亞玉豆腐花

營業中

休息中

中午時段，因要外出公幹，去咗荃灣跟進某一個工程嘅進度，所以去咗地鉄站付近食午餐，食咗午餐後，諗住有啲時間，就係付近行咗一陣，見有間小舖好多人排隊，就睇吓有乜攪作，原來係一間賣豆付花嘅店舖，重有好多選擇，有砵仔糕， 豆漿 ，糯米糍，芝麻糊，我揀咗出名嘅豆付花同埋糯米糍，加埋一碗靚靚芝麻糊，還有一支豆漿係外買嘅，豆付花係要落少少糖先好味，糯米糍皮薄超多餡，芝麻糊煮得比我預期嘅出色，入口有好重嘅芝麻味，真係估唔到 街邊檔都有咁出色嘅甜品，过兩日一定要再來食过，因為近排公司多數派我外出跟啲工程進度，又要趕住返工了。

跟朋友食完了晚飯，心血來潮想吃個糖水甜點，走到這家亞玉豆腐花，早在朋友口中聽過他們在元朗的大名，聽說他們每晚也排著隊，現在不用和朋友走到元朗，也可以在荃灣品嚐。第一眼看到他們的價格全都是二十元有找，在今時今日的香港想吃個糖水也要三四十元的物價下，竟然還有如此便宜的價錢，真的要讚他們真是佛心小店 。我也不客氣的先點了他們的招牌黃豆豆腐花（$8），天啊真便宜，黃糖，糖水，薑水全自助，想吃多甜自己決定。 味道方面，食到豆味夠香，豆腐花十分滑，真材實料。 而我朋友便點了他們的秘制芝麻糊（$12），口感一流，芝麻味味道夠濃同時也夠滑，又是吃得出的真材實料。食完豆腐花真是被甜品吸引到停不了口，我又叫了一碗涼粉食（$10），姐姐告訴我們說涼粉是自家製的！加上花奶真是絕配！整體可以，當然重點是流口水的價格。我們食完最後還點了他們出名的客家糍粑（$15/3)。客家糍粑，皮薄餡靚，黑芝麻餡混入了花生，食到花生粒的口感，味道夠香夠濃又是真材實，每一粒都分量十足，大大粒。最後要讚姐姐的態度很好，有問有答，值得支持的小店，下次再來！

作為嚐甜的女孩 👧🏻 我向來都愛吃甜品，今日同朋友在荃灣食晚餐，趁未夠鐘就帶朋友到荃灣路德圍阿玉豆腐花，我不嬲都愛豆腐花，而且不論區內人或者到過荃灣的人都知豆腐花超抵食，因為這邊上演「豆腐花生意爭奪戰」，兩店之爭，得益的一定食客，可以用$5在今時今日吃到一碗暖笠笠既豆腐花真是平靚正✌🏻亞玉豆腐花在元朗起家，以綠色作背景招牌很奪目，而且堅持每日新鮮製作✊🏻 豆腐花有4款（包括紅豆、芝麻、黑豆、黃豆）都是親民價$5-$8，凍的加多一蚊，另外仲有咋喳、芝麻糊等中式糖水 ，總有一款岩你心水🤡💕秋意漸濃🍂吃豆腐花也可以點熱的，我個人覺得熱豆腐花的風味較冷的更佳，我跟朋友都挑選了黃豆豆腐花，可以在旁邊按自己的喜好加上黃糖，糖漿或者薑汁，因為自己怕薑味，所以只加前兩者 ，豆腐花入口滑溜，舌尖碰到就化開仲有豆味，恰到好處👍🏻
朋友點了阿玉的自家製涼粉，涼粉可自選配紅豆或花奶，朋友選花奶🥛看起來分量也不少，她說涼粉帶仙草味，口感爽彈滑溜，是不錯吃的✌🏻吃完豆腐花後，看到店內個大盆盛載著一個又一個既砵仔糕，口癢的我們又禁不住多點了兩個不同款式的砵仔糕，由於剛做起的關係，拿上手還是暖笠笠的～～朋友不喜歡有豆

有朋友住喺荃灣佢會周圍帶我哋去附近搵嘢食自從有一次佢帶咗我呢間亞玉豆腐花之後幾乎每一次我嚟到荃灣都會外賣兩碗返屋企自己食同埋畀屋企人食呢日都唔例外因為我屋企人都想食芝麻糊所以我買一碗芝麻糊同一碗豆腐花返屋企自己兩溝咁樣豆腐花嘅水分就唔會溝稀到芝麻糊豆腐花依舊好滑、冇雜質而且豆味都好香平時就算夏天我都會買熱嘅豆腐花因為熱嘅豆腐花會比凍嘅更加滑、更食到豆味另外芝麻糊亦都有好香嘅芝麻味好滑，感覺好足料除此之外嗰度嘅店員就算好忙但係態度都幾好值得我每次經過都會幫襯

講到食糖水，我都有番咁上下資歷，要搵平價糖水，通常得兩個選擇，一係粥店，十二三蚊有交易，一係就超市波仔果啲預製糖水路德圍真係咩事都可以發生，喺明記賣緊廿幾蚊個紅豆沙綠豆沙嘅時候，隔兩個舖位嘅亞玉豆花，竟然推出新品試食優惠，$10一碗喳咋(外賣加$1)喳咋喺中式糖水入面，算係多料多功夫成本相對高嘅款式，一般都賣$20以上，亞玉竟然賣$10，喺路德圍黎講，真係租都唔夠交碗野雖然唔算大碗，但係佢好足料，數一數都嚇親你，紅豆綠豆麥米紅腰豆花生西米眉豆，又唔會水汪汪，不過西米係後加，喺雪櫃筆出黎，撈勻之後，令到碗野降左溫，影響香味，但係$10呢個水準真係無得輸

荃灣路德圍一帶多街檔就係人都知，今日我同朋友就來到尼度掃街，食完辣魚蛋我提議整番碗豆腐花解解辣，同行友人也舉腳贊成我地揀左尼間亞玉豆腐花試下，見佢有成三間分店，老字號，而且門口聚集不少食客，應該實無死自家生磨芝麻糊，日日新鮮製造，似乎幾吸引熱豆花5蚊，凍豆花6蚊，好抵食啫豆花都有4款口味，另外仲有豆漿，砵仔糕，客家糍粑，綠豆沙，喳咋，涼粉等供應，包羅萬有黃糖砵仔糕好吸引客家糍粑好似糯米糍咁，好想食但已經太飽，下次吧最後叫左黑白凍豆花各一，好鍾意尼種碗，夠懷舊注意⚠️糖水，黃糖粉，薑汁可按自己口味加入，咁又幾好，可以自己調教甜度，非常細心黑豆花夠冰凍，大大碗，好濃豆味，不錯的白豆花同樣冰凍，而且比黑豆花幼滑，朋友都話正下次經過一定要再encore，大家有機會都來試下啦！

每次經過呢度 總係想要食番碗豆腐花或者買枝豆漿飲 因為佢真係真材實料 食到飲到濃濃嘅豆味😋😋所以每次黎都見到好多人一齊拎住個碗 食緊豆腐花🤣今次我就叫左熱嘅芝麻豆腐花 芝麻糊加上豆腐花原來都好夾 加左香濃嘅芝麻糊之後唔洗再加糖都好夠味 感覺更健康👍🏻食完豆腐花 仲叫左枝黑豆豆漿、客家糍粑同砵仔糕攞番去同屋企人食糍粑個糯米滋皮又簿又Q軟 入面嘅餡料有花生同芝麻 好好食😋😋砵仔糕有得揀有紅豆或者原味 我自己就最鐘意有豆嘅 而且呢到嘅砵仔糕仲好多豆 夠足料 正😋

荃灣一直都有好多野食，每次食完飯，都會係呢條街買杯野飲下濕濕咀💦 平時行過呢兩間豆腐花店都例排一條人龍。阿玉既芝麻糊就貴d，12元碗。豆腐花就同隔離一樣價位。雖然話貴d，但12元其實一點都唔貴，佢既芝麻糊真係真材實料，黑芝麻味好濃厚，食落都有d芝麻既口感，但仍然好滑，媽媽每次都會叫呢個食。我就叫左碗黑豆豆腐花。望落比豆腐花係灰少少，食落同正常既豆腐花味道差不多，都幾有豆味，都好滑。只係加左少少糖水同黃糖都夠味，太甜會蓋過豆腐花既原味除左豆腐花同芝麻糊，佢都有其他野賣，我每次食完都會買支豆漿飲。今次買左黑豆豆漿，少甜。第二日做早餐飲，豆味同豆腐花差不多，都好香豆味

身邊好多朋友都羨慕我住喺荃灣，因為呢度出名多好嘢食，眾所周知嘅路德圍更加係搵食熱點！我諗唔止荃灣人，連區外人嚟到呢度都好容易知道邊間係出名邊間係伏，因為出名嘅一定大排長龍。唔難發現有兩間相連嘅豆腐花仲係競爭劇烈，幾乎每個時間都大排長龍，原因係因為佢哋嘅豆腐花又平又靚，低至$5就可以食到一碗又香又滑嘅豆腐花。今日我就試咗阿玉豆腐花，綠色招牌好易認得出。四點左右人龍依然不斷，其實主要係因為見到佢有糯米糍，所以就好想一試。.客家糍粑 $38/8粒皮薄餡靚，一盒八粒，除翻開都係大約4蚊一粒。飽滿嘅黑芝麻餡混入咗花生，所以仲會咬到有花生粒嘅口感；味道唔會好甜，芝麻餡好香好濃；每一粒都分量十足，仲係每日新鮮即製！.豆漿有原味有黑豆漿，偏愛黑豆產物嘅我揀咗後者少甜。豆味濃郁，仲好香滑，甜度適中，飲晒成支都唔會甜到漏。.小店仲有售賣其他唔同類型嘅食品，例如迷你砵仔糕、咋喳、紅豆沙、芝麻糊......全部都平靚正，姐姐服務態度仲好親切，唔會因為價錢平所以冇服務！可惜嘅係雖然甜品係另外一個胃，但都唔能夠容納咁多款食物，唯有下次再嚟過啦！

位於荃灣，俗稱路德圍既食街，愈來多珍珠奶茶店。而開業數年的阿玉豆腐花， 仍然屹立不倒， 晚晚都排長龍。平，靚，正 黃豆豆腐花黃糖，糖水，薑水都可自助地加潻。芝麻豆腐花，濃濃的芝麻味一人一碗，美味極了

睇我IG post都知我成日食豆腐花，其實最近差唔多晚晚都食一碗，夏天食凍冰冰食落口好爽，冬天食暖笠笠好暖胃，閨蜜公司附近有元朗阿玉豆腐花，每日新鮮製造，$5有一碗(凍食加$1)，抵到咁～成日都見條人龍排隊入口滑o都o都，豆味都幾濃郁，有冰糖/薑汁選擇，個人偏好薑汁多d，同埋鐘意即食，可能個傳統碗盛載下心理覺得更加好味，講返事實先，即食入口冰涼d豆漿都係熱賣產品！見到幾個排隊男士幾支幾支咁買，比起加工飲料豆漿平價又健康除咗豆漿，香港特式小食砵仔糕，客家糍粑都好抵買，仲有其他糖水可單點或溝豆腐花食都得每次經過見到咁抵買真係忍唔住口，相比起糖水舖$20-$25碗真係覺得唔食對唔住自己

是日放假俾朋友拉出黎荃灣Hea下行下街😏還掂我預早時間出黎等佢🤪順便去路德圍附近食個豆腐花等下朋友仔啦😆位於荃灣荃興徑既亞玉豆腐花遠近馳名相信熟呢頭都知經常有長長人龍等食😆雖然隔離有檔競爭對手🙊但正所謂有競爭先有進步😆反而近年亞玉愈做愈有Heart☺️出特價優惠同埋保持高質素😋最緊要大碗夾抵食🤪芝麻糊豆腐花熱辣辣最啱凍食消下暑🤤🌤嫩滑既豆腐花配上甚有麻香既芝麻糊🤤食落香滑又有微微磨粉既口感亦顯真材實料😋😆成碗捧住喺街食亦風味十足😆紅豆砵仔糕食緊芝麻糊豆腐花之際見有砵仔糕新鮮出爐🤩心心眼既小肥當然唔執輸整返舊啦🤪砵仔糕清甜有滿滿紅豆粒充滿口感之餘🤤亦帶點微微黃糖香甜點合宜☺️夠哂足料🤤

荃灣兩間豆腐花舖惡性競爭減價益左消費者其他分店無咁平架-豆腐花 $5個人覺得亞玉比隔離滑d豆味濃d😋😋😋😋-中意豆腐花溝其他野既隔離舖抵d😅-而架成條街充斥珍奶舖其實多元化d會更吸引🤷🏻‍♀️

我好鍾意食豆花因為可以自己落糖控制甜度(我有糖尿病, 只可以落代糖)去到邊都會試下豆花荃灣的阿玉係我心水之首選原因好簡單:好好味: 夠滑, 豆味香濃, 絕不是機製的口感價錢平: $5一碗, 外賣/凍食加$1, 絕對超值(雖然貴過隔離店, 但我試過隔離店的, 無乜豆味, 滑到好似超市買的預先包裝豆花)夠環保: 歡迎自攜兜去買, 又可慳$1外賣錢, 又會大兜d, 一舉兩得夜鬼一族: 老細及員工超落力, 晚晚成1點幾先收舖, 有時夜左放工, 仍有機會買碗回家, 是辛苦一天後的最佳享受!小店的經營很不容易, 希望大家試下, 好味的話, 再宣傳開去!

宵夜時間荃灣都仲係好多野食，見到e間豆腐花排哂隊，一如就試下先！ 見到價錢仲以為自己眼花，五蚊碗豆腐花！抵到呢，排左一陣，叫左原味熱，豆味夠香，好滑，正係認真平靚正