佢開舖嘅時候好多人排隊，所以今次搵咗平日夜晚去食，唔使排隊就可以入。 門口就可以睇到係手工制嘅意粉，以前未食過仲以為佢係韓國菜，點知係有心思嘅小店做手工制意粉。 舖頭唔算好大，睇落去應該得三個職員，廚房同兩個服務員，唔使等位，但係都有八九成滿客人不斷地來。 第一個叫咗醃肉蛋意粉，芝士加松露粒好好食，個意粉唔係好熱，所以隻蛋撈勻之後唔會熟到即刻出現蛋白，好融入個自家製忌廉醬入面，咁啱我哋嗰隻蛋黃好大隻，食完仲有好多汁喺個碗度，建議好似我哋咁用嚟點埋其他嘢食，因為係手工制意粉，所以係偏挺身嘅版本，要睇個人口味鍾唔鍾意食 呢款pancake有鹹嘅亦都有甜嘅，我哋今次叫咗鹹嘅款式，上面係滑雞蛋，我就係攞咗佢嚟點埋意粉嘅忌廉汁，味道更加昇華。一路食佢都仲係滑蛋。 最後叫咗個車打芝士醃肉火箭菜薄餅，由於係小店，所以佢真係即叫即整，如果大家要食薄餅可能就要耐心等吓或者一早叫咗先。 依隻醃肉就同意粉嘅一樣，由於朋友在加多咗一份車打芝士，所以芝士味道超級濃郁，亦都會偏向飽肚薄餅屬於薄批類似餅乾款。建議大家嚟到都可以試吓唔同口味。

唔打唔撞去咗依間喺check list好耐嘅餐廳，比想像中容易搵 地下直接行入去就係，但係佢有個壞處係收唔到電話，好彩佢有提供Wi-Fi。 依間餐廳採取QR code落單 黑松露帶子意大利飯好好食！上面有少少黑松露撈埋落個飯度食好香，而且味道好夠濃郁，帶子唔會好熟，大滿足版本，飯入面嘅蓋咗不同嘅菇類，口感更加豐富。 仲叫咗一個大蝦帶子意粉，本身想試海膽味意粉，但係價格比較高差不多要$200所以揀咗呢個款份量好足夠，蒜頭混埋落意粉食味道都唔會好重，味道偏淡，意粉傾向扁意粉類。 當然最大吸引嘅原因係因為佢有疏乎厘嘅甜品，猶豫咗食焦糖爆谷定係黑朱古力好耐最後揀咗朱古力，果然冇令人失望！ 上面仲有少少曲奇同埋花生碎令到口感更加豐富，加埋仲有香蕉超級飽冇諗過佢個疏乎厘咁大份 ，唔屬於蛋味好重嘅疏乎厘，但係夠鬆化，推薦大家嚟到一定要食

今日總共六個人去咗試吓依間中菜，朋友之前試過一次話好抵食

因為諗住食六點，所以五點幾鐘就用app去咗攞位，當時都仲有幾多人喺出邊等，兜咗一陣再返嚟食就啱啱好

餐廳唔算好大，係開放式我哋六個人淨係坐咗一張卡位其實有啲迫。

雞絲粉皮一開始望上去個顏色有啲誇張，粉皮係圓形版唔係一塊既，但係啲醬汁好充足，撈勻晒都仲有好多

我哋叫咗一隻片皮鴨六個人，其實加埋其他餸都食唔晒三百幾蚊好抵食切得幾靚同埋都好多塊

一個套餐包咗兩個嬤嬤皮同埋兩個配料，如果大家一人放一啲其實都夠

因為想試埋其他嘢，所以叫咗半隻花膠砂鍋雲吞雞，雲吞好大粒，都夠晒我哋六個人食，雲吞入邊大部份都係肉，入邊仲有半隻雞都煮得好淋，啲嘢大部份都份量充足，我哋一張枱差啲放唔晒

叫咗個上湯娃娃菜，六個人分都分得到，唔會好少，味道就算係正常，冇乜特別

唔記得咗依個炒飯叫咩名但係有啲普通，一人一碗細嘅其實都分得到。

我哋唔小心，仲叫咗個普通雲吞，呢個價錢都有八粒好抵食希望佢開張之後一路保持餡料都係同砂鍋雲吞雞嘅差不多

最後好瘋狂，咁仲叫晒啲甜品，但係我哋晚市去嘅早輪已經冇拔絲系列，下次希望試到拔絲蘋果或者地瓜！呢個係流心西米甜品攞到嚟啱啱炸起熱辣辣食都幾好，入面係流心既

佢每款甜品都係要四件起，大家可以睇吓想試乜嘢，呢個就係炸鮮奶，鮮奶唔會話太少，亦都唔會太甜

我哋仲叫咗黑糖糍粑，朋友覺得加拿黑糖有啲甜，我覺得混埋一齊就啱啱好，但係如果食多個一件就會有啲漏，建議係多人分享會比較好

約咗好耐冇見嘅朋友食飯，喺OpenRice見到呢間新開嘅餐廳，就去試吓，估唔到性價比咁高！ 夜晚食飯時間依間工廠區可能都要等電梯，所以我哋就行樓梯上去轉彎就到 地方唔算好大，但係晚飯時間都有七八成滿，呢個係食完臨走先影，所以平日Walk in都可以。 職員叔叔仲好細心咁介紹餐牌問我哋係唔係第一次嚟食，雖然佢都係讀返個餐牌俾我聽 叫咗一個叉燒流心蛋飯，係佢黑板上面嘅廚師推介，我估每日會有啲唔同，大家可以去睇吓。 隻蛋唔夠撈晒啲飯，所以有一半非常滿足佢嘅醬汁唔算好多，飯食起上嚟唔係濃味道，叉燒嘅味道啱啱好＇適合撈埋味道唔係好重嘅日本米一齊食，叉燒肥肉同瘦肉好分明，師傅切得好靚，會不知不覺食晒啲飯 手打芝士安格斯漢堡蘭黃蛋飯 隆 重 介 紹 依個超級好食！係一個性價比好高嘅飯！ 本人好鍾意食蛋，一早就知道蘭王係蛋界嘅天花板，蛋味好濃好香，色澤好靚。咖喱汁撈埋蛋黃醬係一流嘅配搭。忍唔住幫佢影多兩張相。 依個飯有得俾你揀醬汁同埋配料，我哋揀咗佢好多人推介嘅咖喱汁同埋芥末酸菜，後來先知道混埋一齊食神奇地夾！（一開始仲以為佢嘅配料同醬汁係分開上） 芝士撈落安格斯漢堡入邊唔係好重嘅芝士味，但係都會食到 其實平時夜晚好少食飯，但係不知不覺竟然清晒，係一粒飯都冇淨！ 大家嚟到一定要食呢個飯！ 而家舖頭會收現金同八達通，唔支持啲會唔會增加多啲付款方式呢？😙

發現工作地方附近都有好幾家酒樓，今日就去試下其中一家！ 酒樓係環住全層，要影影唔曬，樓下有個display 既位置，本身仲以為係果到入去，點知係乜野都無😂 前菜我見到仲有花生，但佢好似無比我地，住個應該係類似。。。菜/蘿蔔？ 小小酸加麻油味，幾得意，如果有埋浸花生說好！ 係好舊式既酒樓，有啲菜放係到即刻攞俾你，豬手，咖哩都有 套餐都幾抵食，可惜我地得三個人， 好多點心都可以試到 叫左叉燒包，係蒸熱左黎既，外貌看似很不錯！ 唔係爆餡料，叉燒汁同包唔會好甜，唔會皮厚餡小，推薦！ 棉花雞外貌唔係咁吸引，但相對都大分，有三四塊棉花，味道唔會好濃同油。 胡椒蘿蔔牛腩 蘿蔔好淋，浸到入曬味，胡椒湯唔係好辣，微辣連老人家都接受到，牛腩都淋，但有啲會有啲韌要睇部位，整體都入味同好食 點心拼盤 想試依到既點心，所以叫咗佢。蝦餃唔算大隻，都幾新鮮，舊式粉果入面有粉葛。 燒賣入面肥肉唔算好多，加頭頂粒粒蟹子好食，推薦大家都可以食依個！ 朋友見到佢依個係招牌所以都叫咗試下，留意最低要叫三個哦，個底有好多白芝麻，6埋一齊食好感豐富啲！ 蟹粉混埋左肉，蟹味唔算好重，包餡比例合適，味道也不是太重，大家可以自己揀叫唔叫

朋友好耐之前食過佢，話唔知係邊度嘅流心雙皮奶好好食，我哋行完商場出嚟勁，好彩見得返佢！本身行緊去食晚飯，我哋都衝左入去買！ Yoho 行返出嚟大馬路嘅時間經過到佢，即刻衝入去買，未食之前仲問朋友米芝蓮推介咁犀利，堂食最低消費40元，即係每人最少嗌一個。我哋叫咗兩個凍嘅外賣拎走。 舖頭唔係好大，但係八點幾都仲有客人，就係得伯伯一個招呼，如果叫熱食嘅話要等最少10分鐘，因為佢即刻整返俾你。如果冇耐性就建議直接叫涷食。 等緊嘅時間聽到你食嘅姨姨都係熟客，仲話咁好食嘅嘢應該要介紹俾其他人話應該搵啲人去幫佢舖頭同嘢食影吓相，感覺一定要寫呢篇！ 一間舖頭淨係用一樣食品做到而家的確唔容易，中間仲聽到叔叔講有意思將品牌買到其他地方，香港有咁犀利嘅小食店真好。 偷咗姨姨嘅同佢影張相，雙皮奶嘅皮比平時食嘅更加固體，唔會好似有啲咁就冇咗，識落佢唔係好甜，比平時嘅雙皮奶味道更加淡，奶味都好重我好鍾意 我哋離開咗先冷吃，圖片唔係好睇到點樣流心，等我形容下外圓圈都係固體嘅燉奶，喺其他地方的確冇食過流心燉奶，中間嘅燉奶係液體狀，涷食即使過咗好耐，味道同樣子都冇走樣！ 我答應伯伯一定要更多人知大家一定要去試吓如果去元朗嘅話！

同朋友行咗旺角一陣都唔知食咩，大約9至10點，見佢好似新開亦都唔想食熱氣嘅嘢，我揀咗佢食飽肚嘅嘢 手撕雞寬面 佢有湯麵同乾麵，佢嘅面底仲可以分幼面，中面會有啲似油面，最後就係呢隻寬面款，本身都怕唔夠食，但係叫咗返嚟都好大份，夠兩個人分嚟食！ 要講下餃子冇得雙拼，有啲可惜，如果有得雙拼仲可以試吓其他味道，今次叫咗白菜豬肉餃子，佢叫一次就係10隻，喺旺角46蚊嘅價位抵食加埋個醋食會更好食，如果一個人食一定好夠飽！ 總體嚟講，係旺角嘅宵夜恩物，見佢宵夜時段都坐得幾滿，謝謝一坐低亦會好誠意推介手撕雞麵，好態度

下晏同同事飲茶，第一次黎好有驚喜！ 所有都係食咗先記得影系列 叉燒有肥有瘦，各人口味都可以滿足到！ 點心幾特別嘅地方係可以逐粒計，配合商業地方嘅需要你想食幾多就幾多，蝦餃一啲都唔馬虎個皮好薄，而且啲蝦都好彈牙。 鹹水角每次以三粒去計， 炸出嚟都脹卜卜，食嘅時候係暖既 叉燒腸先係最有驚喜！一上枱發現佢嘅麵粉皮好薄，而且亦都唔會好少叉燒每件都好足料！如果去食誠意推介一定要叫！ 燒賣嘅份量都係可以逐粒叫，啲蝦一樣咁新鮮，叉燒包都唔會好甜，一人一半食啱啱好，雖然啲餡唔會爆曬出嚟，但係每啖包都會有叉燒覆蓋 如果食炸嘢嘅朋友，呢個都好推介！ 同叉燒腸粉一樣個皮好薄，個油炸鬼冇油益味，食起上嚟亦都好脆，一啲都唔馬虎！ 發個太遲先發現到佢！希望之後有機會再去食！

無意找到它就跟朋友去試下，坐下才知道是寶藏！ 訂左位直入就得，晚餐時間七點幾有位 牛肉大醬煲好好食！它是碎牛肉加豆腐粒，是撈飯神器，就是有一點辣，不過我不食辣的加杯飲料也能食掉，我跟朋友不知不覺把整個食完～ 炒粉絲也是韓菜天花板！麻油加芝麻加菇加點菜混在一起超級好食，我可以每天都食 煎蛋餅一定要趁熱食，裹面的芝士可以拉絲！ 自己切開，鐘意食幾多都得！

每次搭電車都會經過，今日終於行過去試食！ 見到門面好有台灣特色，感覺佢會係幾傳統嘅台灣菜 門口仲有打卡位星期五晚去等咗一陣就入得，之前見過要排長龍！ 入面裝修到好似去咗旅行咁，又喺台灣食嘢嘅感覺。 兩個人叫咗兩個主食，一個細嘅滷肉飯一個紅燒牛腩米粉。 滷肉飯叫基本版嘅滷肉同埋滷肉汁都足夠撈飯。 米粉縮哂個湯好入味，越食會越濃，但係唔會太鹹，米粉食到最後都唔會林晒，有越食越想食嘅感覺，牛筋同牛腩食落會有少少辣，但係唔食辣嘅人都接受到 叫咗胚芽珍珠奶茶三分微甜少冰都真係唔甜 肉鬆煎蛋餅嘅肉鬆都好足料，入面塊蛋唔會好少，食落好有蛋味 最後仲叫咗個甜品豆花，雖然唔係好多，但係都好滑，仲有珍珠小丸子同芋圓非常飽肚，食到捧住個肚走