亞玉豆腐花

營業中

休息中

食完飯本來想泥打老虎既，點之老婆話想食豆腐花，仲要話係$3。我當唐嚇一跳，佢仲話有間$2tim。我猶豫左陣因為我見到老虎無人排，之後我就轉軚去左食豆腐花。之前正價食過好似都係$5，原本已經係無投訴，$3理所當然想整番碗咁抵食，條人龍你都睇到$2-3既威力去到邊啦，難怪周圍甜店都冇乜人，其實$9已經非常抵食甜點泥講，但今晚打完邊爐，想食小小甜品過下口引就ok「芝麻糊豆腐花」$3 豆腐花滑芝麻糊ok唔太張口，$3超值之選，可能做緊期間特價，行過路過唔好錯過啦

話說近日媒體報導兩家豆花店鬥法而人氣再度急升，我才驚覺原來常經過這地區多年，從未幫襯過！當然近年香江陷入通脹年代之後，已極少流連街頭覓食，一來價錢貴，二來食品多是垃圾級別(如工業大量生產的化學魚蛋同 燒賣)， 對荷包對健康百害而無一利(也别說環境衛生與服務了)！所以想食街頭小吃也唯有轉戰台灣。不過今次兩家豆花店鬥到兩三蚊咁激，實在好奇，原本材料大 簡單樸實的豆腐花， 除了真材實料 務務實實地製造之外， 仲有冇空間去鑽空子， 製作一啲化學豆花 來降低成本呢？ 答案是沒有。兩間豆花店我都試過， 可以肯定咁話阿玉豆花的豆味一定比鄰店特出，一吃就有淡淡豆香味滲透口腔，而鄰店的卻淡如水。 這就是兩蚊與三蚊的分別吧！明顯亞玉的豆花個豆漿底一定濃度較高， 食起上嚟口感亦較滑。 嗰種滑係綿綿密密的口感，而鄰店的滑卻有一點點像大菜糕哪種彈牙， 個人估計是石膏粉及水的比例較高， 所以口味亦變淡。 這可能就是平一蚊的秘密。 但係食嘢唔係一味追求平， 都要講質素。睇嚟亞玉豆花就是找到自己的底線， 當日眼見鄰店居然冇人排隊， 可能日久見真章， 食客都已用腳投票， 為呢場戰爭定了勝負。

經朋友介紹去荃灣品嚐豆腐花，遠遠的就看到大排長龍，相鄰兩家店都賣豆腐花，都祭出了無比低價在促銷，ㄧ家2元、ㄧ家3元，我們選了3元的排隊，店家動作非常快，ㄧ下子就輪到我們，所謂堂食就是給你豆腐花站著吃完，本來以為低價促銷會不會品質不好，沒想到紅豆粒粒分明，軟綿可口，熬煮的非常好，底下的豆腐花也頗有豆香，3元真的太抵食，要不是還想留著肚子吃對面的十八座狗仔粉，我真的很想再吃ㄧ碗，這條街上有好多家荃灣有名的食店，很推薦來這搵美食！

因為兩舖之劈價傳攻勢慕名而來，並在傳媒上得知亞玉豆腐花雖然價錢比較之下貴一蚊，人龍亦較長，但聽說口味比較好，所以自己也推薦朋友一起排隊幫襯當其時人龍的而且確較長的亞玉。豈料，輪到朋友要點外賣東西的時候，她點了外賣芝麻糊豆腐花，男職員(相信是老闆)，給了她現場吃的碗，朋友糾正他們說是外賣的，他和身旁兩位阿姐一唱一和的責怪她不一早說，又說"外賣要加一蚊㗎嘛!" ，態度甚為囂張。輪到下一個，我要點的時候，好明顯我是排在我朋友身後，那位男職員眼睛望著我身後的女士，問她要什麼，那時候我站在他正面前，在那女士的正左面。我不滿地說了一聲"我排先㗎喎~"，他當然沒理會我啦～繼續問我身後的女士，將我視若無睹。當他"服侍"完那位女士後，我便站在男職員正前面，點叫我想要的外賣。我說一個薏米(豆腐花)，一個芝麻糊(豆腐花)外賣，男職員好像聽極都聽不清楚我想要的東西，一時說兩溝，一時說我要淨芝麻糊，然後責怪我說得不清楚，身邊位阿姐跟他一唱一和，感覺極為差劣，最後多次"糾正"之下，才搞清楚我想要什麼。最後覺得，雖然相比之下貴一蚊，但仍是十分便宜的豆腐花，可能好吃一點，但最後得到態度極差，令人感覺極之不良好的對待，

電視報導荃灣有豆腐花店大平賣益街坊。今早與媽媽路經此店，時間尚早，人龍不長，再看過OpenRice食評，大多食家評這間味道較佳，便立刻光顧~芝麻糊豆腐花，入口軟滑，富濃厚的豆味，甜度適中，再淋上濃稠細膩的黑芝麻糊，豆香及黑芝麻香味留有餘韻，健康味美~原味豆腐花，口感滑溜，充滿濃厚豆香味，可按個人喜好添加黃糖或薑糖漿，香甜滋味~凍豆漿，口感順滑，富香濃的豆味，清甜止渴。$5 價錢大眾化 ~$3 可以吃到美味富豆香的豆腐花，實在千載難逢! $3 大約是成本價吧，想必利潤微薄，希望小店支持住💪💪💪，有機會路過再來光顧~

荃灣大河道近排好多人排隊，因為兩間豆品店玩減價戰，就價性同囗感味道作比較，亞玉略勝一籌，一般來說，亞玉D豆腐花實得嚟又不失香滑，而且雙拼、冷熱而家都做緊＄3，口味多選擇，有原味，紅綠豆丶芝麻糊，薏米白果、花奶⋯⋯如果去開荃灣，又有時間，可以一試，平時都＄6～＄9一碗，排隊大慨半個鐘頭就排到，雖然平咗，偶有一次失準，但都keep到平時水平，如果覺得豆腐花太單調，可以試黑豆豆花、糍粑，咋喳都OK嫁~但都有缺點，就係要企喺度食，如果想舒舒服服咁坐喺度食，就未必係你杯茶喇~

本身居住荃灣區嘅我 平時都成日行開路德圍！所以成日都見到亞玉同隔離嗰間豆腐花店經常大排長龍！主要原因都係平！靚！正！$5一碗 任你加黃糖、糖水、薑汁！老實說，依家要食一碗熱辣辣 濃豆味又新鮮香滑嘅豆腐花店舖已經唔多！仲要有咁多選擇可以兩溝 但都只係十蚊唔洗就搞掂！所以仲要求啲咩啫？但係最近！亞玉同隔離店都賣大包！！居然低至$3一碗！今日行開路德圍！就即刻整返碗歎下！加埋紅豆都係$3！豆腐花一如往常咁滑，紅豆未煲到起沙但勝在一粒粒有口感！加埋豆腐花一齊食 微甜嘅味道！正

一早知两間店殺價戰，未看新假期報道，光顧過贊和，睇完報道話亜玉豆味濃d，態度好，昨晚去光顧，要两碗特價豆花，一位男同事，戴眼鏡，態度勁差，好似爭佢錢咁，d眼神同口臉都係唔情願做咁，之後俾完錢佢，仲呼喝咁叫我俾完錢企埋一邊等，咪阻住其他人。如果係因為多野做，同賣得平，而做到忟態度差嘅，不如及早收手，唔好同人爭，因為除左價格，每件商品價錢係包埋態度等等其實真係唔係得你做3蚊(隔離賣2蚊).之前幫襯過，都無遇到咁嘅對待。另外芝麻湖堅係難食，明顯開粉，溝左好多生粉。

如果係荃灣食豆腐花 我會揀亞玉豆腐花豆腐花 絕對要食新鮮的! 而且熱絕對比凍的更好所以要品嚐到豆腐花真正既味道 夏天我都會忍住熱揀 "熱的"入口豆味濃郁 而且非常滑 不會水汪汪的原片的 不會變豆腐碎重點$5 一大碗 不會偷工減料隨左豆腐花更可以雙併 綠豆/紅豆/芝麻糊...試下加芝麻糊有自助黃糖 / 冰糖水 / 薑汁 自便就可以!個人鍾意 MIX! 小糖水多黃糖隨左豆腐花 更有香港特式街頭甜品 - 砵仔糕相信為左配合各人口味... 有齊3款多豆 / 正常 / 走豆!揀左正常 因為新鮮整好所以仲係微微暖的紅豆夠淋夠粉 唔會得外邊軟中間硬糕因為非常新鮮 唔會硬 口感一流客家糍粑即場自家製 絕對新鮮 一盒有3粒 同朋友一人一粒 岩岩好超脹卜卜一咬口入面既餡即刻爆哂出黎 超足料!有花生 黑芝麻...等等 皮薄夠煙韌

係荃灣大河道食街食完晚餐, 想揾地方食甜品既時候, 留意依間亞玉豆腐花有超長人龍, 個個都棒住碗豆腐花密密食, 就決定試下啦鋪頭裝修簡單直接,沒有大電視播宣傳片, 更沒有美麗豆花妹作招徠, 扎扎實實靠品質和相宜價錢吸引客人. 而選擇亦不單一, 有多種不同口味的豆腐花可供選擇, 價錢亦相當廉宜 只需3元就有一碗. 最後選擇了黑豆腐花和芝麻糊豆腐花.黑豆腐花色澤偏黑, 口感相當滑, 豆味濃郁, 配上自助的薑汁和黃糖, 暖暖一碗食完喉嚨好舒服.芝麻糊豆腐花雖然香, 但芝麻糊的味道較淡, 亦不太甜, 配上同樣味道淡的豆腐花就感覺怪怪的. 因為芝麻糊比較熱, 食時要小心燙傷.

剛經過荃灣見到一間叫做亞玉豆腐大排長龍 大字標題3蚊碗平價豆腐花，膽粗粗試下， 排咗15分鐘叫咗2碗意米白果豆腐。回家一試就(中伏) 。不過自己衰貪心再先。算啦！ 諗深一層，係冇可能3蚊可以食到嘅食物。

荃灣路德圍嘅美食之一👍🏻👍🏻👍🏻依間舖頭無論邊一段時間都有好多人黎排隊買豆腐花，但勝在排得好快就有得食，今次就排大概5分鐘，唔太耐。口淡淡，買左一碗熱薑汁豆腐花堂食。依度堂食就$5一碗，好抵食，不過就要企住係舖頭附近食。我覺得熱豆花真係無得頂👍🏻👍🏻好香、有大豆味，依個加分😋😋😋同埋豆花好滑，超級正😋 黃糖、糖水，薑汁都係根據自己喜好份量而家加入。依間舖頭仲有其他中式糖水，例如芝麻糊、客家糕點等等，遲下買埋呢試食先😄

豆腐花，就是把黃豆研磨成豆漿，等候凝固。看來很美味，而且親民的價值，令人更想多吃。凝固的方法，有多種，魚膠粉也可，但最方便，還是使用食用石膏粉較好。傳統豆腐花，滑不留口，營養價值。怕麻煩，花數元去吃十分方便。今天便去了荃灣附近吃一個便宜甜點，豆腐花是黃豆的產物，營養豐富，是一種美容食物，延緩衰老，卵磷脂能去除血管壁的膽固醇，保持血壓健康。可見，很吸引呢。 朋友友點了豆漿，豆味濃郁，味道佳。普通一碗豆腐花5蚊 加埋雙併先10蚊 非常抵食

荃灣既平靚正豆腐花，食過無數次，而且即食/外賣都得，用瓦碗即場立食，好有懷舊feel，要感受下呢個風味。豆腐花 $5，雙拼 $8，仲有砵仔糕同糍粑。凍紅豆豆腐花 $9，雙拼唔使落糖水都得，不過呢度既薑糖水都好吸引好正。豆花凍食都同樣滑溜，熱食直頭無得頂。豆味都明顯，配香甜軟糯紅豆沙，兩者好夾，而多份香甜。凍芝麻豆腐花 $9呢款熱食會更美味，豆腐花配濃厚芝麻糊，令芝麻糊無咁杰身同不膩，兩者都好細滑，入口快要滑到喉嚨，好香既芝麻味，做得好好。見到砵仔糕$3/個，剛好出爐，微熱比平時的更好食，有大量飽滿香甜既紅豆粒，砵仔糕好香好彈。順便買埋客家糍粑 $15/3個。嘩，超正！睇下幾爆餡，我都覺得驚喜，一咬就爆餡，好多花生芝麻碎既餡，芝麻勁香，餡料微甜，糍粑皮超薄超好咬，整體味道同質感都超讚。

在附近吃完晚飯，想來點甜點我男友比較"老餅"，喜歡傳統的糖水打算吃豆腐花，Oh my god好多都想吃先來一碗豆腐花他不單只有糖水跟黃糖還有薑汁我覺得薑汁可以再辣一點豆味不錯，很滑店員姐姐推介我們吃新出的其實我爸爸最愛吃咋喳這裡料很足，很有家的味道最後我也外帶了一碗給我爸爸最後男友堅持要試他們的芝麻糊我這個怪男友，他平常去甜品舖別人叫窩芙之類的，他也是叫芝麻糊的阿叔一拿起芝麻香已經飄向鼻還算是溜溜(我真的試過有糖水店是一pat pat的，有追看我的食評的應該知道)我太飽了，又想試糍粑本人極喜受吃一些糯米的質感又沒吃過糍粑，就買一盒回家跟家人分享寫明要即日吃，我當晚就跟家人分了我覺得有擂沙湯丸feel，當然糍粑多了點花生之類的更加惹味，下一次我也要再買這個來吃