咩記打邊爐

【鴛鴦鍋：湯底夠驚喜！】我哋叫咗個鴛鴦鍋，分別係 卜卜蜆濃湯鍋 同 清甜雞湯鍋卜卜蜆濃湯鍋：真心夠鮮甜！一上枱已經聞到好香嘅蜆味，湯底濃郁得嚟又唔會死鹹，打邊爐前飲咗碗暖吓胃先！清甜雞湯鍋：呢個好特別，入面有烏雞件同新鮮薑片。最驚喜係啲薑片煮極都唔會辣，反而令個雞湯越熬越濃，飲落好清甜滋潤，冬天食一流！【四款羊肉：羊肉控必點！】今次一次過試咗佢哋四款羊肉，真係各有千秋，啱晒唔同喜好嘅朋友！羊上腦：係油脂最豐富嘅部位，所以羊肉臊味最強，肉質非常嫩滑，啱晒重口味羊肉控。羔羊肉：如果想食嫩滑但又唔想太油膩，羔羊肉 會係個好選擇，食落比羊上腦更嫩滑。高鈣羊：佢嘅特別之處係食到一啲脆骨，口感好豐富，好有層次感！後腿肉：至於鍾意實在口感嘅，就要試吓後腿肉，佢油脂最少，肉質最實在，比較有嚼頭。【招牌配料：樣樣有驚喜！】白鱔片：厚切！咬落爽口，好新鮮，食得出處理得好乾淨。鴛鴦蝦滑墨魚滑：兩款都好彈牙，鮮味十足，食得出無咩粉感，真材實料！雨衣鮮竹笙：好值得一試！同平時米線嗰啲竹笙唔同，佢爽口得嚟又滑捋捋，索晒啲蜆湯之後，鮮味再升級！👍🏻水蓮菜：第一次打邊爐食水蓮菜，爽脆到不得了，用嚟解膩一流！【飲品：消暑之選】叫咗杯水果蜜桃茶，上枱時面頭有層好似打果汁嗰啲天然泡泡，飲落清爽，唔係人工甜味，好啱火鍋後清清口腔。整體嚟講，湯底同食材都好高質，特別推介卜卜蜆湯底同雨衣鮮竹笙！服務都唔錯，值得再encore！…查看更多

朋友推介旺角的咩記，以羊肉為主的火鍋店，完全有驚喜！先食串燒，再火鍋。點了Juicy 沙嗲牛肋條 $28，沙嗲味道出色，牛肋條零韌度，價錢超值。甜蜜的腸腸 $18，是小編喜愛的台灣腸，非常合口味，好食。招牌經典烤羊小排 $28，肉香滿滿，隨碟附上孜然粉，超級匹配的調味料，大愛 🥰🥰串燒過後，進入火鍋正題！揀了鴛鴦鍋（自選） $88，清甜雞湯鍋卜卜蜆拼濃湯鍋 😋😋羊肉是重點，點了招牌高鈣肉-嫩而不臊 200g $188雖然肉質偏瘦，口感仍然嫩滑，肉香一流 👍👍👍再來招牌羊上腦肉-入口奶香 200g $188，超級好味道的一碟羊肉，肉質嫩滑，有羊味但不騷，每隻羊只有200 gram的頸後肉，必食之選。箘類拼盤$128，有鮮冬菇、白菇、金針菇、鴻喜菇，豐富熱鬧。鮮嫩斑魚王 龍躉 $98，經過冰鮮處理，跟完全新鮮的有出入，但味道還算不錯👌饗鈴 $38，脆炸響鈴，輕輕一滾即可進食！蔬菜拼盤 $128，有菜心、生菜、油麥菜、娃娃菜及大蕃茄，鮮嫩翠綠，賞心悅目。咸檸七 ，鹹檸勁足料，夠味 👍👍…查看更多

🔸 鴛鴦鍋  $88想食有辣有唔辣梗係選鴛鴦鍋啦 ，今次揀咗 清甜雞湯鍋同麻辣湯鍋 ， 兩個鍋底都濃郁，調味恰到好處， 烏雞鍋底有好多大蔥同埋桂元，所以甜甜地；而經典嘅麻辣湯底，湯色紅亮，香氣撲鼻。湯底中加入各種香料，整個鍋味道層次分明，既有麻辣刺激，又唔會過於油膩。羊肉在湯中煮熟後，吸收咗湯底既精華，入口滑嫩😋 🔸 招牌高鈣羊肉200g $188 呢個賣相好特別，一上枱就係一大碟堆到山咁款嘅羊肉，配上乾冰煙霧瀰漫，好震撼 ；高鈣羊肉嘅肉邊有啲軟骨連住，咬起上嚟 chok chok脆，好爽口。 🔸 百日羔羊肉200g  $148肥肥哋嘅羊仔肉，嫩而不燥，切片均勻， 完全無騷味 ，口感似食緊啲靚肥牛一樣👍 可以話係喺香港鬧市近地鐵 最靚嘅涮羊肉，沒有之一🔸 羔羊後腿肉200g  $168後腿肉比較瘦，勝在食材新鮮，將羊肉片輕輕放入滾燙鍋中，瞬間散發出香氣令人垂涎。最令人驚喜既係，羊肉味道完全無一絲騷味，反而帶有自然肉香，叫人一口接一口，欲罷不能。🔸 爆汁鹹蛋魚丸7粒  $48 爆汁魚丸都係喺呢間第一次食到，唔使7蚊粒，算抵食，而且味道真係唔錯🔸 墨魚滑2條  $88 墨魚滑有兩大條 ，本身已經校好味，唔使蘸醬汁已經好有味😋 🔸 白鱔片100g $168 白鱔片有8大片，切得都幾厚肉，仍然連住啲皮魚，烚兩吓攞出嚟，食起身好爽脆，有鮮甜味🔸 魚皮餃7粒  $58餃子可能係 打邊爐必備食物，呢款魚皮餃味道唔會死鹹，肚餓嘅可以叫多碟嚟食😋 🔸 核桃糊  $38同羊肉冇蘇味一樣，呢個核桃糊完全冇核桃嘅苦味，唔係好甜，健康補腦🔸 芝麻糊  $38芝麻糊打得好濃厚，味清甜又潤喉，打完邊爐食最啱👍 味道：9/10性價比：7/10…查看更多

羊，全部都係羊。“咩記打邊爐”，淨係聽個名已經知道，呢間旺角嘅火鍋餐廳係專食羊嘅。餐廳從內蒙直送嘅羊係分得好仔細，有啲部位甚至係矜貴到一隻羊只有一碟200g肉。仲未算，呢度連醬汁都有為羊肉專門而設，真係非常專業。鴛鴦鍋 (自選) $88 清甜雞湯鍋卜卜蜆濃湯鍋兩個湯底都唔辣，不過配料好多，所以個湯基本上都係清甜，可以就咁飲，唔會覺得淡，當然襯羊肉都唔會有問題。 招牌羊上腦肉200g $188 招牌高鈣肉200g $188 羔羊後腿肉 200g $168 三種唔同嘅羊肉，部位同稀有度各有不同，當然肉質同脂肪比例都會唔同。三隻羊肉之中，上腦肉最矜貴，每隻羊只有200g，無論係羊味同脂肪感都十足，可以話係最黃金嘅位置。高鈣肉係唯一可供食用嘅軟骨部分，所以係會有軟骨嘅咬口，不過羊味亦算濃。至於後腿肉，由於係運動最多嘅部位，脂肪會比較少，但會好有咬口。招牌經典烤羊小排 (1串) $28 招牌經典烤羊肉串 (2串) $36 鹽燒蝦蝦 (4隻) $88 猛火肥仔蠔 (2隻) $38 蒜香扇貝 (2隻) $38 呢度比其他火鍋店最特別嘅地方，係有埋串燒同燒烤。當中嘅羊小排同羊肉串都係好有風味，價錢亦抵食。其他燒烤包括海鮮亦有水準，個人幾鍾意個扇貝，蒜味十足。至於蝦嘅鹽燒味道亦足夠。桂花蚌 $138 喺海鮮嘅類別揀咗桂花蚌。以一身打卡杯裝外型，用嚟打邊爐，鮮味同質感兼備，只要唔過熟，點埋蒜辣豉油，冇得輸。馬鮫魚丸 (7粒) $48雨衣鮮竹笙 $68 響鈴 $38 水蓮菜 $38 喺其他嘅配料當中，特別要講呢隻馬鮫魚丸。基本上食落去係等同於”丸”版本嘅魚皮餃，亦有啲豬肉香。另外竹笙亦好大條，水蓮菜就比較少見，$38嚟講都好大束了。水果蜜桃茶 $48 無糖可樂 $18 檸樂 $28 打邊爐當然要叫嘢飲！呢度嘅汽水係用玻璃樽裝，更有風味。不過更加要提嘅係檸樂，大約用咗近10片檸檬，非常有檸檬味。至於水果蜜桃茶亦用上唔同嘅雜果同蒟蒻等，甜甜地，解辣亦可以。雖然呢度嘅羊肉品種好豐富，但其他食物類別嘅選擇亦好多，包括串燒、燒物同海鮮等，加上呢度地方闊落，坐得舒適，係搵朋友聚腳嘅好地方。…查看更多

食材新鮮好味， 新鮮香甜雞湯 配特別推介羊肉 超滑無騷味，夠淋夠juicy 。 牛丸爆汁， 一試難忘。牛頸肉牛味十足，又淋又滑。裝修有特式，鍋具特別。員工態度親切細心，服務好好。…查看更多