亞玉豆腐花

營業中

休息中

路德圍不嬲多野食黎到點可唔叫碗豆腐花做飯後甜品5蚊一碗真係超抵價凍/外賣都要加一蚊豆腐花好滑，仲要裝到好滿薑汁、糖水、糖漿都係自助熱豆腐花配上鮮磨薑汁響冬天暖身簡直一流

抵食但係唔算好好食～～～～～～～～～～黃豆豆腐花 $5我厭豆腐花拎上黎嘅時候唔夠薄 搞到口感唔太好好多人會係個度買豆腐花架我會話係而家物價貴嘅年代係抵食，但唔係話好好好好食

天氣涼涼地，想吃點熱食暖暖胃，平平地選擇了5蚊碗的豆腐花。此店表明每日全天然制作，感覺健康點，難怪看到大排長龍。堂食的話會用碗盛裝，吃的是黃豆豆腐花，外表不會散爛質感香滑，不過沒有什麼豆味，淡了點，要加上黃糖及糖水，帶點甜味更合我口味(另有薑汁可自行添加)。

山長水遠到荃灣，只為與友相聚，吃個晚飯吹吹水。對這個要乘地鐵至少一句鐘才望見站口的地方，老實說我完全不熟悉。就知道去愉景新城可以逛街，有SPAO有WHOAU可以買衫。結果飯後才急急忙上網找尋滿足甜胃的好去處，下不定心意，兜兜轉轉來到這兒。 黃豆豆腐花 $5（熱） $6（凍）　　這個價位到底是多少年前才曾有一見？在我居住的那邊本就少見，要買的話就只好到超級市場，當時惠康華潤均有售。大概是小學時，即十年前的事，不到十元的簡單美味，放學後家人買餸就會特意帶回來。老實說我比較喜歡實身豆腐花，那些水嫩非常的，我只會覺得是太稀，溝得太淡。自帶豆香，雖說豆腐花也不會有如何驚人美味，但實在無華卻讓人滿足。 芝麻糊豆腐花 $8（熱） $9（凍）　　我吃豆腐花時若要加甜，就只會加黃糖，不沾糖水。而友人就選擇一嚐以店內另一主打－－秘製生磨芝麻糊相配的芝麻糊豆腐花。就算加了一點原本叫價$16一碗的芝麻糊，也只是加個$3。喜歡的話著實可以一試，其芝麻糊亦不是用粉溝到起顆粒的那種，固然單點豆花最保險。

講得係行過經過一定要食番個既豆腐花，並不是浪得虛名。許多時間是長長的一條人龍呢！阿玉豆腐花唔會〇係配料上花巧，反而保持有新鮮每日製造又滑又有豆香既水準，是不含防腐劑及基因改造黃豆既良心食物站著吃是荃灣一大特色

食完飯行下荃灣見到5蚊碗豆腐花就排去買啦，好多人，都等左5分鐘買左一碗熱既豆腐花，溫溫地咁，自加左好多紅糖haha糖配豆腐花真係好好味，因為後者本身無乜味，一加糖就好味同有口感。另外加左2蚊要埋砵仔糕

因事來荃灣。上網看這區有什麼甜品店，搜尋到這間小店，人人都讚它的豆腐花，於是來一試。熱芝麻糊豆腐花（$8）：滿滿的裝滿一碗，份量十分多。豆腐花不算十分滑但有豆味，芝麻糊的芝麻味不算很濃但不太甜而且稠度適中不會很稀。吃掉一整碗，十分飽肚。無糖黑豆漿（$10）：有豆味，喝得出絕對不是溝很多水的那種。食物價錢便宜也好味，店員也很好人，很貼心問我豆漿是凍的要不要袋裝著。實在是值得支持的小店。

以前去嚫路得圍都會食碗呀玉豆腐花，兩三年前賣7蚊都已經唔貴(都上算好食)。唔知點解越賣越平(現在5蚊碗)—試之下同之前食過嘅味道完全唔同，後來才發現該舖已經轉為交貨經營。老實講品質冇保證唔會再食。(下次去食興記)

食完一粒真係即刻忍唔住分享啊！唔知係咪因為我肚餓...真係好食過好貴既長洲芒果糯米糍...佢入面有大量黑芝麻、花生，甜度適中，有炒花生芝麻的香，糯米皮薄ham靚，軟熟外層感覺好像剛做好，好嘗鮮的感覺。價錢是$6/1粒 3粒以上$5/粒

話說亞玉一開 我就已經成為咗佢fans 成日喺元朗食 但估唔到今次喺荃灣發現到佢嘅蹤影❤️仲要喺堂食$5碗 唔怪得之大排長龍啦😂-我緊喺堂食啦 5蚊碗咁抵 作為飯後甜品簡直喺一流👍🏼呢到嗌完食咩 啊姐爬兩下手勢就整好 呢到喺自助落糖水 黃糖 同 薑汁 自己想點就點 落幾多都得✌🏼️識食 一定喺落完薑汁再落糖水 再倒埋黃糖 Wuah 真喺無敵組合黎👅首先 因為落咗薑汁 未食就feel 陣陣老薑獨有嘅辣味 食落豆腐花順口 入口就已經滑落喉嚨 仲有陣陣豆香味滲出 黃糖亦都揀得幾好 有糖香味 唔錯唔錯 每樣夾埋真喺好好食 同埋$5碗實在喺超值❤️

唔知大家去開荃灣有無發現有兩家豆腐花店（贊和豆品同亞玉豆腐花）係長時期都鬥到你死我活咁既呢？開正係隔離店其實係咩玩法呢所以我都要試下係咪真係咁正！簡左右手邊鋪既亞玉豆腐花，因為佢長時期都係長人龍過贊和豆品！不過試完之後我覺得無咩特別？唔覺得特別滑!個呀姐仲幫我落多勁多糖水搞到無敵咁甜不過佢真係好平大大碗都只係$5,可以無落到咁多糖水會好D

和炭星人特地搭車去荃灣吃飯，吃罷當然到處遊走，發現有兩家豆花店皆大排長龍，愛湊熱鬧的我地自然跟著人龍去找好吃的！阿玉賣的豆花有有六種，黃豆花黑豆花，再配上芝麻糊綠豆沙及紅豆沙～凍食比熱食貴一蚊，但大熱天時這一蚊絕對抵比😆😆其實還有客家糍粑（即糯米糍是也～)，但實在太飽，還是乖乖吃碗豆花就好😌原味才能試出真功夫😎$6原味豆花⭐️⭐️⭐️⭐️⭐️以懷舊的藍花瓷碗盛著的豆花，再加上一眾食客在店外排排站著吃的情景，有時光倒流的感覺哈哈哈～滿有趣的😆黃糖薑汁糖水任君添加，我們只用少少黃糖和薑汁，這樣才吃到黃豆味😎 薑汁本身不帶甜度，微微的辛辣剛好中和黃豆的腥味，配上些少糖已經足夠調味，可以好好享受滑溜溜的豆花～阿玉豆花自然是不及超市賣的百X 豆花般滑溜，但入口很綿密，又有豆香味，才$6，經過時花個五分鐘買一口冰涼感也是值得的👍🏿👍🏽👍🏻

食完辣野想食啲清涼野解下渴，叫左亞玉凍豆腐花，加左好多黃糖。豆腐花本身已經好滑（不過我相信熱食更加滑），味道就冇咩，加左黃糖，係佢未溶哂時食，最中意咬到有一粒粒口感。黃糖甜味加上豆腐花清新味，絕配！

亞玉豆腐花又平又有風味。５蚊一碗要拎住係門口食，叫左一碗熱一碗凍。雖然大熱天時食一碗凍豆花好透心涼，但始終豆花熱食先夠滑，而且一啖啖片出黎先夠薄！不過，凍食都有好處，就係食到熱豆花冇嘅清甜感！５蚊一碗太抵了！

我同朋友們食飯甜品, 之前都食過$5 熱黃豆豆腐花, 覺得太好食, 所以帶大家來食.亞玉豆腐花有分店位於元朗及紅磡, 幸好荃灣也有, 很方便又近我們. 味道好之餘, 價錢仲好吸食, 世間少有.我們買左有凍紅豆豆腐花$9 及熱紅豆豆腐花$8 , 還有熱芝麻糊豆腐花$8.交換左來食, 熱的豆腐花不會很滾熱, 而是溫熱的, 所以大熱天也可以輕鬆食到, 另外, 凍的豆腐花也涼透心.芝麻糊豆腐花好香芝麻味, 而且芝麻糊夠濃厚又滑溜, 實在做得太好味, 配豆腐花也很夾, 而且甜度低, 老人家同小朋友都岩食.紅豆豆腐花就比較甜, 紅豆粒大大粒又香甜, 豆腐花無須加糖水已經甜度足夠.兩個口味的豆腐花也很滑很有豆香, 真材實料係特別好味.當日很大雨, 但我沒有叫外賣, 而選擇即場食, 拿著傳統的中式碗企在街上食, 特別有風味, 感覺好懷舊.