五匠六釜

營業中

休息中

如果只參考價格，應該算非常平嘅餐廳，特別係套餐，簡直茶餐廳價格。 姊姊們服務也算ok，態度良好。But負責收拾剩菜碗碟的婆婆年紀最大，質素好低。會倒得汁水亂濺，完全唔care弄髒客人衣服。有客人食緊飯，佢都會過去掃地！最恐怖係佢會邊嚼食物邊推車做嘢，都唔知係唔係食客人食物（非員工食飯時間）！！！態度也好差。唔知是否老闆親戚，請咁大年紀+低質素員工。性價比持平，食物質素並未超越平價，味道唔穩定，平價搭配廉價食物！應該唔會再光顧。原本三星，打掃婆婆令我比一星！

今天下班後相約媽媽到Airside逛街，順道於商場六樓的「五匠六釜」享用晚餐，餐廳裝潢別緻雅觀，感覺舒適寬敞又衛生餐廳最近推出近期大熱的特飲：鴨屎香檸檬茶，夠綽頭-🔹北京填鴨 (半隻) $168跟一份摩摩皮約20塊鴨皮光亮香脆富油香，鴨肉緊緻嫩滑帶鴨肉香，脂肪比例不高；以輕韌摩摩皮加入鴨肉、青瓜條及京蔥，再蘸上甜甜的甜麵醬，夠滋味-🔹蝦仁炒蛋 $82份量充足，蝦仁及炒蛋皆豐富炒蛋嫩滑富蛋汁，蛋香濃郁，加入蔥花夠匹配；蝦肉爽口，惟蝦的鮮味欠奉，比較失色-🔹四川擔擔麵 $52大大碗擔擔麵賣相得體擔擔麵細滑彈牙，湯底偏稠，味道濃郁而辣度適中，加上花生碎及肉碎，令整個麵很美味

今日總共六個人去咗試吓依間中菜，朋友之前試過一次話好抵食因為諗住食六點，所以五點幾鐘就用app去咗攞位，當時都仲有幾多人喺出邊等，兜咗一陣再返嚟食就啱啱好餐廳唔算好大，係開放式我哋六個人淨係坐咗一張卡位其實有啲迫。雞絲粉皮一開始望上去個顏色有啲誇張，粉皮係圓形版唔係一塊既，但係啲醬汁好充足，撈勻晒都仲有好多我哋叫咗一隻片皮鴨六個人，其實加埋其他餸都食唔晒三百幾蚊好抵食切得幾靚同埋都好多塊一個套餐包咗兩個嬤嬤皮同埋兩個配料，如果大家一人放一啲其實都夠因為想試埋其他嘢，所以叫咗半隻花膠砂鍋雲吞雞，雲吞好大粒，都夠晒我哋六個人食，雲吞入邊大部份都係肉，入邊仲有半隻雞都煮得好淋，啲嘢大部份都份量充足，我哋一張枱差啲放唔晒叫咗個上湯娃娃菜，六個人分都分得到，唔會好少，味道就算係正常，冇乜特別唔記得咗依個炒飯叫咩名但係有啲普通，一人一碗細嘅其實都分得到。我哋唔小心，仲叫咗個普通雲吞，呢個價錢都有八粒好抵食希望佢開張之後一路保持餡料都係同砂鍋雲吞雞嘅差不多最後好瘋狂，咁仲叫晒啲甜品，但係我哋晚市去嘅早輪已經冇拔絲系列，下次希望試到拔絲蘋果或者地瓜！呢個係流心西米甜品攞到嚟啱啱炸起熱辣辣食都幾好，入面

阿女帶我去啟德食晚飯，由地鐵站穿過去就係Airside 商場，商場係新開，有不少知名食店，今晚我哋去五匠六釜 ，餐廳裝潢光猛時尚，座位寬敞，而且可以帶寵物入內用餐。北京填鴨半隻：北京烤鴨份量十足，色澤紅潤、皮脆肉嫩、香氣四溢又肥而不膩，薄薄的餅皮包裹著脆卜卜的鴨皮和嫩鴨肉、大蔥絲、青瓜絲及甜麵醬一同食用，無論口感和味道都一流！蝦蛋炒飯：材料用上爽嫩的蝦仁、三色豆和蛋，飯和炒得粒粒分明，每啖飯都有層次感。

上次揾食肥華同靚媽，光顧此店，因得兩個人及食量關係，衹能食到此店兩款食品，眼見有多枱客都柯打此店嘅名物，片皮鴨，外觀非常靚仔，肥華得個睇字，真係心心不忿。1月19日肥華决定一家大細，在此店食，今年嘅年夜飯，務求試多幾款此店出品。先講兩樣返啅食品，回鍋肉及糖醋魚塊，依然保持A級水準，而個砂煱雲吞雞更獲，肥華全家人俾讚A+評分，唔俾唔得，而鎮店名物，片皮鴨，份量足，味道好，配料大䓤，青瓜，饝饝皮，醬料，齊夾份量足，又係一個必食A+評分食品。至於個碗，酸辣麵及辣子雞丁，和其他冷盤食物味道及份量，亦有不俗表現，都有B+評分。反之個碟，椒鹽小黄魚，則是全個飯局之，劣食，唔俾過E佢，都對自己唔住。縱觀肥華一家人，今晚在此店呢餐，年夜飯評語，整體都有A級口碑，此店能成，人龍爆場食店係啱嘅👍👍👍👍👍

喺啟德嘅新商場最上層有呢間上海野食平日晚上都多人一班人嚟食，記得要book定位一坐低就想叫呢一個半隻嘅片皮鴨性價比較高片皮鴨唔算好肥肉都唔錯肉質保留到略嫌包裹的皮有少少厚半隻都係$168✅🩷配搭青瓜大蔥一齊食，剛剛好友又飽擔擔麵，麵條彈牙有嚼勁，搭配香辣的麻辣醬汁，口感十分豐富麻辣的風味與花生碎的香氣完美結合，如果怕辣就未必係啱食接著是韭菜豬肉餃，正常不過不失四川糍粑外層酥脆可口。搭配上紅糖味道更加香甜

朋友上次食過介紹呢間話幾好味，今日同老細嚟試下～本來想食片皮鴨，但今日實在太凍啦😅怕未食到一半就凍曬，一於試下啲未食過嘅嘢～白龍王：賽螃蟹加鱸魚片，頭尾炸脆～中間啲肉好嫩滑，雖然望落白雪雪，但都幾好味！草捆牛骨（細）：一睇就知靚嘢啦！配埋個黑椒汁好嘢味 ！地三鮮：有茄子、薯仔、燈籠青椒～呢個係朋友推介，話一定要食，真係冇介紹錯！好鬼死好味！尤其係啲薯仔🥔唔知點解可以整得咁好食😂🥰好入味😘估唔到中菜都有手打鴨屎香檸檬茶飲～個鴨屎香真係好香！冇嗌少甜都唔算好甜，真好似响大陸買果啲咁～地方都尚算寬敞，仲好鬼好生意～未夠七點已經有人排隊添！😂

啟德airside商場開左有一排，今次終於黎由於屋企人要食中菜，於是黎左呢間五匠六釜菜式價錢親民，我地order了⭐大盆花菜，⭐四川擔擔麵，⭐紅油抄手，⭐鮮椒柴蘇田雞鍋各道菜味道都不錯，大盆花菜用五花肉爆炒，花菜不會過軟，炒出來夠脆夠香，餸飯很不錯四川擔擔麵也推薦👍🏻湯底充滿了花生味，還有肉碎，帶有一點點辣，麵條掛上了湯底一齊食，好食，我喜歡紅油抄手就偏港式味道，紅油味不重，但一份四十幾有八粒很飽滿肉餡的抄手，裡面是醬油豬肉餡料田雞煲的田雞很滑嫩，用辣椒醬炒，帶輕微紫蘇味，也很適合餸飯成餐飯四道菜也只用了$300，餐廳景不錯，有一整面落地窗，很適合一家大細黎性價比幾高

放工約了老婆去啓德站逛下Airside商場，此商場與地鐵站連接，出了地鐵站的C出口就屬商場的B1層，B1層為啟德地下購物街的一部分，設多類型商店，餐廳和甜品店。我們逛完Citysuper，就隨升降機到6樓的空中花園欣賞啓德附近的景色，之後又到了找食店醫肚時間，在6樓有幾間食店，我們選了其中一間面積較大及開揚的名叫~五匠六釜。五匠六釜是以弄京川滬菜為主，我們點了半隻北京片皮鴨 (跟一份摩摩皮約20塊)~$168、四川擔擔麵-$48 、上湯雲吞 -$42及脆炸鮮奶四件~$32。細心觀察，五匠六釜此店頗受區內歡迎，在平日晚飯時段也坐了8成客，半隻片皮鴨份量充，擔擔麵保留傳統汁濃味香的風味。

同屋企人經開附近，嚟到新商場Airside逛下，原先以為新商場啲野食會貴，點知見到呢間餐廳價格又幾相宜。 醉雞 ($78)醉雞都幾多肉同入味，雖然話就話係前菜但份量好多，起碼有十件左右。京燒羊肉 ($138)外皮少脆，羊肉食落冇膻味，肉質都ok。農家炒飯 ($82)有蝦仁、雲耳、菜粒等配料，炒飯粒粒分明，冇油膩感，但多d鑊氣就更好。四川茲粑 ($6/件，4件起）即叫即炸夠哂熱辣辣🔥 外皮夠脆再點埋紅糖醬，真心正。Menu太多選擇，冇為意原來有鴨屎香檸檬茶嗌，直至見到隔離檯嗌🥲但已經食飽咗，唯有下次。

啟德區開左好多食肆，這家比較岩一家大細家庭聚餐，呢區比較抵食，但係就好多人等位同埋侍應就比較忙。1. 北京填鴨 (半隻) - $168 試嘗北京填鴨，不過不失，沒有太高期望 2. 白龍王 (瑤柱蛋白鮮鱸魚) – 鱸魚很滑，有驚喜 ３. 花雕醉雞 – 嫌咸，肉質唔夠滑　4. 東北黑山羊煲 (小) –　大煲抵食，羊肉比例嫌少，少少咸 5. 花膠鮑魚紅燒肉煲 – 大煲抵食，少少咸　

第一次去Airside逛街，原本以為5樓最高，估唔到邊角位有條電梯可以再上一層，見時間差唔多，就決定在頂層找間餐廳食飯～這間五匠六釜雖然大而開揚，但座位多又偏逼狹，見佢價錢唔貴，就試試佢！——————————🔸北京填鴨（半隻）$168通常出面食填鴨都不會給足份量，半隻大概等於例牌，估唔到呢度既份量好足😯鴨肉不會過肥，入口亦算甘香，搭配摩摩皮、京蔥、青瓜及甜麵醬，好食。🔹紅油炒手 $46表面淋上辣油及醬油，加蔥花點綴，賣相不錯～炒手大粒，外皮雖薄滑，但內餡全肉，較結實，加上調味清淡，不夠香辣，略差。🔸農家炒飯 $82農家炒飯加入蝦仁、三色豆等炒製，簡單用醬油調味，粒粒分明。味道不過不失，如果鑊氣更重就好了🍚餐廳有推出特飲，主打鴨屎香檸檬茶，不過今次太飽就沒點，下次吧～

五匠六釜可說是性價比高的一間京川滬餐館，菜式選擇多，份量十足，味道亦令人滿意。🦢北京填鴨半隻$168~填鴨包括了片了肉的脆皮及皮肉相間的鴨肉兩種。鴨皮香脆，鴨肉肥膏不多，配上足有20塊的薄薄摩摩皮、京葱，甜醬及青瓜，做法正宗，可口美味，十分抵食。🍲肉三鮮$50～配上韮菜、豬肉及蝦仁的餃子，皮薄多汁，餡料新鮮而不油膩，一碟足有8隻，絕對超值。🥒手拍青瓜～想不到冷盤前菜像主菜般大碟，份量等於坊間同類型的小食2倍有多。青瓜爽脆清甜，伴碟的蒜頭及芫荽令青瓜味道更突出。整體而言，人均$150便可吃到味道及份量俱佳的菜餚，值得推薦。

除夕同屋企人小聚，見Airside內有如此經濟的京川菜，就同家人試試，當日因為擔心人潮，都預早book定位，到店表示book左檯，並且見職員在訂位簿上搵到我地既booking，但竟然被其他人冒認並入座左，簡直係匪夷所思！😓由於當時尚未到最旺既晚市時間，餐廳都安排到一張大檯俾我地，咁就算啦⋯⋯擔擔麵，辣度夠，不過略嫌唔夠香，花生唔夠多，麵身都尚算軟糯，味道一般炸鮮奶，香脆濃郁，奶餡濃而不膩陽春麵，正常水準，不過不失鍋包肉，略嫌甜膩，由於沾滿了莞茜，只食了半件肉三鮮，湯汁唔算多，餃皮略厚，味道尚算唔錯，肉餡香濃白菜豬肉煎餃，煎香後帶酥脆口感，味道不錯辣子雞，辣度足，但雞丁略細，雞肉份量偏少片皮鴨，味道不錯，鴨肉有油脂但不油膩，厚薄均勻，配有京蔥青瓜及甜醬，唯一挑剔是餅皮，由於每張都冇用油紙分隔開，最後每取一張都要用手慢慢地小心撕開，如同檯飯腳唔係咁熟都幾尷尬。係Airside黎講都算係經濟實惠之選，若對菜式有要求既話可能會有少少失望

我點了他們的招牌菜酸菜魚，這道菜給我留下了深刻的印象。魚肉鮮嫩，搭配著酸菜的微酸和微辣口感，讓我回味無窮。這道菜的湯汁濃稠，充滿了酸菜和香料的香辣。他們的煎韮菜餃也非常美味。這些餃子外皮煎得金黃酥脆，一咬下去就能感受到韮菜的香味和鮮嫩的口感。韮菜的自然香氣在煎製過程中更加突出,煎餃要加多$10。他們的流沙椰汁球$8一個,這些球狀甜點外層脆卜卜，內部則充滿了椰汁和流沙的甜蜜椰汁餡料。每一口咬下去，都能感受到椰汁的清新和流沙的綿密口感