影片
更多
2024-04-12
74 瀏覽
今日同朋友去咗油麻地新光商業大廈入面一間叫「九龍坎麻辣火鍋」食充滿四川成都風味嘅麻辣火鍋，餐廳嘅裝修非常華麗，四周都有唔同四川元素嘅裝飾，例如京劇面具、關公像、宮廷建築等等，餐廳環境充滿宮廷風，非常有特色。我哋嗌咗經典鴛鴦鍋底，一邊係麻辣牛油紅鍋，另一邊係高湯鍋，啱晒鍾意食麻辣嘅我同另一位唔食得辣嘅朋友。牛油紅鍋湯底鋪滿左一層厚厚嘅辣油，花椒同辣椒帶出好香嘅麻辣味，極度推介大家淥肥牛嘅時候用呢個湯底，淥熟咗之後塊肥牛直頭連豉油都唔使點就已經好夠味；高湯鍋入面有紅蘿蔔、白蘿蔔、粟米等等嘅配料，最啱用嚟淥蔬菜。我哋嗌咗一米雪花牛、爽脆鵝腸、龍蝦丸、石磨嫩豆腐、炸響鈴同油麥菜。雪花牛上枱嘅排場好震撼，用一塊一米長嘅木板放住大約十幾件嘅雪花肥牛，牛肉咬落去有口感，份量好充足，令我哋食得好滿足；爽脆鵝腸嘅份量唔少，內臟處理得幾乾淨，唔會黐住脂肪；龍蝦丸亦都爽口彈牙；石磨豆腐嘅外皮比較厚身，放落去火鍋入面淥都唔容易散開，食落去好重豆香味；炸響鈴幾新鮮；油麥菜吸晒湯底嘅精華。另外，食麻辣火鍋一定要嗌返杯凍飲解下辣同油膩感，我哋嗌咗百香果檸檬茶，味道酸酸甜甜，整體感覺唔會太甜得嚟又幾清新，食完咁多濃味
我哋嗌咗經典鴛鴦鍋底，一邊係麻辣牛油紅鍋，另一邊係高湯鍋，啱晒鍾意食麻辣嘅我同另一位唔食得辣嘅朋友。牛油紅鍋湯底鋪滿左一層厚厚嘅辣油，花椒同辣椒帶出好香嘅麻辣味，極度推介大家淥肥牛嘅時候用呢個湯底，淥熟咗之後塊肥牛直頭連豉油都唔使點就已經好夠味；高湯鍋入面有紅蘿蔔、白蘿蔔、粟米等等嘅配料，最啱用嚟淥蔬菜。
我哋嗌咗一米雪花牛、爽脆鵝腸、龍蝦丸、石磨嫩豆腐、炸響鈴同油麥菜。雪花牛上枱嘅排場好震撼，用一塊一米長嘅木板放住大約十幾件嘅雪花肥牛，牛肉咬落去有口感，份量好充足，令我哋食得好滿足；爽脆鵝腸嘅份量唔少，內臟處理得幾乾淨，唔會黐住脂肪；龍蝦丸亦都爽口彈牙；石磨豆腐嘅外皮比較厚身，放落去火鍋入面淥都唔容易散開，食落去好重豆香味；炸響鈴幾新鮮；油麥菜吸晒湯底嘅精華。另外，食麻辣火鍋一定要嗌返杯凍飲解下辣同油膩感，我哋嗌咗百香果檸檬茶，味道酸酸甜甜，整體感覺唔會太甜得嚟又幾清新，食完咁多濃味嘢之後解膩一流！
📍油麻地彌敦道469號新光商業大廈3樓
位置就腳：🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊🍊
招牌鴛鴦牛油紅鍋
7 瀏覽
0 讚好
0 留言
一米雪花牛
8 瀏覽
0 讚好
0 留言
石磨嫩豆腐
8 瀏覽
0 讚好
0 留言
龍蝦丸
8 瀏覽
0 讚好
0 留言
爽脆鵝腸
8 瀏覽
0 讚好
0 留言
炸響鈴
5 瀏覽
0 讚好
0 留言
百香果檸檬茶
6 瀏覽
0 讚好
0 留言
張貼
