九鼎百味 (已結業)

餐廳位於觀塘，鄰近地鐵站，餐廳位於熟食市場之內，位於街市的四樓，現在的環境十分舒適，冷氣充足。食物方面，我們挑選了椒蜜單骨雞翼，咕嚕肉，沙爹牛肉粉絲煲。單骨雞翼做得認真，入口香脆可口，帶點黑椒的刺激，也沾滿了蜜糖的香甜。咕嚕肉只是我我叫法，他的原名叫做火舞風雲，喜愛他的配搭，配合了火龍果，更選用營養豐富的紅肉火龍果，令整個菜餚更營養豐富。沙爹牛肉粉絲煲，份量十足，沙嗲配搭菠蘿的分量剛剛好，也帶點花生的香味。

終於有番晚市，最掛念一定會係大排檔，日頭食根本就唔會有果種氣氛🥺於是就約埋兩個朋友，即刻去啤一啤先得呢間係觀塘裕民坊附近既熟食中心，晚上七點幾已經人頭湧湧座無虛席，好彩朋友一早去左霸位咋🤣🤣老闆都好熱情咁同我地介紹佢有咩菜式，見佢地menu都好有心機咁整成本武林秘笈咁，就知呢間同普通大排檔有分別😌聽老闆講呢度成日有人包場，仲可以預先order特別既海鮮，唔怪得見到好多檯都食唔同類型既蒸海魚🤔我地叫左南乳豬手煲、花甲蒸水蛋、牛油雞翼、啫啫芥蘭煲，全部都係水準以上之作💯尤其係牛油雞翼，外脆內爆汁，估唔到可以做得好味過某d出名食雞翼既鋪頭，超級驚喜！花甲水蛋都比想像中鮮甜，食材新鮮真係好重要👍🏻呢間絕對做得好

終於都開返夜市啦，作為香港人一定要支持下小店，見到市面到處人頭湧湧，今日經朋友介紹下去左觀塘瑞和街街市樓上4樓嘅熟食中心嘅九鼎百味火鍋雞煲。環境企理有冷氣，自成一角，裝修有花心機，連Menu都與別不同，就知道呢間小店唔簡單。當然要試下佢地嘅麻辣雞煲$168 半隻我地叫左個小辣，味道濃郁，香氣撲鼻，雞外皮煎香內裡嫰滑好正，最意外係食完唔覺口乾同追酒飲，原來真係完全唔落味精。窩貼小棠菜 其實呢度菜出面食過，但呢度係最好食嘅，佢用料足唔在講，點樣可以做到咁脆口但唔係死炸粉果種感覺，原來佢用左腐竹，多左功夫所以食得出好好食，唔油膩。香煎墨魚餅好好食因為夠新鮮夠份量，真材實料。本身呢個菜係香酥嘅，但因為廚房忙，老闆娘親自煎，問我地好唔好，同埋佢地見已經叫左個窩貼小棠菜都係香炸，所以有呢個提議。我覺得呢間小店好特別。鹽焗花螺因為朋友要餸酒，所以叫左個鹽焗花螺，比起辣酒煮花螺，更加啱唔食得辣嘅朋友。花螺新鮮軟熟，鹽焗可以保存到鮮味，非常唔錯。朋友果然無介紹錯，呢間小店睇到老闆嘅用心，佢對食物有堅持，唔新鮮唔用，都要保持高質素。鋪頭雖然唔係好大，但佢為左令食客坐得闊落啲，寧願只放9張枱，亦都唔會趕客走

比較愛食香口鑊氣小菜，今日同觀塘的朋友聚會，朋友話熟食街市有間新開沒多久的大排檔不錯。由朋友發板要了幾個鑊氣小菜蜜椒牛柳粒、黃金雞翼、薑蔥田雞煲及芥蘭炒臘味。點完菜後上菜都好快，第一個菜好快就上檯，蜜椒牛柳粒，見到裡面有青紅椒、洋蔥，還有切得與牛柳一樣大的薯仔，面上及有較多黑胡椒粒。牛柳粒切成一口牛，應炸過非常香，食落軟嫩又香口。薯仔也真的很美味，帶點干身，入口軟綿又香，一粒粒的胡椒粒非常的惹味。黃金雞翼是點菜的時候老板介紹的新菜式，醃得頗入味，份量也多，裏面肉質嫩滑多汁，雞翼入口食到香脆及咸蛋黃味，真是越食越滋味。薑蔥田雞煲上枱熱辣辣，還發出嗞嗞的聲響，揭開蓋時蒸氣一湧而出，真的非常香，真是色香味俱全，田雞切得較大件，帶有薑蔥的香味，肉質鮮甜又夠入味！還要多個芥蘭炒臘味，餐廳的芥蘭真的很嫩，廚師炒得又脆又爽，裏面有臘肉、潤腸及臘腸，份量也是頗多，青青綠綠，炒得夠鑊氣又香脆，份量多真的很抵食。當然，加多個可樂食得更滋味。

觀塘瑞和街市政🏢大樓4樓全層都有好多唔同嘅地道餐廳🍴，行到最入就見到🤩呢間朋友介紹嘅九鼎百味，佢話有時會喺度一路🍲打邊爐一路睇波⚽️。不過今次餐廳老細就💁🏻‍♂️介紹我哋食小菜🤤。生炒骨🐖肉質鬆軟肥瘦適中👍而且十分之有🔥鑊氣，入面有好多🤩炸蒜勁香口😋！老細推介我哋呢個新出嘅🍄雜菌炒🐂牛仔肉，我又幾😍鍾意食雜菌🍄所以覺得唔錯🤤。佢有好多雜菌🍄，而且好新鮮🥰，牛仔肉🐂好嫩滑又不失牛味🤤，仲有三色椒🫑，感覺幾健康😆。老細💁🏻‍♂️招呼好好，問我哋食唔食🐖豬雜，原來佢哋新推出呢個豬雜煲🍲。豬雜煲🍲出邊好似🤔好少見，我又未🤤食過，所以就叫咗🥢。呢個豬雜煲🍲入邊有好多豬膶🐖同埋粉腸，食落啲豬雜好新鮮🤩，豬膶十分🤤鮮嫩，🔥火候控制得好好👍，粉腸爽口彈牙又唔會太肥😋！入邊仲有啲🤤豬紅同埋豬皮，都十分高質，😍鍾意食🐖內臟嘅話，呢個必食呀😋！椒鹽鮮魷🦑入口好有驚喜🤩，椒鹽中有少少🤏梅子粉令到佢有一種🥰獨特嘅酸甜鮮味🤤，令到成個味道嘅層次感👍更上一層樓！脆漿又薄又貼服，而且鮮魷🦑又腍又滑又鮮味😋好正！

好味大排檔觀塘街市的大排檔人山人海，好熱鬧，同朋友幫襯左呢間九鼎百味，目測都係食火鍋雞煲，但我哋想食小菜，叫左幾個小炒，幾好味窩！個小食眼泪魷魚，哇哇，好兮washabi ,真係食到流晒眼淚😂幾刺激！不過又幾過癮嘅！個蠔餅好正！蠔仔都大粒！炸到好鬆脆，送左杯啤酒，一流！個炒海蝦都好新鮮！酸甜醬汁，好惹咪，送飯好好！好開胃！炒豆苗好新鮮，蒜蓉炒，份量又多。驚吾夠飽，叫多個臘味炒饭，好正，有腊肉粒，飯又乾身，幾好味，冬天食好暖身！老闆好熱情好客，下次再利過！

觀塘其實真係好少特色嘢食鋪頭…今次瑞和街街市搵食…見到一間位置係最埋邊火鍋雞煲店…最鍾意試啲新嘢；就試佢一試…食完感想：1.佢哋個藥羊腩或雞非常特別…藥膳的味道十分清甜～2.再試埋個眼淚魷魚十分有特色,食到標眼水3. 牛頸脊十分有牛味…食完雞煲打邊爐…老闆仲唔收我哋湯底…4.最最最重要的一樣嘢…原來老闆落重本有埋英超西甲的now...試問觀塘邊度有食肆有得睇波…價錢又公道…鍾意睇波嘅人士一定唔可以錯過

▢ ▢ ▢<電梯上嘅位置▇ ▢ ▢<電梯落嘅位置^ 餐廳位置話說平時萬年都唔會去嘅熟食市場，呢間餐廳打破我諗法-w-!!好想再去～前菜➪涼拌四季豆，蒜香辣椒味重🧄前菜我地叫咗ꕥ雞煲ꕥ🐥勁足料，肉質鮮嫩，勁多芫荽，薑片乾辣椒三色椒🫑非常之惹味😋老闆同老闆娘好熱情招待😍見到佢對每台台人客都好熱情款待！好小見❤️加分見隔離枱叫咗ꕥ乳鴿ꕥ聽到👂🏻最後一隻～我哋都試咗乳鴿😍皮脆肉嫩~\(≧▽≦)/~難怪咁多人叫我哋仲叫咗ꕥ蠔餅ꕥ蠔餅好大件！炸到出邊脆卜卜～入邊好多料！而且又唔會太油！食到舔舔脷😋同老闆交談中佢問我哋有冇食過眼淚魷魚🦑？我心諗咩品種？試試佢先！Omg🙈原來係食到我流眼淚💧😂原來係芥辣🦑涼拌魷魚好新鮮，彈牙又鮮甜💓餸酒😍真係預料之外！餐廳服務優越！嘢食質素正！

九鼎百味火煱雞煲 (觀塘)#今日約咗朋友去觀塘聚舊,佢話帶我去食好嘢,我地去左瑞和街街市吃火煱,餐廳開張不久,座位闊落,地方乾淨企理,調味盤的選擇也非常多,有蒜蓉、蔥、芫茜等,由客人自行調配。店員非常熱情招呼,令您有賓至如歸的感覺。1）餐前小食：*麻辣四季豆：鮮甜爽甜,麻而不辣,最啱鍾意食麻辣嘅人。*眼淚魷魚：新鮮彈牙,因為用wasabi醃製,非常特別,食到會流眼淚。2）主菜：1.馳名花雕醉雞湯底半隻：香濃的雞湯放入紋黨，當歸，北芪，圓肉，大紅枣，杞子，南淮山等藥材去熬制,所以一上枱,香氣撲鼻,急不及待去品嚐一下。兩人有半隻雞份,店員非常細心教導怎樣去煮, 雞肉吃起來非常嫩滑,有香濃的鮮雞味,一邊喝湯,一邊吃雞,非常滋味。#這個養生招牌湯底可以滋陰養顏、補中益氣和活血驅寒。2.海蝦和花甲： 兩者也大大件和多肉，海蝦外殼薄而肉質爽彈，鮮甜可口。花甲豐富醇厚而鮮嫩。 兩者皆有濃濃的鮮味,肉質爽口彈牙；味道鮮甜,我們可以慢慢品嘗其鮮甜香的香氣,值得推介。3.白鱔片：大大塊,夠新鮮,顏色晶瑩剔透,而且切得厚薄均勻,肉質嫩滑爽甜,肥美結實,入口帶有點魚油脂的香味！味道鮮甜口感嫩滑。4.自家製鮮蝦

沒想過位於瑞和街街市四樓的熟食巿場當中，竟然意外地發現了一間名為九鼎百味的大排檔，招呼我們的Terry服務認真周到，未試過响大排檔，有酒店式服務，從來沒想過會有人幫你自動換碟，唔係啤酒姐姐也會有人幫你加酒，雖然是簡簡單單的火鍋，雞煲味道一流，我們6個人花不了15分鐘已經clear，再上本地手切牛肩膌味道鮮味，仲有即炸響鈴，還有鮮脆豆丕，其他食物質素也很好。埋單唔使1200蚊，除開唔使200蚊一個人頭。

好開心，發現新大陸，第一次食ge時候太好食，唔記得影相就食晒😂胡椒豬肚雞味道剛剛好，唔會太咸太淡，凍凍地食成個人舒服晒，🐔隻雞超嫩超滑，肥瘦適中雞味濃，大推👍🏻👍🏻👍🏻今次食藥膳羊腩煲，當湯飲都得，冇味精飲完唔會口渴，個身都暖左。 D菜非常新鮮，食西洋菜、豆杯冇見到一片爛ge，老闆另外有賣菜，所以攞d菜都好靚，蘿白蓮藕都好甜。 街市入面係高質素，環境算整潔，餐具都好乾淨，唔會痴笠笠，料靚美道正價錢比餐廳一定抵，CP值高值得去，加上老闆好健談，服務100分，體驗非常好，值得一去，本人從未評價過都要寫一編讚讚佢，希望老闆長做我地有得長食😋🍻🍴

今晚約咗朋友交收，交收完就梗係食埋飯先散水，佢帶我上去市政大廈開餐呢間新開無耐嘅菜館，有鷄煲火鍋亦有小菜供應，見今晚天氣又回暖返D，就叫小菜啦小菜款式都唔少，有D仲有住家菜感覺，價錢相當實惠我真係好鍾意食炸乳鴿 ($58)架，雖然體型係細隻D但炸至皮脆肉嫩，鴿身亦鹵得入味，點D喼汁食，秒速KO半隻!!火舞風雲 ($98)從碟名又點會估到究竟係碟咩餸，原來係變陣版嘅咕嚕肉..........哈哈...!選用火龍果代替菠蘿，食起黎多一份清新，減少咗酸度; 而肉就用豬頸肉代替腩肉，口感爽口又無咁肉膩，仲有個炸漿開得唔厚，唔會成口粉都仲未食到肉嘅部份。以煲仔上嘅薑蔥牛栢葉 ($88)，能夠保持熱度!  牛栢葉係一舊舊夾得起，並唔係D碎蔭蔭，口感腍中之餘又爽口，加入爆香嘅薑蔥快炒就搞掂，快靚正!呢個黑椒豬手煲 ($128)，侍應送上枱時都嚇傻了眼，咁大煲嘅?!豬手用刀叉將佢解體，豬皮未食目測已感到滿滿嘅骨膠原，柔滑而唔太肥膩豬手肉量相當多，被惹味黑椒汁重重包圍，加上煮到有甜味嘅洋蔥，變成一個偷飯賊!呢個豉油王炒麵 ($68)應該係我食過嘅"健康版"，麵底無油係碟上，炒得乾身之餘但又唔係乾爭爭喎，

每個熟食中心總有一兩間高質店最近朋友發掘到位於凱匯後面既瑞和街市政大廈呢間店。雖然新開，但已經有唔少捧場客。送上前菜：涼拌香蒜豆角店員講笑話係唔收費既nuts～豆角爽口蒜香味濃食中菜飲啤酒最暢快眼淚魷魚店長介紹既特色佐酒小食見有幾片辣椒以為會係辣椒既辛辣入口wasabi 味好嗆鼻，食到眼濕濕，眼淚魷魚呢個名真係好貼切!酥炸蠔仔外皮酥香，炸漿非常之薄好脆口。蠔仔鮮嫩，一粒接一粒食到唔停口，佐酒一流！話梅肉排用砂鍋裝住上檯，開蓋仲係滾住，熱騰騰主廚堅持用料即日鮮同埋唔用味精既理念～💕未食先嚐小口醬汁，酸甜度平衡，好開胃唔口乾，肉質柔軟入味，肥美腍滑，帶咬口，仲有少少軟骨，成條肉排好掛汁～紅燒乳鴿Size剛好～乳鴿真係細細隻先最正肉質幼嫩脆皮，用手食極滋味😻胡椒豬肚雞明火大滾，奶白既胡椒湯卜卜跳，飄起椒香氣味配料豐富，腐竹、白果、白蘿卜、香芹，凝聚鮮甜味道胡椒味入口感覺唔會太辛豬肚唔韌有嚼勁，食唔出任何異味雞肉嫩滑，加埋雞油香，湯頭唔會太油，而家天氣轉涼飲完胡椒湯成身暖哂！ 呢度店員老闆都好nice，會同每檯客傾計。大廚之前喺好多明星飯堂煮過唔少特色菜，所以好多menu無既菜式都可以搵店家預

身為官塘老街坊,一直去發掘新食店！ (位置在瑞和街街市四樓熟食中心)老闆熱情招待,介紹本店之特色菜,有 眼淚魷魚 (冷盤食得出魷魚好新鮮,彈牙又鮮甜,會食到流眼淚) ,      墨魚餅 (香脆好味),      鍋貼小棠菜 (小棠菜切粒,煎成鍋貼一樣,好彈牙),      火舞風雲 (火龍果咕嚕肉,有特色),       藥膳羊腩煲 (藥膳湯底,好清甜,充滿藥材味,最正係無味精),      雞煲和火鍋 (下次一定會再去試)!小弟和幾位老朋友全點來試試,味道確實一流,款色特別,有意外驚喜,原本沒有打算寫食評,所以冇影相,老闆又好好傾,找回老官塘的人情味,支持街坊厨神 (裕民坊拆了後很難找回那些年的味道),一定會再去

有朋友介紹黎試(本身都好少特登揀熟食中心)不過真心有驚喜！雞煲初初黎到汁未算好濃，但係雞好入味，特登問老闆解釋越滾會越滾，到最後叫咗粉絲滾幾分鐘真係入哂味，時間計得啱啱好唔會乾哂水。另一個特色菜鍋貼小堂菜，用墨魚餅(會轉)連埋小堂菜切醉一齊炸，乾身唔會好重味！仲有眼淚魷魚夠爽口，wasabi涼伴餸酒一流！可惜原本冇打算寫食評所以冇影相，下次一定會再去，老闆又好好傾分享好多對煮野食嘅諗法，聽佢講廚房仲係前酒店廚，質素有保證😁