亞玉豆腐花

營業中

休息中

好耐之前喺雜誌睇到荃灣豆腐花減價戰，估唔到而家都仲有 🙈🙈🙈 左右兩間都排曬長龍， 我是但揀一間 😂 雖然人多，不過好快就排到😝 今次試咗黑豆豆花 $3滑捋捋，就咁試左一啖好香黑豆味😳😳😳 不過初完黃糖一齊食就變咗同普通黃豆豆腐花一樣味😂😂😂 其實下次可以直接嗌黃豆豆腐花$3， 或者雙拼$3😂😂😂 全部都抵到爛!!!

早前在綜藝節目中報導過在荃灣有兩間豆腐花甜品店鬥得難分難解，今天有幸路過，實在要見識見識。從遠處望去，已見兩間甜品店的舖前比其他店舖人多。行近一看，第一時間真的不敢相信自己的眼睛，豆腐花竟然賣HKD3元一碗。在這個百物騰貴的時代，實在是難能可貴。當下就把握這個機會，點了豆腐花溝香滑黑芝麻糊。芝麻糊較熱，入口確實又香又滑，份量有三分一碗左右。豆腐花是點了凍的，但被芝麻糊温了。入口亦十分香滑，黃豆味濃郁。希望下次再來荃灣時，有機會一試其他甜品。

今日行開荃灣揾緊餐廳落街之際，比我終於遇到依間報紙都報過既三蚊豆腐花！ 係三蚊既豆腐花呀！佢除左一般原味黃糖，仲可以仼你溝，可以揀芝麻糊呀，紅豆沙呀想點都得，都係三蚊！我就咀deal啲，要熱既豆腐花加凍既芝麻糊，姐姐有求必應，非常熱情大方接受仼何挑戰，一啲都唔會嫌你麻煩，而且手腳超快，揀堂食特別有風味，而且好環保。相比隔離鬥到你死我活既兩蚊豆腐花我就唔多撐，手腳非常慢，我排完食完拍蘿友但佢條隊仲好似屯門公路咁郁都冇郁過，減到兩蚊撼人何必呢？

放工出左荃灣食晚飯，飯後經過路得圍，忍唔住要幫襯亞玉豆腐花，$3一碗，真係好平，我揀左一碗熱豆腐花，老公揀左一碗凍豆腐花，豆腐花好滑，加埋黃糖，夠晒甜，食落不燙口，最佳飯後甜品！

$3豆腐花😂 你無睇錯，我亦都無講錯！！！之前睇新聞，無論電視定網上既媒體都有講呢件事，就係荃灣有兩間豆腐花店係開正喺隔離，經常性排長龍。。。點解？因為佢地鬥爭得非常激烈，一間$2而另一間就賣$3，鬥左一段時間，兩間都好長人龍，有評論就話呢間$3好食過$2嗰間，我唔評論，但其實$3呢碗我覺得麻麻地。呢碗豆腐花，質感唔夠滑溜，而豆味係完全無。但係又咁講喎，呢度只係$3一碗，其實又無得要求太多既。食完之後將個碗放番落個桶度，拜拜呢條咁長既人龍。亞玉豆腐花荃灣荃興徑6號昌泰大廈地下5B舖

未食早午餐，第一餐就食左飯後甜點先🍧。我同朋友點左芝麻糊溝豆腐花，同紅豆豆腐花。兩碗只需6元，超抵食👍🏻，出面都無乜可能會賣到咁平。最少都賣成15元或以上的價錢。唔好以為平就唔好食，唔係都唔會咁多人排隊。芝麻糊豆腐花無加黃糖，薑水等，都已經好好味，豆腐花好滑。紅豆豆腐花，紅豆有口感，軟硬適中。

今天特地去荃灣食荳花之前看了報導過！$3好平！叫又一個紅白～紅荳荳花黑白～芝麻糊荳花兩個都是$3可以自己加糖或是糖水！值得一讚是用瓷碗，會回收清洗十分環保和有種80年代在外面掃街的感覺！當時的小販都是用這樣的碗在街頭買的！荳花味道上可！不過芝麻糊和紅豆沙都十分好食！總結：味道～不錯👍🏻服務～不要問！價錢～平但是排隊排了好久-好久亞玉旁邊還有一家都是$3我都有試！想知就看我另一個食評。謝謝🙏🏻

天氣寒冷，經過荃灣路德圍附近，遠遠就看見長長的人龍，走近看原來是排隊買豆腐花的。早就聽說有兩間豆花店掀起了劈價戰，每碗只賣$3。今天和友人一起試了亞玉，點了最黃豆跟黑豆豆腐花。買到了豆腐花就跟其他人一樣站到路一旁吃，別有一番風味。雖然只賣$3，但絕對不是將貨就價，平常飯碗的大小裝滿豆腐花，再灑上黃糖，暖暖的非常適合凍天吃。兩碗豆腐花都非常香滑，黃豆豆花有非常香濃的豆味，黑豆豆花則有他獨特的清香。我比較喜歡黃豆豆花，友人則比較喜歡黑豆豆花。

自從有報道話荃灣出現豆腐花價格戰之後，豆腐花由原本$5碗變到而家$5蚊可以食到兩碗~~~Unbelievable~~~為左"支持"係價格戰中苦苦支撐既店鋪，幾日前我就去排下隊，食碗<阿玉豆腐花>~~~大部分任溝既豆腐花都只係$3，真係好易令人有選擇困難症~~~黃豆豆腐花 - 與鄰店相比，滑度可能有所不及，但豆味更濃~~~黑豆豆腐花拼芝麻糊 - 女朋友話黑豆豆腐花豆味比黃豆豆腐花更濃，但芝麻糊質感較稀，味道唔多夠~~~查實以$3既價錢，食到碗有質素既豆腐花仲可以任溝，大家仲想點呢~~哈哈~~

荃灣兩家豆腐花爭到上頭條！唉～記得N年前兩家都係賣$8 ～ $10，之後開始減到$5，之後再減就變成雙併$5。但一去到過年過節兩家又有共識咁變回原價 $10！點知無去一排就搞到咁，何必呢？講返亞玉，雖然佢賣貴少少 $3，但係睇真啲嘅話就知佢其實抵啲！因為佢單併、雙併、冷熱都係同價，外賣亦唔駛加錢，相比隔離係抵啲嘅！尋晚一行三人叫咗一凍一熱豆腐花，一碗凍芝麻糊併豆腐花。豆腐花 - 豆味幾濃，豆漿好厚身，食落有質感！熱食比較嫰滑，咕咕嚕嚕就已經鯨吞一碗。凍食碗碗透心涼，但就冇咁滑溜喇！芝麻糊併豆腐花 - 芝麻糊唔算好濃好杰身，併埋豆腐花甜度剛好，以$3 嚟講真係天下無敵！雖然阿玉處於減價戰，但仍然無忘初心，做好每碗豆腐花，好感動呀！

經過新聞報導之後, 好多人都知荃灣有兩間豆腐花小店係度鬥過你死我活。兩間鋪外面經常聚集大量食平價豆腐花既街坊。前兩日經過見到竟然唔算多人, 兩邊都係得十個人到, 所以就同朋友貪得意排下隊試下。亞玉比隔離貴一蚊, 但呢間賣咁多年豆腐花都出名, 所以都揀左亞玉。叫左兩款黑芝麻同埋新出既白果意米, 佢仲有得俾你揀黑豆造既豆花。其實3蚊碗豆腐花真係冇咩好批評, 白果意米甜左少少, 如果冇咁甜會更加好。最後仲買多兩碗外賣返屋企(外賣加一蚊)。希望之後兩間小店可以良性競爭落去啦。

上網見到話荃灣有豆腐花減價戰而係討論區見到網民為亞玉拉票我大為感動所以決定身體力行去支持亞玉三蚊係香港地做到d乜丫呢碗只賣三蚊既豆腐花竟然滿到就黎瀉～～又係黃糖任落食落又滑又足豆味希望大家都可以比多一蚊去抗衡以本傷人既商家💪🏻💪🏻💪🏻

話說上星期拎左部電腦黎荃灣整，今日已經整好可以去拎走啦，上星期試左隔離舖間豆腐花，今日就要試埋亞玉啦，我見有黑豆豆腐花，一於試下佢啦，黑豆冇咁寒涼嘛，又係下午4點到達，今次亞玉少啲人排隊，不過都要等十個八個架，阿姐好好笑容，好快咁比左碗熱黑豆豆腐花我啦，都係自助落冰糖水及黃糖，唔知關唔關黑豆事，我覺得豆腐花唔算滑身，反而有少少鞋口咁添，黑豆味唔算濃，同埋唔算太黑色(我以為會深色啲呀～)，不過咁抵嘅價錢真係冇投訴呀。下次唔知幾時先會再黎荃灣啦，或者再黎時打完減價戰都唔定呀

之前睇電視，話有兩間豆腐花店做減價戰減到3蚊同2蚊🙀🙀🙀於是就過嚟排下隊，試下佢🤤🤤🤤一嚟到，果然有好多人排隊但朋友仔話3蚊嗰間係好食啲咁我哋就排3蚊嗰間雖然望落條排超長，但排隊時間唔算好耐排左一陣就到我地嘩嘩嘩！原來連雙拼都係3蚊！！！！雙拼有咋喳、紅豆沙、綠豆沙、花奶、芝麻糊、涼粉，同新推出嘅薏米白果選擇！真係好抵呀！！！！！！咁我哋梗係一人叫一碗啦🤤🤤🤤叫左花奶、芝麻糊、原味，我就叫左薏米白果嚟試下！因為加左薏米白果，本身有甜味，所以唔洗額外加糖都夠味！豆腐花好滑！🤤另外仲試左砵仔糕！都唔錯，唔會好淋！

同友人們食完拉麵之後，甜品就係下一站啦，唔知道荃灣呢度近排有單新聞，講兩間豆腐花舖爭得好勁，齊齊玩大減價，每碗豆腐花都係只買兩三蚊，真係唔知佢哋點樣可以賺到錢。咁而家一減價到呢啲價錢，食完飯八九點呢啲時間就係排隊既高峰期。排隊排到要等成10幾廿個人先可以買得到。不過店員手腳快，半分鐘就有得食。我今次就試咗個芝麻糊豆腐花雙拼，自己唔係好好甜野，所以冇落任何黃糖同埋糖漿，就咁原味就已經足夠啦。$3來講豆味已經算比較出，都算幾滑，合格以上啦。芝麻糊都唔算話甜，配豆腐花都夾夾地，如果要我就咁食一碗芝麻糊嘅話會覺得太膩，有豆腐花夾埋一齊食就啱啱好。