影片
更多
2022-04-24
321 瀏覽
終於都開返夜市啦，作為香港人一定要支持下小店，見到市面到處人頭湧湧，今日經朋友介紹下去左觀塘瑞和街街市樓上4樓嘅熟食中心嘅九鼎百味火鍋雞煲。環境企理有冷氣，自成一角，裝修有花心機，連Menu都與別不同，就知道呢間小店唔簡單。當然要試下佢地嘅麻辣雞煲$168 半隻我地叫左個小辣，味道濃郁，香氣撲鼻，雞外皮煎香內裡嫰滑好正，最意外係食完唔覺口乾同追酒飲，原來真係完全唔落味精。窩貼小棠菜 其實呢度菜出面食過，但呢度係最好食嘅，佢用料足唔在講，點樣可以做到咁脆口但唔係死炸粉果種感覺，原來佢用左腐竹，多左功夫所以食得出好好食，唔油膩。香煎墨魚餅好好食因為夠新鮮夠份量，真材實料。本身呢個菜係香酥嘅，但因為廚房忙，老闆娘親自煎，問我地好唔好，同埋佢地見已經叫左個窩貼小棠菜都係香炸，所以有呢個提議。我覺得呢間小店好特別。鹽焗花螺因為朋友要餸酒，所以叫左個鹽焗花螺，比起辣酒煮花螺，更加啱唔食得辣嘅朋友。花螺新鮮軟熟，鹽焗可以保存到鮮味，非常唔錯。朋友果然無介紹錯，呢間小店睇到老闆嘅用心，佢對食物有堅持，唔新鮮唔用，都要保持高質素。鋪頭雖然唔係好大，但佢為左令食客坐得闊落啲，寧願只放9張枱，亦都唔會趕客走
環境企理有冷氣，自成一角，裝修有花心機，連Menu都與別不同，就知道呢間小店唔簡單。
當然要試下佢地嘅麻辣雞煲$168 半隻
我地叫左個小辣，味道濃郁，香氣撲鼻，雞外皮煎香內裡嫰滑好正，最意外係食完唔覺口乾同追酒飲，原來真係完全唔落味精。
麻辣雞煲半隻
$168
9 瀏覽
0 讚好
0 留言
窩貼小棠菜
其實呢度菜出面食過，但呢度係最好食嘅，佢用料足唔在講，點樣可以做到咁脆口但唔係死炸粉果種感覺，原來佢用左腐竹，多左功夫所以食得出好好食，唔油膩。
窩貼小棠菜
6 瀏覽
0 讚好
0 留言
香煎墨魚餅
好好食因為夠新鮮夠份量，真材實料。本身呢個菜係香酥嘅，但因為廚房忙，老闆娘親自煎，問我地好唔好，同埋佢地見已經叫左個窩貼小棠菜都係香炸，所以有呢個提議。我覺得呢間小店好特別。
香煎墨魚餅
6 瀏覽
0 讚好
0 留言
鹽焗花螺
因為朋友要餸酒，所以叫左個鹽焗花螺，比起辣酒煮花螺，更加啱唔食得辣嘅朋友。
花螺新鮮軟熟，鹽焗可以保存到鮮味，非常唔錯。
鹽焗花螺
6 瀏覽
0 讚好
0 留言
朋友果然無介紹錯，呢間小店睇到老闆嘅用心，佢對食物有堅持，唔新鮮唔用，都要保持高質素。鋪頭雖然唔係好大，但佢為左令食客坐得闊落啲，寧願只放9張枱，亦都唔會趕客走做多轉客，務求大家食得開心，另外佢堅持唔落味精，加上老闆好客枱枱都吹水，問下食客嘅意見，令每枱客都有賓至如歸嘅感覺，所以可以留住好多熟客。
張貼
