一杯鐵板燒居酒屋

營業中

休息中

之前有行過門外，見到好多人排隊所以都無等位但一直心掛掛想睇下點解咁多人黎食，見今日早收工就黎試下啦。店內裝修好有日本風味亦有居酒屋的感覺，感覺舒服，好多都三五成群黎食。菜單的都好多元化，好多串燒，壽司類，價錢唔平但質數應該唔錯。今次叫左個雜綿壽司，燒餅，冷麵，由於價錢唔平情況下，留手叫左比較上飽肚既野。雜綿壽司有10件，每件不重覆而且用料新鮮，魚生的類別好特別，有別出面日式店來來去去果幾款～每款壽司飯的比例相對較少，可以細意品嚐魚生的鮮味。冷麵是一般的日式冷麵，沒有獨大評價。燒餅方面是廣島燒，用左大量椰菜同豚肉配搭，上台時燒餅仍然熱辣辣同有厚度，相當吸引。總括，個人感為食材用料方面十分優質，以這樣的價錢亦為合理。如果想食上等材料的日式居酒屋風格，不防試下。

食左第一次，已經覺得唔好食，大把日本餐廳好過佢，不過我都比多次機會佢，食左第二次，水準keep到重點係魚生唔新鮮，唔明點解咁多人話好食。。。。。失望仲要排長龍喎，唔明有咩咁值得排，而家係香港做食肆，間間都要排唯一係餐廳環境ok囉！ 但野食唔得，講咩都係假！

食品: 鮮魷魚山竽關西燒🐙🍳（$78）一向不太好日式燒餅的我 很怕燒餅太多麵粉 或者是太乾身或太淋 所以我從來很少吃或推介燒餅 唯獨這一間 是我目前為止在香港吃過味道和性價比最好的一間一杯的燒餅主打是關西燒(konomi-yaki) 可以自選配料 配料包括白身魚🐟 鮮魷魚 雞肉🐓 芝士 牛筋 山竽 豚肉 🐖 辣泡菜 小貝柱 蝦仁 配料可選一品（$55） 二品（$78）三品（$98）這次點了二品 選了鮮魷魚和山竽 關西燒香口 菜和麵比例約1:1 口感不會太乾身 不用再多點醬 而且菜多汁甜美  加上醬汁 配料 菜和麵既比例好 每一口都可以吃到所配料 抵讚一杯除了關西燒做得特別出色外 其他食品都頗有水準 如刺身🐡 壽司🍣 串燒🍢 另外 如果想享受一下高級少少既食材 可選擇坐壽司吧枱 師傅會推介時令食材同介紹hidden menu 個人認為 以連鎖食店來說 他們既大師傅對魚類食材知識水準不錯 亦都細心同顧客講解 **注意: 此店長期大排長龍 繁忙時間普遍要等1小時或以上 建議大家晚飯時間可以7:00前或9:30後試一試

啲人遊下遊下！無人起門口，咁就自己行幾步睇下點，幾個服務員行過無理你，枱有枱空，又有一個疑似店長既人叫番出去門口等……態度吾好！未入嚟覺得環境ok，又話營業到十二點，咁就惗住來一試……點知起門口就有惡劣既對待都未入店就畀人服務差既感覺，睇來店長就係吾用心做服務……如果食物質素很好，至會考慮再來。食物一般，係果種日本菜落戶港式，真奇怪，十二點關門，十點五十分就話 last order！又話要早啲畀員工清潔……跟住就話早啲埋單！店長管理……一個差字

今次12點嚟到一杯鐵板燒居酒屋，終於唔使等位可以試到入去感覺很好，坐得好舒服，服務員相當有禮貌！ 餐牌選擇好多，都好多套餐選擇，啱晒一家大細嘅朋友！三文魚刺身（必食）目測有6cm 厚，香濃新鮮嘅魚味，唔使嗌到魚腩都覺得超正！ 黎到真係要試試佢地嘅刺身生薑豚肉石鍋燒飯（推介）分量真係勁大碗，勁足料！一上枱服務員即幫我們攪拌！飯焦同肉汁剛好，日本米飯配上濃郁的生薑及蔥香味道，性價比極高凍蕎麥面蕎麥醬汁較為清淡，加上蕎麥面汁較硬需要浸耐啲先上味！

同之前尖東個間水車屋一樣，如果大家食個水車屋知咩事啦！一間玩噱頭野！一杯鐵板燒居酒屋茶餐廳價錢，茶餐廳食物，無 service ！相比喜來尖沙咀登雲海日本料理，尖沙咀六本渥日本料理鐵板燒，同黃埔海逸爐端燒無得比！雖然其他幾間日本料理會較貴，但食物質數一定好好多，所以話一分錢一分貨，唔怕貨比貨，最怕唔識貨。可一不可再

難得好友放假黎觀塘找我食lunch，朋友說想食日本野，所以就選擇了這家「一杯」食午餐我朋友12點左右到了，先入去坐下不用等位！！我們點了兩份定食：（定食包括了前菜、飯、湯）燒鯖魚定食鯖魚是即叫即整所以需時比較耐，都等了大約15分鐘！鯖魚燒得很好味，外皮香脆內軟😋😋😋比目魚定食，比目魚煎得剛剛好，肉質香嫩細滑，再加上配菜很豐富的午餐！服務員的態度都很好，有禮速度很快；環境舒適可以與朋友談天說地，有個愉快的下午。

如果要食一餐唔錯價錢又唔係太貴嘅日本嘢我諗都唔諗 隻腳不由自主就自己行嚟呢間嘢食十二點都未夠我已經出門口 十二點搭三四門口已經排緊隊門口嘅人龍其實話畀你聽呢間嘢真係幾掂先唔講佢嘅食物品質裝修同服務已經係唔錯唯一我想投訴嘅係佢畀客人飲水嘅杯係透明膠嘅用到舊同殘曬真係好核突同埋如果你趕時間嘅話就唔好喺度食啦因為佢真係師傅 有用心機做嘅同埋其實佢餐牌上面嘅圖同 真正食物上枱時候嘅分別真係好大吞拿魚飯我仲以為係吞拿魚蓉我自己就叫咗壽司套餐估唔到佢碗烏冬 上到嚟我見到心諗點食得曬咁多嘢呢碗烏冬就咁用 麵豉湯底烏冬又係真係幾彈牙嘅但係嗰日我真係肚餓食淨一塊卷咁啦你睇佢啲 魚生幾咁肥美油油潤潤咁啲飯又 捏得唔錯

中午吃到了位于观塘apm的一杯，人气很旺的一家日式餐厅。这里环境干净，服务态度良好，我们点了这里非常有特色的名代关西流，里面包着各式菜肉，非常可口，还有炸饺，寿司拼盘都是不错的选择，最推荐的还是这里的肉串，食材及佳，新鲜滑嫩，我们点的牛肉串，鸡肉串还有鳗鱼串，每种肉串都值得尝试！

我有時候會和朋友一起去觀塘的一杯關西燒吃飯，不過因為價錢不便宜所以不是經常光顧。這次因爲信用卡優惠，原本500元的食物用300元的價錢就可以吃到，十分化算，所以我們決定一完要去。我們一行四人，今天點了之前沒吃過的菜式。蕃茄海鮮湯，濃濃蕃茄，湯料有蝦，帶子，硯，豆腐份量較多。鴨胸喬麥麵好香，湯底有點柚子味，挺濃郁，鴨胸大件份量多，不欺場鐵板炒菇，有白蘿蔔蓉，有點咸我們最喜歡的是這裡的一杯關西燒，所以點了兩個不同口味的牛油果蟹肉壽司，壽司面的牛油果入口即溶，每吃一件都好開心每樣食物都十分適合我們的口味，百吃不厭

星期日遇著打風，好在下晝已經落波，可以出街食飯。傍晚6點到，已經要攞飛等檯。等左大約半個鐘多少少，好肚餓呀，食多少少先。海鮮沙律（$93）：好大碟，份量好足，有三文魚、甜蝦，同好多沙律菜，要彈就係好快出水，底部變得水汪汪。鹽燒銀杏（$40）：同樣份量都幾多，健康餐前小食一碟，銀杏剝皮後點少少鹽吊味都唔錯。蟹肉忌廉（$63）：兩大個蟹肉忌廉薯餅，外皮脆而入面綿滑，正！關西燒二品（$78）：揀左山藥同豚肉做配料，都幾大件，又厚。燒餅上有蔬菜、自選配料、沙律醬等等，口感都算鬆軟。串燒：燒鵪春蛋（$25）燒露荀（$25）燒雞翼（$25）主要叫蔬菜類，即燒串燒都可以一吃，雖然相對冇上面幾樣咁抵食。銀雪魚西京燒（$158）：銀雪魚表面焦焦地色，魚肉有淡淡味噌甜味，我地欠的只係一碗白飯！估唔到呢度份量都幾足，以上食物足夠3個人黎食都仲得呢！我同老婆就食到超飽了。

Definitely HK style, including services.Nothing to comment as I prefer friendly service and will try other

依個lunch 都好趕, 我先去左觀塘整D野,之後再會合同事去APM.同事幫忙等位, 所以慳返D時間之前聽人講依間食肆既食物唔差, 不過都未有機會黎~今次同事揀左就可以試下勒~我點左個豚肉炒面定食, 先黎個沙拉前菜. 其他蔬菜沙拉就應該無咩好講, 不過佢懂得運用多一點點不同又少見既食材, 豐富左個沙拉.就係上面個D一條條, 透明既海藻, 唔好意思, 我林黎林去, 都係林唔起個名依D透明既海藻無咩味, 但咬落好爽脆, 令我林境係沖繩食既海葡萄另外, 佢配既麵鼓湯都幾多材料, 最令我覺得佢有自己既特色係我食到煲林左既大蒜.加左大蒜既湯, 除左令碗湯甜D之外, 又多左D野咬下~主菜豚肉炒麵, 一上枱, 有D驚訝都幾大碟!旁邊配左D紅薑, 都幾辣, 鍾意食辣既人可以混埋一齊食~佢係炒都上洒左D紫菜粉, 加添香味~D豚似都幾林, 調味唔錯, 不過D麵就林左DD

今次二人都想食日本菜，不過呢又唔想食太多嘅生食，所以呢就呢間啦！其實好耐之前都嚟過㗎喇！不過，印象就只係貴夾唔抵食，咁今次就嗌咗個飯，佢最出名嘅就係嗰個類似燒餅嘅關西燒啦，串燒，最後就因為唔夠飽就嗌少少壽司啦！同埋嗌咗個炸豆腐。整體上，食物就普通啲，畀我就未必下次再來食。環境方面，入到去坐都幾舒服！服務態度就非常好！但係食物方面，個關西燒住就比想像中失望，一食落口，唔知點解就係失望感覺！豆腐就比較乾呀！食得一嚿都唔想食啦！咁串燒就普普通！最後就個石頭鍋飯都係普普通通。壽司，本身就唔係menu裏面，如你要叫，就咁叫啦，咁想知價錢呢，就要問下的服務員， 佢就會幫你去check一check ，咁呢度就唔係太方便呀！所以話兩人傾偈係一個好地方，但係你想食靚、食好的話，本人就覺得普通啲啦！

同男朋友二人今晚都想食日本菜 係觀塘區想搵間好少少既日本餐廳都唔係咁易 係大商場內既一杯算係唔錯既選擇 不過等位真係等好耐呀 好彩唔係好餓咋 如果唔係實等唔到星期五晚梗係要飲下酒開心下 叫串燒牛舌同炸蝦送下酒確係一流今次哩款白身魚個口感麻麻地 我鍾意食爽爽地有啲咬口既 哩個就偏淋 未知係邊種魚第一次食哩個八爪魚 幾有驚喜 有去左食會席料理啲頭盤既感覺 酸酸地好開胃唔記得咩牛肉燒 係炒牛肉黎 賣相不討好 但食落去真係唔錯 啲牛肉都幾濃牛味 大量翠玉瓜同本菇 保持返營養均衡慣左要有啲熱湯暖下肚 其實味道係幾好架 不過我唔明點解唔係珍珠米黎既