一生懸麵

營業中

休息中

响得寶商場買完一大袋零食，順便行吓揾吓嘢食至返屋企。而呢間拉麵店我之前都冇見過，於是行咗過去食番餐先。因為土地問題，所以舖頭都係半開放式，一邊係 bar 枱，另一邊係卡位，所以坐起上來比較親密。地方小小，所以餐牌的選擇比較簡單，拉麵和沾麵各 4 款，仲有兩款小食同飲品供選擇。白湯豚骨拉麵呢碗拉麵的湯底夠哂濃，麵底亦都煮得夠腍，仲有兩大塊都唔薄的日式叉燒，味道算是不錯。濃香櫻蝦油拉麵呢碗拉麵除咗湯底濃，櫻花蝦係鋪到成個碗面都係，看起來相當吸睛。而且櫻花蝦令到成個麵增添了不少香味和咬口。雞軟骨棒呢兩條雞軟骨棒的外層有打碎咗的雞肉，包住雞軟骨製成肉串，外軟內硬，而且入口暖笠笠。