亞玉豆腐花

營業中

休息中

由原價到10元……再到8元…………繼而到5元。當全世界也以為它和“旁“的同行大鬥法巳到尾數時。今天一見……只需3元！還可以選加一種味道！我選擇了綠豆 豆腐花。 綠豆雖然不是大粒和煮至起沙，但也不是只有绿豆水的，可以清楚看到海帶和綠豆。豆腐花質感算滑，不是死硬 ……用大量石膏粉所做成。 有微微豆香。份量比“旁“ 大碗。黃糖可以自己再添加。碗和匙十分清潔，全部反光冇污垢，環境在街站著食但冇任何臭味。以現今這個價錢有這水準！絕對有80分以上！

約咗班朋友八點鐘喺荃灣食飯，我同男朋友收工過荃灣好近，七點鐘都未夠就到咗😂由於未夠鐘食飯，我地兩個悶悶地行到嚟路德圍，見到有兩間鋪頭門前排晒長龍，兩間都係賣豆腐花，之前大概有望過下佢哋互相競爭嘅新聞，好似賣到兩蚊一碗都試過。呢日嚟到係賣三蚊一碗嘅💁🏻我同男朋友一人排一間，反正都係三蚊碗，食兩碗都只係六蚊😂同時間食，先做到比較，知邊間更適合自己口味🙆🏻男朋友叫我排亞玉，亞玉少啲人排，唔洗等咁耐，佢自己就排多人嗰邊🙆🏻無錯！三蚊講緊嘅唔係齋豆腐花，係可以配糖水㗎！黃糖，糖漿自助。⭐️芝麻糊豆腐花芝麻糊幼滑香濃，豆腐花明顯豆香十足，甜度適中，口感好滑溜👍🏻由於食豆腐花慣性落黃糖，就算有芝麻糊都照落😂溝埋一齊一樣好味🤤📝雖然隔離店同樣價錢大碗啲，但味道嚟講個人認為亞玉取勝🏆

今日eatmug9 #22喺附近食完個lunch 未夠飽喎 咁點呀？咪繼續食囉行行下行咗去前排節目有報導嘅豆腐花店面前相信幫襯得嘅朋友都知道佢係以平到出血嘅抵食價作招徠大佬呀5蚊都唔洗就有碗熱辣辣又夠濃味嘅豆腐花幫襯得都會諗 "係咪咁平呀?有冇得賺㗎"簡直係窮人恩物芝麻糊豆腐花(唔洗$5)唔好以為條龍好似排公屋咁長 就要排好耐事實上店入面啲姐姐嗰嗰手腳都好快態度又唔會因為咁多人輪而忟排5-10分鐘 乜都有得食

🇭🇰#香港捐窿捐罅記 instagram: foodkiller_dk香港人肯為食物排隊就大家都知 之前係荃灣果兩間豆腐花店為左一啖氣 互相做難市 搞到日日都大排長龍 果日難得去到 當然要去下啦一試就試左貴d（$3）果家先 一入囗不得了 我以為係叫左舊擦膠食 而唔係豆腐花 又鞋又硬差少少硬過我條命 至於有冇豆味 咪玩啦 佢有落豆去整已經好好 我以為係用擦膠碎溝出嚟 本身想比3分佢 配合返個價錢 不過睇在佢咁平既份上 比多一分佢🙂好心佢 比d心機做 我唔介意比多一，二陪價錢 食d更好味既豆腐花總結來說 咪鬼去🤮-🎈荃灣荃興徑6號昌泰大廈地下5B舖平均傷害：$3好味值：4/10...

每次經過荃灣路德圍 都會有兩條好長既人龍 排隊買緊豆腐花 因爲兩間豆腐花由以前已經好抵既5蚊變到賣緊3蚊同2蚊 而我不嬲都覺得亞玉豆腐花滑啲重豆味啲 所以就冇排2蚊既贊和豆品 食返亞玉豆腐花任溝 薏米 紅豆 芝麻糊全部都係3蚊碗豆腐花一如既往咁滑溜 但係豆味感覺冇以前咁重薏米好有咬口 甜度配上豆腐花剛好芝麻糊香濃幾稠 兩者攪拌後好夾 整體就冇咁甜紅豆幾淋 甜味天然 不過配上豆腐花就比較膩黃糖永遠都係同豆腐花最夾3蚊碗 真係試埋其他配料 咋喳 綠豆 花奶 涼粉 黎個豆腐花放題都唔錯

黎得荃灣有點可以唔食豆腐花。係兩間豆品舖惡性競爭下，令豆腐花嘅價錢變得異常咁便宜。話雖如此，要揀都應該揀正宗嗰間嚟食。嗌左碗芝麻糊豆腐花，芝麻糊非常重黑芝麻味，非常可口。而豆腐花亦都非常香滑。

年三十晚，早收工，可以有時間去亞玉排隊。比著平日，我就唔會花時間喇，似乎會大排長龍。隔離的競爭對手都冇開到，自然當日生意都好旺。當日都見到人龍，但排左5分鐘就到。聽到好多客人都買豆腐花溝喳咋，相信喳咋都幾好吃，所以就決定外賣一碗回家。各款糖水都係8蚊，外賣加多1蚊。排到我的時候，喳咋已經賣晒，我只好買3碗芝麻糊。（後面姐姐仲買了5碗芝麻糊，心想應該ok喎）番到家叮熱吃，8蚊點會係生磨芝麻糊吖，所以都冇咩芝麻味，但係都唔會好甜。

this is the best soya production in Tsuen Wan Products ranging from sesame 🥜 peanut machi and soya drink so fresh and red bean rice pudding apart from the smooth aromatic soya pudding my fave is their red bean rice pudding the sweetness is just so right machi ingredient is so full and rich Support you forever

朋友之前推介過我去食，同埋之前都有留意過，而我又得閒無所事事就去食。豆腐花好滑，唔加黃糖同薑汁水都一樣咁好食。而且價錢又平，出面都無乜可能食到。真係平靚正之選。

剪完頭髮四點幾，同阿女食返個甜品先。阿女係隔離店（贊和）既die hard fans，佢自己去買。而我就去左阿玉豆腐花，試一試兩溝既豆花（我係未試過食兩溝架🤫)。叫左「紅豆配豆腐花」，我唔知應唔應該加糖，所以唔加住，試左味先，紅豆係唔錯，有少少起沙既感覺，都唔太甜，而紅豆既味係完全蓋過豆腐花味，所以我盡量分開黎食！結果都係feel到紅豆味，豆腐味真係唔夠唔突出。總結，我本人唔鍾意兩溝，但浄係計個豆腐花味道，我終於認同阿女既睇法，都係贊和好味d！

好耐無同男朋友去荃灣行街，因為我上網見到荃灣有女裝品牌開倉。所以就緊係要去睇下啦！行到攰就係附近搵下有咩好食，記得之前新聞報導過有豆腐花爭霸戰，豆腐花好平，就一於過泥睇下仲有無得食！哇哇！行到過泥路德圍呢邊好多人丫！有2間豆腐花都好多人排隊。甘就試下呢間亞玉豆腐花啦。見到好多人企係度一人一碗食，好似好好味餐牌就係豆腐花拼一樣糖水，有芝麻楜，涼粉，薏仁白果，喳咋。。。。有凍有熱。排大概10分鐘左右就買到，員工都好快手。。我叫左熱既薏仁白果豆腐花：豆腐花都有一碗滿滿既份量，加埋滿到瀉既薏仁白果，3蚊抵食啦！熱既豆腐花特別香滑,加埋薏仁糖水連黃糖都吾洗落，甜度岩岩好芝麻湖豆腐花：凍既豆腐花就無甘滑啦，但一樣好香！不過芝麻湖就吾夠香濃，較水。但一次過滿足哂2個口味都只係3蚊！就覺得值得啦。成班人企係度食，食完個碗放係店前面個桶度！3蚊一個小食，滿足了

今天又有機會路過荃灣，當然又會到亞玉食HKD3豆腐花。今天試一試豆腐花是否真材實料，點了純黑豆豆腐花，顏色方面的的確確有點暗色。只加了少許糖水，入口微甜，很香豆味，亦很幼滑。另外還購買了砵仔糕，眼見只有黃色有紅豆款。價錢方面HKD3一粒或HKD12五粒。乍看砵仔糕尺寸較細，買了五粒。上到巴士看清楚，實在可以形容為兩至三口可吃完一粒。但當然，人家賣這個價錢，砵仔糕是這個大小都可以接受。口感方面，微甜軟身，微豆香，價性比高，值得一試！

荃灣路德圍$3兩蚊豆腐花爭霸戰已經好耐，今日經過決定一試，兩條人龍都排晒隊，但係只係排咗唔使10分鐘就有得食。細心一睇，其實兩間嘅兩溝豆腐花都係賣緊$3 ，咁我就揀左亞玉。$3仲要滿滿一碗，糖水亦都係放喺旁邊比大家隨心自己加，叫咗碗紅豆豆腐花，紅豆大粒又甜，配埋豆腐花係幾夾。朋友就叫咗碗綠豆豆腐花，相對就較清淡，感覺上都係紅豆比較好食，以最多人叫嘅係芝麻糊豆腐花，下次一定會試下。唔知佢哋呢個減價的熱潮會持續到幾時呢？

亞玉同贊和兩間豆腐花店係荃灣路德圍鬥個你死我活，相信一眾食客暫時係最benefit到嘅！而我同另一半就最鍾意鋤強扶弱，有次睇咗篇報導有關贊和嘅新聞之後，我決定幫襯亞玉，雖然價錢上，齋豆腐花，贊和平一蚊（只需$2），但兩溝就同價（$3)。但普遍人都全揀平嗰間，所以目測贊和條龍係長d🥴豆腐花 x 白果薏米 🌟🌟🌟🌟🌟/ 5好足料！晤洗另外加糖同其他配料都已經好夠味！薏米熟度剛好，有咬口🤟🏻豆腐花 x 芝麻糊 🌟🌟🌟🌟.5 / 5芝麻味尚算岀色，當然再濃d就更能帶岀芝麻香，黑白配互相輝映，兩邊味道無互搶之餘仲配合得天衣無縫🤤至於主角豆腐花，以呢個價錢冇得批評之餘，其實都比好多坊間賣十蚊八蚊碗為佳👍🏻冇因為價錢平去減份量又或者偷工減料，大家路過不妨支持下小店俾個like啦🥰

三蚊一碗豆腐花!三蚊一碗豆腐花!三蚊一碗豆腐花!你冇睇錯，重要嘅事情要講三次!今時今日喺香港都可以用三蚊叫一碗豆腐花， 實在太貼地喇! 仲要唔止一款揀, 可以任溝, 有普通豆腐花、黑豆豆腐花、紅豆沙、綠豆沙等等外賣要加一蚊, 所以大部分人都係即場食完就算啦, 雖然排好長龍, 但係其實都好快我諗五分鐘都唔洗就排到啦, 因為佢都係整好曬筆出嚟~ 我叫做黑豆豆腐花 , 味道其實同普通豆腐花冇乜分別, 糖水黃塘自己任落, 3蚊ㄧ碗嚟計絕對合格有餘!! 好滑~~