五匠六釜

營業中

休息中

屋企人想食片皮鴨叫咗半隻好似唔使$200咁就平過呢個商場另外一間嘅不過相比大陸就當然貴好多啦同埋佢啲肉係比較薄，但係整體喺香港嚟講都算ok啦！有個蛋白魚就食到有啲磷同少少骨麻麻哋，可以唔叫另外水餃就都算平，同埋炒飯都不過不失檸檬茶都算OK啦，20幾蚊咁大杯冇大陸咁好飲但係都ok

第一次寫，實在忍不住。 要排隊我完全可以理解，問題是分配時間上能不能合理點？ 3-4人桌一個小時叫號不到五個，其他人數都過了很多，而3-4人按照屏幕顯示等待將近50桌。最噁心的是出了兩個四人小桌，直接合起來分配給刚来十分钟到8人。 我不介意等，問題是有這麼分配的？ 菜除了價格不算貴，其他都很一般，預制菜，烤鸭皮都分不开，菜也上错。人手不够，基本无服务。 Airside选择很多，五匠六斧是吃过最垃圾的，总体来说也就值这个价。

今日嚟咗airside食飯，呢間餐廳特別多人排隊，六點幾嘅時間，已經排滿左人😆食物選擇相當多，片皮鴨，水煮魚，燒羊肉，手工餃子，甜品，真係令我花多眼亂，仲有見到佢有一啲特色嘅飲品，例如而家好Hit嘅鴨屎香檸檬茶，不過今日天氣太凍，留返下次先試☺️最後我同朋友叫咗：上湯雲吞：佢個湯相當鮮味，飲完一啲都唔口渴，雲吞皮薄，入面仲有肉汁添😍酸辣湯麵：呢個真係必點推介，面嘅份量又夠多，佢嘅辣度調教得啱啱好，酸中帶一點辣，相當開胃❤️北京填鴨半隻：呢個又係另一款必點推介，片皮鴨嘅外皮夠脆，仲有佢塊薄皮，真係好似紙金箔，掩埋佢嘅醬汁配合埋青瓜同蔥絲，真係超級享受👍🏻食完就知點解咁早時間就人山人海😍

12月3O日揾食肥華同靚媽到，啟德新發展地段嘅，大型新商場拍拖兼在新場，上海食店食午餐，入座後肥華見到有一瓶熱麥茶，放在枱面，已得肥華歡心，加上此店舖面開揚，而入座率亦不俗，肥華對此間新場，新店充滿祈望。而肥華今餐所點啲，上海食店考牌小菜，回鍋肉，此點做得水準極高，完全合格有餘，唔俾A+評分肥華對唔住呢碟，回鍋肉，而另一個食品糖醋魚塊，亦值A級評語，加上兩款小菜都份量十足，對得住個價錢，至於個三鮮餃湯麵，就平平無奇，一般大路貨色，同上述兩款食品相比，就真係天與地嘅分别

除非你想未食就一肚氣！絕對唔推介呢間垃圾餐廳周末lunch時間諗住試下。點知等位等到一肚氣，逼我第一次寫食評投訴呢間餐廳，特別係其中一個中年阿姐，態度極差！！12點幾一點，現場等位嘅人唔算好多。1-2人檯 等兩三張，輪到我時問搭唔搭台，我話可以嘅就唔想搭，佢叫我等陣。其後有幾張檯，都唔畀我入，因為話係3-4人檯，隔離啱啱攞飛都入得，我等左半個鐘都唔畀入，話一定要1-2人檯。而事實上，現場嘅1-2人檯數量唔多，有五張畀佢攞黎搭成10人檯，而現場都有好多其他二人唔搭檯坐四人檯。我講明現場情況係咁，話二人檯畀佢用晒去畀多人，又問點解其他2人又可以坐4人檯。佢解釋唔到，之後然後就走左，我問過兩次，佢都避開，每過一陣又帶其他人入去，當我無道，你話嬲唔嬲！一係你就規定繁忙時間一定要搭檯，一係你就講明唔歡迎2人食客，一係你就解釋清楚話有二人檯執緊定係點，完全無合理解釋，仲要黑口黑面。另一個後生女好d，都會話幫我睇下，盡量安排。我諒解4人可能會畀2人叫多d野食，但係服務態度真係好差！我從來未試過因為等位一肚氣！一係你就唔好㩒我張飛先。總之就一肚氣，最後直接走左。點解香港依家少左咁多人消費就係因為呢d中

第二次黎airside😛今次試下中菜！呢間餐廳地方闊落 食物價錢都幾親民不過就要收每位$5茶錢🫖好似酒樓咁焗比 但算平～茶味都ok！可以飲茶唔額外嗌飲品 （雖然我地叫左）🤭1️⃣螞蟻上樹 $78呢個係四川名菜！簡單黎講就係肉碎蝦米炒粉絲🥢蔥頭、芫荽、辣椒、蒜蓉炒香 再加入豆瓣醬撈勻 都好考鑊氣🔥係油膩少少🤏🏻但味道係好食既！2️⃣酸菜魚 $198呢度話係每日街市新鮮入貨🐟我地用半信半疑態度order左🤪d魚份量合理 仲要好滑又大舊！酸菜粉皮都唔少 ！要彈既只係唔夠辣🫢酸味為主3️⃣醉雞 $78一般發揮🤣有酒味亦有雞味 叫做價錢合理🐔4️⃣檸檬益力多(700mL) $28最近好多呢d fusion飲品😂 估唔到咁夾！飲完食完都冇屙 可以放心試😉

Airside開左咁耐終於黎朝聖😽黎到頂樓食京川菜 7點黎到已經坐滿人最後要坐到出門口🤣✿ 脆炸鮮奶 $8/件 ✿好多枱都有嗌 新鮮炸起面頭好脆 入面鮮奶好creamy~😆✿ 北京填鴨(半隻) $168 ✿$168就有半隻鴨真係好抵食🤪🦆鴨肉比較瘦 配埋京蔥 青瓜 甜醬摩摩皮除左面頭第一塊比較乾之外 下面其餘既皮都好薄身濕潤份量足 2個人食要打包🤨✿ 松鼠魚 $198 ✿賣相好靚~全條魚上魚肉份量好多 炸粉薄 皮脆肉嫩醬汁酸甜 但有三色豆😂唔知大家又岩唔岩食呢🤪✿ 鴨屎香檸檬茶 $28 ✿✿ 百香鮮檸茶 $28 ✿冇諗到中菜館都有特飲~依度主打大勢鴨屎香檸檬茶檸檬無苦澀味 清新解渴💦

網上見到有人介紹Airside開了新中菜😍地理位置方便就約了朋友一同前來我哋一致認同食物性價比高👍🏻片皮鴨薄切肥瘦均勻而且包扁皮鴨塊皮好薄，連埋蔥瓜一齊食好好味至於酸菜魚麻度十足魚肉都有好多舊 而且滑身適合送飯或者叫多個薯粉配埋食另外醉雞好有驚喜🐓雞肉好嫩滑 而且酒味十足（不過如果同小朋友食就要注意吓🙈）我哋另外叫咗羊肉煎餃🥟每粒餃子餡都好大份好飽肚羊肉有少少酥味不過我哋鍾意食羊所以都接受到食極都唔夠喉，所以我哋再叫咗一份雲吞雞雲吞都有7、8舊但半隻雞可以燉得再腍啲有少少硬同鞋 建議切細少少 有d難分不過整體表現都唔錯‼️要特別注意 訂位後並沒有指定位置所以也要在訂位的時間準時來到自己再搵位‼️

五匠六釜價錢💲: $168/ $178/ $48好味程度😋: 3.7/5服務🍴: 3.7/5環境🗾: 3.7/5性價比🥢: 4.5/5回頭率😚: 3.7/5-去到airside想食中菜，上到頂樓有間性價比高的上海菜，講講下發現原來佢係老掌櫃的姐妹店唔怪之得咁平啦！餐牌選擇多，呢個商場又可以帶寵物，如果係家庭聚會都係一個選擇。-✅北京填鴨半隻。上碟砌得好整齊，幾療癒😂 側邊係鴨肉的部分，雖然有小小乾，但肉質都尚可以，無咩好柴咁。中間的皮都有小小脆的，但有啲鴨騷味，要用好多醬蓋過佢😳 個皮上枱的時候係熱的，係比較煙韌的皮。-✅松鼠魚。覺得係3道菜最好食的一味，好大條的魚，外皮炸得香脆，魚肉已經起到一粒粒，方便食。魚肉好實正，糖醋汁好開胃，調得適中🤤 但有我唔鍾意的三色豆🥲-🆗酸辣湯麵。超大一碗而料超多🤩 好多木耳、筍乾、豆腐乾、肉絲等。食落去唔係好辣，酸偏多的，味道都ok。但問題係麵條好軟一patpat，而湯都係好杰好似羹咁，偶爾會有d塊狀出現😩-質素普普通通但條魚幾有驚喜。份量都幾多，可以一試。

今天黃昏時間，阿媽說要去啟德新開的商場AIRSIDE走走。原來這商場主打食店，我們逛到頂層，就來到六樓的五匠六釜餐廳。 我們叫了半隻片皮鴨，另外叫了一碗白菜豬肉麵和一碗肉三鮮麵。 兩碗麵首先來到，上湯清香撲鼻，麵底煙韌，餃子大隻好味道。片皮鴨還未到，我們就已經食得舐舐脷。 不久之後，片皮鴨來了，大大份連皮連肉有成廿幾件，再配上薄薄的皮和瓜絲，一片又一片，忘了減肥也忙了進食。 我見鄰座的青年人飲鴨屎香檸檬茶，多口問句，才知道是此店的主打茶飲，但我們已經食到飽飽了，下次再來時才飲吧!

當日第一次幫襯啲員工完全係過度操勞感覺佢哋對腳行唔郁咁。叫阿姐有啲會扮聽唔到，咁當然有可能係太繁忙啦, 見佢哋入座率晚市都有成七成咁多。不過有啲姐姐有時睇到扮聽唔到。過咗10分鐘之後終於有張Menu可以睇吓點左水煮魚，感覺其實幾好食。唔算貴，然後點左萵筍覺得非常好清清淡淡咁樣。最後嘅再點多咗個紅油炒手，紅油炒手就真係麻麻哋啦，啲餡基本上勁少，你可以話佢係健康嘅不過我自己就覺得冇乜味。總括來講，嘢食應該係健康路線。極度唔想比+1服務費因為服務效率好低，會不會回頭，唔排隊嘅話可以試吓。因為airside嚟講算係唔貴

第一次來到啟德的Airside發現6樓有間性價比幾高的中餐廳🍋而且有推出鴨屎香檸檬茶特飲都幾吸引 目測好多枱都有叫👍🏻餐廳滿座又好多人等位所以店員都好忙碌😅二人枱比較細同隔離枱好近環境比較一般 手機下單後上菜速度快到有快餐的感覺😳✨北京填鴨半隻 $168半隻片皮鴨份量都幾多 足夠起碼三人分享 鴨肉的部份比較多而且比較瘦脂肪不多 鴨皮都夠酥脆👍🏻摩摩皮夠薄皮可惜面頭幾塊涼了少少影響口感🥒配上青瓜京蔥同甜醬 味道正常以價錢同份量取勝✨孜然大蔥牛肉 $86小菜都好大碟🐮牛肉大塊夠嫩滑加入大蔥炒得幾香🌱孜然味香濃帶微辣 不會吵得太油膩整體屬正常水準✨四川糍粑 $24糍粑炸過後淋上紅糖汁及黃糖粉 味道香香甜甜😍外皮炸得香脆內裏軟糯好煙韌 米香味濃郁👍🏻下單時選了「等叫」但即時上枱了😅📍五匠六釜 (九龍城)九龍城啟德協調道2號AIRSIDE 6樓L602號舖

今日去咗啟德嘅新商場Airside，試咗6樓一間叫五匠六釜嘅京川滬菜，今次試咗好多唔係好辣嘅菜式都相當之美味，下次再嚟試吓佢哋嘅川菜先得。酸辣湯$64酸辣湯記得趁熱食，呢度嘅酸辣湯酸辣平衡做得好好，唔會太酸，辣味都好適中，入面嘅材料包括木耳等等，亦都令到成個酸辣湯嘅口感更加之豐富美味。北京填鴨半隻$168食片皮鴨最怕唔夠餅皮，呢度叫半隻片皮鴨已經有20塊餅皮，片皮鴨肥瘦適中，食到皮嘅香脆之餘又唔會太肥膩，我哋見好多人都係比片皮鴨吸引入嚟，附近好多人都食片皮鴨。螞蟻上樹$82呢個螞蟻上樹係必食嘅推介，螞蟻上樹係一個微辣嘅炒粉絲，未去到好辣，但係佢嘅麻味好出，炒得極之香，連埋個面入面嘅一啲肉碎一齊食超滋味。

開張左咁耐, 終於黎到新商場AIRSIDE啦!!感覺有D似圓方 x 海港城 x 南豐紗廠因為商場有好大個寵物友善範圍所以有唔少寵物有關既鋪頭同餐廳去到新商場當然試下出面未見過既餐廳睇一睇餐牌都算荷包友善~北京填鴨 (半隻) 會跟左一份皮, 塊皮薄到透光大盆花菜份量都唔少螞蟻上樹略嫌太油, 不過係惹味既三樣野已經飽到兩個人差少少食唔晒仲有個餃子都仲未試  飲品叫左呢排勁HIT既鴨屎香檸檬茶呢種茶葉既獨特香味真係好令人上癮唔怪得開到成街都係

今日就同朋友去咗五匠六釜食飯, 晚餐時間好多人排隊, 食物款式幾親民四川擔擔麵湯底好濃郁, 加咗花生醬, 口感順滑, 後勁有少少辣, 麵條掛滿湯汁, 食到啖啖麻香味😋京蔥羊肉手工餃子,餃子皮滑身, 餡料幾足, 羊肉味唔會好羶鮮椒紫蘇田雞鍋味道比較重, 但辣得來好香口, 田雞肉好滑身, 鮮椒有提鮮作用, 加埋爆香咗嘅蒜頭, 入唒味西米椰汁流心球外層炸得好香脆, 咬開d 椰汁西米流出嚟🤣仲有特色飲品, 鴨屎香檸檬茶入口清甜甘爽, 飲落幾清幽