一生懸麵

營業中

休息中

星期六去好彩天氣未好熱，下午兩點開始排等咗20分鐘，都尚可接受。一生懸麵出名嘅其中一個原因係因為有雪糕拉麵，掙扎咗好耐，驚中伏，都係安全啲點個海老拉麵($88)。櫻花蝦真係超多，落重本，多度已經不停食，食到最尾都仲有，又夠香。湯底極濃郁，濃郁到第一下飲以為點左沾麵，因為嗰種厚度係同沾麵嘅湯差唔多，但拉麵底就係幼身。想講舊叉燒都好好食，肥瘦適中，微微焦香，吃罷工沒有很膩的感覺。總括嚟講係好食，唔怪得知咁多人排隊食台灣SAGE有氣蘋果桂花茶($20)

食過好多次, 接近每次都會點 辛辣沾麵$8X元黎講, 依個份量, 依個味道, 好抵食！幾時出返限定海膽蠔沾麵？大大塊火炙豚肉脂肪:啖啖肉比例大概係2:8, 脂肪係邊邊位。如果脂肪多點應該燒出黎會再香點。不過我都幾滿意, 但70分扁平粗麵底(普通硬度)真係好正, 最近麵底都無變, 依類掛沾麵湯簡直一流！辛辣魚介湯底魚介呢. 我本身就麻麻嘅, 因為本身好淡！但依個湯就好濃味, 辛辣味當然都好出!食完預左有少少口渴, 不過掛住汁去食, 真係滿足！值80分！無紫菜雖然紫菜只係點綴, 不過有, 會開心點.掛住海膽蠔沾麵依個係以前嘅限定拉麵, 真係好掛住可以成本高, 所以唔再造?依家嘅限定多數都係雪糕沾麵, 持續左成年,我諗應該都受歡迎, 有機會會試下！

之前喺得寶食過覺得好好食(都喺小妹嘅拉麵排行榜頭三㗎🍜)而旺角店開咁耐都未試過就嚟試吓週末14:00去到都仲要等位不過好快就入到座排隊嗰陣已經揀好晒食咩雖然踢晒腳但個個店員都好熟手成個過程都好smooth濃厚豚骨沾麵 $82🙆🏿‍♀️餐牌有寫因為沾麵湯底會比較濃如果想飲湯就要問店員加魚介湯點咗熱拌 上枱都仲feel到啲熱氣叉燒睇落半肥瘦 仲好似斷層咁食落有少少炭燒味 肉質都算軟腍半熟蛋做到流心效果 但可惜唔係溏心蛋筍就正常發揮湯底好濃厚 真係幾重味 真係唔適合就咁飲不過拌麵就一流 重點係食完唔會十分口喝拌麵default係粗麵 好掛湯咬落都爽口彈牙海老拉麵 $88 🙆🏿‍♀️一嚟到都嘩咗聲好多櫻花蝦 好少會咁重手咬落多咗啲脆口感 仲要每一啖有海量叉燒、半熟蛋同筍一樣有喺到湯底比較濃稠 相對亦比較杰但就好好飲 飲完有啲黏口嘅感覺湯麵就係用幼麵連湯食都好夾 飽肚感十足唐揚雞 $35 💁🏿‍♀️有4-5件 size都唔細食落唔乾 入面有少少肉汁雞肉嫩滑 點埋沙律醬食邪惡但好味章魚燒 $29 💁🏿‍♀️Total有5粒 一口size木魚、紫菜同醬汁都齊晒唔算脆皮 亦唔會好淋 適中兼完整入面嘅啲料就正常

呢間拉麵黃店超級出名，成日經過都見到有條長長人龍，最近終於同fd子組團去試，拉麵同沾麵幾足料，價錢合理，值得推薦一試🫶🏻❀白湯豚骨拉麵❀豚骨湯底味道濃郁，調味岩岩好唔會太鹹，半肥瘦叉燒幾大塊，經過火炙後有滿滿嘅油脂香，朋友仔幾like佢個幼麵。❀海老沾麵❀蝦湯面頭鋪滿超多櫻花蝦，飲落特別有鮮味，底度仲有叉燒粒粒，沾麵用上粗麵，食落好有咬口。我特登加錢加溏心蛋，蛋汁好濃好好味。❀雞軟骨棒❀雞軟骨棒望落好似魚餅咁😂食落似雞肉丸咁有少少軟骨，因為有好多沙律醬食落幾開胃。❀章魚燒❀每粒都有章魚粒粒，味道唔錯。❀桂花烏龍及白桃烏龍冷泡茶❀見到宣傳單張寫住白桃可以美白肌膚；桂花就可以排毒袪濕，決定立即試下，味道幾清，去肥膩感一流。

之前已經好想試下呢間拉麵店， 但每次去都好多人排隊無食到， 今次同個fd咁啱旺角行完街早少少食晚飯，6點鐘已經有幾枱客人喇。好彩我地早到，可以即時入座。餐牌唔算多選擇，有5款拉麵、4款沾麵同小食。見好多人都推介海老系列，我同朋友都各自點左海老拉麵同埋海老沾麵。海老拉麵 $88海老沾麵 $85蝦湯超濃郁，入面仲加左好多櫻花蝦同埋幾粒豚肉添。麵可以選擇軟硬度，而我就揀左標準，有少少彈牙。配料有叉燒、糖心蛋同埋荀絲，叉燒表面有燒過更香口。拉麵湯會比沾麵淡身啲, 鍾意口味濃的朋友可揀沾麵。煎餃子 $29正常發揮，煎得幾香口雞軟骨棒 $29軟嫩免治雞肉加埋爽脆雞軟骨好有口感, 上面淋左沙律汁同燒汁味道幾夾, 唔錯蜜桃烏龍冷泡茶$ 18呢枝茶好好飲好香，蜜桃味都幾出同埋一啲都唔假味, 食完濃味嘢最啱飲，可一解油膩感。

食過好多間沾麵都係覺得一生懸麵係我心目中的top 1 🥰🥰 呢間人氣小店每次去都要排隊，可想言之唔係浪得虛名🙌🏻 店內裝修簡約，但卻非常溫馨！一生懸麵的麵條是我吃過最好吃的麵條之一😋麵條有三個硬度選擇，分別是較硬，標準和較柔，我喜歡吃較硬，麵條很有彈性，口感很好，非常有咬勁🤟🏻📍特濃豚骨沾麵 $82 (必食推介)🌟沾麵湯底真材實料，有豬腩肉、蔥、洋蔥等等配料，份量十足，味道濃郁！兩塊超厚切炙燒豚肉燒得香口，肥瘦適中，食落好juicy💥 📍牡蠣沾麵🦪 $128 (期間限定)少有的牡蠣沾麵，估唔到牡蠣大大隻，食落好新鮮，如果想清新啲，仲可以用青檸淋上麵條或牡蠣！湯底掛湯能力強，每食一口麵都伴有濃濃的沾麵湯，我把整碗湯都飲光了😅

終於食到呢間人氣麵店，本身想食拉麵，不過見到呢個期間限定沾麵，當然要試試啦～～① 牡蠣沾汁麵 $128應該係我見過實物與宣傳圖片最相符的一次！三隻炙燒廣島蠔好香好肥美，一大塊炙燒豚肉焦香嫩腍，加埋半隻流心半熟蛋以及燒洋蔥，都算幾豐富。麵條比較粗身有咬口，加上蠔味濃郁的沾汁，整個配搭非常蠔氣，沾汁入面有洋蔥粒，但洋蔥味唔夠蠔味搶。平時食完沾麵會叫員工加湯落沾汁，不過店員話呢個蠔沾汁加湯唔夾，所以不建議。

除咗特濃豚骨沾麵，食一生懸麵我最鍾意就係食海老系列。分別有海老沾麵同埋拉麵。沾麵用中太麵，彈牙爽口，可以揀凍麵或者熱麵。兩款都有兩塊火炙叉燒、竹筍、半隻味玉，同埋大量櫻花蝦係面。櫻花蝦沾滿麵身一齊食相當過癮。沾麵湯會較咸。拉麵湯相對醇口一啲，而且配上細直麵，好吸汁。飲晒啲湯都冇乜負擔。小食嗰唐揚炸雞都好正大大嚿好多汁，可以叫買罐凍啤酒，同去居酒屋冇乜分別，章魚燒食落感覺似關東版，好淋。另外可以試吓SAGE嘅冷泡茶，支凍茶幾夠味，食完可以清清口腔

📍旺角 《一生懸麵》  #性價比高人氣拉麵 呢間人氣小店拉麵食親都要排隊😤  今次都唔例外，好彩排左𝟏𝟓分鐘左右就有位🤣  ✨魚介豚骨沾麵 $𝟖𝟐 沾麵揀左熱湯，湯汁偏濃稠，食落有啲似味噌既味道， 有少少魚既鮮味🐟 呢間既拉麵係粗蕎麥，麵條煙靭彈牙， 仲好掛汁。炙燒叉燒肥瘦均勻，咬落去好淋， 係高質既拉麵叉燒😋 ✨野菜山拉麵 $𝟕𝟖 想試下一個濃一個淡口味，於是嗌左呢個野菜拉麵🍜  名副其實，成碗麵面頭都鋪滿雜菜：芽菜、椰菜、蒜蓉， 仲有兩片叉燒🥓 湯底味道冇咁濃咁重口味，但加左蒜蓉， 食落都好香口👍🏼  ✨唐揚雞 $𝟑𝟓 炸雞有四大件！每件都好𝐣𝐮𝐢𝐜𝐲 同好脆口😍 啖啖肉， 點埋啲沙律醬食好夾😋 不過我地留左件最尾食就硬少少，建議趁熱辣辣個時食左佢🤣  ✨章魚燒 $𝟐𝟗 外脆內軟，淋左滿滿既醬汁、紫菜同埋木魚絲，好惹味，個人認為絕對比得上出面嘅章魚燒舖頭🥹  ✨綠茶可樂 $𝟐𝟎 見餐廳有抹茶可樂都一定會嗌，係好飲過𝐜𝐨𝐤𝐞 𝐜𝐨𝐥𝐚嘅可樂🤣 凍冰冰嘅可樂配拉麵，好爽🥰  ✨波子汽水 $𝟏𝟓 波子汽水就無得自己玩，個店員已經開定左比我地🤣  味道：𝟖.𝟓/𝟏𝟎  性價比： 𝟖.𝟓/𝟏

🔸海老沾麵 $88呢間餐廳拉麵同沾麵嘅麵質可以揀軟硬程度沾麵仲可以揀熱或凍超級多櫻花蝦🥰櫻花蝦好香，味道好濃個人覺得海老沾麵比較好食！😋味道比較多層次，豐富 湯底好濃郁，掛汁 調味啱啱好，唔會過鹹呢個價錢來講，份量都好足夠我哋揀咗凍麵，標準硬度 建議如果沾麵嘅話，因為冇熱湯浸住可能揀較軟嘅麵質會更好食味道：9/10性價比：8/10🔸魚介豚骨沾麵 $82我哋揀咗熱麵，標準硬度 麵質彈牙有咬口，厚身湯底入面有嚿豚肉，係半肥豬肉😜魚介湯底稍為有啲鹹食落有少少鹹魚味如果鍾意食濃味會覺得好食 同海老沾麵口味完全唔同 叉燒肥瘦均勻，入口冇騷味味道：7/10性價比：8/10🔸唐揚炸雞 $35炸到金黃香脆唔鞋，雞肉嫩滑，咬落有汁味道：7/10性價比：7/10🔸章魚燒 $29有5粒章魚肉略為比較細粒入面比較多麵粉不過呢個價錢都冇得挑剔味道：6/10性價比：7/10▪️Sage 桂花烏龍冷泡茶 $18▪️Sage 蘋果桂花有氣茶 $20🔹環境：座位以四人枱為主枱與枱之間唔算闊落係一間拉麵小店，價錢合理👍🏻🗣不須加一服務費-人均消費：～$120-整體味道：8/10性價比：8/10-#一生懸麵📍旺角通菜街73號地

呢間旺角人氣拉麵店🍜，今次終於有機會嚟朝聖啦~😍去到已見到長長人龍，喺排緊隊的時店員會俾張紙你可以落order先，咁就一坐低就可以食喇!!今次叫左2款麵: 特濃豚骨沾麵 & 海老拉麵，另配餃子小食~特濃豚骨沾麵(熱)  ⭐️必食推介⭐️👍🏻👍🏻👍🏻湯底濃稠仲有粒粒豚肉  麵條好掛湯~ 口感煙韌彈牙叉燒肥瘦適中同炙燒過 整體十分高質！好出色  好好味😋😋💯煎餃子🥟亦煎得好香 味道不錯海老拉麵滿滿櫻花蝦仔🦐🦐，飲一淡湯已有好香蝦味，麵揀左標準硬度，食耐左都唔會好淋叉燒表面燒過，肉質軟腍 有厚度 食落好香😋

星期六下晝大約三點鐘去到竟然唔洗排隊就入得😬叫咗個野菜山拉麵，海老拉麵同雞軟骨棒海老拉麵有好多櫻花蝦係湯底，好濃郁好重蝦味，又唔會太鹹。佢嘅拉麵係偏幼身☺️叉燒好正好腍，表皮輕輕燒過更加有口感👍🏻野菜山拉麵個湯底就相對清啲 不過都好夠味 麵條就會係粗身少少嗰種拉麵。有成座山咁嘅野菜😂有椰菜芽菜同蒜頭，亦都有兩塊叉燒，其實都幾飽😛雞軟骨棒有咬口同肉質嫩滑，加埋沙律醬味道唔錯😬值得一試👍🏻

我推薦期間限定菜式——蠔沾麵。這道麵條是以蠔為主要材料，加上豐富的調味料和麵條，味道非常好，讓我驚艷不已。這道蠔沾麵的湯汁非常濃郁，充滿了蠔的鮮味和香氣，吃起來十分開胃。麵條也非常有嚼勁，入口即化，讓人回味無窮。雖然這道菜式是期間限定的，但我非常希望這道菜能成為餐廳的招牌菜。

一間位於旺角的拉麵店，每次都會見到人龍係店外，但呢間小店拉麵館絕對值得你排隊_____________ 牡蠣沾麵 HKD128不得不說呢個蠔拉麵味道非常濃郁！值得一試，蠔味比想像中更濃，沾麵醬汁濃厚，溫度剛好，配上拉麵真係非常滿足，淡淡都是海鮮嘅味道！仲有三隻蠔，份量十足！海老拉麵 HKD88海老拉麵同樣出色，湯底清甜，蝦味香，麵上有櫻花蝦，仲有溫泉蛋。同樣係海鮮湯底，飲完湯唔會好想飲水，欣賞！_____________ 評價： 誠意之作開心拉麵之選值得排隊推介指數：❤️❤️❤️❤️❤️ （五個心心為滿分）

雖然要排隊但其實入座好快等一等就ok了qr code 落單拉麵份量足而且重味個人覺得細食一碗麵都夠大食少少就建議加個小食係會encore既拉麵店沾麵好香濃夠油脂沾麵份量都唔細，飽肚