆腐花。亞玉既豆腐花仍然都係裝得滿滿而且好有豆香味，我好鐘意落大量既黃糖，另外溫度就岩岩好適合入口～朋友就鐘意食豆腐花加紅豆，都睇到有唔少紅豆架，價錢仲要一樣，都只係$8，真係好抵食，又夠飽肚～～我地都係鐘意食亞玉，好少幫襯另一間～因為亞玉服務都好好。下次應該要買埋綠豆豆腐花，同埋呢到買返屋企食都好方便，食完呢間又可以買第二間甜品店。…查看更多

#20250221 🤍📍 #亞玉豆腐花 荃灣荃興徑6號昌泰大廈地下5B號舖 🍽️紅磡｜元朗｜屯門均有分店➖➖➖➖➖➖➖➖➖➖➖➖➖➖➖➖➖#涼粉豆腐花 $8💭 尼過路德圍搵食既都唔難發現呢度成日都會有場豆腐花爭霸戰，唔想排隊所以揀左間少人啲既，唔知係咪凍食既關係，豆腐花得石膏味無乜豆味，反而涼粉個甘草味好出，下次可能食熱食好啲～.#香滑砵仔糕 $4/個💭 砵仔糕係一樣耐唔耐就會想食，但想食果陣又好難搵既野，縱然依家出左咁多新野，始終都係鐘意食啡色同埋多豆既，呢個其實唔算滑，不過$4買個過下口癮係幾抵🫘.…查看更多

如上篇棟篤食食評講，2-3-2025（Sun)食熱氣嘢，就要即刻清熱氣，買咩清？就近嘅豆腐花啦，於是行嚟睇，見到呢間多咗嘢賣，睇完後，就決定要$14.00嘅菊花薏米水同$25.00嘅紅豆豆花豆漿。我哋都等咗幾耐吓至有，然後搵地方坐低食同飲，搵到喇，飲吓先，兩樣嘢都已經唔凍，亦唔甜，尤其是紅豆豆花豆漿，豆花散晒，成個豆味好似欠奉，而老公話店員舀完後，即刻冚實，都唔俾自己加糖漿。味道分：菊花薏米水3.5分， 紅豆豆花豆漿0.5分上次食評係2022年1月26日刊登嘅呢篇：https://www.openrice.com/zh/hongkong/review/yeah-%E9%83%BD%E4%BF%82%E6%97%A8%E5%9C%A8%E6%B8%85%E7%86%B1-e4312602…查看更多

之前亞玉同隔離間豆腐花舖頭爭住減價，搞到街坊都搶住買😂，依家個價錢終於正常返，都仲算幾抵食💲。**黑芝麻豆腐花 🖤 $8**呢碗黑芝麻豆腐花，賣相幾靚😍，黑芝麻味幾濃郁芝麻味🖤，豆腐花滑溜順滑😋，口感幾好！甜度適中，唔會太甜膩🥰，整體幾好食👍🏼！份量都幾多，夠晒滿足😌！天氣熱🥵食碗凍冰冰嘅豆腐花，真係一流🧊！🌟 **亞玉豆腐花**📍荃興徑6號昌泰大廈地下5B號舖________________#eilidh_lifestyle #foodie #亞玉豆腐花 #荃灣 #荃灣美食 #豆腐花 #黑芝麻 #甜品 #甜食 #好食 #好味 #美食 #食評 #餐廳 #hkfoodie #hkfood #instafood #相機食先 #荃灣甜品 #滑溜 #順滑 #濃郁 #甜度適中 #抵食 #平價美食 #消暑 #夏天美食 #涼 #凍冰冰 #滿足 #好味…查看更多

以往都間唔中買阿玉，係個阿姐‘筆’嘅，今晚買4個豆花，我同個男人講，我前後要4個豆花，兩個係冰糖，1個芝麻糊豆花，兩個薑汁。佢最後攞左兩個出嚟，1個加完芝麻糊再加薑汁，另一個落薑汁，我話我要4個喎，然後上面對話重覆一次，佢話我講得亂，唔知我講乜最後廢事煩，嗰個有芝麻糊有薑汁嗰個我都照要，我真係唔明我呢番說話有咩咁難明？已經開宗明義講咗前後4個，都已經好清晰啦！你地明唔明我講乜？係我有問題定佢有問題？反正我以後都唔會再幫襯佢！…查看更多

嚟到荃灣記得呢度有兩間豆腐花成日鬥假，但係價錢唔貴之餘質素OK， 所以呢日就特登過嚟路德圍呢度食 順便行街！買咗碗紅豆豆腐花好好味呀，果然冇揀錯！都係$8咋！紅豆沙可以揀有陳皮或者冇陳皮，我梗係要有陳皮㗎啦！果然粒粒紅豆沙有啲陳皮味，起沙得來又有顆粒豆腐花香滑又有豆味好抵食！男朋友仲介紹我加$3要買個砵仔糕雖然係少少淋淋嘅口感 但係好結實有幾特別喎！而且連呢啲砵仔糕上面嘅紅豆都好好味好有豆沙咁而且份量唔少你明唔明我講咩啊？…查看更多

原本以為外賣不用加一蚊同隔離差不多價錢，而無人排隊，又無太在意為何咁大分別，但估唔到就是一條大伏線！買左一碗綠豆腐花，但一打開蓋好陣酸味！再試少少之後覺得係變壞左的酸味。嘗試打電話去希望可以叫店員或店主注意收回唔好再害到人，但電話是打唔通的。無辦法之下，所以唯有係OpenRice 上食評，唔知道店主會唔會睇到，但希望其他食客留意！不要再光顧賣酸綠豆沙豆腐花的商店。謝謝！…查看更多

深夜路過路德圍，打算叫飯後甜品豆腐花，見呢間少啲人排隊就揀呢間，點知係有原因😑店員態度惡劣，order嗰陣掙扎緊食邊種口味豆腐花，店員問食咩之後諗咗10秒左右，店員已經好唔耐煩，我明你一日可能要serve好多人，但我得罪你？食物質素同樣惡劣。最後決定原味凍豆腐花，諗住原味實無死，點知食落去完全冇豆味，食咗一半就已經頂唔順要抌。貼錢買難受，寧願去一間店員態度正常啲 價錢貴啲嘅餐廳食，起碼以後唔會幫襯呢間，會幫襯隔籬嗰間😅…查看更多

➲ 元朗 亞玉豆腐花➳ 黃豆豆腐花 ⁽⁵/¹⁰⁾豆腐花係滑嘅，但普通，不過不失。➳ 客家糍粑 ⁽¹/¹⁰⁾花生加芝麻餡，好大粒，皮薄爆餡，微甜，但一入口有陣百花油味，味道上麻麻。⤵ 亞玉豆腐花元朗阜財街2號宏豐大廈地下12號舖 …查看更多

講到荃灣嘅豆腐花，就不得不提阿玉同旁邊舖頭嘅低價大戰⚔️當然依家已經回歸正價🤣芝麻糊+豆腐花（凍）💲8小鳥胃嘅🐻🐻‍❄️只係叫左一碗share，即場企街食埋，🐻一啖🐻‍❄️一啖💛，作為甜品淺嘗一碗都夠👍🏽不過要𢳂到一啖完美融合豆腐花同芝麻糊，都唔係咁容易，真係🐻‍❄️「如果太多糊甜味，豆腐花味無訂企；如果豆味返返嚟，芝麻糊又唔爭氣🎶」整體來講，🐻芝麻糊同豆腐花有少少靈肉分離，兩樣分開都好味，芝麻糊夠甜😝豆腐花有豆味，加上夏天凍食💕就係降溫良品😆🐻‍❄️不過$8呢個份量同味道，非常收貨啦！👍🏽👍🏽👍🏽…查看更多

荃灣區平靚正之選每碗豆腐花都是$8碗😋·🤍白果薏米豆腐花這個白果薏米糖水已經很甜 （如果您不是喜歡食超甜的話 建議不要另外再加糖了）·🤍姜汁豆腐花姜汁味道還算濃郁 可自行在桌上加糖😬·豆腐花不是很滑的那種 豆味還是可以的但$8碗 ok啦～·砵仔糕 $15/5個 這價錢平到無話可說！好食！…查看更多

豆腐花色澤潔白，質地柔軟，口感順滑，令人一口接一口，欲罷不能。豆腐花的味道十分純正，沒有任何添加物，帶有濃郁的大豆香氣。甜度也十分適中，既不會太甜，也不會太淡，讓人吃起來非常舒服。可以選擇其他，如紅豆、黑芝麻等，增添豆腐花的口感和風味。但本次先試原味看看，真的好食，值得推薦。…查看更多