一生懸麵

營業中

休息中

［2017/08/03 牛頭角 一生懸麵］因為中午去了吃金田家，沒有很滿足，晚上想再吃麵。下午來了九龍灣一帶，特意在openrice查看附近好吃的沾麵店，就來到了這間。這間拉麵店很小，但也有10多個座位，我和友人到達時大概5時多，時間尚早，店裡沒有客人，不用等位。-價錢比較便宜，但麵底預設是150g，各位要注意～沾麵亦無份量選擇，加底$15/100g。我們各自都加了$15，但到餐發現都頗多麵。魚介湯的味道到位，不錯！櫻花蝦湯就顯得一般，但有很多櫻花蝦～麵條OK，沒有很特別，不過不失。叉燒夠大塊！好有口感，讚～餃子可以，但雞軟骨串不建議。只是到最後沾麵湯加入清湯後品嚐時仍覺太濃，太鹹了，可以改進！-我們結帳時店裏幾乎滿座，當時還未夠6點，看得出小店頗受歡迎的～-總結：在這一帶算是不錯的，小店經營，希望能維持下去～

平時好少黎九龍灣，今日行入少少去到淘大商場旁邊的德寶商場，發現左一間幾隱世，又好食的拉麵小店，一生懸麵。點解要介紹？因為個價錢真心貼地同吸引。拉麵店選擇也不太多，除了拉麵之外仲有沾麵。我點了沾麵，有得揀麵的質地，絕不馬虎！我選了硬身的質地，加上是冷麵，果然麵質彈牙，有蛋香，不過掛湯力不夠。沾麵汁好香魚介味，加入豬骨味，其味道的濃郁度，實在能媲美尖沙咀銅鑼灣的名店，不過因為配冷麵的關係，沾湯愈食愈會凍，如果可以加埋熱湯就更加好，或者下次都係揀番暖麵。而爸爸點的拉麵，麵質相對淋身。不過湯底有好濃厚的豬骨味，而且好杰身，感受到那份真材實料！不過如果溏心蛋可以入味多少少就更好！小食的煎餃子也不錯，不過小食的選擇不多呢。整體來講性價比都好高，六十幾蚊又抵食，貼近日本的價錢！就算遠在九龍灣都可以過一下沾麵癮。

I am a noodles lover and have been trying out different noodles in Hong Kong. This shop is not so bad, the soup is thick and tasty, the noodles are cooked to be perfect. I will pay my visit again

今天去了德寶商場取貨，搞掂時已經到達晚餐時間，碰巧見到這間拉麵沾麵店叫<一生懸麵>，個名又幾得意喎！一於就試下佢小店式經營，地方不太，但最緊要食物質素，所以我們也不介意食物有分拉麵和沾麵，而小食則有餃子和雞軟骨作選擇填好點餐紙便交給侍應哥哥，接著等一會兒便可以開餐了還可以選擇配料和麵的軟硬度，好貼心呢先來小食煎餃子！餃子的外皮非常香脆卻不油膩，很乾爽，而內裡的餡料很充實，蔬菜和肉肉的比例很好，不會過於heavy。$25一個小食有如此好的質素，絕對超水準接著老公點的拉麵登場。拉麵的湯底呈微微的啡黃色，味道非常濃厚，有豬骨味外還有點鮮甜的感覺，細問之下才知道原來加了𣻹魚湯底，怪不得比一般的豬骨湯有更豐富的層次和口感而麵質亦不得不提，非常爽滑彈口，而且軟硬度適中，配合香濃的湯底吃著份外滋味而我則選了沾麵。上桌一刻不禁心裡暗呼，<隻蛋好糖心>而沾汁是特濃豚骨口味。要先把調味粉混合才吃喔！而沾汁的質地比普通湯底杰身濃郁，可以緊緊掛在彈牙的麵條上，重口味朋友絕對要一試$156元作結，十分超值

星期日下午，我在「嘉和園」「天X冰室」初次試食甜味的「鮮忌廉菠蘿包」和「紅豆奶茶」後，開始找星期日晚上食晚餐的地方。晚看九龍灣，牛頭角附近的新舊食店，未食過又想試食的日式拉麵店所剩無幾。離開「嘉和園」和「天X冰室」以後，我漫無目的地，向旁邊的「德寶商場」緩緩推進。進人「德寶商場」後，我隨機地找到一間新開的日式拉麵店，它的名稱叫做「一生懸麵」。所謂「一生懸麵」，其實跟日文有個四字詞「一生懸命」十分相似。所謂「一生懸命」，大概是指人做事十分專心，全神貫注地做好每一件事，直至做好想做的事為止。所以我估計，「一生懸麵」的宗旨應該是，他們的拉麵一是不做，一做就要做到最好為止。雖然「一生懸麵」開業久，根基未穩，店舖的前途還是未知之處，倒不如盡力而為，聽天而命好了。由於「一生懸麵」開業尚早，業績還處於觀望的階段，店舖面積還不算很大，幾張面向吧枱廚房的檯櫈，和幾張很簡約樸素的木檯木櫈。不過這樣簡樸的食店規模，反而令我減少壓力，可以輕鬆地享受他們製造的拉麵。雖然「一生懸麵」製造的拉麵，主要都是豬骨湯底的拉麵，但是亦有一些平日在香港日式拉麵店，怎樣找也找不到的另類拉麵，例如比較重口味的「名古屋二郎系拉麵

得寶商場大翻新後, 地下層進駐了不少美食, 在入「牛頭角下邨」之前有一家拉麵檔, 傳來陣陣香濃的豬骨湯香味我最喜歡坐在麵檔旁, 可以看到師傅忙忙碌碌的在煮麵, 覺得像置身於日本小店枱面已放有點餐紙, 原來除了拉麵還有沾麵啊另外還有一些另加配菜及小食沾麵是可選冷或熱, 小弟一般喜歡熱食, 但如果在炎炎夏日吃一碗冷沾麵也無妨啊馬上選好了櫻花蝦沾麵(麵要軟一點), 另叫一客煎餃子沾湯味道非常濃厚, 有蝦香味也有肉香味, 把一撮粗沾麵浸一下沾湯, 櫻花蝦已經掛在麵上, 沾麵需柔軟但口感仍帶煙靭, 入口還有爽口的蝦及葱, 口感非常棒叉燒呈長條狀, 帶小小脂肪, 入口鬆化又不帶膩感溏心蛋的蛋黃非常吸引, 蛋味濃郁, 整個蛋都好軟熟食到最後, 沾湯內的櫻花蝦竟然在不知不覺間食完了, 份量剛好餃子, 一客有五隻外煎得略脆, 肉餡為豬肉, 點小量醬油已經很夠味終於有家有水準的拉麵店在我家附近啦

住開九龍灣喱邊GE人都會知道喱邊雖然有好多餐廳選擇, 日式餐廳都有好多, 但拉面店的選擇就真係冇 ( 除非你計埋淘大有間垃圾啦 )今日同我老公落去得寶想食野先突然見到喱間日式拉面店, 嘩, 真係幾驚訝囉見到佢GE時間, 雖然間店都幾細, 得2張4人枱, 其他都係吧枱, 不過望落去都OK 整潔, 加上喱頭真係冇喱類的餐廳所以我地就去試下啦喱間野有拉面同沾面兩種, 我自己就叫左個櫻花蝦油拉面(HKD 73), 勁香囉, 湯底係重重地口味的濃湯, 面質都OK 彈牙, 我老公就叫左個白湯豚骨拉面 (HKD 63 ), 佢都話佢o個碗都OK我地另外叫左個燒餃子(25), 賣相一般般啦, 不過都係日式餃style, 唔係俾埋D勁hea野, 味道都幾香同埋有肉汁叫埋1個汽水, 賣單共HKD170, 拉面黎講咁GE價錢都幾抵, 當然你唔好同D勁出名的拉面店比啦, 但如果以小區的拉面店黎講我地都幾滿意, 下次會再黎食

在九龍灣一商場的不顯眼角落，發現這間拉麵店「一生懸麵」，看價錢相對便宜，便坐下來一試。看menu，最吸引我的是這款名古屋二郎系拉麵。在日本，一般二郎系拉麵都是大堆頭及口味重，屬男人之口味也。我吃過的二郎系拉麵中，便試過芽菜等料推積似座小山似的。此店的二郎系拉麵，料並沒有推積如山，芽菜不夠多，但店家下了椰菜和蒜片，特別是蒜片份量落得足，總算做到重口味的效果。最重要是碗麵只要六十三蚊，我另點玉子加多幾蚊，在香港食拉麵來說算性價比高了。值得一提是看到這裏的麵條有一點點的東西，可能是同麥芽有關，故這裏的麵條煙靱度唔錯。叫多個餃子，看店員把餃子放在光波爐弄熱已不是味兒，吃落果然乾身了點，看來下次可不吃此物，專注吃此店其他產品，好像沾麵或蝦油拉麵好了。

德寶商場嘅食店越開越多,依家連拉麵店都有,依間店裏面嘅座位唔多,只有十幾個位,好彩早一步到,坐低唔夠10分鐘之後已經有好幾個人係等緊位。除左拉麵之外依到仲有沾麵,男朋友叫左碗白湯豚骨拉麵而我就揀碗濃香櫻蝦沾麵。白湯豚骨拉麵嘅麵條比較幼,軟硬度亦適中,湯底亦非常之濃,有少少黏口嘅感覺。溏心蛋嘅流心效果吾錯,叉燒亦夠淋。沾麵嘅麵質可以選擇硬度,因為我唔鍾意食淋嘅拉麵,所以我就揀左較硬嘅麵,上枱後見到沾麵嘅櫻花蝦湯底充滿着櫻花蝦,但相反沾麵嘅湯底比白豚骨拉麵嘅湯底更加稀,掛麵效果唔太理想,但櫻花蝦嘅香味依然突出。麵條帶有少少煙韌口感,整體黎講如果湯底再杰一D就好啦。餃子味道一般並無特別,但係幸好唔會煎得太油。

肚餓難擋！一碗熱騰騰嘅拉麵就最好醫肚！今天晚上，遇到呢間充滿日式屋台風味嘅小店，座位不多，但和"大將"距離拉近，講下食下，滿載日式風情，吸引小弟眼球的，還有她的店名，係取自日文"一生懸命"嘅諧音，中文解作"用盡全力、拼命製作"嘅意思，一碗拉麵都咁認真，好有日本"職人"風範！👺好嘞，名字吸引，食品又如何？呢度幾款拉麵都附有半隻溏心蛋(👍)，絶不欺場！辛辣拉麵辣度夠、濃香櫻蝦油拉麵超多櫻花蝦，鋪滿成個拉麵碗(有圖有真相)，仲有兩大皮厚切叉燒，肥肉多入口爽嫩，比起好多所謂得奬拉麵店有過之而無不及。講真，$70+ 有咁高質素真係好抵食！小食方面，好多人會點煎餃子、雞軟骨棒！後者配合沙律醬，軟硬雞肉連骨有咬口，如果佐酒就一流，可能新開未有酒牌，飲住波子汽水先，也不錯，獨特樽身令我諗番起初戀女友，卡娃兒呢！👩

吃慣了連鎖拉麵店的拉麵，今天經過得寶商場，難得發現一間拉麵小店，決定試一試。除了拉麵，還有沾麵，麵的款式共有8款。2款小食。店員都很貼心，講解各款麵的特色。白湯豚骨拉麵豬骨湯底雖然白色，卻很濃郁。麵質選了適中，份量也不少，豚肉軟綿綿的，流心蛋很滑，十分美味。名古屋二郎系拉麵選了加一隻流心蛋，這款有較多椰菜，適合喜歡吃蔬菜的女生，同樣地有兩片豚肉，半肥瘦的，加上其他配菜，很豐富呢雞軟骨棒這個挺驚喜的。外表像蛋捲，裏面有一粒粒雞軟骨，很有口感！

第一次食沾麵 頗滿意呢個辛辣沾麵唔太辣，我都接受到，湯底好濃郁😍，麵條掛汁力強👍🏻不足之處係湯唔夠熱叉燒韌，溏心蛋唔錯，如果再生少少就完美煎餃子朋友食的，好似好脆咁，而且一d都唔油，感覺不錯魚介豚骨沾麵唔太食得出有魚味同豬骨味 反正就係好濃味 呢個湯更熱 我就飲左幾啖湯都唔覺得口乾👍🏻叉燒有d韌 糖心蛋OK嘅 麵嘅份量都OK👍🏻鍾意拉麵嘅朋友我覺得值得試試 白湯豚骨拉麵 加左叉燒麵條冇沾麵嘅麵條好味，不過都ok，湯都好濃，好似有d騷，不過我反而覺得幾好，同沾麵個兩款湯有得比美

响得寶商場買完一大袋零食，順便行吓揾吓嘢食至返屋企。而呢間拉麵店我之前都冇見過，於是行咗過去食番餐先。因為土地問題，所以舖頭都係半開放式，一邊係 bar 枱，另一邊係卡位，所以坐起上來比較親密。地方小小，所以餐牌的選擇比較簡單，拉麵和沾麵各 4 款，仲有兩款小食同飲品供選擇。白湯豚骨拉麵呢碗拉麵的湯底夠哂濃，麵底亦都煮得夠腍，仲有兩大塊都唔薄的日式叉燒，味道算是不錯。濃香櫻蝦油拉麵呢碗拉麵除咗湯底濃，櫻花蝦係鋪到成個碗面都係，看起來相當吸睛。而且櫻花蝦令到成個麵增添了不少香味和咬口。雞軟骨棒呢兩條雞軟骨棒的外層有打碎咗的雞肉，包住雞軟骨製成肉串，外軟內硬，而且入口暖笠笠。

有個住得寶的朋友話樓下有間拉麵店幾好食，所以住附近的我又去試下，7點左右來到拉麵店不用等位，即刻入去坐低。位置不多，但都有很多人來嚐鮮！Menu有拉麵和沾麵可以揀，所以叫了各一個，試試兩款不同的麵。我的拉麵: 特濃豚骨沾麵 $68因為我比較喜歡濃味的食物，所以叫了這個特濃豚骨沾麵。豚骨湯真的非常濃郁，味道有層次，配沾麵吃真的超！好！吃！叉燒唔會太多肥肉，爽口，豚肉味好濃厚。拉麵是粗的，我選了標準，軟硬剛剛好，好爽口彈牙。讚！朋友的拉麵：名古屋二郎系拉麵 $63豚骨湯底有好濃郁的豬骨味，但唔會話好咸同好油，店員就話會比白湯淡少少，所以湯可以飲。拉麵質素一樣好好，好彈牙。這拉麵有芽菜，蒜頭和椰菜，但沒有糖心蛋，所以加了一份，因為糖心蛋幾好味！餃子煎得好，好幾香，味道也不錯，不用沾醬也好吃。雖然香港好多拉麵店，但這間真心好食又便宜，我認為是這區最好食的拉麵。

之前聽朋友介紹話牛頭角得寶商場開咗間新嘅沾麵店有近我返工嘅地方所以放工就同同事過嚟試試。店舖門面好簡單，好似一般嘅拉麵譜咁樣顏色已沉色為主，店舖都好乾淨整潔，有一個好大嘅布招牌係個鋪面度。餐牌上面有八款拉麵，款式唔算多。因為我成日食豬骨湯拉麵所以今次揀咗個魚介豚骨沾麵，我朋友就叫咗個濃香應櫻花蝦油拉麵，另外我哋仲叫咗個雞軟骨棒，同波子汽水。我朋友嗰個櫻花蝦油拉麵＄73，上面真係沈左好多櫻花蝦喺度，啲湯都係充滿着櫻花蝦嘅味道。我試咗一啖，起初會覺得個湯會好濟，點知食落又唔係。如果你鍾意食櫻花蝦嘅可以試吓呢個拉麵，真係唔錯。到我個魚介豚骨沾面＄68，賣相唔錯，上面有兩塊叉燒＋1個青檸同埋幾件日本筍喺度。佢沾面有分凍同熱，我揀咗凍嘅，不過其實揀熱好啲，因為凍面會令到啲熱嘅湯凍左咁就唔係咁好食。首先係啲面上邊加啲青檸汁，好新奇嘅食法可能係我第一次食Jim面。試咗一啖湯， 味道好特別，除咗有魚同埋豬骨嘅味之外有一陣酸酸地嘅未，老闆話加左少少昆布醋喺裏面(應該係枱上面個支），咁樣就令到個沾面汁更開胃唔會食到好滯。佢哋話日本人食沾面就好似當嗰啲湯係汁一樣咁食，跟住我用啲面點落啲湯度食，大家睇相可以見