九鼎百味 (已結業)

今日放工近近地去觀塘熟食中心食埋晚飯先返屋企，搵左間食客滿座既九鼎百味試試。好彩仲有一張枱，唔洗等就有得食，遲一步就食唔到啦。呢度員工好忙，但係都好nice，特別老闆娘都好關心我地啱唔啱食，真親切，一坐底仲有個四季豆涼伴食住先。黃花魚黃花魚整到脆卜卜，淋上啲甜甜酸酸又有少少辣既汁醬，好開胃，魚又夠哂嫩滑。丘比牛柳粒 第一次食呢款菜式，好多新鮮既生菜鋪底，上面有好腍既牛柳粒，配埋芝麻醬食，好鬼徤康。欖菜炒四季豆四季豆好爽口，好惹味，餸飯一流。呢度啲小菜真係抵食又好味。

前幾日又去熟食中心食嘢，去返上次去過嘅九鼎百味。不過天氣比較熱今次就唔食火鍋，叫咗幾個餸送飯食。一開始有兩款餐前小食：四季豆：清爽，有少少辣幾開胃。花生：好脆，送酒一流。冰鎮豬手粒 第一碟餸好清涼，有少少酒味好開胃，送飯都好夾。豬手充滿骨膠原，好味之餘又美顏。蘆筍炒豬雜 豬雜好豐富，有豬潤、豬心、豬腸同埋豬肚。豬肚豬腸好彈牙，豬膶豬心又好入味。乜都試到好抵食。老闆介紹佢哋嘅蘆筍係來自澳洲，難怪咁清甜爽口。仲有少少三色椒做點綴。吊燒骨 平時食開南乳嘅吊燒骨，呢度做嘢比較特別，係蜜餞花生嘅豬骨。呢個食法好特別，甜排骨加上花生嘅口感，值得一試。而且啲肉質都好鬆軟，啲花生加咗蜜糖有少少似花生糖添。丘比牛柳粒最後仲有呢個牛柳粒，加咗丘比芝麻醬。牛柳粒好多汁，識落都好嫩滑。份量都好大，仲有啲生菜，健康又好味。

朋友喺觀塘返工，閒談中發覺大家好耐冇見，約咗一齊食晚餐，而佢聽聞公司附近一間大排檔小菜幾好食，就約我平日夜晚嚟食。餐廳位於市政大廈內4樓熟食市場，入面有冷氣有電視睇，比預期中所想舒適。一嚟到就有老闆娘熱情款待，安排我哋兩人座位，未坐低就俾枱面本餐牌吸引住，設計靈感幾好，用以前中國故代書籍的裝幀作參考，亦有提供兩碟前菜，花生和四季豆。諗咗一陣都唔知叫咩小菜，老闆娘見我哋猶豫不決，最後走過嚟推薦幾款小菜，而我哋毫不猶豫照跟佢推薦的落單。涼拌苦瓜🥒 $48 ～ 涼拌青瓜平時食得多，但係涼拌苦瓜我從來未食過！冇諗過咁好食，如果鍾意食苦瓜嘅人，一定會覺得好正！苦瓜夠苦，加埋酸酸地嘅汁，係一道絕味的開胃菜！梅菜蒸菜心🥬 $78 ～ 相信人人都聽過梅菜蒸肉餅，梅菜蒸菜心就真係第一次聽。菜心清甜，咬落係爽口，加上有梅菜咸咸地配搭，撈飯食一流！橙花骨 $88🍊 ～ 賣相好靚，未食已經流哂口水，用上香橙酸酸甜甜的味道，相比起其他醬燒的烹調煮法，食落冇咁膩，好啱夏天呢個時候食！醬燒黃花魚🐠 $138 ～ 黃花魚伴上特製醬汁（泰式辣醬），口感係外脆內軟，炸得剛剛好，冇令到黃花魚的肉質粗糙，依然係咁嫩滑，雖然我

今晚四人飯聚，挑了一個菜牌、菜名都很用心製作的巿政大廈大排檔 ...這晚有限量製作：還在討論吃什麼時，大家三扒兩撥以把桌上小吃，“青瓜雲耳”掃光。 大家都年過半百，另外三位竟然都沒吃過“砵仔焗魚腸”！這道菜還可以，但魚腸不夠多，於是不夠香、不夠味，那粉嫩口感也差點兒，但那三個麻甩佬已如沐春風。 “西芹龍躉球”，不錯，魚肉夠新鮮，彈牙。 “油鹽水浸花甲”，鮮甜，我們連湯也喝光。 “鍋貼小棠菜”，很香，很脆口，老闆說是用腐皮包著小棠菜，再沾點什麼炸的，挺酥脆。 “炸子雞半隻”，還可以。 “咕嚕肉”，用火龍果及彩椒做配菜，很鮮甜，咕嚕肉好像是用豬頸肉做的，嫩中帶咬勁，很好。 “西芹炒豬面青”，火候十足，大排檔風味，但這兩食材前面出現過，沒太大驚喜。 “清炒菜心苗”，是今天的驚喜，菜薳脆嫩，鮮甜，原來老闆娘日間開菜檔的，難怪！

夏天其實好怕去街市食野，不過尋晚朋友極力推薦我一定要去呢間😆😆見佢咁盛意拳拳，我屈服左🤭🤭跟住佢去到，原來又真係冇想像中咁🤣🤣呢度燈光通明，環境同用具都乾淨，而且又有冷氣電視📺老闆娘熱情招呼，勁好客仲推介我地試下佢地新菜單*蒜🧄泥豬頸肉*佢話佢地間唔中就會有新菜式，好岩鍾意新鮮感既人🤭🤭尖椒皮蛋佢哋呢個好出色，真係冇野好挑剔，夠曬香辣🤤中間仲加左豆腐😽增加食物多樣性👍九鼎小炒王餐廳選材新鮮👍韮菜花本身就好鮮嫩，配以紅椒、蔥蒜、芽菜等材料，仲有爽口既豬肚，加上師傅既炒菜功夫，食落特別有鑊氣及清香🥰🥰蒜泥豬頸肉呢個係老闆娘介紹，餐牌仲未有🤭一上枱可以見到鋪滿晒蒜蓉泥😍出面係用豬腩肉，但係呢度係用豬頸肉，食落好爽口及啖啖肉，而且鋪底仲有大量芽菜，超級滿足😋😋我都推介大家一定要試👍👍📌 九鼎百味 (觀塘)觀塘瑞和街9號瑞和街市政大廈4樓14-15號舖#九鼎百味 #觀塘美食 #美食推介 #市政大樓 #街市美食 #火鍋雞煲 #新鮮感 #CP值高 #值得再試 #yummy #nice #小菜 #hkblogger #foodie #kwuntung

琴晚食左間好有風味嘅大排檔放心 呢間係有冷氣嘅 大熱天時都唔怕老闆娘好nice 介紹左幾樣必食野 真係好正喎餐前小食除左花生仲有涼拌四季豆 啱晒夏天焗魚腸老闆娘推介之一呢個功夫菜真係好少地方有得食 即叫！魚肝魚腸好甘香 一啲都唔腥一致讚好油鹽水花甲隻隻都好新鮮飽滿 湯底加左胡椒冬菜仲有粉絲底索晒湯汁超好味火舞神功第三式-火舞風雲咕嚕肉食得多 用紅肉火龍果嘅就第一次食咕嚕肉好脆口 醬汁酸甜度啱啱好脆皮炸子雞叫左半隻 隻雞好好肉仲要好滑層皮脆到好似食緊薯片咁九鼎神功第七式-墨子攻略勁彈牙嘅炸墨魚餅墨魚滑入面仲混左好多墨魚粒粒 好有口感薑蔥爆魚卜嚟到仲係炸炸聲超香 估唔到份量有咁多 好鍾意咬落去嗰種膠質入面又好爽脆嘅感覺

一向鍾情港式大排檔的風味朋友介紹了在觀塘瑞和街市內的九鼎百味除了食物出色 也有滿滿的人情味非常值得幫襯的小店餐前小吃 蒜茸涼拌四季豆 口感清爽 砵仔焗魚腸老闆推介必食 用鯇魚腸魚肝雞蛋油炸鬼焗成入口甘香 好好吃炸子雞雞皮炸得很香脆 連雞胸都很嫩滑比很多大酒樓的更出色薑蔥焗田雞一打開就聞到好香的薑蔥味田雞好肥美 大概有五隻的份量加了辣椒絲 吃起來微辣更香口椒絲腐乳通菜好有鑊氣 炒完依然青綠色不會死咸吃大排檔必不可少的啤酒 好滿足

今日去觀塘，經過瑞和街市政大樓，見到4樓係熟食大排檔，就上去試下，最後入左九鼎百味食晚餐，依度無論風味同氣氛都十足。今次叫左火龍果咕嚕肉、鍋貼小棠菜、砵酒煮魚腸、豉油王炒麵。火龍果咕嚕肉用新鮮火龍果加上洋葱、青椒、紅椒等做配菜，鑊氣十足，咕嚕肉甜甜酸酸，而且肉汁鮮美。鍋貼小棠菜絕對值得推薦，用手打墨魚滑混和小棠菜，再加上酥炸，好香口又有墨魚鮮甜，吾油膩又有口感。砵酒煮魚腸吾係好多地方有得食，熱炙炙暖笠笠，每啖都包含蛋及魚腸味道。豉油王炒麵食得出廚師好有功力，炒得每條炒麵都上晒色，兼極有鑊氣，正！

喺觀塘收工，仲要今日係星期五，一定要去食好嘢，今日去咗瑞和街嗰邊嘅綜合大樓，好有大排檔風味，而家好少有㗎喇，老細會主動同客人飲番杯，仲會一齊傾偈，好有親切感🫰🏻🎊招牌炸子雞——招牌真係招牌，雞肉嫩滑，好香雞皮好脆，半隻雞一陣間就食晒🥹🥹🎊蜆介鯪魚球——而家好少地方有蜆介鯪魚球食，見到真係要即刻叫來食，鯪魚球炸起大過個乒乓波，熱辣辣好香口，配埋個蜆介汁，一流👍🏻👍🏻👍🏻🎊薑汁炒芥蘭——芥蘭苗炒得啱啱好，爽口清脆👍🏻👍🏻如果唔係食緊藥我一定飲番杯啤酒🍻真係好有氣氛好有香港大排檔嘅感覺😂😂

香港美食多多，街市亦不例外，高手雲集。呢間隱世小店， 質素意外地出色！朋友都一致好評！麻辣雞煲（半隻）雞嘅件數都多，佢嘅醬料同出面嘅有啲唔同。麻味同辣味唔會蓋過雞嘅鮮味，又唔會太咸，送飯簡直一流。好欣賞佢嘅雞皮係有煎過仲係脆，但雞件都係腍滑嘅。食得出佢冇落味精，食完個口唔會好咸好乾。值得一試啊。炸墨魚餅爽口彈牙，食到墨魚嘅鮮甜味。上枱嘅時候真係熱辣辣新鮮出爐，個陣墨魚香味令人食指大動。食落口仲要食到又多又大嘅墨魚粒，絕對唔係出面麵粉多過墨魚嘅墨魚餅。鍋貼小棠菜食到個餡係墨魚蓉加大量小棠菜，外皮香脆絕對唔會覺得成口炸粉。呢樣菜式特別在真係未試過，小棠菜餡加埋墨魚肉竟然咁好食。鐘意食煎炸菜式嘅你地絕對唔可以錯過。

大排檔比人的感覺很嘈吵，但鍾意嘅人會覺得有氣氛，很熱鬧。香港都好耐冇聽過呢啲咁熱鬧的聲音了，所以今晚約咗朋友黎「九鼎百味火鍋、雞煲」感受一下久違了的熱鬧和人情味。講起人情味，呢度的員工服務態度就真係表現到出嚟，會間唔時同你傾下偈，交流交流，又問下佢哋生意好唔好果啲，佢哋話疫情關係都停咗工4個月，捱到而家開返都好唔容易呀！生活艱難，大家都要努力💪🏻椒鹽九肚魚 $98九肚魚熱辣辣上枱，已經飄來陣陣濃濃蒜香味，急不及待吃一口，外皮脆香肉嫩，加上高溫影響，覺得特別好食啊！沾上喼汁，立刻提升食慾。滋味四季豆$48非常惹味，鑊氣夠，四季豆爽口的，唔會過淋有𡁻口，同埋有種香口既味道，越食越多咁。薑蔥爆魚卜 $88薑蔥味香濃，蓋過了魚卜的腥味，有點𡁻口，爽脆口感，好好食，很快就清左🤣東坡肉 $138肉質較實，肥肉好淋冇油膩感，好入味，忍唔住叫左碗白飯。啤酒好夠凍，真係開心啤一啤😆逢星期二、三、四、日，食一個小菜送一支啤酒🍻，抵👍🏻

朋友大力推介嘅大排檔，本來都聽到街市大排檔，已經立刻令我聯想起污糟又熱又焗冇冷氣，但今日竟然衝擊左我對街市大排檔嘅想法😲我去光顧係落雨天，仲要係勁大雨，由頭濕到落腳，心諗一陣上到街市大排檔，冇冷氣一定好辛苦….上到去街市3樓，一打開餐廳的蓮蓬，Omg竟然有冷氣😲驚喜一浪接一浪老闆娘推薦幾道菜鍋貼小棠菜如果食得多蠔餅覺得厭，推介你試這款，酥脆可口，餡料混合小棠菜同墨魚粒，爽彈鮮味，香口得嚟唔算好油膩，會追住食果種。辣酒煮花螺呢個係必食！老闆娘知我鍾意食辣，特登叫廚房加辣❤️辣酒適中，我同朋友飲哂d湯，奇怪嘅係飲完都唔口渴，問過老闆原來佢哋冇落味精，花螺雖然唔係超大隻，但係勝在新鮮，每粒都好鮮甜，老闆娘仲教我哋點樣食唔會整污糟手🤣食咗咁多年，終於識食😹砵仔魚腸識食自己去試下🤫蒜香骨多肉連骨，脆口而不乾身，勁多蒜，好香口，份量好多，啖啖肉👍🏻啫啫芥蘭煲有咸魚香，大大條既蝦乾，襯埋芥蘭，一流！最後多謝老闆娘熱情招待，介紹咁多好食嘅小菜俾我哋👍🏻真心好推介呢間大排檔，特別係我哋食嘢有骨碟，員工見到我哋骨碟多骨，會主動幫我哋換碟，大排檔都有服務！抵佢咁多熟客❤️❤️❤️

食鑊氣小炒都係去大排檔好😍。同屋企人去瑞和街街市熟食中心食飯，原來而家裝晒冷氣環境好咗好多😯。🥢鍋貼小棠菜 麵衣酥脆可口得似潮州蠔餅。餡料混合小棠菜同墨魚粒，爽彈鮮味。香口得嚟唔算好油膩，兩個人share一碟啱啱好。🥢辣酒煮花螺 花螺鮮甜爽脆，冇沙又冇腥味。每粒花螺浸滿辣汁，香辣好啱餸酒。🥢豬頸肉炒西芹豬頸肉爽滑彈牙，配搭XO醬嘅香辣鹹鮮非常惹味。🥢欖菜炒豆角豆角炒至軟身冇青味。欖菜肉碎味道香甜開胃，餸飯一流。📍九鼎百味 (觀塘)觀塘瑞和街9號瑞和街市政大廈4樓14-15號舖

對上一次嚟係4人限聚，食客不多，老闆娘十分好客，仲好樂意為我哋特別煮，上次我哋無打邊爐，但想食鷄子，老闆娘同廚房大佬商量完後，就整咗個薑蔥爆鷄子，我哋想食個炒菜，但又唔想咁普通，過了一會就奉上鹹魚茸炒西洋菜，菜又嫩又新鮮，少少鹹魚茸惹味得嚟唔太鹹，最難得係真係有心思，其他小菜亦睇得出大廚十分有水準！一聽到晚市會開就馬上訂位，訂位時同老闆娘講我哋想食豬腦，點煮由她發板，結果超驚喜😍😍，連十歲小朋友食完都話好味，我哋話係中式鹹味布甸🤭🤭 嗰晚爆場，辛苦曬老闆娘、大廚，老闆嗰晚都全程喺廚房無停過，有水準嘅食肆終於捱過疫情可以開返，十分感動，未夠七點已經無walk in，要食好嘢記得book枱😊😊

好不容易等到放寬晚市堂食，有D野係不能外賣，就好似排檔出品嘅小菜，當然要即炒即食先食到最好味嘅一刻今晚上到黎呢度開餐，放心...........有冷氣有電視想食好嘢，就要打開呢本"九鼎神功"，裏面提供小菜/火鍋類，價錢都算大眾化想食鷄但又唔想食太多，可以試下呢客芝麻手撕鷄 ($128)，鷄肉撕成一條條，伴以爽脆青瓜絲，西芹及紅蘿蔔絲，加入花椒油再晒上芝麻凍食可作為前菜，一啖食齊3種唔同口感食材，花椒油比例剛好，唔會嗆鼻，反而刺激味蕾，開咗胃口。打開本"九鼎神功"，係煲類中比我地發現有呢客薑蔥爆魚卜 ($78)，家下唔係咁多地方有呢D懷舊貼地菜食，當然要叫番煲。香濃醬汁爆炒到香味四出嘅薑蔥，蔥入口香甜，同埋爽脆中帶D煙韌嘅魚卜，半點腥味也沒有，熱辣辣食好好味。黎得呢D場，叫D香口嘢食是常識吧!  椒鹽系列中，九肚魚/鮮魷/排骨就食得多，椒鹽豬手都係第一次食。炸香咗嘅脆蒜碎灑係豬手上，選用細隻嘅豬手仔，食起黎無咁易膩; 先食到脆香豬手皮嘅椒鹽味，肉唔多主要食筋位，唔會過咸，相當惹味，用黎送凍飲無得輸。最後當要預返個名額比"澱粉質"類，老闆推介呢客九鼎炒飯 ($128)，賣相有點似福建炒飯叫