一生懸麵

營業中

休息中

平時食沾麵都係去銅鑼灣，屋企附近終於有間似樣既日式沾麵食啦。之前去得寶食譚仔無意間發現呢間隱世拉麵店。一直都好想試，趁今日下午茶時間人唔多可以去食個下午茶沾麵奢侈的享受其實除左沾麵佢仲有熱辣辣既拉麵簡，真係好想試哂佢今次選擇左試佢既魚介豚肉沾麵，個湯熱到辣咀，正好香同濃郁既魚介湯底，加上少少甜白葱我連湯底都飲哂！我簡左凍既麵條，麵條相對爽身，放入熱辣辣既濃湯，相當掛湯本身麵已經附送半隻半熟蛋，好味！豚肉有輕輕火炙過，好香口，肥瘦適中！店員仲提我加少少青檸，原來加左小小清新既酸檸好好味見到師傅一人包辦廚房都好辛苦，一間拉麵小店有如此既道地日式風味，令人一試難忘，支持支持！