一生懸麵

營業中

休息中

住左九龍灣咁耐，從不愁冇野食，但是要找一D好有質素的食店，有時都要搭車出返銅鑼灣, 旺角果D旺區。在得寶附近竟然發現了一間日本拉麵小店在譚仔附近，有沾麵食!! 仲要睇落幾多人幫襯，我地都好耐冇食過沾麵了，一於就排隊入去試下啦~MENU是非常簡單，你可以極速揀到想食的拉麵，基本上選擇是取決於到底食沾輀好定食拉麵好~~~二話不說，不如一人叫一樣, 一個濃香櫻花蝦沾麵同一個白湯豚骨拉麵再交換試啦~小店得兩張4人桌同一排近廚房的拉麵吧枱, 鋪仔細細, 好有日本的感覺~話咁快就有得食了~ 未食已見到個豚骨湯幾咁濃郁呀! 個糖心蛋有半隻, 有水準的~我地揀左正常的硬度~我覺得幾爽口彈牙，個湯好香濃, CREAMY, 覺得咸左DD, 但是豚骨味肉味好夠，可能是個湯煲得耐蒸發左好多水分吧.至於個沾麵呢~~勁多櫻花蝦呀，多到每條麵都沾滿哂櫻花蝦, 脆卜卜咁~略帶蝦的鮮味同拉麵的配料是一樣的~都係有兩塊叉燒~仲有塊青檸, 在食麵之前渣D汁落去食，好清新的感覺~但其實沾麵個汁咁濃，食落唔覺有青檸味的~~個叉燒是燒烤過兩面的，香口得多~食落感覺冇咁肥哩~~~點左汁真係好好味呀~~湯底都是豚骨湯, 感覺濃度同湯

食過無數日本拉麵既我今次真係有重大發現！唔知大家有無去過九龍灣得宝既牛下新城，呢度最近就左一間好正既拉麵店叫一生懸麵。第一次望到佢個餐牌就留意到天然豚骨四個大字，於是就平平地試下個白湯豚骨拉麵。（63$）拉麵唔使5分鐘就有得食我習慣第一件事一定飲啖湯先既，小小偏咸但好夠熱，好濃好有豬骨味配料有火炙叉燒，肥瘦均云半熟蛋軟滑濃厚竹筍就偏酸👌另外有些小木耳和京葱總括來說真的很有水準，特别系個湯底，有心機的制作，在九龍灣真是難得的美味拉麵，不過如果有提供冰水或者冰茶會更加好

牛頭角得寶商場有一個牛下商城,入面有好多懷舊裝飾,影相行街真係唔錯,雖然係牛頭角,但搭港鐵係九龍灣站出, 行去大約10分鐘。今晚放工與同事去附近搵食, 之前已經見到開左一間新的拉麵店,未到晚飯時間,又無乜人,今晚一於去試下。小店叫, 坐位唔多, 有4人座位或面向廚房的位置, 我地選擇左4人座位, 小店裝修簡單。每人一張落單紙, 再有個餐牌比你睇清楚。小店餐牌內有拉麵和沾麵各有4款, 小食2款及飲品, 價錢唔貴。我地揀選了 :濃香櫻蝦油拉麵 $73麵的硬度揀左 一上枱,見到大量的櫻花蝦,小店完全唔孤寒,櫻蝦有少許鹽味,豚骨湯底好香亦好濃, 櫻蝦浸一浸湯再食,更加入味! 麵底選擇了, 夠彈牙又唔會過淋。魚介豚骨沾麵 $68選擇了 (熱底/不要荀/麵的硬度是標準)欣賞職員細心解釋沾麵食法, 以免方法錯誤, 今次麵底第一碗粗身, 叉燒有2片,雖然薄身但肉質不錯,份量亦好多。另外再要了2款小食 :煎餃子 $25 5隻餃子可以煎至無油, 唔會油膩, 我無沾醬油, 用來沾湯也不錯雞軟骨棒 $25有2支, 雞軟骨棒密度高, 啖啖有肉有軟骨成份, 表面放了京蔥及沙律醬更惹味。雖然店子小小, 座位不多,

美式快餐係漢堡包薯條，港式快餐我會諗起車仔麵。日式不能缺少曰本拉麵。日本不同地方拉麵都不同。近日，我家附近開了一家拉麵店，我同屋企日放工試試。地方小小，五臟俱全。有bar 枱仲有四人位。款式無連鎖式拉麵多，我相信是保持出品質量。麵主要有沾麵同拉麵選擇。我選擇濃香櫻蝦油拉麵（$73）佢有流心蛋😋、荀、豚肉片、櫻花蚾。除了濃厚豚肉湯底混合🦐仔鮮味再有醬油，令湯底生色不少。豚肉肥瘦適中。麵份量又剛好，我相信料理師傅落左好多心機。我朋友喜歡吃淡味拉麵,我相信白湯豚骨拉麵（$63）會是你們選擇。除流心蛋、豚肉片、筍外仲有雲耳絲。朋友說幾好食。另外，我們仲吃了小吃煎餃子（$25），個皮煎得脆同熱，餡料啖啖肉，雖然不算多肉汁，味道不錯。

跟太太小友三人行。三人蹓至得寶淘大一帶，看到這一間好像新開不久的拉麵店。望望價位，好像不太貴頗合理的。來幾碗當成今天的晚餐，剛好....太太吃的是最普通的白湯豚骨拉麵(因最便宜嘛)，而小友點的名古屋二郎系拉麵，菜蔬與麵份量偏多，但他竟然都可輕易KO掉，所以也不便與他爭食了....至於我吃的，當然是我最愛的TSUKEMEN....濃甜的豚骨湯上舖滿著滿滿的櫻花蝦，甜鮮度因而又提昇了。湯本身蠻杰稠的，用來沾麵掛湯力甚強的....麵本身爽彈度個人認為可以再做得更好一點，現在是偏淰了；而蛋的蛋黃也營造不出流心帶甜香的效果....反而叉燒就弄得很好了 ---- 肉相當軟滑且帶油脂甘香，軟綿綿的用口嚼來極令人受用....餃子睇上去漲卜卜的甚不錯，但咬下去蒜香不強且肉饀不見十分JUICY，皮亦處理得不見很香脆....話雖如此，但能在一向較少找到有正宗日式拉麵專門店的九龍灣區來講，有得吃已是一件樂事來了....

貴為美食之都的香港，其實可吃到的好西實在種類繁多。然而，亦離不開粥、粉、麵、飯、豬、牛、羊、雞、海鮮...等等。早前因 U Magazine 報導，因此慕名而到牛頭角嚐一碗拉麵。濃香櫻油拉麵 $73拉麵成濃烈的橙紅色櫻花蝦份糧相當驚人奪目。給端上的時候，櫻花蝦味經已搶鼻而來。湯頭富膠質，櫻花蝦味，豐厚濃郁。玉子微彈，如可流心，效果更加佳。麵底用上日式蛋白麵。作為拉麵控，硬是要將飯麵相比，我想我還是會一生懸麵 。

有感近來不少新開的拉麵店都選擇在非熱門市區開店, 除了早陣子有不少湧進了元朗之後, 屯門, 大埔, 紅磡甚至是跑馬地都成為拉麵店主的心水地點. 雖然對於我等路冒來說每次試新拉麵都要山長水遠去, 但同時也道出了一點: 只要是好吃的拉麵, 無論地點有多遠, 總是會有捧場客的. 因為吃過幾家不在熱門區, 也還是一樣大排長龍. 而這次來到九龍灣牛頭角一帶, 雖然這區本身早巳有好幾家拉麵店, 但水準都幾參差, 而最新就有這一家一生懸麵進駐了牛頭角得寶商場, 馬上找個時間來試試! 從前的牛頭角得寶商場其實有點像死城一樣, 只是有家超市多一點人氣. 不過近年這邊開始逐漸番新, 除了引入不少知名連鎖食肆及特色小店之外, 更花費不少來把商場內打造成懷舊牛下的場景, 吸引了不少年輕人過來. 不過在牛頭角這區, 拉麵店始終比較少, 先不說宅麵這家個人覺得是終極的伏店, 要吃水準好一點的似乎就只能遠一點走去仍算新開的那家丸京拉麵了. 所以早前知道得寶商場內開了家沾麵店, 馬上走過來試試.最初聽名字原以為這家一生懸麵是跟日本神戶那家同名的有關連, 不過來到看看招牌及麵款, 兩者應該沒什麼關係的. 店子位置是有

今天看到u-magazine介紹一生懸麵，被相片吸引，決定要去試試，我大約七點半左右到，雖然很多人在排隊，但為了吃我很喜歡的沾麵，很值🉐️等👏試了後，麵質有咬囗，細問之下，原來是老闆每天自家製造的，湯底亦非常濃郁也試了餃子，很好吃，價格亦合理，以後可以在家附近食到甘正宗嘅日本沾麵，太幸福啦

剛剛星期日，約左朋友得寶食野傾計。本身想行去FoodCourt搵位，但見新開既一生懸麵，心動想試下。見價錢around $63-80內，以拉麵店黎講，依個價是正常價以下，所以都想支持下小店既小本經營。近排西港城雪糕事件，令我覺得大霸太過份，良心執業者是要大家支持！廢話少說，因為我地遲食lunch 所以當時唔係好多人，不用等位；如果是peak hours 應該要等。裝潢是簡約日式系。食物點了「特濃豚骨沾麵」，朋友點了「濃香櫻蝦油拉麵」，另外加了餃子及雞軟骨棒。特濃豚骨沾麵叫了軟麵，不知道是不是這個關係，沾麵好容易掛到湯，湯汁沒想像濃味，但後來發現應該時刻意處理，因為要吃下整碗，太濃味的話會很膩，現在的反而剛剛好。所以最後我係KO左整碗沾麵！會再Encore沾麵。對了，也加了紫菜，整體層次感增加。濃香櫻蝦油拉麵我就冇食到，因為近排食左好多海鮮（也忘了影相⋯⋯）但我見d店主不吝嗇放櫻花蝦，問朋友會不會太濃，說很香很香！大家如果想要鮮香味，可以點這款。另外想讚下個雞軟骨棒，佢個樣勁似玉子燒，初時以為係一粒粒咁，原來是有玉子，而餡料是雞軟骨！（都係唔記得影相）這個很好吃很有口感，有驚喜！餃子就正

得寶商場翻新後，多間特色食店進駐商場，今次我先試下呢間日式拉麵店，店名叫「一生懸麵」，主打日式沾麵。我在非繁忙時間去，所以不用等位。但店面細，只有十幾個位，繁忙時間應該要等位。我今次叫左櫻花蝦沾麵，雞軟骨串。櫻花蝦沾麵賣相一流，櫻花蝦都唔少，麵汁濃郁，麵條彈牙，叉燒、雞軟骨串同其他配料不錯。可惜餐廳現時款式不多，只有數款沾麵/ 拉麵/ 小吃，希望日後菜式可供選擇！！P.S. 餐廳的師傅好似TXB 7點劇中的高陽王😍

在九龍灣牛下新城開左間新日式拉麵店，主打食日本沾麵！因為未食過，所以見到就入去試下。先講店舖環境，雖然店舖細，座位不多，但坐落又不會太迫👌🏻至於服務方面，枱面有檸檬水供應；落單同上菜都好快手，唔洗等好耐就有得食👍🏻而食物方面，我今日試左"特濃豚骨沾麵",叉燒很淋，又有肉味；但溏心蛋我就嫌熟左dd. 重點的特濃豚骨沾汁，我十分喜歡，味夠濃而又不會太咸，最怕d 湯有好多味精，食完要飲好多水😋😋總結：值得一試再試，下次想食"濃香櫻蝦沾麵"!

普通拉麵就食得多，沾麵就第一次食，所以都滿有期待！我約晚上9點多去幫襯，由於店面細，只有十多個位，所以都要等等，不過好快就有位。今次試左特濃豬滑沾麵（熱食）同煎餃子。煎餃子、特濃豬骨沾麵的叉燒&溏心蛋都不錯。但更值一提嘅係呢度d 麵有得選擇軟硬程度，今次我揀左"標準"。熱辣辣的麵沾上特濃豬骨汁後，麵條就吸滿了特濃豬骨汁，味道食落比起平時食的湯拉麵更濃，更有咬口，更Juicy, 因為平時d 麵"浸"在熱湯內會好快淋。。。所以現在一邊同朋友吹水，一邊食都唔怕一生懸麵係小店經營，見兩位師傅密密手做，而坐落的牛下新城仲有好多其他小店，之後有機會會再次幫襯！

細細個已經係牛頭角四圍蒲...安基苑、淘大、德福 ... 但就係過門而不入得寶商場！！近日老友話得寶商場TBG Mall開左間拉麵店，近近地不如去試下。當日相約去拉麵店等 ，入左商場經過惠康，再入Foodcourt，左望右望就係見唔到拉麵店，原來間舖正正係海景粥店後面(係大街入口一入就見到)。間舖細細間一眼睇曬，一排吧枱再加4張大2人枱。當日雖然係下午茶時間，都有兩枱人分別係吧枱同2人枱。一坐低即時望下有咩食😎 四款拉麵＋四款沾麵＋兩款小食，簡簡單單唔多選擇，特別在舖頭細細竟然有沾麵。老友話香港唔係好多地方有沾麵食，一定要試下。我就冇咩興趣，因為話說有一次係銅鑼灣登龍街一店食過，味道太濃唔係我口味😕。我有個習慣，每次去試拉麵一定叫豬骨＋煎餃子😋 豬骨拉麵 湯底清清地唔油腻，兩片叉燒肥瘦適中，再加半隻半熟蛋 ，正👍🏻 如果隻蛋生d，再加送紫菜會仲吸引。thx 煎餃子 一碟$25蚊五隻，價錢超抵👏🏻👏🏻👏🏻d餃子望落好乾身唔油，好脆口，super like 😊至於老友試食左沾麵，侍應話麵底可以選擇熱身或凍身，但建議客人試凍身。老友試左話個湯好熱辣辣，湯底唔'杰'唔太濃，好好味。下次一定

平時食沾麵都係去銅鑼灣，屋企附近終於有間似樣既日式沾麵食啦。之前去得寶食譚仔無意間發現呢間隱世拉麵店。一直都好想試，趁今日下午茶時間人唔多可以去食個下午茶沾麵奢侈的享受其實除左沾麵佢仲有熱辣辣既拉麵簡，真係好想試哂佢今次選擇左試佢既魚介豚肉沾麵，個湯熱到辣咀，正好香同濃郁既魚介湯底，加上少少甜白葱我連湯底都飲哂！我簡左凍既麵條，麵條相對爽身，放入熱辣辣既濃湯，相當掛湯本身麵已經附送半隻半熟蛋，好味！豚肉有輕輕火炙過，好香口，肥瘦適中！店員仲提我加少少青檸，原來加左小小清新既酸檸好好味見到師傅一人包辦廚房都好辛苦，一間拉麵小店有如此既道地日式風味，令人一試難忘，支持支持！

今日同閨密們短聚,去了我們的老地方九龍灣，試試得寶新開既拉麵舖，一睇menu, 櫻花蝦my favourite!!!!!! 已經睇唔到其他拉麵，另加$25 要左5隻餃子。食後評價：- 賣相不錯- 麵質不錯- 湯底好rich夠濃- 最欣賞係個幾塊叉燒，出面個d多數都「孩」- 夠多櫻花蝦，呢下最like 我係一隻不留地食晒- 餃子就中規中舉，朋友叫左個雞軟骨棒我痴黎試，好好味噢服務方面：- 時間方面正正常常，不用等太耐；- 乾淨企理；- 侍應服務都不錯- 如果可以有生蒜自己夾蒜蓉件事更加perfect整體評分不錯，下次想食拉麵或係老地方搵食會再黎！