影片
開飯介紹
宮廷風四川火鍋店，招牌牛油紅鍋用十多種香料製作，香麻惹味，設有不同辣度；火鍋配料近80款，選擇多元化，餐後可以冰粉解辣。
繼續閱讀
附加資料
設有獨立VIP 房約10間, 包房服務請致電餐廳詳細查詢請
營業時間
今日營業
12:00 - 03:00
星期一至日
12:00 - 03:00
*放題時段: 12:00-17:00 & 22:00-03:00
以上資料只供參考, 請與餐廳確認詳情
有關獎賞計劃
相關文章
今次約埋朋友一齊去油麻地的九龍坎麻辣火鍋，體驗獨特嘅沉浸式宮廷火鍋！ 一入到去就好似穿越咗去古代，精緻的雕花木門同刺繡屏風，真係好有貴族感！📸仲可借漢服來穿, 打卡一流👘除左火鍋仲有獨立K房定自動麻雀機等娛樂設施，食住打、唱住食，氣氛真係唔會悶！💥 298至尊套餐 跟餐有即炒嘅川味雞煲,及八款特色鴛鴦鍋底, 我揀左麻辣及雜菌湯底, 一邊香辣惹味, 另一邊濃郁菌香! 🥩肉類方面就有肉質脂肪分佈均勻的美國極上牛小排，入口即化的M6和牛肩胛肉眼同肉質鮮嫩的安格斯牛板腱等, 啱哂食肉獸!🦐海鮮方面有爽甜的鮑魚、口感彈牙的生蠔、花膠同海蝦都係新鮮無比，配搭麻辣湯特別好吃! 🥗無限量供應的四川特色涮菜有黑毛肚、千層肚、貢菜、秘製雞腎等! 樣樣都新鮮又好食！🍴 自助區有過百種配料，各式丸子、蔬菜、涼菜等；甜品仲有Haagen-Dazs雪糕，同特別嘅DIY特色四川冰粉，真係大滿足! 九龍坎麻辣火鍋（油麻地）📍油麻地彌敦道469號新光商業大廈3樓
繼續閱讀
餐廳位於油麻地，地鐵站一出行幾步就到，主打麻辣火鍋，最近更突出全新至尊放題套餐，任飲任食2.5小時，同一大班friend過嚟就啱晒。店內裝潢適合打卡，環境闊落，VIP房有得唱K同打麻將，邊食邊玩超級正。套餐包括海鮮同六款肉類，牛嫩肩、牛板腱、特級肥牛、羊卷肉、牛胸爽，薄切，滑嫩，牛味出，回本之選。海鮮則有鮑魚、廣島蠔、海蝦、帶子、脆鯇片、黑魚片、沙白蜆、花膠仔，新鮮，鮮甜，無雪味。炸物小食等推介炸饅頭，外脆內軟、小酥肉，帶微微麻香氣、雞粒，金黃酥脆、芋泥丸，甜甜哋唔油膩、而熟食方面炒娃娃菜都唔錯，入味，無渣。丸類蔬菜正常發揮，仲有前菜水果一定夠飽，記得留肚食埋DIY冰粉！
繼續閱讀
平時去任打邊爐慣咗90分鐘？ 同朋友傾兩句都無時間？今日俾我發現去油麻地 #九龍坎價錢真係無得輸，放題 2.5小時用餐，極上套餐$168/位起，至尊套餐$268/位起，仲可以優惠價追加刺身，5歲以下仲免費🤗自助區有20 幾款新鮮蔬菜同丸子，最受歡迎竟然係薯仔🥔，一出即搶空😜 而前菜區有爽脆鯇魚皮、脆雲耳、豬耳、海帶、海螺肉、醋青瓜、酸辣鳳爪，仲有炸物區，阿仔好滿足！ 最最最正就係有cocoberry 同haagen dazs雪糕🍦任食，驚小朋友食太多？ 都仲有好多乳酪任食☺️第一次見有全新冰粉自助區，原來材料都有十幾款，阿仔 整咗個粉紅色冰粉俾我勁靚！ 呢度宮庭風裝潢，仲免費體驗穿著宮廷漢服，用嘅杯碟好有傳統特色，打卡一流！ 呢度食正宗四川成都麻辣火鍋，湯底就食咗 #招牌四川麻辣牛油紅鍋 ，選用牛油起鍋，用上了成都新鮮採摘的香料，再加上辣椒、花椒等等總共近17款，以人手炒香而成，麻辣勁十足，以麻引辣。阿仔就食蕃茄湯底，再加少少薯仔去煲真係一流🤗安格斯牛板鍵 - 任食牛肉都咁高質牛胸爽 - 好甜好好食脆脘片 - 爽脆過薯片蝦滑 - 仲靚過街市買到的，超大粒粒蝦好足料鮑魚 - 呢個價錢可以任食連殼鮑魚廣島蠔 - 隻隻漲卜卜
繼續閱讀
放題上網睇話包的肉，來到用手機落單之後突然話唔包，然後收多我地好多錢，重點手機下單個版面有好多肉都冇寫要收錢。手機下單個畫面又系超亂，唔收費就寫價錢，要收費（五六百蚊一碟肉）又唔寫價錢。服務員態度差，但有一個叫「小胖哥哥」嘅男仔講普通話態度好好，只有佢系服務好。包廂隔音差，話禁止食煙，但根本啲人食煙都唔理。碗筷都好污糟，地板又油，唱K又成日壞mon。食品質素也非常普通。可能foodie黎食飯，佢地招呼得好，但我地黎左呢間餐廳，真系第一次對介紹呢間餐廳嘅所有foodie忍唔住感到失望，因為實際體驗根本唔系咁。有種被騙的感覺，依家先見到其他comments話都有中伏…當時見到貨不對板，完全反應唔切，網上真系好多打手
繼續閱讀
我哋食緊嗰陣咁啱有枱KOL坐隔離，佢哋啲嘢食就同片一樣咁靚，我哋食嗰啲菜冇菜味，肉又唔好食，最正係出面攞餸既碗碟每隻都好似冇洗過咁，基本上要用紙巾抹過晒先夠膽用，地下又油到好跣，食完未腸胃炎算條腸勁😀
繼續閱讀